1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
33C/2026 EBAZPENA, otsailaren 23koa, Ekonomia Sozialeko eta Laneko zuzendari nagusiak emana, zeinaren bidez erabakitzen baita Torraspapel SA enpresaren hitzarmen kolektiboko soldatak 2026. urterako berrikusteari buruzko akordioa erregistratzea, gordailutzea eta Nafarroako Aldizkari Ofizialean argitaratzea.
Aztertu da Torraspapel SA enpresaren hitzarmen kolektiboko soldatak 2026. urterako berrikusteari buruzko akordioa (hitzarmenaren kode zenbakia: 31101581012019), erregistro honetan 2026ko otsailaren 18an sartu dena, enpresaren eta sindikatuen ordezkariek 2026ko urtarrilaren 29an izenpetu ondoren.
Bat etorriz Langileen Estatutuaren Legearen testu bategina onesten duen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Hitzarmen kolektiboak, lan akordio kolektiboak eta berdintasun planak erregistratu eta gordailutzeari buruzko maiatzaren 28ko 713/2010 Errege Dekretuan ezarritakoarekin,
Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak erabiliz eta Eskubide Sozialetako, Ekonomia Sozialeko eta Enpleguko Departamentuaren egitura organikoa ezartzen duen azaroaren 15eko 251/2023 Foru Dekretuan xedatutakoa kontuan hartuta,
EBAZTEN DUT:
Lehenbizikoa.–Nafarroako Hitzarmen Kolektiboen, Lan Akordio Kolektiboen eta Berdintasun Planen Erregistroan inskribatzeko agintzea.
Bigarrena.–Nafarroako Aldizkari Ofizialean argitaratzeko agintzea, orok jakin dezan.
Iruñean, 2026ko otsailaren 23an.–Ekonomia Sozialeko eta Laneko zuzendari nagusia, Iñaki Mendióroz Casallo.
AKTA
Zuzendaritza: Igor Iceta Lizarraga, Rafael Reina Vélez.
Enpresa batzordea: Maitane Villabona Zabaleta, Unai Olano Echavarri, Eden Gastearena Erreguerena, Xabier Portu Telletxea, Joseba Dominchin Azpiroz, Eneko Andueza Aramendia, Hegoi Bengoetxea Azpirotz, Kaiet Vidaurre Zubeldia, Iñigo Larrarte Osinalde, Igor Bengoetxea Perurena, Asier Zubillaga Gaztañaga, Josu Bernaras Oiartzabal.
Ordezkari sindikala: Juan Pablo Zubelzu Arrayago.
Leitzan, 2026ko urtarrilaren 29ko 11:00etan, bazterrean zerrendatzen diren jaun-andreak elkartu dira, lantoki honetako zuzendaritzaren eta enpresa batzordearen izenean.
GAI-ZERRENDA:
1.–Enpresako hitzarmen kolektiboaren 2026rako soldaten berrikuspena.
1.–ENPRESAKO HITZARMEN KOLEKTIBOAREN 2026RAKO SOLDATEN BERRIKUSPENA
Zuzendaritzak eta enpresa batzordeak solaskide izateko gaitasuna aitortzen diote elkarri, eta honako hau erabakitzen dute:
%2,9 onartzea 2025. urteko Kontsumoko Prezioen Indize gisa.
3. eranskineko taulak egitea, 17. artikuluan xedatutakoari jarraikiz: Ordainsari sistema, 2026ko igoera:
"2025eko KPIa aplikatuko zaie lanbide-taldeen akordioko soldata taulei (2. eranskina), gehi 0,30 puntu eta ondoko taula honen balioa.
% EA+LI | IGOERA |
> %4,00 | 0,00 |
%3,01etik %4,00ra | 0,25 |
%2,51tik %3,00ra | 0,45 |
< %2,51 | 0,55 |
2025. urtean baja eragin duten istripuen kopurua zero bada (0), 0,15 puntu gehituko dira; baina 2024. eta 2025. urteetan baja eragin duten istripuen kopurua zero bada (0), 0,20 puntu gehituko dira.
KPIa negatiboa izanez gero, KPIa 0 gisa kontatuko da.
Aipatu berri diren irizpideen arabera egindako taulak onestea.
Enpresako zuzendaritzaren esku uzten da hitzarmeneko soldaten berrikuspen hau lan agintaritza eskudunaren aurrean aurkezteko ardura, hitzarmena legez bidezkoa denaren arabera erregistratu, gorde eta argitaratzeko.
2026. urteko soldata-taulak (DOCX).
2026ko soldata gordin teorikoaren taula (DOCX).
Iragarkiaren kodea: F2602971
