Iragarkia

66. ALDIZKARIA - 2026ko apirilaren 7a

1. NAFARROAKO FORU KOMUNITATEA

1.7. BESTELAKOAK

898/2026 EBAZPENA, martxoaren 16koa, Funtzio Publikoko zuzendari nagusiak emana, herri bakoitzeko herriko festetako zaindariaren eguna ezartzen duena Iruñean aritzen ez diren Nafarroako Foru Komunitateko Administrazioaren eta haren erakunde autonomoen zerbitzuko langileentzat.

Barneko, Funtzio Publikoko eta Justiziako kontseilariaren abenduaren 9ko 78/2025 Foru Aginduaren bidez, Nafarroako Foru Komunitateko Administrazioaren eta haren erakunde autonomoen zerbitzuko langileen 2026ko lan egutegia onetsi zen, eta haren 1.2 artikuluak adierazten du ezen, Iruñean lan egiten ez duten langileentzat, zer herritan lan egiten duten, jaieguna izanen dela Nafarroako herrietako 2026ko jaiegunen ebazpenean ezartzen den herri hartako festa eguna eta, gainera, zer herritan egiten den lan, herri horretako zaindariaren festak direla eta, hiru jaiegun izanen direla, herriko festek dirauten bitartean hartu beharko direnak, hau da, herriko zaindariaren eguna eta beste bi egun gehiago (horien artean, festak hasten diren eguna edo festaren bezpera). Beraz, horren ondorioetarako, bidezkoa da Funtzio Publikoko Zuzendaritza Nagusiaren ebazpen hau onestea, herri bakoitzeko herriko festetako zaindariaren eguna zehazteko, herri bakoitzean aritzen diren Nafarroako Foru Komunitateko Administrazioaren eta haren erakunde autonomoen zerbitzuko langile guztientzat.

Hortaz, Nafarroako Foru Komunitatearen esparruan 2026an ordaindu bai baina errekuperatu behar ez diren herrietako jaiegunak zehaztu ondoren Ekonomia Sozialeko eta Laneko zuzendari nagusiaren azaroaren 17ko 682/2025 Ebazpenaren bidez, bidezkoa da herri bakoitzeko herriko festetako zaindariaren eguna zehaztea. Izan ere, egun horiek oinarri harturik, eta aplikatuz Barneko, Funtzio Publikoko eta Justiziako kontseilariaren abenduaren 9ko 78/2025 Foru Aginduaren 1.2 artikulu horretan ezarritakoa, aste barreneko jaiegunak ezartzen dira Iruñean aritzen ez diren Nafarroako Foru Komunitateko Administrazioaren eta haren erakunde autonomoen langileentzat.

Horrenbestez, eta otsailaren 21eko 30/2005 Foru Dekretuak ematen dizkidan eskudantziak erabiliz,

EBAZTEN DUT:

1. Herri bakoitzeko herriko festetako zaindariaren eguna zehaztea, Iruñean aritzen ez diren Nafarroako Foru Komunitateko Administrazioaren eta haren erakunde autonomoen zerbitzuko langileentzat.

Iruñean aritzen ez diren langileentzat, herriko festak direla-eta jaiegun izanen dira Barneko, Funtzio Publikoko eta Justiziako kontseilariaren abenduaren 9ko 78/2025 Foru Aginduaren 1.2 artikuluan ezarritakoa aplikatzearen ondoriozko egunak, kontuan harturik jarraian ematen den zerrenda, kasuan kasuko zaindariaren eguna eta herria jasotzen dituena:

2. Nafarroako Segurtasun eta Larrialdi Eskolan aritzen diren langileentzat, eskolaren funtzionamenduaren berezitasunagatik, bai eta herri hauetan aritzen diren langileentzat ere, zaindariaren jaieguntzat hartuko da, herriko festak direla eta, Iruñerako ezarritakoa, hots, uztailaren 7a: Antsoain, Barañain, Berriozar, Atarrabia, Burlata, Zizur Nagusia, Zizur, Mutiloa, Sarriguren, Cordovilla, Elkano eta Imarkoain.

Aurreko paragrafoko salbuespena ez zaie aplikatuko liburutegien sarean aritzen diren langileei; izan ere, kasuan kasuko lantokiaren herriko zaindariaren jaieguna izanen dute, ebazpen honen lehenbiziko atalean ezarritakoaren arabera. Beraz, honako egun hauek hartuko dira zaindariaren eguntzat, herriko festak direla eta, herria zein den:

3. Oieregin lan egiten duten Ingurumena Zaintzeko Ataleko langileen kasuan, herriko jaietako zaindariaren egunari dagokion jaieguna izanen da Lesakako herriarentzat ezarrita dagoen egun bera.

4. Ebazpen hau Nafarroako Aldizkari Ofizialean argitaratzea, behar diren ondorioak izan ditzan.

Iruñean, 2026ko martxoaren 16an.–Funtzio Publikoko zuzendari nagusia, Gloria Arancón Largo.

Iragarkiaren kodea: F2604209