4. PROZEDURA JUDIZIALAK
NAFARROAKO JUSTIZIA AUZITEGI NAGUSIA
Bakaikuko bake epaile titularraren izendapena
Nafarroako Justizia Auzitegi Nagusiko Gobernu Salak 2026ko otsailaren 23an egindako bileran hartutako erabakia, zeina 2026ko urtarrilaren 26ko bileran erredaktatu gabe gelditu baitzen.
Hogeita hemeretzigarrena.–Botere Judizialari buruzko Lege Organikoaren 101. artikulutik 103.era bitartekoetan xedatutakoari eta Bake Epaileei buruzko ekainaren 7ko 3/95 Erregelamenduan horiekin bat datozenetan xedatutakoari jarraikiz, Justizia Auzitegi Nagusiak 2025eko abenduaren 9an emandako ediktuan (2026ko urtarrilaren 8ko Nafarroako Aldizkari Ofiziala) eskaerak aurkezteko ezarritako epea bukaturik, Estíbaliz López Goikoetxeak eta Oier Larrapaga Floresek aurkeztutako eskaerak jaso eta horiek aztertu ondoren, Gobernu Salak, eskatzaileek aurkeztu dituzten merezimenduak baloraturik,
ERABAKITZEN DU:
Oier Larrapaga Flores jauna Bakaikuko Bake Epaitegiko epaile titular izendatzea, eta ordezko epailearen postua bete gabe uztea.
Izendatzeko erabaki honen aurka, Bake Epaileei buruzko ekainaren 7ko 3/95 Erregelamenduaren 12. artikuluan, horrekin bat datozen gainerako artikuluetan eta Auzitegietako Gobernu Organoei buruzko 1/2000 Erregelamenduaren 14. artikuluan xedatutakoarekin bat, gora jotzeko errekurtsoa jartzen ahal da, Botere Judizialaren Kontseilu Nagusiari zuzendua, hilabeteko epean, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/92 Legeak ezartzen dituen arrazoiengatik eta moduetan.
Iruñean, 2026ko martxoaren 4an.–Gobernu idazkaria, Juan Alfonso Pérez Ruiz.
Iragarkiaren kodea: J2603648
