1. NAFARROAKO FORU KOMUNITATEA
1.3. LURRALDEAREN ANTOLAMENDUA ETA HIRIGINTZA
22E/2026 FORU AGINDUA, martxoaren 8koa, Lurralde Kohesiorako kontseilariak emana, zeinaren bidez behin betiko onesten baita Murchanteko Udal Plan Orokorraren aldaketa, lurzoru urbanizaezinen kategorizazio aldaketari eta baimen araubideari buruzkoa, La Torre alderdian, Murchanteko Udalak sustatua.
UDAL PLAN OROKORRA ALDATZEKO ESPEDIENTEA |
Izapidetze fasea: behin betiko onespena Azalpena: lurzoru urbanizaezinen kategorizazio aldaketa eta baimen araubidea Udalerria: Murchante Kokalekua: La Torre alderdia Eremua: lurzoru urbanizaezina Sustatzailea: Murchanteko Udala Hasierako onespena: 2021-06-30 NAO: 2021-08-02 Behin-behineko onespena: 2023-03-30 Behin-behineko onespena: 2023-12-05 Sarrera departamentuan: 2025-10-06 Erregistro zk.: 1322230 Aplikatu beharreko araudia: Lurraldearen Antolamenduari eta Hirigintzari buruzko Foru Legearen testu bategina, uztailaren 26ko 1/2017 Legegintzako Foru Dekretuaren bidez onetsia. 253/2019 Foru Dekretua, urriaren 16koa, Nafarroako Planeamenduaren Erregistroa eta Nafarroako hirigintza eta lurralde plangintzarako tresnak aurkezteko formatua arautzen dituena. |
Murchanteko Udalak idazpuruan azaltzen den espedientea aurkeztu du Lurralde Kohesiorako Departamentuan, behin betiko onets dadin.
Espedientearen xedea da lurzoru urbanizaezinaren kategorizazioa eta araubidea aldatzea Murchanteko udal-mugarteko La Torre alderdian.
Ingurumeneko zuzendari nagusiaren abuztuaren 12ko 735E/2024 Ebazpenaren bidez, ingurumen txosten estrategikoa egin zen Murchanteko Udalak abeltzaintzako instalazio berriak baimentzeko sustatu zuen Murchanteko Udal Plan Orokorraren aldaketa egituratzailearen gainean; txostenean ondorioztatu zen ez zela ingurumen ukipenik eragiten.
Ebazpen hori 2024ko 176. Nafarroako Aldizkari Ofizialean argitaratu zen, abuztuaren 29koan.
Ikusirik aurkeztutako dokumentazioa, bai eta Lurralde eta Paisaia Zerbitzuaren txostena ere, bidezkoa da espedientea behin betiko onestea.
Azaldutakoarekin bat, eta Lurralde Kohesiorako Departamentuaren egitura ezartzen duen azaroaren 15eko 249/2023 Foru Dekretuan xedatutakoari jarraikiz,
AGINTZEN DUT:
1. Behin betiko onestea Murchanteko Udal Plan Orokorraren aldaketa, lurzoru urbanizaezinen kategorizazio aldaketari eta baimen araubideari buruzkoa, La Torre alderdian (Murchante), Murchanteko Udalak sustatua.
2. Foru agindu hau espedientearen sustatzaileari jakinaraztea eta Ingurumen Ebaluaziorako Atalera igortzea, behar diren ondorioak izan ditzan.
3. Foru agindu hau Murchanteko Udalera igortzea, jakinaren gainean egon dadin eta behar diren ondorioak izan ditzan, eta, zehazki, dagokion hirigintza araudia argitara dezan Nafarroako Aldizkari Ofizialean, hala, onetsitako hirigintza tresnak indarra har dezan.
4. Adieraztea foru agindu honek ez duela administrazio bidea amaitzen. Administrazio publikoak ez diren interesdunek gora jotzeko errekurtsoa jartzen ahalko dute, Nafarroako Gobernuari zuzendua, legezkotasunaren kontrolerako onespen egintza honen aurka, hilabeteko epean, foru agindu hau jakinarazi edo, hala badagokio, Nafarroako Aldizkari Ofizialean argitaratu eta biharamunetik hasita.
Eta onetsitako hirigintza araudiaren aurka administrazioarekiko auzi-errekurtsoa jartzen ahalko da, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean, dagokion udalak eskaturik, edukia Nafarroako Aldizkari Ofizialean argitaratzen denetik aurrera.
Administrazio publikoek administrazioarekiko auzi-errekurtsoa jartzen ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
5. Foru agindu hau Nafarroako Aldizkari Ofizialean argitaratzea, behar diren ondorioak izan ditzan.
Iruñean, 2026ko martxoaren 8an.–Lurralde Kohesiorako kontseilaria, Óscar Chivite Cornago.
Iragarkiaren kodea: F2604275
