1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
72E/2026 FORU AGINDUA, apirilaren 1ekoa, Kultura, Kirol eta Turismoko kontseilariak emana, kargutik kentzen duena Kultura, Kirol eta Turismo Departamentuko Idazkaritza Tekniko Nagusiari atxikitako Ekonomiaren eta Kontabilitatearen Kudeaketa Bulegoko buru Patricia Arriazu Ruiz andrea.
Funtzio Publikoko zuzendari nagusiaren otsailaren 18ko 529/2026 Ebazpenaren bidez, amaitu egin da administrari lanpostuko plaza batzuk lekualdatze-lehiaketa bidez betetzeko prozedura; Patricia Arriazu Ruiz andreari 2269 plaza hutsa esleitu zaio, Landa Garapeneko eta Ingurumeneko Departamentuari atxikitako Nekazaritza eta Abeltzaintza Zuzendaritza Nagusiari atxikitakoa. 2026ko apirilaren 13an jabetuko da plaza horretaz, eta horrek berekin ekarriko du Patricia Arriazu Ruiz andrea gaur egun betetzen ari den bulegoko burutzatik kentzea.
Nafarroako Administrazio Publikoen zerbitzuko Langileen Estatutuaren testu bategina onesten duen abuztuaren 30eko 251/1993 Legegintzako Foru Dekretuak hirugarren xedapen gehigarriko bigarren apartatuan xedatzen duenez, atalburuen eta bulegoburuen bitarte baterako izendapenak libreki errebokatzen ahal ditu erabaki hori hartu zuen organoak berak.
Horiek horrela,
AGINTZEN DUT:
1. Kargutik kentzea Patricia Arriazu Ruiz andrea, Kultura, Kirol eta Turismo Departamentuko Idazkaritza Tekniko Nagusiari atxikitako Ekonomiaren eta Kontabilitatearen Kudeaketa Bulegoko burua. Kargu-uzteak 2026ko apirilaren 12an izanen ditu ondorioak, eta horixe izanen da burutzan aritzeko azken eguna.
2. Foru agindu hau interesdunari jakinaraztea, eta Idazkaritza Tekniko Nagusiari eta Funtzio Publikoko Zuzendaritza Nagusiari igortzea, behar diren ondorioak izan ditzan.
3. Foru agindu hau Nafarroako Aldizkari Ofizialean argitaratzea, orok jakin dezan.
Iruñean, 2026ko apirilaren 1ean.–Kultura, Kirol eta Turismoko kontseilaria, Rebeca Esnaola Bermejo.
Iragarkiaren kodea: F2605450
