Iragarkia
50. ALDIZKARIA - 2026ko martxoaren 10a
1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
18C/2026 EBAZPENA, urtarrilaren 28koa, Ekonomia Sozialeko eta Laneko zuzendari nagusiak emana, zeinaren bidez erabakitzen baita erregistratu, gordailutu eta Nafarroako Aldizkari Ofizialean argitaratu dadila Viscofan España SLU enpresaren hitzarmen kolektiboa.
Ikusirik Viscofan España SLU enpresak aurkeztu duen hitzarmen kolektiboaren testua (kode zenbakia: 31007711011982), zeina erregistro honetan sartu baitzen 2025eko abenduaren 24an, eta enpresaren ordezkariek eta sindikatuen ordezkariek 2025eko abenduaren 22an izenpetu baitzuten.
Bat etorriz Langileen Estatutuaren Legearen testu bategina onesten duen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Hitzarmen kolektiboak, lan akordio kolektiboak eta berdintasun-planak erregistratu eta gordailutzeari buruzko maiatzaren 28ko 713/2010 Errege Dekretuan ezarritakoarekin.
Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak Eskubide Sozialetako, Ekonomia Sozialeko eta Enpleguko Departamentuaren egitura organikoa ezartzen duen azaroaren 15eko 251/2023 Foru Dekretuari dagokionez ematen dizkidan eskudantziak erabiliz,
EBAZTEN DUT:
Lehena.–Nafarroako Hitzarmen Kolektiboen, Lan Akordio Kolektiboen eta Berdintasun Planen Erregistroan inskribatzea Viscofan España SLU enpresak aurkeztutako hitzarmen kolektiboa (kode-zenbakia: 31007711011982).
Bigarrena.–Nafarroako Aldizkari Ofizialean argitara dadila agintzea, orok jakin dezan.
Iruñean, 2026ko urtarrilaren 28an.–Ekonomia Sozialeko eta Laneko zuzendari nagusia, Iñaki Mendióroz Casallo.
"VISCOFAN ESPAÑA SLU" ENPRESAREN XV. HITZARMEN KOLEKTIBOA.
URDIAINGO LANTOKIA
ATARIKO XEDAPENA
Arau orokorrak.–Hitzarmen honetan jaso diren baldintzak aplikazio orokorrekoak dira haietako bakoitzerako adierazten diren esparruetan.
Baldintza horien osagarri gisa, hitzarmenaren indarraldian, enpresa batzordearekin adosten den erregelamendu edo barne araudian ezartzen diren gainerakoak aplikatuko dira. Erregelamendu edo araudi hori berariaz eta zehaztasunez itunduko da. Hitzarmenaren indarraldian enpresa batzordearekin beste edozein arau edo lan-baldintza kolektibo ituntzen bada, enpresaren barne araudian jaso beharko da, non ez den aukeratzen hitzarmena aldatzeko prozedura.
Enpresak hitzarmenaren kopia bana emanen die langileei, eta aurrerantzean hitzarmenaren gainean negoziatu eta adosten diren aldaketa puntualak iragarki oholean argitaratuko ditu.
I. KAPITULUA.–APLIKAZIO EREMUAK
1. artikulua. Eremu funtzionala eta lurralde eremua. Lan hitzarmen kolektibo honetako akordioak lotesleak izanen dira, hitzarmenaren indarraldian, Viscofan enpresarentzat, alde batetik, eta Urdiaingo (Nafarroa) haren lantokiko langileentzat, bestetik.
2. artikulua. Eremu pertsonala. Lan baldintza hauek enpresaren lantoki horretako langile guztiei eraginen diete, soldata tauletan jasotzen diren lanbide-taldea eta maila dituztenei.
Gainerako langileei, hau da, zuzendaritzan ari direnei eta Makinako Buruaren kategoria eta goragokoa duten teknikariei eta kargudunei, eta izendapen askeko beste batzuei –hala itundu badute–, hitzarmen honetan azaltzen dena aplikatuko zaie era berean, ekonomia alderdiari buruzko atalak izan ezik.
3. artikulua. Denbora-eremua. Hitzarmen honek indarra hartuko du enpresak eta langileen ordezkariek sinatzen dutenean, eta 2025eko urtarrilaren 1etik 2028ko abenduaren 31ra arteko indarraldia izanen du.
IV. kapituluan ezarri ondorio ekonomikoek atzerako eragina izanen dute urte bakoitzeko urtarrilaren 1etik aurrera.
4. artikulua. Osotasunari lotzea. Hemen itundutako baldintzek multzo organiko eta zatiezina osatzen dute, eta, aplikazio praktikoari dagokionez, osotasunean hartuko dira.
5. artikulua. Konpentsatzea eta irenstea. Hitzarmen honetan itundutako baldintza ekonomikoek osorik konpentsatzen dituzte lehendik ezarritako baldintzak, eta halaber aurrerantzean irentsi ahal izanen dituzte baldintza ekonomiko hobeek (enpresak berak ezarritako hobekuntzak, lege edo hitzarmenetan xedatutakoak nahiz auzi administratibo edo judizialetan ezarritakoak), baldin eta, beren osotasunean eta urteko konputuan hartuta, baldintza horiek hitzarmen honetan daudenak baino hobeak badira.
II. KAPITULUA.–LANGILEEN SAILKAPENA
6. artikulua. Sailkapen funtzionala. Hitzarmen honen eraginpeko langileak, beren eginkizunen arabera, V. eranskineko lanbide-talde eta mailen arabera sailkatuko dira.
Enpresak hitzarmenari atxikitako langileen zerrenda prestatuko du –urtarrilaren 1ekoa, banaketa organiko funtzionala adierazita eta lanbide-taldeak nahiz mailak zehaztuta–, eta ordezkaritza duten sindikatuei emanen die. Zerrenda horretan langile bakoitzaren izen-deiturak, alta eguna eta lanbide-taldea eta maila zehaztuko dira.
Enpresa batzordeari ere antzeko zerrenda emanen dio, hala eskatzen duenean eta eztabaidatzen den gaia ikusita justifikatuta dagoenean.
Barne araudian ezarritako prozedura erabiliko da lanbide-talde eta mailetan igotzeko berrikuspenetarako.
7. artikulua. Mugigarritasun funtzionala. Enpresaren barneko mugigarritasun funtzionalak legez ezarritako mugak baino ez ditu izanen, eta lanbide-talde bereko maila desberdinen artekoa denean ez du inolako mugarik izanen.
Mugigarritasunaren ondorioz langilea goragoko lanbide-taldeko edota mailako eginkizun edo lanpostuetan aritzen denean, legez xedatutakoari jarraituko zaio. Alabaina, hogeita lau hilabetean langileak hogeita hamar lanegun baino gehiago egiten baditu aitortua duen lanbide-taldekoa edota mailakoa baino goragoko lanpostu berean, ordezkapena egiten nahiz prestakuntzan, besterik gabe eskubidea izanen du soldata diferentziak kobratzeko, ordutik aurrera lanpostu horretan diharduen egun bakoitzeko, eta aurreko prozesu hori gaikuntza prozesutzat hartuko da.
Enpresako langile guztiak lan sistemaren bati eta txandaren bati atxikita egonen dira, enpresako egutegietako bat izanen dute, eta zeinek bere lanbide-kategoriako lanak eginen dituzte.
III. KAPITULUA.–SARRERAK, KONTRATAZIOA, IGOERAK ETA KARGU-UZTEAK
8. artikulua. Diru-sarrerak. Enpresak aurrerantzean egiten dituen kontratu guztiak lan-kontratu bidez eginen dira, indarra duten kontratazio modalitateen babesean egin ere.
Enpresak zehaztuko ditu kasu bakoitzean egin beharreko hautaprobak, eta langileen ordezkariei jakinaraziko die zein lanpostu bete nahi dituen eta zer baldintza bete behar dituzten hautagaiek. Halaber, hautaproben emaitza jakinaraziko die. Langileen ordezkariek batzorde bat izendatzen ahalko dute hautaprobetan izan dadin. Hautaprobak objektiboak izan daitezen eta plantillan sartzeko orduan diskriminaziorik izan ez dadin begiratuko dute, Legeak aitortutako eskubideak zaintzeko.
Hautagaiei kontuan hartuko zaizkie enpresarekin lehenago egindako kontratuen kopurua eta iraupena, bai eta kontratu horien ondorioz onartuak dituzten merezimenduak ere.
Konstituzioaren 14. artikuluan jasorik dagoen diskriminaziorik ez izateko printzipioa eraginkortasunez aplikatu dadin eta kontrataziorako aukera berdintasunaren bidez gauzatu dadin, alde sinatzaileek hitz eman dute gutxiengoa den sexuko langileen kontratazioa sustatu eta indartuko dutela eta sexu horretako langileen kopurua handitzen saiatuko direla gaur egun halako kontrataziorik ez duten ataletan, baldin eta legeak ez badu horretarako eragozpenik ezartzen. Hautapen prozedurak ere zainduko dituzte, inolako diskriminaziorik izan ez dadin.
Konstituzioaren 14. artikuluan jasorik dagoen diskriminaziorik ez izateko printzipioa eraginkortasunez aplikatu dadin eta kontrataziorako aukera berdintasunaren bidez gauzatu dadin, alde sinatzaileek hitz eman dute gutxiengoa den sexuko langileen kontratazioa sustatu eta indartuko dutela eta sexu horretako langileen kopurua handitzen saiatuko direla gaur egun halako kontrataziorik ez duten ataletan, baldin eta legeak ez badu horretarako eragozpenik ezartzen. Hautapen prozedurak ere zainduko dituzte, inolako diskriminaziorik izan ez dadin.
Horretarako, hautapen prozeduretan erabiliko diren irizpideak objektiboak eta neutroak izanen dira, zuzeneko edo zeharkako diskriminaziorik egon ez dadin arrazoi hauetako batengatik: adina, desgaitasuna, generoa, jatorria (arraza edo etnia barne), egoera zibila, erlijioa edo sinesmenak, iritzi politikoa, sexu orientazioa, sexu identitatea, genero adierazpena edo ezaugarri sexualak (LGTBI) sindikatuko afiliazioa, gizarte egoera edo hizkuntza.
Lehentasuna emanen zaio pertsona lanposturako prestatzeari edo egokitasunari, haren sexu orientazioa eta identitatea edo genero adierazpena gorabehera, eta arreta berezia eskainiko zaie trans pertsonei, kolektibo bereziki zaurgarria den aldetik.
9. artikulua. Kontratazioa Izenpetzen den lan kontratua mugagabea izan daiteke, edo iraupen jakin baterako.
Aldi baterako enpresen bidez legez erabil daitezkeen kontratazio modalitateak saihestu eta zuzeneko kontratazioaren modalitateak sustatu nahi dira. Horretarako, bi aldeek adostu dute ezen, indarra duen legerian jasotako eskumen berriak erabiliz, indarra duten kontratazio modalitateak aldatuko dituztela eta enpresaren egoerara moldatuko, horretarako ahalmena duten heinean. Hortaz, gaur egun indarra duten zuzeneko kontratazio motak garatu eta mugatzen dituzte, hurrengo ataletan azaltzen den moduan.
Aldi baterako edozein kontratu bukatzean, eta enpresak lanpostua hutsik dela berretsirik, kontratu bat mugagabe bihurtuko da; hain zuzen ere, azken lau urtean aldi baterakoa izan den kontratuetako bat, lehentasunezko zerrendari jarraituko diona. Zerrenda hori sei hilez behin eguneratuta eta langileen legezko ordezkarien eskura mantendu beharko da. Zerrenda hori osatzeko barne araudian zehaztutako irizpideak erabiliko dira, kontratu guztiek pilatutako lan denbora eta bakoitzaren gaitasunak, prestakuntza eta merezimenduak kontuan hartuta.
9.1. Produkzioaren inguruabarrengatiko kontratuak: Merkatuaren inguruabarrak, lanaren pilaketa edo eskari ugariak direla-eta egiten diren kontratuak ahalik gehien luzatzen ahalko dira, sektoreko hitzarmenean halako kontratuetarako onartzen den mugaraino, behar izanez gero.
