1. NAFARROAKO FORU KOMUNITATEA
1.7. BESTELAKOAK
45/2026 EBAZPENA, martxoaren 9koa, Enpresen Sustapenerako eta Azpiegituretako zuzendari nagusiak emana, zeinaren bidez onartzen baita Corellako udal mugarteko 875 kW-eko "IFV Corella" eguzki-instalazio fotovoltaikoaren eta haren eraldaketa- eta ebakuazio-azpiegituren administrazio baimenaren espedientean atzera egitea. Espedientearen kodea: 5103-CE.
Sektore Elektrikoari buruzko abenduaren 26ko 24/2013 Legean eta Energia elektrikoko instalazioen garraioko, banaketako, merkaturatzeko eta hornidurako jarduerak eta baimen prozedurak arautzen dituen abenduaren 1eko 1955/2000 Errege Dekretuan ezarritakoarekin bat etorriz, 2020ko abenduaren 4an aurretiazko administrazio baimena eta eraikitzeko administrazio baimena eskatu zituen Chilos Solar 2 SLk, lurrean jarri beharreko 875 kW-eko (998,76 kWp) "IFV Corella" eguzki-instalazio fotovoltaikoaren eta haren eraldaketa- eta ebakuazio-azpiegituren proiekturako, Corellako udal mugartean.
Energia, Enpresen I+G+b eta Ekintzailetzako zuzendari nagusiak otsailaren 20an emandako 17/2024 Ebazpenaren bidez, aurretiazko administrazio baimena eman zitzaion Chilos Solar 2 SLri, 875 kW-eko "Corella IFV" eguzki-instalazio fotovoltaikorako, Corellako udal mugartean. Ebazpen hori 2024ko 51. Nafarroako Aldizkari Ofizialean argitaratu zen, martxoaren 11koan.
Energia, Enpresen I+G+b eta Ekintzailetzako zuzendari nagusiak maiatzaren 30ean emandako 66/2024 Ebazpenaren bidez, eraikitzeko administrazio baimena eman zitzaion Chilos Solar 2 SLri, 875 kW-eko "Corella IFV" eguzki-instalazio fotovoltaikoaren eta haren eraldaketa- eta ebakuazio-azpiegituren proiekturako, Corellako udal mugartean. Ebazpen hori 2024ko 124. Nafarroako Aldizkari Ofizialean argitaratu zen, ekainaren 17koan.
Energia, Enpresen I+G+b eta Ekintzailetzako zuzendari nagusiak azaroaren 7an emandako 96/2025 Ebazpenaren bidez, eraikitzeko administrazio baimena eman zitzaion Chilos Solar 2 SLri, 875 kW-eko "Corella IFV" eguzki-instalazio fotovoltaikoaren eta haren eraldaketa- eta ebakuazio-azpiegituren proiektuaren aldaketarako, Corellako udal mugartean.
2026ko otsailaren 3an, sustatzaileak administrazio baimenaren espedientea deuseztea eskatu zuen, proiektuaren bideraezintasunagatik, Biodibertsitatearen Zerbitzuko zuzendariaren irailaren 26ko 285E/2022 Ebazpenean ezarritako ingurumen-baldintzen ondorioz, bai eta energia berriztagarriko beste bi proiektu (El Montecillo haize parkea eta Serna I Solar eguzki-instalazio fotovoltaikoa), denbora aldetik lehentasuna dutenak, izapidetzeagatik egin beharko dituen aldaketen ondorioz ere. 285E/2022 Ebazpenaren bidez, ingurumen-ukipenetarako baimena ematen da aipatutako proiekturako. Era berean, eskatu du sarbide eta konexio baimenari lotutako berme ekonomikoa itzultzeko.
Aurkeztutako dokumentazioa ikusita, eta Sektore Elektrikoari buruzko abenduaren 26ko 24/2013 Legean, abenduaren 1eko 1955/2000 Errege Dekretuan eta Administrazio Publikoen Administrazio Prozedura Erkideari buruzko urriaren 1eko 39/2015 Legean xedatutakoari jarraikiz, Industria Antolamenduaren, Azpiegitura Energetikoen eta Meatzeen Zerbitzuko Azpiegitura Energetikoen Atalak proposatu du eskatutakoa onartzea.
Adierazitakoarekin bat, eta Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak erabiliz,
EBAZTEN DUT:
1. Onartzea Corellako udal mugarteko 875 kW-eko "IFV Corella" eguzki-instalazio fotovoltaikoaren eta haren eraldaketa- eta ebakuazio-azpiegituren proiekturako administrazio baimenaren espedientean atzera egitea eta espedientea bukatutzat deklaratzea.
