2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
LAPOBLACIÓN
Bake epaile titularraren eta ordezkoaren karguak hutsik
Deialdi bat iragartzen da, Lapoblación-Meanoko bake epaile titularraren eta ordezkoaren karguak betetzeko, betiere Botere Judizialari buruzko Lege Organikoaren 101. eta 102. artikuluetan eta Bake Epaileei buruzko ekainaren 7ko 3/1995 Erregelamenduaren 5., 6. eta 7. artikuluetan xedatuarekin bat.
Hamabost eguneko epea irekitzen da, iragarki hau Nafarroako Aldizkari Ofizialean argitaratzen den unetik aitzina, interesdunek eskabideak aurkez ditzaten udal bulegoetan; horietan, betiere, adierazi beharko dute betetzen dituztela erregelamenduak aipatzen dituen gaitasun eta bateragarritasun baldintzak.
Aditzera ematen da.
Lapoblación-Meanon, 2026ko martxoaren 26an.–Alkatea, Ernesto Apiñániz Remírez.
Iragarkiaren kodea: L2604783