Lan arloko indarreko araudian ezarritakoa betez eta produkzio prozesuaren ezaugarri bereziak aintzat hartuta, kontratu mota hauek ituntze aldera, unean uneko jardueratzat hartzen da aipatutako produkzio prozesuari zuzenean lotuta dauden lanpostuetako prestakuntza eta trebakuntza prozesua. Horrela, kontratazioa bultzatuko da, hasieran baztertu ziren beste kolektibo batzuk ere hartzeko.
9.2. Ikas-ekinezko kontratuak: Ikas-ekinezko prestakuntza-kontratuak Langileen Estatutuan legez xedatutakoaren arabera arautuko dira.
Kontratu horiek 2. eta 3. taldeetako lanpostuetan kualifikazioa edo gaitasun profesionala lortzera bideratuko dira lehentasunez, beharrezko prestakuntza teorikoa eta/edo praktikoa ez duten langileen kasuan.
Lan jarduerak zerikusia izan beharko du kontratu horren prestakuntza arloko edukiarekin.
Langile hauek ezin izanen dituzte aparteko orduak egin, Langileen Estatutuaren 35.3 artikuluan ezarritako kasuan izan ezik. Gainera, ezin izanen dute gaueko edo txandakako lanik egin.
Benetako lan-denbora ezin izan da gehieneko lanaldiaren %65 baino handiagoa izan lehen urtean, edo %85 baino handiagoa gainerako sei hilabeteetan.
Txandakako prestakuntzarako kontratatutako langileen ordainsaria peoi kategoriari lotutako soldata izanen da (-%15 oinarrizko soldata eta peoi espezialistaren hitzarmen-plusa). Lehenengo 6 hilabeteetan soldataren %80 jasoko da, hurrengo 6 hilabeteetan %90 eta azken 6 hilabeteetan %95. Kontratua indarrean dagoen bitartean plantillan lanpostu finkatu bat betetzen duen lanaldi osorik badago, peoi espezialistaren soldataren %100 jasoko du, soldata-diferentzia hori ordaintzeko soilik.
Kontratu-modalitatean aldaketaren bat gertatzen bada, eta langileak enpresan gutxienez sei hilabeteko aldia gainditu badu, 2. mailako lanbide-kategoria esleituko zaio.
9.3. Lanaldi partzialeko kontratua: Plantillako mugagabeko lan-kontratudun langileek lanaldia eta soldata %50 murriztea ituntzen ahalko dute enpresarekin, borondatez, eta gutxienez sei hilabete naturaleko epeetarako. Hartara, bi langileek erdi bana eginen dute hitzarmenean lanposturako ezarritako eguneko lanaldi arrunta.
Akordioa idazki batean formalizatuko da. Idazki horretan agertuko dira akordioaren indarraldia, eguneko lanordu arrunten kopurua, ezarritako ordutegiak, esleitu lan egutegia, eta lanaldi partzial hori lanaldi oso bihurtzeko aukera, enpresak ordezkapena antolatzen duen bitartean aurreikusi gabeko absentziak estaltzeko. Enpresak abisu eman beharko dio ordezkapena egin behar duen langileari, ordezkapena hasi aurreko lanaldian, beranduenik. Lanaldi horiek lan egutegian dituen beste baliokide batzuekin konpentsatuko dira.
Lanaldi partzialeko langileek lanaldi osokoen eskubide berak izanen dituzte, antzinatasunari eta enpresako kategorien berrikuspenari begira.
Urteko ordezkapen orduak itundutako ordu arrunten %30 izanen dira gehienez.
Artikulu honetan arautu gabeko orotan, indarra duen lan arloko arautegian lanaldi partzialeko kontratazioari buruz ezarritakoa beteko da.
Plisatze ataleko langileek, enpresa jakinaren gainean dela eta hark baimenduta, urtebeteko akordio pertsonalak, urteburuan berritzekoak, ezartzen ahalko dituzte lanpostu bereko pertsonen artean, gaueko lana libratzeko xedez. Horrela, gauez lanik egiten ez duenak ez du gaueko plusik jasoko; aldiz, lan egiten duenak, bere ohiko gaueko plusa jasotzeaz gain, akordioa sinatzen duen beste langileari gauez egindako lanagatik legokiokeen gaueko plusa jasoko du.
55 urtetik gorako langileek, enpresa jakinaren gainean dela eta hark baimenduta, eta kontratazio alternatiborik egonez gero, akordio pertsonalak ezartzen ahalko dituzte atal eta lanbide-talde berekoen artean, bi lagunen artekoak eta urtebetekoak gutxienez ere; horien helburua gaueko txandak askatzea litzateke, lan-kontratudun berriak egin ditzan, eta ondorioz, dagokion proportzioan murriztuko litzaioke lanaldia eta gaueko plusa jasotzeari utziko lioke.
9.4. Errelebo-kontratua: modalitate horretako kontratuak egiten zaizkie erretiro partziala hartzeagatik lan denbora murrizten duten langileen lanaldia osatu behar duten langileei, indarra duen legerian ezarritako moduan. Errelebo-kontratua duen langilearen lanaldia izanen da, gutxienez ere, erretiro partziala hartu duen langileak bete gabe utzitakoaren bestekoa, eta lanaldi osoa ere izan daiteke, baldin egokitzat jotzen bada enpresako lana antolatzeko irizpideen arabera.
Lanaldi partzialeko kontratu hori egitean, enpresak lehentasuna emanen die plantillako langile finkoek aurkez litzaketen eskaerei. Horretarako, enpresa barnean iragarriko da zer lanpostutako langileek har lezaketen erretiro partziala, hura hartu baino gutxienez ere sei hilabete lehenago iragarri ere, izangaiek adieraz dezaten argitaratutako lanpostuetatik zein nahi dituzten, lehentasun ordenan. Enpresa batzordeari prozesu osoaren berri emanen zaio, errelebo-kontratuak egin aurretik.
Abenduaren 7ko 20/2018 Errege Dekretuan eta abenduaren 23ko 11/2024 Errege Lege Dekretuak, manufaktura-arloko erretiro partzialaren baldintzak luzatzen dituenak, sartutako aldaketetan oinarrituta, Erretiro Partzialerako eta Plantilla Gaztetzeko Akordioari (2019ko otsailaren 8koa) atxikitako erretiro partzialetan, 2029ko abenduaren 31ra arte, lanaldia %20koa izanen da, eta lan-denbora guztia metatzen ahalko da behin betiko erretiroa hartzeko legezko adinera arte, erretiro partzialaren hasieran, ahal dela lanpostu eta txanda berberetan. Egiten diren errelebo-kontratuak mugagabeak izanen dira, eta lanaldiaren %100ekoak. Tarte batez, biak egonen dira kontrataturik: erretiro partziala hartua duen langilea eta errelebo-kontratua duena. Horrelakoetan, bietan bigarrenak berariazko egutegia izanen du: ordezkapenak eginen ditu, beste era batzuetako kontratazioak egin behar ez izateko, eta prestakuntza epealdiak eginen ditu.
Errelebo-kontratuak eskainiko zaizkie aldi baterako kontratua duten langileei, zorrotz jarraituta lehentasun zerrendako ordenari (zeina adierazi baita 9. artikuluko hirugarren paragrafoan) baldin eta ez bada hori galaraziko lukeen muga justifikaturik. Horrelakorik bada, zerrendako hurrengo hautagaiari eskainiko zaio.
Erretiro partziala bukatzean, eta enpresak berresten badu mantenduko duela erretiro partziala hartu duen langilearen lanpostua, lanpostu hori behin betiko beteko du erretiro partzialak iraun bitartean hartan izan den plantillako langile finkoak, eta ez da beharrezkoa izanen berriz ere enpresa barnean iragartzea. Baldin mantentzen ez bada erretiro partziala hartu duen langilearen lanpostua, lanpostu horretan izan den langile finkoa bere aurreko lanpostura itzuliko da.
9.5. Desgaitasuna duten pertsonen kontratazioa: Bat etorriz desgaitasuna duten langileen alde lanpostuen %2 zuzenean edo aurreneurri alternatiboen bidez erreserbatzea ezartzen duten indarreko lege xedapenekin, enpresak lana emanen die laneko istripu edo lanbide gaixotasun baten ondoriozko baliaezintasun iraunkor osoa ofizialki aitortuta daukaten langileei, nahiz eta hasieran horrek aipatutako erreserba muga gainditzea ekarri. Orobat, produkzio prozesuaren ezaugarri bereziak eta talde horren enplegurako aukerak kontuan izanda, bi aldeek justifikatu eta erabakitzen dute zuzeneko kontratazio horren neurri alternatiboak erabiltzea, aipatu erreserba muga aplikatzeko araudian ere aurreikusita baitaude.
Nolanahi ere, enpresak lanpostuen %2 gordetzeko hartu du konpromisoa. Beraz, desgaitasuna duten langileen kontratazioa berriz ekarriko da legezko muga horretara, legean aurreikusitako inguruabarrek eta aukerek ahalbidetzen duten neurrian eta momentuan.
Helburu horretarako, garatu beharreko jarduera haren desgaitasunera egokitzen dela aztertu beharko du, eta horretatik aurrera, dagozkion baldintza ekonomikoak eta lan baldintzak ezarriko ditu: lanbide-taldea eta maila, lanaldia, ordainsaria, etab.
Era berean, bi aldeek konpromisoa hartu dute talde horietarako beste lan edo enplegu batzuk aztertu eta eztabaidatzeko, enpresan lan egin ahal izan dezaten, zuzenean edo azpikontratazioen bidez.
Halaber, produkzio prozesuaren ezaugarri bereziak eta kolektibo horrentzat dakartzan enplegu-aukerak kontuan hartuta, alde biek kontratazio zuzen horretarako neurri alternatiboak erabiltzea eta justifikatu eta erabakitzen dute, hain zuzen ere aplikatzeko araudian aurreikusita daudenak.
9.6. Ikasketa-mailari egokitutako praktika profesionala lortzeko prestakuntza-kontratuak: Ikasketa-mailari egokitutako praktika profesionala lortzeko prestakuntza-kontratuak Langileen Estatutuan xedatutakoaren arabera arautuko dira. Edonola ere, lanpostuak bide eman beharko du egindako ikasketen edo prestakuntzen mailarako egokia den lanbide praktika lortzeko.
Kontratu-modalitate honetako langileen ordainsaria kontratuaren indarraldian lan-harremana gauzatzen duten lanbide-talde eta -mailaren %80 izanen da.
Kontratua indarrean dagoen bitartean plantillan lanpostu finkatu bat betetzen duen lanaldi osorik badago, peoi espezialistaren soldataren %100 jasoko du, soldata-diferentzia hori ordaintzeko soilik.
10. artikulua. Aldi baterako laneko enpresak. 1. Enpresak, aurreko artikuluan xedatutakoarekin bat, langileak lagatzeko kontratuak egin ahal izanen ditu aldi baterako laneko enpresekin, legean aurreikusitako kasuetan. Salbuespenez, artikulu honetan itundutako arrazoi edo egoerek halako kontratuak egitea justifikatzen badute, VISCOFANek berak eginen du kontratazioa, modalitate egokian.
Salbuetsitako arrazoi edo egoerak:
–Produkzio txanda edo errelebo oso bat behin-behinean eratzeko, salbu eta beharrizanak denbora partzialeko lanaren bidez bete behar direnean (lanaldi ez-osoan edo egun solteetan).
–Urtebetetik gorako eszedentziak.
–Aldi baterako ezintasun prozesuak (medikuaren bajak), baldin eta enpresako zerbitzu medikoak uste badu ziur aski behin-behineko baliaezintasun edo baliaezintasun iraunkor bihurtuko direla.
–Seme-alaben jaiotzagatiko baimenen legezko epealdia, elkarren segidako hiru astetik gorakoa bada.
–Soldatarik gabeko lizentziak, hilabetetik gorakoak badira.
Beste edozein egoera edo beharrizan, baldin eta hasierako iraupena, edo aurreikusten dena, hogeita bost egunetik gorakoa bada, eta hitzarmenaren indarraldian hitzarmeneko batzorde paritarioak, 36. artikuluan ematen zaizkion eskumenak erabiliz, onartzen ahal dituen gainerakoak.
