1. NAFARROAKO FORU KOMUNITATEA
1.7. BESTELAKOAK
63E/2026 EBAZPENA, otsailaren 17koa, Ekonomia Zirkularraren eta Berrikuntzaren Zerbitzuko zuzendariak emana, zeinaren bidez onartzen baita Funesko udal-mugartean landare produktu izoztuak fabrikatzen dituen instalazio baten ingurumen baimen integratuan eskatutako aldaketa, ezarritako funtzionamendu baldintzei dagokiena. Instalazioaren titularra Ultracongelados Virto SAU da.
Espediente mota | Ingurumen baimen integratuaren baldintzak aldatzea |
Espedientearen kodea | 0001-0121-2025-000041 | Hasiera eguna | 2025-10-10 |
Kudeaketa unitatea | Ekonomia Zirkularraren eta Berrikuntzaren Zerbitzua |
Telefonoa | 848426254-848427587 | Helbide elektronikoa | autprema@navarra.es |
Sailkapena | Legeria | Jarduera |
17/2020 Foru Legea, abenduaren 16koa | Sartu gabeko zentroa |
1/2016 Legegintzako Errege Dekretua, abenduaren 16koa | I. eranskina / 9.1.b)ii) |
2010/75/EB Zuzentaraua, azaroaren 24koa | I. eranskina / 6.4.b)ii) |
21/2013 Legea, abenduaren 9koa | Sartu gabeko zentroa |
Instalazioa | LANDARE PRODUKTU IZOZTUEN FABRIKAZIOA |
Titularra | ULTRACONGELADOS VIRTO SAU |
Ingurumen identifikaziorako zenbakia | 3110704207 |
Tokia | Bodega Romana industrialdea, 2-1 lurzatia; 10. poligonoko 341. lurzatia |
Koordenatuak | UTM-ETRS89, 30N eremua, X: 596.596,578 eta Y: 4.678.604,030 |
Udalerria | FUNES |
Proiektua | Instalazioan sortutako hondakinen zerrendan hondakin berriak sartzea (130703* eta 160506* EHZ kodeak) |
Instalazio horrek badu ingurumen baimen integratua, Ingurumenaren eta Uraren zuzendari nagusiaren ekainaren 7ko 651/2012 Ebazpenaren bidez emana, gero Ingurumenaren eta Uraren zuzendari nagusiaren apirilaren 14ko 149E/2014 Ebazpenaren bidez eguneratu zena, Ekonomia Zirkularraren eta Uraren Zerbitzuko zuzendariaren urriaren 19ko 264E/2020 Ebazpenaren bidez aldatu zena eta Ekonomia Zirkularraren eta Berrikuntzaren Zerbitzuko zuzendariaren azaroaren 25eko 436E/2025 Ebazpenaren bidez berrikusi zena.
2025eko urriaren 10ean, titularrak bere ingurumen baimen integratuan jasotako baldintzak aldatzea eskatu zuen; zehazki, ingurumen baimen integratuaren III. eranskinean, instalazioan sortutako hondakinen zerrendan, bi hondakin hauek sartzea: batetik, 130703* EHZ kodea duena, beste erregai batzuei dagokiena (nahasketak barne) eta, bestetik, 160506* EHZ kodea duena, substantzia arriskutsuak diren laborategiko produktu kimikoei (laborategiko produktu kimikoen nahasketak barne) edo substantzia arriskutsuak dituztenei dagokiena (substantzia arriskutsuak dituzten laborategiko hondakin kimikoak).
Ekonomia Zirkularraren eta Berrikuntzaren Zerbitzuak, aurkeztutako eskaera aztertuta, ondorioztatu du onargarria dela; izan ere, eskatzen dena bat dator instalazioak ingurumen aldetik eduki beharreko funtzionamendu egokiarekin eta teknika erabilgarri onenen aplikazioarekin.
Ebazpen proposamena hamabost egunez egon da instalazioaren titularrari entzunaldia emateko izapidean, eta hark ez du proposamenaren aurkako alegaziorik aurkeztu.
Adierazitakoarekin bat, eta Landa Garapeneko eta Ingurumeneko Departamentuaren egitura organikoa ezartzen duen azaroaren 15eko 255/2023 Foru Dekretuak ematen dizkidan eskudantziak erabiliz,
EBAZTEN DUT:
Lehendabizikoa.–Onartzea Funesko udal-mugartean landare produktu izoztuak fabrikatzen dituen instalazio baten ingurumen baimen integratuan eskatutako aldaketa, ezarritako funtzionamendu baldintzei dagokiena; horren ondorioz, instalazioak eta hango jarduerak ebazpen honen eranskinean adierazitako baldintzak bete beharko dituzte. Instalazioaren titularra Ultracongelados Virto SAU da.
Bigarrena.–Suteen aurkako segurtasunari dagokionez (abenduaren 3ko 2267/2004 Errege Dekretua), instalazioan biltegiratutako hondakinen kopuruak ez du handituko ingurumen baimen integratua emateko espedientearen dokumentazio teknikoan kalkulatutako arrisku intrintsekoaren maila.
Hirugarrena.–Ebazpen honetan jasotako baldintzak betetzen ez badira, Kutsaduraren Prebentzio eta Kontrol Integratuaren Legearen testu bateginaren IV. tituluan jasotako ingurumen diziplinako neurriak hartuko dira (testu bategin hori abenduaren 16ko 1/2016 Legegintzako Errege Dekretuaren bidez onetsi zen), eta, subsidiarioki, Ingurumenean Eragina duten Jarduerak arautzen dituen abenduaren 16ko 17/2020 Foru Legearen III. tituluan ezarritako zehapen araubidean jasotakoak, ezertan galarazi gabe legeria sektorialean ezarritakoa, aurrerantzean ere aplikatu beharko baita.
Laugarrena.–Ebazpen hau Nafarroako Aldizkari Ofizialean argitaratzea.
Bosgarrena.–Ebazpen honek ez du administrazio-bidea amaitzen, eta espedientean interesa dutenek, administrazio publikoek izan ezik, gora jotzeko errekurtsoa jartzen ahalko dute haren aurka, Landa Garapeneko eta Ingurumeneko kontseilariari zuzendua, hilabeteko epean. Administrazio publikoek administrazioarekiko auzi-errekurtsoa jartzen ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Epeak ebazpen hau jakinarazi eta biharamunetik aurrera kontatuko dira.
Seigarrena.–Ebazpen hau igortzea, behar diren ondorioak izan ditzan, Ultracongelados Virto SAUra eta Funesko Udalera.
Iruñean, 2026ko otsailaren 17an.–Ekonomia Zirkularraren eta Berrikuntzaren Zerbitzuko zuzendaria, Francisco Javier Larrañeta Nido.
Oharra: Ebazpen honetan aipatzen diren eranskinak interesdunen eskura egonen dira Ingurumen Zuzendaritza Nagusiaren bulegoetan (González Tablas kalea 9, behea, Iruña; Ekonomia Zirkularraren eta Berrikuntzaren Zerbitzua) eta Nafarroako Gobernuaren webgune honetan: https://extra.navarra.es/InformacionPublicaPRTR/CentroPublicaciones.html#/CentroPublicaciones.
Iragarkiaren kodea: F2602756