2. Ebazpen hauek indarrik gabe uztea:
–Energia, Enpresen I+G+b eta Ekintzailetzako zuzendari nagusiak otsailaren 20an emandako 17/2024 Ebazpena, zeinaren bidez aurretiazko administrazio baimena eman zitzaion Chilos Solar 2 SLri, 875 kW-eko "Corella IFV" eguzki-instalazio fotovoltaikorako, Corellako udal mugartean.
–Energia, Enpresen I+G+b eta Ekintzailetzako zuzendari nagusiak maiatzaren 30ean emandako 66/2024 Ebazpena, zeinaren bidez eraikitzeko administrazio baimena eman zitzaion Chilos Solar 2 SLri, 875 kW-eko "Corella IFV" eguzki-instalazio fotovoltaikoaren eta haren eraldaketa- eta ebakuazio-azpiegituren proiekturako, Corellako udal mugartean.
–Energia, Enpresen I+G+b eta Ekintzailetzako zuzendari nagusiak azaroaren 7an emandako 96/2025 Ebazpena, zeinaren bidez eraikitzeko administrazio baimena eman zitzaion Chilos Solar 2 SLri, 875 kW-eko "Corella IFV" eguzki-instalazio fotovoltaikoaren eta haren eraldaketa- eta ebakuazio-azpiegituren proiektuaren aldaketarako, Corellako udal mugartean.
3. Diruzaintza Atalari proposatzea sarbide eta konexiorako prozedurekin lotutako bermea itzultzeko. Abal gordailuaren frogagiria eta itzulketa eginbidearena ebazpen honen eranskinean daude.
4. Ebazpen hau igortzea, behar diren ondorioak izan ditzan, Industria Antolamenduaren, Azpiegitura Energetikoen eta Meatzeen Zerbitzura, Biodibertsitatearen eta Arrantza Kudeaketaren Zerbitzuko Ingurumen Ebaluaziorako Atalera, Lurralde eta Paisaia Zerbitzuko Paisaiaren eta Landa-lurzoruaren Atalera, Ondare Historikoaren Zerbitzuko Ondare Arkitektonikoaren Atalera eta Erregistroaren, Ondasun Higigarrien eta Arkeologiaren Atalera, Ureztalurren eta Lurzati Berrantolamenduaren Atalera, Baso Plangintzarako Atalera, Herri-lanen eta Azpiegituren Zuzendaritza Nagusiko Zainketa Zerbitzura, Gobernu Irekiaren eta Herritarrentzako Arretaren Zerbitzura eta Ekonomia eta Ogasun Departamentuko Ekonomia eta Finantza Zerbitzuko Diruzaintza Atalera.
5. Ebazpen hau Nafarroako Aldizkari Ofizialean argitaratzea, orok jakin dezan.
6. Ebazpen hau jakinaraztea honako hauei: Chilos Solar 2 SL; Corellako Ureztatzaileen Sindikatua; Gurelur elkartea; Nafarroako Ekologistak Martxan elkartea; Ongaiz-Zangozerriko Ekologistak Martxan elkartea; Enerfín Sociedad de Energía SLU; Renovables del Cierzo SLU; I-DE Redes Eléctricas Inteligentes SAU; eta Red Eléctrica de España SAUko Operazioetako eta Sistemaren Garapeneko zuzendaritzak; eta ohartaraztea ezen ebazpen honek ez duela administrazio bidea amaitzen eta beronen aurka gora jotzeko errekurtsoa paratzen ahal dela, Enpresen Trantsizio Ekologiko eta Digitalerako kontseilariari zuzendua, hilabeteko epean, ebazpen hau jakinarazi eta biharamunetik hasita. Errekurtsoan espediente zenbakia adierazi beharko da.
7. Ebazpen hau jakinaraztea Corellako Udalari, Trantsizio Ekologikorako eta Erronka Demografikorako Ministerioari eta Ebroko Konfederazio Hidrografikoari, eta ohartaraztea haren kontra administrazioarekiko auzi-errekurtsoa jartzen ahal dela, eskumena duen ordena jurisdikzionalari zuzendua, argitaratu eta biharamunetik hasita bi hilabeteko epean, deusetan galarazi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
Iruñean, 2026ko martxoaren 9an.–Enpresen Sustapenerako eta Azpiegituretako zuzendari nagusia, Iñigo Arruti Torre.
Iragarkiaren kodea: F2603853