Aldi baterako ezintasun egoeretan, aipatutako epe hori beteko da langileak baja hartu eta 25. egunean, eta zuzeneko kontratazioa eginen da epea igaro eta bigarren lanegunean (laneguntzat astelehenetik ostiralera bitarteko egunak hartuko dira), langileari nahitaez eman behar zaiolako alta lan harremana hasi baino lehen.
2. Enpresaren beharrak hobeki moldatu nahirik ezarritako soldata sailkapenera, hauxe itundu da: birmoldatu eginen da orain arte peoiek izan duten soldata, peoi espezialisten kategoria berriari dagozkion lanetarako aurreikusita dagoena, eta horrenbestez, Industria Kimikoko Hitzarmen Orokorreko III. taldean urte bakoitzerako ezarritako ordainsaria izanen dute. Kasu horretan, gaueko eta jaiegunetako lanaren plusak gehituko zaizkie hitzarmen honetan peoi espezialistaren kategoriarentzat ezarritako zenbatekoei.
11. artikulua. Lanbide sustapena eta lanpostu hutsak. Hauek izanen dira mailaz igotzeko arauak:
1. Enpresak libreki izendatuko ditu agintea edo konfiantza behar duten lanpostu igoerak, hala nola taldeburuek, kontramaisuek, arduradunek edo goragoko mailako edota lanbide-taldekoek egiten dituztenak.
2. Lanpostu bakoitzean onartuta dauden gainerako lanbide-talde edota mailetara igotzeko, enpresak barne araudian ezarritako sistema objektiboari egokituko zaio, inguruabar hauek kontuan hartuta: titulazio egokia, ezagutza eta antzinatasuna lanpostuan, lanbide historiala, goragoko maila edota lanbide-taldeko lanpostuan errendimendu egokiaz egindako lana eta, probak ezarriz gero, haiek gainditzea.
Nolanahi ere, igoera prozeduretan erabiliko diren irizpideak objektiboak eta neutroak izanen dira, zuzeneko edo zeharkako diskriminaziorik egon ez dadin arrazoi hauetako batengatik: adina, desgaitasuna, generoa, jatorria (arraza edo etnia barne), egoera zibila, erlijioa edo sinesmenak, iritzi politikoa, sexu orientazioa, sexu identitatea, adierazpen sexuala edo ezaugarri sexualak sindikatuko afiliazioa, gizarte egoera edo hizkuntza.
3. Enpresako edozein ataletan lanposturen bat sortzen denean, gaitasun eta prestakuntza berdinak dituzten langileen artean, ohiko kontratua duten plantillako langile finkoek lehentasuna izanen dute lanpostu hori betetzeko. Arau hori aplikatuko da lehendik dauden lanpostuak behin betiko hutsik geratu eta bete behar direnean, edo ustez sei hilabete baino gehiago iraunen duten lanpostu berriak sortzen direnean; une horretatik aurrera, lehenago xedatutakoari jarraituko zaio. Era horretako lanpostu hutsak edo ohiko kontratua duten plantillako langile finkoek har ditzaketen lanpostu berriak estaltzeko prozesu bakoitzak lanpostuz aldatzeko barne mugimendu bakarra eraginen du.
Hori helburu dela, lanpostuok bete baino zazpi (7) egun natural lehenago bederen iragarriko dira enpresa barnean (taulan); kasua bada, kanpoko hautaketa eginen da. Hautatzen den izangaia zehazteko jarraituko den prozesuan, alde batetik, eskatzaileen zerrenda emanen zaie langileen ordezkariei eta, bestetik, Industria Kimikoaren gaur egungo Hitzarmen Orokorraren 19.2 artikuluko laugarren paragrafoan xedatutakoaren arabera hartuko dute parte.
Lanpostu berri bati edo behin betiko lanpostu huts bati langile finko bat esleitu ondoren, 7 lanegun efektiboko probaldi bat ezarriko da; aldi horretan, bi aldeek jakinarazten ahal dute langilea ez dela egokitu lanpostu berrira, eta lehen betetzen zuen lanpostura itzuliko dela.
12. artikulua. Lana borondatez uztea. Beraien borondatez, enpresaren zerbitzua utzi nahi duten langileak behartuta daude enpresari jakinaraztera, hamabost egun natural lehenago, gutxienez. Zuzendari, teknikari edo kargudunen kasuan, aurreabisu hori bi hilabete lehenago eman beharko da.
Jakinarazpen hori egiten ez badu edo berandu egiten badu, langileak kalte-ordaina eman beharko dio enpresari: jakinarazpena atzeratu den egunetako ordainsari osoa. Enpresak likidaziotik deskontatzen ahalko dio saldoa, eta likidazioa nahikoa ez bada, diferentzia erreklamatzen ahalko dio legezko bideetatik.
IV. KAPITULUA.–SOLDATA-POLITIKA
13. artikulua. Ordainsarien sistema. Hitzarmen honen eraginpeko langileen ordainsaria osatuko dute oinarrizko soldatak, hitzarmeneko plusak eta kapitulu honetan aipatzen diren gainerako plusek. Horien guztien definizioak eta moduluak ematen dira hurrengo artikuluetan.
Soldata hamabi hilekotan eta aparteko bi pagatan banatuko da. Aparteko pagak ohiko moduan eta egunetan ordainduko dira.
Kontzeptu eta paga horiek guztiek soldata masa gordina (SMG) osatzen dute, eta haien zenbatekoak soldata tauletan ageri dira, hitzarmenaren I. eta II. eranskinetan.
14. artikulua. Oinarrizko soldata. Langilearen ordainsariaren zati bat da, denbora-unitateko finkatzen dena, osagarriak sorrarazten dituzten inguruabarrak kontuan hartu gabe. Hitzarmen honen eranskineko soldata taulan ageri dira lanbide-talde eta maila bakoitzarenak.
15. artikulua. Hitzarmeneko plusa. Kontzeptu honen zenbatekoa eranskineko soldata taulan ezarri da lanbide-talde eta maila bakoitzerako.
16. artikulua. Gaueko lanaren plusa. Gaueko hamarretatik goizeko seiak arte lan egindako egun edo ordu kopuruaren arabera ordainduko da. Lanbide-talde eta maila bakoitzari dagokion zenbatekoa 1. ofizialaren mailarako ezarritako zenbatekoak zehaztuko du. Zenbateko horiek lanbide-talde eta maila bakoitzerako jasota daude erantsitako soldata taulan.
Etengabe hiru/lau txandatan lan egiten duten langileek diru-kopuru berdina jasoko dute hilero gaueko lanaren plus gisa. Kopuru hori aurreko paragrafoan aipatu soldata taulan adierazi zenbatekoetatik aurrera kalkulatuko da, lan sistema bakoitzerako ezarri urteko gaueko lanaren batez bestekoaren arabera.
17. artikulua. Jaiegunetako lanaren plusa. Igandeetan eta jaiegun ofizialetan lan egindako egun edo orduen arabera ordainduko da. Lanbide-talde eta maila bakoitzari dagokion zenbatekoa 1. ofizialaren mailarako ezarritako zenbatekoak zehaztuko du. Zenbateko horiek lanbide-talde eta maila bakoitzerako jasota daude erantsitako soldata taulan.
Txanda itxian etengabe lan egiten duten langileek jaiegunetako lanaren plus bera kobratuko dute hilero, aurreko paragrafoan aipatutako soldata taulan ageri diren zenbatekoen arabera kalkulatua, urtean batez beste zenbat igande eta jaiegunetan lan egiten den (40) kontuan hartuta.
18. artikulua. Lanpostuko osagarria. Osagarri hau funtzionala da, eta hura jasotzeko baldintza bakarra da esleitutako lanpostuan lanean etengabe aritzea da; beraz, ezin da irmo bihurtu.
Langileei ordainduko zaie, lanean etengabe aritzen diren bitartean edo plusa sorrarazten duten baldintzek iraun bitartean, eta langile horiek plusa kobratzeari utziko diote beste lanpostu bat esleitzen bazaie edo osagarri hori sorrarazten duten baldintzak edo lanak amaitzen badira.
Betiere, langileari lanpostu hori esleitu zaiola edo bertan "etengabe lanean" ari dela ulertuko da horrelako lanpostu batean etengabe aritzen bada bi hilabetean, edo egun kopuru bera (60) metatzen badu sei hilabeteko epe etengabean. Behin epe hori igarota, plusa epearen lehenbiziko egunetik aurrera sortuko da.
Kontzeptu horrengatik hilero ordaindu beharreko kopuruak, erantsita doan soldata taulan lanpostu bakoitzerako ezarritako zenbatekoari osagarria kobratzeko eskubidea ematen duen lanaldi osoen kopuruak aplikatuz edo dagokion zeregina egin izana aplikatuz zehaztuko da, dagokionaren arabera.
19. artikulua. Analista-plisatzaile lanpostuaren osagarria. Kontzeptua da txanda aldaketetarako prestasuna eta kategoria diferentzia, kalitatearen analistaren lanak egiteagatik, zeregin horietan ematen den denbora edozein dela ere.
20. artikulua. Antzinatasuna. 1. Hitzarmen honen aplikazio eremuetako langileek antzinatasuna dela-eta osagarri hau kobratuko dute: bi hirurteko eta hiru bosturteko. Hirurteko eta bosturteko horien zenbatekoa III. eranskinean jasota dago.
Osagarria urtean 508,88 euro gordinekoa izanen da, hirurteko bakoitzeko. Enpresan hamaika eta hamasei eta hogeita bat urteko antzinatasuna lortuz gero, antzinatasun osagarri gisa aurreko kopuru hori bider 4, bider 6 eta bider 8 jasoko da, hurrenez hurren, aipatutako hiru bosturtekoei dagozkien kopuruak, hain zuzen.
Zenbateko horiek lanbide-talde eta maila guztietan aplikatuko dira eta urteko hamalau pagen artean hainbanatuko dira.
2. Aurreko hitzarmena sinatu zen egunean (1993ko urriaren 22a) kontratu finkoa zuten langileek, erretiroa hartzen duten edo baliaezintasun iraunkor osoa nahiz erabatekoa deklaratzen zaien egunean galera ekonomikoa izaten badute orduan ezarri zen antzinatasun osagarriaren aldaketaren ondorioz, hau da, ordura arte indarra izan zuen irizpidearen arabera kopuru handiagoa legokiekeen langileei, enpresak diru galera horren %50 ordainduko die, kontratua aipatutako arrazoiengatik, eta ez besterengatik, amaitzen zaienean.
Diru galera horren zenbatekoa honela kalkulatuko da: uko gisa urtero ordaindutako kopuruak batuko dira, lehen aipatutako kontzeptuei lotuta ageriko direnak (70.000 pezeta 1993an), eta baturari bosturtekoen kopuruaren arabera eta 1992an indarra zuten prezioen arabera ordaindu gabe utzi diren kopuruak kenduko zaizkio.
Aurreko bi paragrafoetako arauak errazago ulertzeko, aipatutako hitzarmenaren eranskinean dagoen adibidea ikusi behar da.
21. artikulua. Aparteko pagak. Urtean aparteko bi paga ordainduko dira, bata abenduaren 20an eta bestea uztaileko lehen hamabostaldian. Hona eskersari horien zenbatekoa: hogeita hamar eguneko oinarrizko soldata gehi hitzarmeneko plusa eta antzinatasuna.
Urtean zehar enpresan sartu edo enpresa uzten duten langileei paga horiek ordainduko zaizkie, horien zenbatekoa lan egindako egunen arabera hainbanatuz.
22. artikulua. Soldata-igoerak.
1. Aurreko artikuluetan xedatutakoarekin bat, eta kapitulu honen negoziazioaren emaitzaren arabera, urte bakoitzeko soldata taulak egin dira eta hitzarmen honi batu zaizkio I. eranskin gisa.
Aipatutako soldata-tauletan jasotako zenbatekoak zehazteko, aurreko urteari dagozkionak igoko dira.
