Iragarkia

55. ALDIZKARIA - 2026ko martxoaren 17a

1. NAFARROAKO FORU KOMUNITATEA

1.5. ESTATUTUAK ETA LAN HITZARMEN KOLEKTIBOAK

34C/2026 EBAZPENA, otsailaren 23koa, Ekonomia Sozialeko eta Laneko zuzendari nagusiak emana, erabakitzen duena Nafarroako Gozoki, Opil eta Pastel Prestaleku eta Fabriken sektorearen hitzarmen kolektiboko soldatak 2026an berrikusteari buruzko akordioa erregistratzea, gordailutzea eta Nafarroako Aldizkari Ofizialean argitaratzea.

Aztertu da Nafarroako Gozoki, Opil eta Pastel Prestaleku eta Fabriken sektorearen hitzarmen kolektiboko soldatak 2026. urterako berrikusteari buruzko akordioa (hitzarmenaren kode zenbakia: 31002705011981), erregistro honetan 2026ko otsailaren 17an sartu dena, ELA eta UGT sindikatuek eta Asociación de Artesanos de Pastelería, Heladería y Bombonería (ANEP) elkarteak 2026ko otsailaren 6an izenpetu ondoren.

Bat etorriz Langileen Estatutuaren Legearen testu bategina onesten duen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Hitzarmen kolektiboak, lan akordio kolektiboak eta berdintasun planak erregistratu eta gordailutzeari buruzko maiatzaren 28ko 713/2010 Errege Dekretuan ezarritakoarekin.

Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak erabiliz eta Eskubide Sozialetako, Ekonomia Sozialeko eta Enpleguko Departamentuaren egitura organikoa ezartzen duen azaroaren 15eko 251/2023 Foru Dekretuan xedatutakoa kontuan hartuta,

EBAZTEN DUT:

Lehenbizikoa.–Nafarroako Hitzarmen Kolektiboen, Lan Akordio Kolektiboen eta Berdintasun Planen Erregistroan inskribatzeko agintzea.

Bigarrena.–Nafarroako Aldizkari Ofizialean argitaratzeko agintzea, orok jakin dezan.

Iruñean, 2026ko otsailaren 23an.–Ekonomia Sozialeko eta Laneko zuzendari nagusia, Iñaki Mendióroz Casallo.

NAFARROAKO GOZOKI, OPIL ETA PASTEL PRESTALEKU ETA FABRIKEN SEKTOREAREN HITZARMEN KOLEKTIBOA

Iruñean, 2026ko otsailaren 6ko 15:00etan, Nafarroako Gozoki, Opil eta Pastel Prestaleku eta Fabriken sektorearen hitzarmen kolektiboaren negoziazio-mahaia bildu da (hitzarmenaren kode zenbakia: 31002705011981), ondoko entitate eta ordezkariek osatzen dutela:

Asociación de Artesanos de Pastelería, Heladería y Bombonería (ANEP) elkartea ordezkatuz:

–Javier San Miguel Inza jauna.

–Jordi Solé Fornells jauna.

ELA sindikatuaren aldetik:

–Hector Peñalver Primo jauna.

UGT sindikatuaren aldetik:

–José Manuel Blanco jauna.

AZALDU DUTE:

Hitzarmen kolektiboaren testuaren 18. artikuluan ezarritakoaren arabera, hitzarmen-tauletako soldatak eguneratu behar dira, 2026ko urtarrilaren 1etik aurrerako ondorioekin, eguneratze-irizpide gisa ezarritako kontsumo-prezioen indizea ezagutu ondoren.

Behean sinatzen duten alderdiek egintza honetarako behar den legitimazioa aitortzen diote elkarri, orain indarrean dagoen hitzarmen kolektiboaren testukoa delako.

Ekitaldiari hasiera eman ondoren taulen berri eman da.

ERABAKITZEN DUTE:

Lehenengoa.–Asociación de Artesanos de Pastelería, Heladería y Bombonería (ANEP) elkartearen ordezkariek eta ELA eta UGT sindikatuek onartu eta sinatu dituzte Nafarroako Gozoki, Opil eta Pastel Prestaleku eta Fabriken sektorearen hitzarmen kolektiboaren soldata taulak. 2026ko urtarrilaren 1etik aurrera egonen dira indarrean, eta akordio honi erantsi zaizkio.

Igoera egiteko, 2025eko taulei %3,40 aplikatu zaie, 2025eko KPIaren emaitzari %0,5 gehituta eguneratu ondoren.

Bigarrena.–Langileen Estatutuaren 90. artikuluan ezarritakoa betez, akta hau eta taulak lan agintaritza eskudunari igortzen zaizkio, haien berri eduki dezan, eta berariaz eskatzen zaio behar dena xedatu dezala horiek erregistratzeko, gordailutzeko eta Nafarroako Aldizkari Ofizialean argitaratzeko.

Hirugarrena.–Behean sinatzen dutenek, bat etorriz Hitzarmen eta lan akordio kolektiboak erregistratu eta gordailutzeari buruzko maiatzaren 28ko 713/2010 Errege Dekretuaren 6.1.A) artikuluan ezarritakoarekin, Juan Ramón Doral Brun jauna izendatzen dute soldata taulak 2026. urterako berrikusteari buruzko akta hau telematikoki erregistratzeko.

Aztertzeko beste gairik ez dagoenez, bilera bukatu da eta, adostasunaren adierazgarri, bertaratutakoek honako akta hau sinatu dute, goian aipatu toki eta egunean.

I. ERANSKINA.–2026KO SOLDATA TAULAK, 2025EKO KPIA APLIKATUTA + %0,5 (%3,4)

22. artikulua. Gaueko lanaren plusa.

–2026-01-01etik 2026-12-31ra: 3,05 euro.

24. artikulua. Laneko arropa.

–2026-01-01etik 2026-12-31ra: 37,21 euro.

27. artikulua. Aparteko orduak.

–2026-01-01etik 2026-12-31ra:

• Arduraduna: 17,11 euro.
• Ofiziala: 15,80 euro.
• Gainerako langileak: 14,49 euro.

42. artikulua. Aseguruen poliza.

a) Lan-istripuak edo lanbide-gaixotasunak eragindako ezintasun absolutuaren edo osoaren kasuetan, honako kalte-ordain hau ezartzen da:

2026. urtean: 71.200,02 euro.

b) Lan-istripuak edo lanbide-gaixotasunak eragindako heriotzaren kasuan, hitzarmen honen indarraldiko urteetarako kalte-ordainen zenbateko hauek ezartzen dira:

2026. urtean: 61.088,52 euro.

Iragarkiaren kodea: F2602972