Iragarkia

62. ALDIZKARIA - 2026ko martxoaren 27a

1. NAFARROAKO FORU KOMUNITATEA

1.7. BESTELAKOAK

39/2026 EBAZPENA, martxoaren 10ekoa, Nafarroako Segurtasun eta Larrialdi Eskolako zuzendariak emana, zeinaren bidez ebazten baita 2025eko deialdi hau: gaitasun-probak, Nafarroako Foru Komunitateko ikuskizun publikoetan eta aisiako jardueretan sarrera kontrolatzen duten langileen gaikuntza eskuratzeko.

Barneko zuzendari nagusiaren uztailaren 14ko 8753E/2025 Ebazpenaren bidez onetsi zen 2025eko deialdi hau: gaitasun-probak, Nafarroako Foru Komunitateko ikuskizun publikoetan eta aisiako jardueretan sarrera kontrolatzen duten langileen gaikuntza eskuratzeko. Deialdi hori 2025eko 160. Nafarroako Aldizkari Ofizialean argitaratu zen, abuztuaren 12koan.

Segurtasun Politikak Garatzeko Zerbitzuko zuzendariaren urriaren 1eko 1023E/2025 Ebazpenaren bidez onetsi zen izangai onartu eta baztertuen behin-behineko zerrenda, deialdi honetan: gaitasun-probak, Nafarroako Foru Komunitateko ikuskizun publikoetan eta aisiako jardueretan sarrera kontrolatzen duten langileen gaikuntza eskuratzeko.

Segurtasun Politikak Garatzeko Zerbitzuko zuzendariaren urriaren 29ko 1114E/2025 Ebazpenaren bidez onetsi zen izangai onartu eta baztertuen behin betiko zerrenda, deialdi honetan: gaitasun-probak, Nafarroako Foru Komunitateko ikuskizun publikoetan eta aisiako jardueretan sarrera kontrolatzen duten langileen gaikuntza eskuratzeko.

Segurtasun Politikak Garatzeko Zerbitzuko zuzendariaren azaroaren 10eko 1138E/2025 Ebazpenaren bidez, akats bat zuzendu zen urriaren 29ko 1114E/2025 Ebazpenean. Ebazpen horren bidez onetsi zen izangai onartu eta baztertuen behin betiko zerrenda, 2025eko deialdi honetan: gaitasun-probak, Nafarroako Foru Komunitateko ikuskizun publikoetan eta aisiako jardueretan sarrera kontrolatzen duten langileen gaikuntza eskuratzeko.

Segurtasun Politikak Garatzeko Zerbitzuko zuzendariaren urtarrilaren 30eko 94E/2026 Ebazpenaren bidez, hamar egun balioduneko epea ezarri zen izangaiek froga zezaten deialdian ezarritako baldintzak betetzen dituztela.

Era berean, deialdiaren 8. oinarriak ezartzen duenez, aurreko izapidea bete ondotik, Nafarroako Segurtasun eta Larrialdi Eskolako zuzendariak ebazpen bat emanen du gai gisa kalifikatutako izangaien behin betiko zerrenda onesteko. Ebazpen hori Nafarroako Aldizkari Ofizialean argitaratu beharko da, dagokion gaikuntza ziurtagiria eman dadin.

Hortaz, Segurtasun Politikak Garatzeko Zerbitzuak 2026ko martxoaren 6an egindako proposamena aztertu ondotik, eta eskuordetuta dagozkidan eginkizunak erabiliz (oinarri hartuta Barneko zuzendari nagusiaren otsailaren 28ko 1771E/2024 Ebazpenean ezarritakoa, haren bidez Nafarroako Segurtasun eta Larrialdi Eskolako zuzendariaren esku uzten baita langileriaren eta kontratazio publikoaren arloko zenbait eskudantziaren erabilera), kontuan izanik Barneko zuzendari nagusiaren uztailaren 14ko 8753E/2025 Ebazpenean jasotako deialdiaren 8. oinarrian ezarritakoa,

EBAZTEN DUT:

1. Ebaztea 2025eko deialdi hau: gaitasun-probak, Nafarroako Foru Komunitateko ikuskizun publikoetan eta aisiako jardueretan sarrera kontrolatzen duten langileen gaikuntza eskuratzeko. Eta, hala, "gai" deklaratzea ebazpen honen I. eranskinean zerrendatutako izangaiak, deialdian ezarritako gaitasun-probak gainditu eta deialdian ezarritako baldintzak betetzen dituztela frogatu badute.

2. Prozeduratik baztertzea ebazpen honen II. eranskinean zerrendatutako izangaiak; izan ere, gaitasun-probak gainditu badituzte ere, ez dute frogatu beharrezko baldintzak betetzen dituztela, eta ezin dute gaikuntza eskuratu. Beraz, haien jarduketa guztiak baliogabetu dira.

3. Ebazpen hau Nafarroako Aldizkari Ofizialean argitaratu eta hilabeteko epean, dagozkion banakako gaikuntza ziurtagiriak ematea; hain zuzen ere, Jokoaren eta Ikuskizun Publikoen Atalera igorriko dira, behar den identifikaziorako bereizgarria eman dezan.

4. Ziurtagiri horrek bost urteko indarraldia izanen du, egiten den unetik hasita, eta hura berritzeko, berriro ere frogatu beharko da deialdiaren 2.1 oinarrian ezarritako baldintzak betetzen direla edo, dagokionean, indarrean dagoen araudian ezartzen direnak. Aurrekoa gorabehera, kontrol langile gisa aritzeko gaikuntza amaitu eginen da titularrak berariaz uko egiten badio edo, interesdunari entzun ondoren, ezeztatzen bada, hura emateko baldintzetako baten bat betetzeari utzi zaiolako.

5. Ebazpen hau Nafarroako Aldizkari Ofizialean argitaratzea, orok jakin dezan.

6. Ebazpen hau igortzea, behar diren ondorioak izan ditzan, Barne Zuzendaritza Nagusira eta Segurtasun Politikak Garatzeko Zerbitzura.

Beriainen, 2026ko martxoaren 10ean.–Nafarroako Segurtasun eta Larrialdi Eskolako zuzendaria, Ana Sánchez Chocarro.

I. ERANSKINA.–NAFARROAKO FORU KOMUNITATEKO IKUSKIZUN PUBLIKOETAN ETA AISIAKO JARDUERETAN SARRERA KONTROLATZEN DUTEN LANGILEEN GAIKUNTZA ESKURATZEKO GAITASUN-PROBEN 2025EKO DEIALDIA

Gai diren izangaien behin betiko zerrenda

II. ERANSKINA.–NAFARROAKO FORU KOMUNITATEKO IKUSKIZUN PUBLIKOETAN ETA AISIAKO JARDUERETAN SARRERA KONTROLATZEN DUTEN LANGILEEN GAIKUNTZA ESKURATZEKO GAITASUN-PROBEN 2024KO DEIALDIA

Izangai baztertuen behin betiko zerrenda, eskatzen diren baldintzak betetzen dituztela ez frogatzeagatik, deialdiaren 8. oinarrian ezarritakoarekin bat:

Iragarkiaren kodea: F2603881