Bigarrenik, urte bakoitzeko kontsumoko prezioen indize (KPI) errealaren arabera –nazio mailakoa–, positiboa bada betiere, soldata-tauletara eramanen da igoera hori. EINek (Estatistikako Institutu Nazionalak) zehaztuko ditu indize horiek, urte bakoitzeko abenduaren 31n erregistratuko direnak aurreko urteko abenduaren 31koekin alderatuz.
EINek KPIaren datua plazaratu eta hurrengo hogeita hamar egunen epean, datua positiboa balitz, soldata-taulak berriz kalkulatuko lirateke eta, batzorde paritarioan onartu ondoren, kalkulatu eta ordainduko lirateke aurreko urteari dagozkion atzerapenak, eta urte horri berari dagozkionak ere bai, halakorik balego.
Era berean, soldata-igoera KPIaren gainetik igotzeko aukera hitzartu da, adierazle-sistema baten bidez ezarritako helburuak betetzearen arabera. Adierazle horiek honako hauek izanen dira:
–Lehen mailako metroak.
–Nabeko aprobetxamenduaren metroak.
Bi adierazleetako bakoitzari pisu bat emanen zaio, eta urte bakoitzeko ekoizpen-helburuarekin alderatuko da, IV. eranskinean jasotako betetze-eskala ezarriz. Urtero berrikusiko da.
Hiru adierazle horien emaitza, oro har, negatiboa bada, urteko KPIaren soldata-igoera bermatuko da. Emaitza aurrekontuaren berdina edo handiagoa bada, KPIa IV. eranskinean jasotako eskalatuaren arabera igoko da, eta finkagarria izanen da, gehienez ere +%0,65 arte. Ehuneko hori gainditzen bada, kontzeptu ez-finkagarri gisa ordainduko da.
Sistema hori 2026., 2027. eta 2028. urteetan sartuko da indarrean; beraz, 2025. urtean soldata-igoera KPI adinakoa izanen da.
Sistema horren gardentasuna eta objektibotasuna bermatzeko, adierazle horietarako sarbidea emanen zaio enpresa batzordeari.
Enpresaren eta langileen ordezkarien arteko ohiko bileretan, adierazle horien bilakaerari buruzko informazio-puntu bat egonen da beti.
23. artikulua. Zero istripurako konpromisoaren bonusa. Lan-istripuak murrizteko konpainiaren plan orokorraren barruan, eta planaren barruko beste neurri bat bezala, konpentsazio ez-finkagarri bat ezartzen da Urdiaingo lantegiko langile guztientzat.
URTEA | LARRITASUN INDIZEA | ZENBATEKOA | BAJA ERAGIN DUTEN ISTRIPUEN KOPURUA | ZENBATEKOA |
2026 | 0,14 | 75,00 euro | 3 | 75,00 euro |
2027 | 0,07 | 87,50 euro | 2 | 87,50 euro |
2028 | 0,O2 | 112,50 euro | 1 | 112,50 euro |
Zero istripuen helburu berezia. Urtean zehar istripurik gertatzen ez bada, aldi horri dagokion zenbatekoa bikoiztuko da.
Konpentsazio hori hurrengo urteko lehen hiruhilekoan ordainduko da, istripuen emaitzak ezagutu ondoren.
24. artikulua. Ordainsaria, aldi baterako ezintasunagatik medikuaren baja ofiziala hartzen denean. Enpresak, geroago adieraziko diren baldintzetan, Gizarte Segurantzak gaur egun aldi baterako ezintasunagatik ematen dituen prestazioak osatuko ditu bajaren lehenbiziko egunetik, langilearen ohiko ordainsariaren %100eraino.
Enpresak ez du inolako igoerarik jasango osagarri hori ordaintzerakoan, lege edo erregelamendu aldaketaren batek Gizarte Segurantzaren gaur egungo sarien egunetan edo ehunekotan murrizketak sortzen baditu ere.
Osagarri hau kobratzeko eskubidea izateko, ezinbestez bete beharko dira aurrerago zehaztuko diren baldintza guzti-guztiak. Hartara, haietako bat betetzen ez bada, enpresak osagarri hau eten edo kentzen ahalko du. Edozein modutan, enpresan kontratua bukatu arte mugatuko da haren ordainketa.
Betebeharrak:
1. Hitzarmen honen langileri eremuan sartu lantoki honetako plantilla osoaren absentismo indizearen arabera, osagarria ordaintzen den hilaren aurreko 12 hilak kontuan hartuta, hurrengo eskalaren arabera:
–%0 eta %4,5 arteko absentismoa: %100era arteko osagarria;
–%4,51 eta %5,5 arteko absentismoa: %90era arteko osagarria;
–%5,51 eta %6,5 arteko absentismoa: %80ra arteko osagarria;
–%6,51tik gorako absentismoa: osagarria legez ezarritako ehunekoetara mugatuko da.
Absentismo orduak zenbatu eta katalogatzerakoan ez dira kontatuko honako arrazoi hauengatik gertatzen diren absentziak, aldez aurretik behar bezala justifikatzen badira:
–Hitzarmenean araututako lizentziak;
–Amatasun, aitatasun eta edoskitze baimenak;
–Laneko istripua, aurrerago zehazten den 2. atalean ezarritakoaren ondorioz sortu ezean.
–Ospitaleratzea, ebakuntzaren aurretik zein horren ondoren.
–Zehapenak.
–Istripu arriskua dela-eta jarduera etetearen ondoriozko absentziak.
–Enpresak berariaz ezarritako moduan baliaezintasun iraunkor osoaren edo erabatekoaren espedientea tramitatzea ituntzen eta sinatzen den kasuak.
–Haurdunaldiko arriskuagatiko edo edoskitzeagatiko aldi baterako ezintasuna, enpresak ezin badu emakume haurduna edo ama lanpostuz aldatu edo haren lanpostua moldatu, eta 10 eguneko epean enpresako zerbitzu medikoak txosten loteslea ematen badu, haurdunaldiko arriskua edo edoskitzea ziurtatzen duena.
Absentismo indizea hilero kalkulatuko da, hilean galdutako orduen kopurua, goian adierazitako orduak kenduta, kasuan kasuko lantokiaren eta langileen ohiko ordu teorikoen kopuruaz zatituz. Horren berri emanen zaio enpresa batzordeari.
Horregatik guztiagatik, hil jakin batean osagarri hau kobratzeak ez du hurrengo edo aurreko hilean hura kobratzeko eskubiderik sortuko, aldi baterako ezintasun prozesu beraren barrenean.
2. Istripuagatiko baja hartzen dutenek osagarria kobratzeko eskubidea izanen dute, salbu eta istripua axolagabekeriagatik, eskura dauden segurtasun jantziak ez erabiltzeagatik edo ezarritako segurtasun eta higiene arauak ez betetzeagatik gertatzen denean.
Horretarako, segurtasun eta higiene batzordeak lanpostuz lanpostu ezarrita dituen arrisku-definizioak, arauak eta jantzi-esleipenak hartuko dira kontuan. Bestalde, errespetatu eginen dira enpresako zerbitzu medikoak ezartzen ahal dituen salbuespenak, langile batzuek zenbait jantzi erabili beharrik izan ez dezaten.
Halakoetan, aldez aurretik osasun batzordeari jakinaraziko zaio prestazioa ez osatzeko erabakia.
3. Langileak berehala jakinarazi behar dio lanera joanen ez dela, telefonoz, Lantegiko arduradunari edo Makinetako buruari, bai eta medikuak baja edo alta ematen dionean ere, alta edo baja ematen duena enpresako medikua ez bada.
4. Aldi baterako ezintasun prozesuan zehar langileak bete beharko ditu enpresako zerbitzu medikoak haren gaitzaren inguruan ezartzen dituen gomendioak, salbu eta horietakoren bati buruzko txostena edo kontrako oharra aurkezten badu, Gizarte Segurantzako Institutu Nazionaleko medikuak emana.
Osagarri hori jasotzeko eskubideari eusteko, enpresak erabakitako erakunde laguntzaileen (mutualitateak, espezialistak, etab.) zerbitzu mediko alternatiboak erabiltzeko prest agertu beharko da, proba medikoetarako itxaron-zerrendetan berandutzeak konpontzeko asmoz. Hartara, prest agertu beharko du egiteko Mutuak, Gizarte Segurantzarekin elkarlanean aritzen den entitatea den aldetik, langilearen hobekuntzan, haren diagnostikoan edo egoera patologikoan laguntzeko asmoz proposatzen dituen proba osagarriak, tratamenduak, errehabilitazioa, ebakuntza kirurgikoak edota kontsulta medikoak, baldin eta horretarako berariazko baimena eman badute osasun zerbitzu publikoak eta pazienteak.
Hori dela eta, enpresako zerbitzu medikoak langileari eskatuko dio lanerako bere ezintasun iragankorrari buruzko galde-sorta bete dezan (diagnostikoa, sendagaiak, kontraindikazioak eta abar). Langileak etxean egon beharko du, betiere, gaueko 22:00etatik aurrera.
5. Enpresak langilearen egoera ikuskatu eta aurreko baldintza horiek betetzen direla egiaztatu ahal izanen du betiere. Horretarako, enpresako zerbitzu medikoko langileak edo Viscofanek baimendutako langileak, zein den kasua, haren etxera joanen dira. Langilea bisita horiek hartzera beharturik egonen da.
Datu hauek dituen zerrenda erantsiko zaio enpresa batzordeari hilero ematen zaion absentismoaren gaineko agiriari: ezintasun iragankor egoeran dauden langileen izenak, kontingentzia (gaixotasun arrunta edo lan istripua), alta eta baja agirien datak eta lanpostua. Betiere beteko dira datu pertsonalak babesteari buruzko legezko arauak.
25. artikulua. Likidazioa eta ordainketa. Likidazioa eginen da enpresan indarra duen soldaten ordainagiriaren ereduan, ofizialki onetsirik dagoenean. Eredu hori, nolanahi ere, pixkanaka egokituko zaio etorkizunean izanen den enplegatuaren atariari, zeinetan eredu telematikoa izanen baita. Hura erabiliz ere egin hala izanen da likidazioa, eta enpresari baimena ematen zaio horretarako, artikulu honetan ezarritakoarekin bat etorriz. Soldatak une zehatzetan eta agirien bidez ordainduko dira, langile bakoitzaren kontura egindako transferentziaren bidez. Kontu hori enpresarekin lan egin ohi duten banketxeetako batekoa izanen da; baldin beste banketxe batekoa bada, enpresak ez du inolako erantzukizunik izanen erabaki horrek berekin ekar ditzakeen berandutze edo gastuak direla eta.
Nahiz eta nominen zenbatekoa hil batetik bestera aldatu, enpresak hainbanaketa eginen du, hilero balio berekoak izan daitezen. Hala ere, aldeak egonen dira, ezinbestean egon ere, bajak, aparteko orduak eta beste direla eta.
V. KAPITULUA.–LANALDIA, ORDUTEGIA, APARTEKO ORDUAK ETA OPORRAK
26. artikulua. Lanaldia. Urtean 1.728 orduko lanaldia ituntzen da, hitzarmenak indarra duen bitartean. Langile guztiek gutxienez ere 8 ordu izanen dituzte urtean prestakuntzarako.
Lanaldia honela kontatuko da: langileak, hala eguneroko lanaldiaren hasieran nola bukaeran, lanpostuan egon behar du, bere lanari lotuta.
8 orduko lanaldia izanen da egunean, gaur egungo ordutegiei eta atsedenei eutsiko diena, itundutako urteko lanalditik eta urte bakoitzerako ezartzen den egutegitik abiatuta.
Lanaldi zatitua duten langileen asteko lanaldia astelehenetik larunbatera bitarteko egunetan banatuko da, oporrei buruz itundu den kapituluaren arabera eta urte bakoitzerako ezartzen den lan egutegiari jarraituz.
Lan sistemak. Alde batera utzita enpresa batzordearekin beste une batean lana antolatzeko itundu daitezkeen beste sistema batzuk, edo atal honetako aldaketak, lan sistema hauek identifikatu eta aitortzen dira:
–Lau txandako lan sistema: urteko lanaldia txandakako txandetan egiten da, goizez, arratsaldez eta gauez, astelehenetik igandera, jaiegun ofizialak barne.
–Hiru txandako lan sistema: urteko lanaldia astero txandakatzen da, goizez, gauez eta arratsaldez, hurrenez hurren, astelehenetik larunbatera, jaiegun ofizialak alde batera utzita.
–Bi txandako lan sistema: urteko lanaldia astero txandakatzen da, goizez eta arratsaldez, hurrenez hurren, astelehenetik larunbatera, jaiegun ofizialak alde batera utzita.
–Lanaldi zatituko lan sistema: asteko lanaldia astelehenetik larunbatera bitarteko egunetan banatuko da, oporrei buruz itundu den kapituluaren arabera eta urte bakoitzerako ezartzen den lan egutegiari jarraituz. Lanaldi zatitua duten langileek lanaldi murriztua hartzen ahalko dute banaka udan (ekainean, uztailean eta abuztuan). Lanaldi horiek aste osotan hartu beharko dira nahitaez, batetik laura bitarte, eta lanpostuko langileen heren batek gutxienez bertan egon beharko du ordutegi arruntean.
Era berean, langile horiek lanaldi jarraitua hartzen ahalko dute ostiraletan, udako hilabeteetan.
Urte bakoitzeko lan egutegian, lanaldi bat gehiago egonen da txanda bakoitzeko, urterako ezarritako lanaldiaren gainetik. Lanaldi hori egutegian adieraziko da, eta banaka konpentsatuko da, "norberak erabakitzeko konpentsazio egun" gisa. Honako prozedura eta baldintza hauen arabera:
–Gutxienez bi hilabete lehenago jakinarazi beharko da. Gehienez hiru absentzia edo opor egun aldatzeko irizpide bera erabiliko da hemen ere, eta txandako hiru langilek aldi berean hartzen ahalko dute baimena, baina ez bi paketatzailek edo bi mekanikarik. Txanda batean, lau pertsonak ere hartzen ahalko dute batera, baldin eta bi plisatzaile, paketatzaile bat eta mekanikari bat badira, eta kontuan hartuta lantokiko inguruabarrak.
Hasieran onartutako eguna aldatzen ahalko da enpresaren eta langilearen artean adostuta. Idatziz jaso beharko da enpresaren onarpena, langileak aldaketa hori gauzatu ahal izan dezan.
Lau txandako langileek norberaren aukerako egun bat gehiago eskatzen ahalko dute, baina egun hori ezin izanen da errekuperatu. Urteko edozein unetan hartzen ahalko da, norberak erabakitzeko egunaren irizpide berberekin. Egun hori hartu ezean, ordaindu eginen zaio langileari.
Urdiainen erroldatutako langileek Urdiaingo zaindariaren eguna hartzen ahalko dute opor egun baten truke, mugarik izan gabe langile edo txandengatik.
27. artikulua. Oporrak. Hitzarmen honen eraginpeko langileek, hitzarmenaren indarraldian, hogeita sei laneguneko opor ordainduak izanen dituzte urtean.
Oporretako ordainsarian ohiko kontzeptuak sartuko dira, azken nominaren arabera, salbu eta hainbanaturik eta hilero ordaintzen ez diren kontzeptuak.
Langileek urtero ituntzen den lan egutegian aurreikusitako egunetan hartuko dituzte oporrak. Lan egutegia barne araudian xedatutakoari jarraituz eginen da.
Aldi baterako ezintasun (ABE) prozesu bat oporraldian egokituz gero, legez xedatutakoaren arabera jokatuko da.
Egutegian Urdiaingo lantegiko instalazioak gelditzeko ezarri egunetan egin beharreko mantentze-lan bereziak direla eta, enpresak hautatzen dituen eta lanaldi zatitua daukaten atal horretako langileetako batzuek edo guztiek beste egun batzuetan hartuko dituzte egun horiei dagozkien opor egunak.
Atal honetan txandaka lan egiten duten langileek, gutxienez 48 ordu lehenago eskatzen badute, eskubidea izanen dute gehienez hiru opor egun aldatzeko, libreki eta banaka. Baina gehienez txanda bateko hiru langilek hartzen ahalko dituzte oporrak aldi berean, eta ezin izanen dituzte bi paketatzailek edo bi mekanikarik batera hartu. Txanda batean, lau pertsonak ere hartzen ahalko dute batera, baldin eta bi plisatzaile, paketatzaile bat eta mekanikari bat badira, eta kontuan hartuta lantokiko inguruabarrak.
Aurrekoaz gain, langile horiek beste langile batekin trukatzen ahalko dituzte udako oporrak.
Lantegi horretako lanaldi zatitua daukaten langileetako batzuek beren oporraldia txanda baterako ezarri opor egunetan hartuko dute. Beste langileek gauza bera eginen dute, beste txandako opor egunak direla eta.
Langile horiek, halaber, egun osoetan metaturik hartuko dituzte konpentsaziozko ordu baliokideak. Eta egun horiek ere asteka metatuko dituzte, horrela metatzen ahal den heinean.
28. artikulua. Aparteko orduak. Langabezia egoerak lanik ez duten pertsonei sortzen dizkien arazoez jabeturik, bi aldeek uste dute aparteko orduak egiteko ohitura ezabatzea helburu duen elkartasunezko gizarte politikak ondorio onuragarriak ekartzen ahal dituela. Hori dela eta, hauxe erabaki dute:
a) Ezbeharrak edo bestelako kalte ezohiko eta premiazkoak konpondu behar direla-eta eginen dira aparteko orduak, eta orobat, lehengaiak galtzeko arriskua dagoenean.
b) Ustekabeko eskaerengatik, puntako ekoitzaldiengatik, ustekabeko absentziengatik, txanda aldaketengatik edo egiturazko bestelako gorabeherengatik behar diren aparteko orduak mantenduko dira, Baldin eta ezin badaitezke ordeztu legeetan ezarritako kontratazio modalitateak erabiliz.
Langileak aukeran izanen du aparteko orduak kobratzea edo konpentsazio egunak hartzea. Aparteko orduak egin izanaren frogagirian jarriko du zer aukeratu duen, eta, konpentsazio egunak aukeratu baditu, zein egun eskatzen dituen. Egun horiek aparteko orduak egiten diren urte berean hartu behar dira. Langileak geroago ere eskatzen ahalko ditu konpentsazio egunak, edo aukeratu dituenak aldatu.
Langileari eskatu dituen konpentsazio egunak ematen zaizkionean, konpentsazio denbora aparteko orduen baliokidea izanen da, hau da, ordu bat emanen da egindako aparteko ordu bakoitzeko. Ordu horiek egun batean edo gehiagotan metatu ahal izanen dira, baina ezin izanen dira dagozkien egunetan baino gehiagotan banatu. Langileari gutxienez ere 7 eguneko aurrerapenez emanen zaio aparteko orduen ordainetan eskatu dituen egunen inguruko erantzuna.
Langileak aparteko orduak kobratzea hautatzen badu, 1,5 ordu ordainduko zaio aparteko ordu bakoitzeko.
Aparteko orduak lanaldi arruntaren hasieran edo amaieran egiten badira, lanaldiaren jarraipen gisa eta etenik gabe, egindako aparteko ordu bakoitzeko bi ordu ordaindu edo konpentsatuko dira.
VI. KAPITULUA.–JOAN-ETORRIAK, LIZENTZIAK ETA ESZEDENTZIAK
29. artikulua. Lizentziak.
1. Honako egoera hauetan, langileak baimena izanen du denbora batez lanera ez agertzeko, ordaindua izateko eskubidea galdu gabe, baldin aldez aurretik abisatu eta justifikatzen badu:
a) Ezkontzea edo Izatezko Bikoteen Erregistroan inskribatzea: 18 egun natural. Lehenengo eguna ezkontzaren bezperan edo ezkontzaren egunean hartuko da, langileak hautaturik.
Lizentzia hori eta lantokiko opor kolektiboak edo langilearen txandakoak aldi berean gertatzen direnean, opor horiek zenbatzeari utziko zaio, eta derrigorrean lizentzia amaitu ondoko lanegunak hartuko dira.
Opor egunen kopuru bera emanen da, urte horretako lan egutegian erabili den modu berean.
Langileak eskatuz gero, enpresak opor egunak aldatzeko aukera aztertuko du, haiek lizentzia horren ondoren hartzeko.
b) Ezkontidearen edo izatezko bikotekidearen heriotza: zazpi egun natural. Eta bost egun natural, langilearen seme edo alabaren bat hiltzen bada.
c) Langilearen guraso edo senide baten heriotza: hiru egun natural.
d) Langilearen edo ezkontidearen edo izatezko bikotekidearen aitona, amona, biloba, guraso edo senideren baten heriotza: bi egun.
e) Langilearen osaba-izeba, lehengusu-lehengusina edo iloba propioren baten edo ezkontidearen edo izatezko bikotekidearen osaba-izeba propioren baten heriotza: egun bat, hileta egiten denean edo zerraldoa eramaten denean.
f) Ezkontideak, legez aitortutako izatezko bikotekideak edo bigarren mailara arteko odol- edo ezkontza-ahaideek (izatezko bikotekidearen odol-ahaideak barne) edo langilearekin etxe berean bizi den eta haren zaintza behar duen beste edozein pertsonak istripu edo eritasun larria baldin badute, ospitaleratu behar badituzte edo ospitaleratzerik ez baina etxean atseden hartzea eskatzen duen ebakuntza kirurgikoa baldin badute: bost egun.
g) Lehenengo ahaidetasun-mailako ahaideekin ospitaleko larrialdietara joateko ezinbesteko denbora, betiere aurreko bi lizentzietako bat egokia ez denean eta ustekabeko eta presako egoerak direnean. Lizentzia bakarrik emanen da bi ezkontideek edo izatezko bikoteak VISCOFAN enpresan aldi berean lan egiten dutenean, eta bati baizik ez zaio emanen, Edo langilearen seme edo alaba batekin joan behar denean. Kasu horretan langileak eta ezkontideak izanen dute lizentzia eskuratzeko eskubidea, biek enpresan lan egiten duten kontuan hartu gabe.
h) Langilearen ezkontidea, seme-alabak edo anai-arrebak erradio edo kimioterapiako saioetara lagundu beharrak direnean, urtean hiru egun natural gehienez, tratamenduko saioen iraupenaren arabera banatu daitezkeenak, urtean 24 orduren baliokidea den kopururaino. Seme-alabei lagun egiten zaienean; aitak eta amak VISCOFANen lan egiten badute, bietako bati bakarrik emanen zaio.
i) Gizarte Segurantzako espezialistaren kontsulta medikora joateko langileak behar duen derrigorrezko denbora, familiako medikuak agindurik. Posible bada eta komeni bada lana urrutitik egitea, lanaldiaren gainerako zatia modalitate horretan egin ahalko da, dagokion arduradunak horretarako baimena eman ondotik.
Txandako ordutegia duten langileen kasuan ere emanen da, kontsulta hori nahitaez berehala (zazpi egun baino lehenago) egin behar dela agindu bada, edo, data aldaketa eskaturik, gehiegi luzatzen bada familia medikuaren eta enpresako osasun zerbitzuen ustez. Enpresaren ustez, Gizarte Segurantzak proposatutako hitzordua adosteko edo aldatzeko ezintasunik edo zailtasun nabaririk dagoenean ere emanen da, hala nola, gaur egungo egoeran, non espezialista batzuen hitzorduak gutun bidez adierazten diren. Alde horretatik, postaz egindako lehenengo hitzordurako lizentzia emanen zaio, adierazitakoaren arabera.
Gainerako egoerei dagokienez, langileek txanda aldatzeko eskatzen ahalko dute; eta lizentziatazat hartuko da hala eta guztiz ere beren lanaldiarekin bat etor daitekeen denbora.
l) Langilearen edo ezkontidearen edo izatezko bikotekidearen guraso, seme-alaba edo senideren baten ezkontza: egun natural bat, ezkontzaren eguna bera. Orobat, langilearen seme edo alabaren baten lehenengo jaunartzea ospatzeko.
Langilearen gurasoen, seme-alaben edo anai-arreben ezkontzarako, ezkontzaren eguna eta gaueko txandaren eguna bera direnean eta ezkontza goizean ospatzen denean, aurreko egunera luzatuko da.
m) Ohiko bizilekua aldatzea: egun bat.
n) Nahitaezko eginbehar publiko eta pertsonal bat betetzeagatik: behar-beharrezkoa den denbora.
Gaixotasun bat larritzat hartzeko, horrela agertu beharko du medikuaren frogagirian, hark propio horretarako emandakoan, eta agiri horrek enpresako osasun zerbitzuaren sinadura eraman beharko du. Larritzat hartuko dira orobat, gaixotasun edo istripu bat dela medio, gutxienez ere 24 orduko ospitaleratzea eskatzen dutenak, edo erabateko anestesia behar duten ebakuntzak direnean. Kasu horietan, ematen diren lizentzia egunak ez dira ospitaleratze aldiarenak baino gehiago izanen. Baimen hori hartzearen ondorioetarako –eta horretarako soilik–, ospitalean alta eman zaion eguna gaueko txandakoa bada bere lan egutegian, lanegun horri dagozkion hurrengo eguneko orduak (00:00etatik 06:00etara) aurreko egun naturaleko ordutzat hartuko dira.
Ospitaleratu ondoren pazienteak etxean atseden hartu behar badu, medikuak berariaz aginduta, aplikatu beharreko jurisprudentzian ezarritakoaren arabera luzatuko da lizentzia, baita legezko gehienekora arte ere.
b), c) eta e) ataletan aipatutako baimenak eta lizentziak egun natural bat gehiagoz luzatzen ahalko dira, baldin eta horietarako 250 km-tik gorako bidaia egin behar bada lantokitik helmuga den tokiraino, bai eta enpresaren ustez luzatzea justifikatuta dagoenean ere, garraiobideak direla eta, ordaindutako lizentziaren egunen baturak bete ditzan Langileen Estatutuan ezarritako gutxieneko kopuruak. d) atalean ezarritako baimenak legez araututakoaren baliokideak dira eta, horrenbestez, aipatu legedia aplikatuko zaie, hau da, bi egun gehituko zaizkie baldin tokiz aldatu beharra badago. Horrekin batera, langilearen ezkontidea, seme edo alabaren bat, guraso edo senideren bat atzerrian hil eta aberriratzeko izapideak egin behar badira, egun natural bat gehiago emanen zaio; gauza bera ezkontidea edo seme edo alabaren bat atzerrian ospitaleratuz gero handik hona ekartzeko izapideak egin behar badira.
Hartu aurretik eskatu beharko dira lizentzia eta baimen horiek, eta idatziz horretarako baimena eman ondoren hartuko dira; lizentziaren erabileraren eta hori arrazoitzen duten gertaeren artean zentzuzko hurbiltasuna egon beharko da. Interesdunak frogagiri egokia aurkeztu behar du eskaera egiten duen unean edo, beranduenik ere, lanera itzultzen den egunean. Eskakizun horiek bete ezean, enpresak lizentzia hartu edo aitortzea uka dezake.
Hemen jasotako lizentziak ez dira inola ere txikiagoak izanen Langileen Estatutuan jasotakoak baino.
2. Langileen Estatutuak bederatzi hiletik beherako seme edo alaba baten edoskitzaroari buruz aitortutako lizentziari dagokionez, bi gurasoek izanen dute legeetan xedatutakoaren arabera edoskitzaroa hartzeko aukera.
Kasu bakoitzerako, langilea lanean hasten denetik adingabeak bederatzi hilabete bete arte benetan lan egindako egunen kopurua zehaztuko da, asteko atsedenaldia, jaiegun ofizialak eta oporrak kenduta, bai eta amatasun/aitatasun lizentzietako beste edozein aste ere. Benetan lan egindako egunak dira beti. Lanegun bakoitzeko, ordubete dagokio.
Hala, guztizko orduak zehaztu ondoren, langileak bere egutegiaren arabera ematen dituen eguneko lanorduekin zatituko da, eta horrela, metatu beharreko edoskitze-egunen kopurua lortuko da.
Ume bat baino gehiago jaiotzen edo adoptatzen bada, edo ume bat baino gehiago adoptatzeko zaintza edo harrera kasuetan, baimenaren denbora modu proportzionalean handituko da.
3. Artikulu honetako kasu guztietan lizentzia ordaindua hartzeko eskubidea aitortuko zaie bai ohiko senar-emazteei, bai edozein eremu geografikotan sortzen ahal diren erregistro publikoetan legez erregistratutako izatezko bikoteei (LGTBIkoak barne), bai, halako erregistrorik izan ezean, batera egiletsitako notario-eskritura publiko baten bidez egiaztatzen diren bikoteei. Nolanahi ere, lizentzia hartzeko ezarri diren eskakizunak betetzen direla frogatu beharko da enpresaren aurrean, dokumentu fede-emaileen bidez frogatu ere.
4. Berreskuratu beharreko baimenak: Aldez aurretik abisatu eta justifikatuta, ondoko kasu hauetan ere lanera ez joateko baimena emanen dio enpresak langileari:
–Kontsulta mediko partikularretara joateko, behar-beharrezkoa den denbora soilik hartuta.
–Osasun sare publikoko espezialisten kontsultara edo proba medikoetara joateko, lehenengo graduko familiarrei laguntzen, behar-beharrezkoa den denbora soilik hartuta. Familiar horiei zentro pribatuetako kontsultara laguntzeko, egun osoko baimena bakarrik eska daiteke.
–Osaba-izeba propioren baten ezkontidea hilez gero, haren hiletara joateko, orduan ere egun osoko baimena eska daiteke.
–Lehen aipatutako heriotza edo ospitaleratzea atzerrian izanez gero, bi egun osoko baimena ere eska daiteke.
Baimen horiek guztiak konpentsatzeko datak enpresak jakinaraziko ditu gutxienez zazpi egun naturaleko aurrerapenaz. Urteko urriaren 31n, balantze bat eginen da, konpentsazioa urte horretan bertan ematea programatu ahal izateko.
5. Legezko zaintza, adingabea zaintzeagatik: Langileen Estatutuak 37. artikuluan eskubidea ematen du eguneko lanaldia murrizteko, soldata horren arabera murriztuta, gutxienez ere lanaldiaren zortziren batean eta gehienez ere erdian, baldin langileak zuzenean zaindu behar badu 14 urte baino gutxiagoko semea edo alaba.
6. Lanaldia murriztea, iraupen luzeko ezintasun iragankorren prozesu zehatz batzuen ondotik: Gerta daiteke langile bat ezintasun iragankorreko prozesu luze batean egotea, 6 hilabete baino gehiagokoa, minbiziagatik edo lanbideko kontingentziengatik. Horrelako prozesu baten ondotik lanean berriz hasten den langileak %25 murriztu dezake eguneko lanaldia lehen hilabetean, enpresaren kontura. Horrelakoetan, enpresak finkatuko du eguneko ordutegia, antolakuntza beharren arabera.
30. artikulua. Soldatarik gabeko lizentziak. Langileek, kontratazio mota gorabehera, soldatarik gabeko lizentzia eskatzen ahalko dute hilabete baterako edo bi hilabeterako, artikulu honetan aipatutako arrazoi edo beharrizanengatik. Eskaera aurkezten duten egunean enpresan urtebete eman ez duten langileek ere lizentzia hori eskatzen ahalko dute, baina bakarrik hurrengo paragrafoan adierazitako beharrizanei edo antzekoei aurre egiteko. Hartu baino hamabost egun lehenago eskatu beharko dira soldatarik gabeko lizentzia horiek.
Lizentzia hori beharrizan pertsonal arrazoitu eta larriei erantzuteko emanen da (senitartekoak zaintzea eta beste). Beharrizan horiek ez dira inoiz izanen norberaren edo inoren konturako inolako lan edo lanbide jarduerarik egiteko; izan ere, horretarako erabiliz gero, lizentziarako bermatzen den lanean berriro hasteko eskubidea galduko litzateke. Kasu horietan langileak egoera hori luzatzean eskatzen ahalko du, hilabete gutxienez eta lau hilabete gehienez. Luzapen hori eszedentzia amaitu baino gutxienez zazpi egun lehenago eskatu beharko da.
Enpresan gutxienez urte bateko jardunaldia egina duen langileak honako hauek eskatzen ahalko ditu opor gisara:
–Langilea txandakako lan sistema bati atxikia badago, soldatarik gabeko lizentzia bat, lan-ziklo batekin bat datorren egun kopuru baterako. Lizentzia hori aldi batean edo bitan hartzen ahalko da, opor egutegitik kanpo. Eguneko, langile batek baliatzen ahalko du gehienez.
–Langilea atxikia badago lanaldi zatituko lan sistema edo egutegi bati, soldatarik gabeko lizentzia bat, lan-aste baterako (normalean, bost –5– egun). Lizentzia hori aldi batean edo bitan hartzen ahalko da, baina departamentu bakoitzean erabiltzen den opor-arautegia errespetatuta.
Aurreko paragrafoetan arautu bezala, opor gisara soldatarik gabeko lizentzia eskatzen denean, horren berri edukiko du enpresa batzordeak.
Era berean, langileak ordainsaririk gabeko baimenak eskuratzeko eskubidea izanen du azterketa ofizial edo oposizio-lehiaketetara joateko, dagokion hilean aipatu baimenean erabili dituen orduen baliokidea kenduta edo, aldeak adostuz gero, galdutako denbora sartuta. Baimen horiek hartu baino 48 ordu lehenago eskatu beharko dira.
31. artikulua. Eszedentziak.
1. Enpresan kontratu mugagabea eta urtebeteko antzinatasuna daukan edozein langilek eskubidea izanen du jarraian ezartzen diren eszedentziak eskatzeko eta onar dakizkion, lanpostua gordeta, baldin eta inoren kontura lan egiteko edo eszedentziarako eskubidea sortzen duen arrazoia ez den beste xede baterako erabiltzen ez baditu. Kasu horretan lanean berriro hasteko eskubidea galduko luke eta lan kontratua amaituko litzaioke.
Onartutako eszedentzien iraupena ez da zenbatuko enpresako antzinatasunaren eta lanean emandako urteen ondorioetarako, legez ezarritakoa salbu.
A) Oporretarako eszedentzia laburra. Hartu baino bi hilabete lehenago eskatu beharko da. Eszedentzia hori hilabeterako edo bi hilabeterako emanen da. Egoera hori luzatu ahal izanen da gutxienez ere beste hilabete batez eta gehienez ere beste lau hilabetez. Luzapen hori eszedentzia amaitu baino gutxienez zazpi egun lehenago eskatu beharko da.
B) Borondatezko eszedentzia berezia. Hartu baino bi hilabete lehenago eskatu beharko da, eta urtebeterako edo bi urterako emanen da.
Bi eszedentzietako edozein emateko, egoera horietan dauden pertsonen kopurua ere kontuan hartuko da. Gehienez ere, lantokiko plantilla finkoko %2,5ek eskuratuko dute eszedentzia aldi berean, eta lantoki bakoitzean gutxienez 5 langile egon beharko dira. Era berean, gehienez ere lanpostu eta lantoki bereko hiru langilek baizik ezin izanen dute batera eskuratu.
Eszedentzia horietako bat eskuratuz gero, lau urte igaro arte langileak ez du izanen eszedentzia hori berriro eskuratzeko eskubiderik. Eszedentziak banan-banan hartuko dira kontuan.
2. Seme edo alaba baten jaiotzagatiko eszedentzia. Seme edo alaba bat jaio eta hura zaintzeko eszedentzia eskatzen denean, lanpostua gordetzeko eta antzinatasuna zenbatzeko eskubidea onartuko zaio langileari lehenengo hiru urteetan, seme edo alaba bakoitzarengatiko kontratuaren etenaldia amaitzen den egunetik aurrera zenbatuta.
Modalitate horietaz gain, langileak eskubidea izanen du legez aurreikusitako gainerako eszedentziak eskatzeko (borondatezko eszedentzia eta nahitaezkoa), eta horien tratamendua goian xedatutakoaren bidez arautuko da. Hartu baino bi hilabete lehenago eskatu beharko dira beste eszedentzia mota horiek.
Artikulu honetan biltzen diren eszedentzia luze guztiei dagokienez, lanean berriro hasteko eskaera hilabete bat aurrerago egin beharko da, bestela, kontratua iraungiko da.
Halaber, artikulu honetan aipatutako eszedentzia guztiei dagokienez, langileak, eszedentzia hasitakoan, eszedentziaren amaiera aurreratu ahal izanen du. Horretarako ere hilabete lehenago jakinarazi beharko du, lanean berriro hasteko.
Batzordeak eskubidea du enpresak ematen dituen eszedentzia egoerez informazioa jasotzeko.
VII. KAPITULUA.– SEGURTASUNA ETA HIGIENEA
32. artikulua. Segurtasun eta Osasun Batzordea.
1. Prebentzio ordezkariak. Prebentzio delegatuei Prebentzioari buruzko 31/1995 Legearen 37. artikuluan ezarritakoa aplikatuko zaie, langileen ordezkariak diren aldetik. Langileen ordezkariek berek hautatuko dituzte beren artean.
Prebentzio delegatuen garrantzia kontuan harturik, enpresak horiek trebatzeko beharrezkoa dena sartuko du bere prestakuntza programetan. Lehenbizi, oinarrizko prestakuntza emanen zaie. Oinarrizko prestakuntza horren edukia Prebentzio Zerbitzuei buruzko indarreko Erregelamenduaren IV. eranskineko artikuluetan xedatutakoa izanen da.
2. Bileretara joatea. Segurtasun eta Osasun Batzordeak bere egitekoa hobeki betetzeko egokitzat jotzen dituen barneko funtzionamendu-arauak ezarriko ditu. Arau horien barnean, bai zuzendaritzaren ordezkariek bai prebentzio arduradunek proposa dezakete zenbait egunez beste pertsona batzuk ohiko bileretara joan daitezela, horretarako beren eskaera behar bezala justifikaturik eta bilerak egin aurretik proposaturik. Segurtasun eta Osasun Batzordeak eskaera horiek onartzeko irizpideak ezarriko ditu.
33. artikulua. Sorosle taldea. Talde horrek enpresaren barnean eraginkortasunez lan egitea komeni denez, gaur egun dagoen taldea mantendu eta hobetu eginen da. Lan Osasuneko Batzordeak taldeko kideen kopurua eta kideen banaketa proposatuko ditu une bakoitzean.
Taldearen indarreko Funtzionamendu Erregelamenduak urtean diru-kopuru zehatz bat jasotzea biltzen du pizgarri gisa, betebeharrak betetzeko eta bertan ezarri eginkizunak burutzeko. Betebehar horietako bat prestakuntza-jardueretara joatea izanen da.
Urtean 3 hilabete baino denbora luzeagoan joan ez bada lantegira eszedentziagatik, soldatarik gabeko lizentziagatik edo aldi baterako ezintasunagatik, enpresak eskubidea izanen du osagarritik edo pizgarritik zati proportzionala kentzeko.
Kopuru hori itundutako soldata tauletan ageri da, eta urtero berrikusiko da, gainerako soldata kontzeptuen ehuneko berean.
34. artikulua. Laneko jantziak. Urtero, lehen hiruhilekoan ahal bada, enpresak lanerako behar dituzten jantziak emanen dizkie langileei.
Arropa beharrizan horiek enpresako Lan Osasuneko Batzordeak zehaztuko ditu une bakoitzean, lanpostuz lanpostu, bai eta arropen kopurua eta mota ere.
35. artikulua. Elikagaien higieneari buruzko arauak. Elikagaien industrian egunetik egunera hobetzen ari dira lehiakortasun eta osasungarritasun mailak. Enpresa hau elikagaien industriaren laguntzailea edo hornitzailea den aldetik, garrantzi handikoa da, bi aldeen ustez, egoera horren ondorioz sortzen diren eta enpresa honetako plantillari zuzenean eragiten dioten eskakizunak kontuan hartzea eta arautzea.
Hori horrela, enpresak informazio osoa eman behar die langile guztiei, eta hartu izanaren agiria eskatu, aplikagarriak eta bete beharrekoak diren baldintzak jakinarazteko: legeak aginduta edo ezarritako arauak aplikatuta (Tabakoaren aurkako Legea) enpresan betearazi behar diren arauak, eta enpresaren produkzioa jasotzen duen merkatuan eskatzen diren beste batzuk.
Enpresak elikagaien higieneari buruzko arauzko prestakuntza emanen du eta prestakuntza hori berrituko du, elikagaien enpresa eta prestakuntza emateko erakunde baimendu gisa duen baimen ofiziala erabilita. Prestakuntza horren barruan sartuko da, gainera, elikagaien erabiltzaileen prestakuntza programaren edukia.
Artikulu honetan aipatutako higiene arauak enpresaren Higieneari buruzko Eskuliburuan daude jasorik, HP-01-01 izeneko prozeduraren barnean. Horiez gain, hitzarmen hau sinatzen denetik aurrera barne araubideko erregelamenduan sartzen diren beste arau guztiak bete beharko dira.
36. artikulua. Gailu mugikorrak erabiltzeko arauak.
Gailu mugikorren erabilera (sakelako telefonoak, tabletak, erreproduzitzeko gailuak eta datu pertsonalen bestelako gailuak) bulego eta aldagela eremuetara mugatzen da. Ezin da ez bideorik ez argazkirik egin, lantegiko zuzendaritzak esanbidez baimendu ezean.
VIII. KAPITULUA.–LAGUNTZA ARAUBIDEA
37. artikulua. Aseguru poliza. Hitzarmen honen aplikazio eremuetan sartzen diren langile guztiak, enpresako langileak diren bitartean eta legez erretiroa hartzeko dagokion adinera iritsi ez badira, hurrengo arrisku eta kapitaletan egonen dira aseguraturik:
–Heriotza, arrazoia edozein dela ere: 18.826,04 euro.
–Heriotza, lan istripuaren ondorioz: 37.652,07 euro.
–Ezintasun iraunkor absolutua, arrazoia edozein dela ere: 18.826,04 euro.
–Ezintasun iraunkor absolutua, lan istripuaren ondorioz: 94.130,23 euro.
–Ezintasun iraunkor osoa, lan istripuaren ondorioz: 75.304,19 euro.
–Ezintasun iraunkor osoa, arrazoia edozein dela ere: 14.488,50 euro.
–Ezintasun iraunkor partziala, lan istripuaren ondorioz: 75.304,19 euro.
Zenbateko horiek urtero igoko dira aurreko urteko KPIaren arabera, eta indarra izanen dute Estatistikako Institutu Nazionalak KPIaren datua argitaratu ostean ordainsaria berritu den egunean, hau da, urtero urtarrilaren 1ean.
Aseguru honi dagokion polizaren edo poliza-multzoaren prima enpresak ordainduko du osorik.
Langile aseguratu batek kapital horiek goititu nahi baditu, adierazitako kopuruak bere borondatez eta berarentzat bikoizteko eskatzen ahalko du. Kasu horretan, aipatutako igoeratik ondorioztatzen den kostuaren %50 eman beharko du, eta gainerako %50a enpresaren kontura izanen da.
Polizaren ondorioak hitzarmena onartzen den egunaren hurrengo hiletik aurrera aplikatuko dira, epe hori poliza berria sinatzeko ezartzen dela. Eta ez diete eraginen jada hasi diren bajei.
IX. KAPITULUA.–ESKUBIDE SINDIKALAK
38. artikulua. Eskubide eta berme sindikalak. Sinatzen duten aldeek hurrengo puntuak adostu dituzte, aintzat hartuta erakunde sindikalak solaskide egokiak direla enpresaren eta langileen arteko harremanetan sortzen diren gatazkak eta arazoak ebazteko:
a) Erakunde sindikal bateko kideak diren langileei ez zaie bereizkeriarik eginen beren afiliazioa dela eta.
b) Enpresak enpresa batzordeari harrera eginen dio enpresan bertan, betiere langile batekin zerikusia daukan kontua badago eta hark egokitzat jotzen badu. Enpresak bere borondatez, eta ez legeak eskatuta, enpresa batzordea agertzeko eskatzen badu, ordezkaritza-denbora hori ez da zenbatuko hileko orduen kredituaren ondorioetarako.
c) Askatasun Sindikalari buruzko 11/1985 Lege Organikoan ezarritakoaren arabera, enpresak erakunde sindikaletako kideei langileen batzar eta bileretara joaten utzi behar die, baldin eta enpresa batzordeak horietara gonbidatu baditu, eta enpresari deialdiaren berri eman eta pertsona horien izenak jakinarazi ondoren.
d) Askatasun Sindikalari buruzko Lege Organikoan ezarritakoarekin bat, VISCOFANek delegatu sindikalaren figura onartzen du bere enpresan, baita batzordeak ere. Hori dela eta, urtean bi egun naturaleko lizentzia eskuratzeko eskubidea emanen die hautatuak izan diren delegatu sindikalei ordezkatzen duten sindikatuak antolatzen dituen biltzarretara joateko, eta gehienez ere bi pertsona joanen dira sindikatu bakoitzeko. Era berean, lanaldia egokitzeko eskubidea izanen dute sindikatuak antolatzen dituen prestakuntza ikastaroetara joateko; Nafarroatik kanpo egiten diren eta egun batetik gorako iraupena duten sektoreko prestakuntza ikastaroetara joan behar denean, enpresak ezarriko ditu irizpideak.
e) Legez onartuta daukaten ordu kredituaren erabilerari dagokionez, enpresan dauden delegatu sindikalek, batzordeko kideek eta langileen ordezkariek horiek erabiltzeko idatziz egin beharko dute eskaera, gutxienez ere 48 ordu lehenago (arrazoi justifikatu batengatik ezpada), eta zenbat ordu erabiliko dituzten adierazi beharko dute. Orduak beren lantokiaren esparrutik kanpo erabiltzen dituztenean, erabileraren frogagiria ere aurkeztu beharko dute.
f) Kitapen-agiriak emateko unean enpresak dauzkan eta legeak aitortzen dituen betebeharrei dagokienez, enpresak bi edo hiru eguneko epea emanen du interesdunek kitapen-agiria itzul dezaten, beraiek bakarrik sinaturik edo batzordeko kide batek ere sinaturik.
g) Delegatu sindikal bat aldi berean batzordeko kidea bada, hileko kreditu orduak metatzen ahalko dira, eta halaber, batzordeko kide edo langileen ordezkari bakar batek batzordeko kide guztien hilabete horretako ordu kreditu osoa edo zati bat metatzen ahalko du.
Urdiaingo lantegiko enpresa batzordeak ordu bateko kreditu gehigarria izanen du, berez dagozkion hamabost orduei gehituko zaiena.
h) Kapitulu honetan arautu gabeko orotan, Askatasun Sindikalari buruzko Lege Organikoan eta indarra duten gainerako arau aplikagarrietan xedatutakoari eutsiko zaio.
X. KAPITULUA.–BATZORDE PARITARIOA
39. artikulua. Batzorde paritarioa. Batzorde paritarioa aukeratuko da. Alde batetik, Urdiaingo lantegiko enpresa batzordeko kide guztiek osatuko dute, eta beste aldetik, enpresa ordezkatzen duten kideen kopuru berdinak.
Hitzarmen hau interpretatzeko, itundutakoa denek betetzen dutela zaintzeko eta adiskidetzerako organo gisa jarduteaz gain, batzorde horrek hitzarmenaren edukiari buruz sortzen diren auziak negoziatu eta ebazteko ahalmena dauka, eta hitzarmenean xedatutakoari buruzko akordioak onartzeko.
Era berean, batzorde hori izendatuz, trans eta LGTBI pertsonen benetako berdintasun eraginkorra lortzeko adostutako planifikatutako neurrien aplikazioan eta interpretazioan sor litezkeen desadostasunak konpontzeko prozedura bermatzen da, indarrean dagoen legeriak hala eskatzen baitu.
Sindikatuen ordezkaritzako kideek erabakiak hartu eta botoa emateko orduan, beharrezkoa izanen da bertaratzen diren kideen gehiengoa.
Aldeetako batek eskatzen duenean bilduko da batzordea, gutxienez astebete lehenago abisatuz gero. Arazoak konpontzeko gehienez ere bi asteko epea izanen du, eta bi aldeek adostuta onartu beharko dira eztabaidatzen diren gaiak.
Adostasunik lortzen ez bada, aldeek Nafarroako Lan Auzitegiaren bitartekotza onartuko dute, edo haien artean adosten duten beste bitartekotza bat.
40. artikulua. Lan Auzitegia. Enpresa honetako edozein langilek Lan Auzitegira jotzen ahalko du askatasunez eta bere borondatez, eta bertan onartutako adiskidetze, bitartekotza eta arbitraje prozeduren mendean jartzen ahalko da. Era berean, enpresak ere aukera hori gorde du beretzat, langileak hartzen duen erabakia edozein dela ere.
41. artikulua. Europako Batzordea. Europako 94/95/EE Zuzentarauaren xedea da Europako enpresa batzordeak eratzea, edo prozedura alternatiboak eratzea Europar Batasunean diharduten enpresetako edo enpresa-taldeetako langileei informazioa emateko eta kontsulta egiteko. Zuzentarau hori Espainiako legediari erantsi ondoren, bi aldeek erabaki dute haren edukia batera aztertzea, aipatu legean arautzen diren informazio eta kontsulta bideen artean komenigarrienak iruditzen zaizkienak ezartzeko.
XI. KAPITULUA.–ENPLEGUA SUSTATZEKO NEURRIAK
Atal honen edukia baldintzatuko du bi aldeek, hitzarmen honen indarreko lehenbiziko urtean lehentasunez hitzartuko duten berariazko akordioaren edukiak, konpromiso hori hartu baitute. Bien bitartean, unean uneko indarreko legediak eskaintzen dituen aukeren arabera planteatzen diren erretiro eskaerak aztertuko dira.
42. artikulua. Erretiro aurreratua.
1. Legeak aurreikusi eta baimenduz gero, 64 urte betetzean erretiroa hartu nahi duen langile bakoitzaren ordez, beharrezko denboran eta indarreko edozein kontratazio motaren babesean, beste pertsona bat kontratatzeko konpromisoa hartu du enpresak, adin horretako erretiro berezia arautzen duten xedapenei helduta. Modu horretan, Gizarte Segurantzak adin horretako erretiroari dagokion ehunekoaren %100 bermatuko dio langileari.
2. Aurreko puntuan sartzen ez den edozein langilek, gutxienez bi hirurteko eta bi bosturteko bete baditu (16 urteko antzinatasuna) eta behin betiko erretiroaren eguna aurreratu nahi badu, kontzeptu horrengatik osagarria jasotzeko eskubidea izanen du, gutxienez sei hilabete lehenago eskaturik, erretiroa hartzeko unean eta adinaren arabera, jarraian adierazten diren kopuruen arabera:
Urtebete aurretik 4.808,10 euro.
" 2 urte " " 10.217,21 euro.
" 3 urte·" " 15.626,31 euro.
" 4 urte " " 21.035,42 euro.
" 5 urte " " 27.045,54 euro.
Langileren batek erretiro osoa hartzen badu erretiro partziala izan ondoren, artikulu honetan ezarri diren kopuruak ordainduko zaizkio; eta kopuruok kalkulatzeko, enpresan egiten zuen lanaldiaren portzentajea hartuko da aintzat.
3. Bestalde, 60 urtetik gorakoei baliaezintasun osoa edo erabatekoa ofizialki aitortzen zaien kasuetan, artikulu honetan aipatutako zenbatekoak jasotzeko eskubidea egonen da, hurrengo inguruabar guztiak gertatzen direnean:
–Langileak 60 urte baino gehiago izatea.
–Aldi baterako ezintasun egoeran gehieneko aldia amaitu ez izana, eta aldi horretan enpresak egindako baliaezintasun proposamenari uko egin ez izana (22. artikulua)
–Langileak berriz lanean hasteko inolako eskaerarik aurkeztu ez izana.
Jaso beharreko kopuruak, artikulu honetan ezarritakoak, enpresak bermatuko ditu, horrela ezartzen den neurrian, eta indarreko legedian ezarritako kanporatze prozeduren arabera.
XII. KAPITULUA.–XEDAPEN GEHIGARRIAK
1. Enplegu-bermea.–Hitzarmen hau indarrean dagoen bitartean, enpresak konpromisoa hartzen du dagoen enplegu-mailari eusteko, eta postu guztiak betetzeko behar diren lanpostuak finkatuko ditu.
2. Malgutasuna.–Eskaeren kopurua handituz gero, bi aldeek hitzartzen dute bilera bat egitea, enpresak aukera izan dezan azaltzeko zergatik lan egin behar den lan egutegian aurreikusi gabeko lanaldietan. Bilera horretan hitzartuko da zer baldintzatan eginen zaien konpentsazioa langileei. Hala, ikusiko da zenbateko malgutasuna duen Urdiaingo lantokiak behar bezala erantzuteko bezeroen eskaerei eta eskakizunei.
3. Prestakuntza.–Enpresako prestakuntzatzat joko da enpresako langileak eta enplegatuak eguneratu, gaitu edo birziklatzeko asmoz enpresan zuzenean edo hirugarrenak kontratatuz garatzen diren prestakuntza ekintzen multzoa (Prestakuntza Plana osatzen duena). Enpresa jardueraren garapenak edo lanpostuen ezaugarriek eskatzen dute, eta enpresako lehiakortasun handiena eta banakako prestakuntza bateragarri egiteko aukera emanen du.
Legeak onartutako banakako prestakuntza baimenak barne hartuko ditu; horien bidez, enpresak baimena ematen ahal die langileei, titulu ofizialaren bidez aitortzen den eta enpresak antolatutako prestakuntzak baino gaikuntza pertsonal eta profesional hobeak ematen dituen prestakuntza eskuratzeko. Hori guztia Etengabeko Lanbide Prestakuntzako Azpisistema arautzen duen indarreko legediaren arabera eginen da, Prestakuntza Planean sartu gabeko prestakuntza ekintzei dagokienez.
Enpresak beharrezko neurriak hartuko ditu, Etengabeko Lanbide Prestakuntzari buruz legez xedatutakoa oinarri hartuta urtero diruz lagun daitekeen prestakuntzarako kreditua erabiltzeko. Halaber, Enpresan burutzen diren prestakuntza ekintzak langileen legezko ordezkaritzari jakinaraziko zaizkio, aipatu legedian ezarri moduan eta prozedurari jarraiki.
Ahaideak zaintzeko legez ezarritako eszedentzian dagoen bitartean, langileak eskubidea izanen du lanbide prestakuntzako ikastaroetara joateko, eta enpresaburuak horietan parte hartzeko deitu beharko dio.
Urteko prestakuntza planetan, LGTBI pertsonek lan eremuan dituzten eskubideei buruzko berariazko moduluak txertatuko dira, arreta berezia jarriz tratu eta aukera berdintasunean eta diskriminaziorik ezean. Prestakuntza langile guztientzat izanen da, barnean hartuta erdi mailako kargudunak, zuzendaritzako postuak eta Langileen eta Giza Baliabideen Zuzendaritzako langileak.
4. Askotariko gastuak.–Enpresak bere gain hartuko ditu adostutako eta barne araubideko erregelamenduan jasotako gastuak.
5. Mugigarritasun geografikoa.–Mugigarritasun geografikoa beste herrialde batzuetako enpresa filialetara aldi baterako joatea da, eta langileak berariaz erabaki edo onartuta baizik ezin izanen da gauzatu.
XIII. KAPITULUA.–AZKEN XEDAPENAK
Lehendabizikoa.–Arau subsidiarioak. Hitzarmen hau sinatu duten aldeek jarraian adierazten diren lan arloetan Industria Kimikoaren XVII. Hitzarmen Orokorrean xedatutakoari heltzea erabaki dute:
–Diziplina araubidea (VIII. kapitulua).
Aipatu Hitzarmen Orokorrean bildutako gainerako lan arloei uko eginen diete, Hitzarmen honetan horri buruzko berariazko edozein aipamen alde batera utzirik.
Hitzarmen honetan ezarri ez den guztirako, Langileen Estatutuan eta indarra duten gainerako lege orokorretan eta gizarte segurantzari buruzkoetan xedatutakoa aplikatuko da.
Bigarrena.–Hitzarmenaren balantzea. Bilera bat ezarri da 2027ko lehen hiruhilekoan, indarrean dagoen hitzarmenari buruzko balantzea egiteko eta aldaketaren bat egin behar den zehazteko. Aldaketaren bat egin nahi izanez gero, bi aldeen adostasuna beharko da.
Hirugarrena.–Hitzarmen honetan hitzartutako baldintzak ez aplikatzeko prozedura.
1. Langileen Estatutuaren 82.3 artikuluan xedatutakoari jarraituko zaio.
Kontsultak egiteko epean akordiorik lortu ezean, bi aldeetako edozeinek hitzarmenaren batzorde paritariora eraman ditzake desadostasunak, eskaeraren egunetik hasi eta gehienez zazpi (7) eguneko epean ebatzi dezan.
Batzorde paritarioan ere akordioa lortzen ez bada, aldeek Nafarroako Lan Auzitegiaren bitartekotzara joko dute, edo aldeek adosten duten beste bitartekotza batera.
Zazpi (7) egun iraganez gero aldeak adostasun batera iritsi gabe, hitzarmen honetan ezarritako arbitraje prozeduraren menpe jarri beharko dute aplikazio eza, itunduta egon daitezkeen beste arau osagarri batzuekin batera.
2. Legitimatuta dauden aldeetako edozeinek gauzatzen ahalko du arbitraje prozedura hasten duen idazkia, eta bost (5) egun baliodun izanen dituzte jakinarazpenetik aurrera arbitroa izendatzeko.
Prozedura horretan hiru arbitro izendatuko dira, alde bakoitzeko bat, eta beste bat, haien artean adostuta, edo lehen aipatu bi arbitroek izendatzen dutena. Azkenik, ez bada adostasunik lortzen hirugarren arbitroa izendatzeko, zozketa eginen da bi arbitroek proposatutakoen artean. Hirugarren arbitro hori izendatzeko epea bost (5) egun baliodunekoa izanen da, zein den ere metodoa.
Oro har, arbitroak izendatu eta erabakia eman arte ezin dira hogei (20) egun baliodun baino gehiago igaro.
Erabaki horrek kontsulta aldian lortzen diren erabakien eraginkortasun bera izanen du, eta errekurtsoa jartzeko, Langileen Estatutuaren 91.2 artikuluan ezarritako prozeduraren arabera bakarrik jartzen ahalko da, eta bertan ezarritako arrazoietan oinarrituz.
3. Dena dela, hitzarmen honen indarraldian enpresak ez du arau horretan aurreikusitakoa erabiliko, hartan itundutako baldintzak ez aplikatzeari dagokionez, aipatu artikuluan identifikatuta dauden hurrengo gaiei buruz: a) Lanaldia; b) Ordainsarien sistema eta soldataren zenbatekoa; g) Borondatezko hobekuntzak Gizarte Segurantzaren babesaren gainean.
Laugarrena.–Goragoko arauak. Geroko lege xedapenen batek hitzarmen honetan ezarritako baldintzetako baten bat aldatuko balu, eragindako artikulua eraginkortasun eta ondoriorik gabe geratuko litzateke. Horren ondorioz, haren edukia berriz aztertu beharko litzateke.
Bosgarrena.–Salaketa. Hitzarmen honetarako itundutako iraupenaren arabera, hitzarmena salatutzat joko da automatikoki, haren indarraldia amaitu baino bi hilabete lehenago.
Salaketaren eguna igarota, bi aldeek hitzarmen berria negoziatzeko konpromisoa hartzen dute. Negoziazioa hurrengo urteko urtarrilaren hamabostean hasiko da beranduenik.
Seigarrena.–Legitimitatea. Bi aldeek lan hitzarmen kolektibo hau onartzeko legitimotasuna aitortzen diote elkarri.
XIV. KAPITULUA
44. artikulua. Tratu eta aukera berdintasuna. Enpresak eta haren kideek diskriminaziorik ezaren eta tratu berdintasunaren printzipioak onartzen dituzte, honako arrazoi hauengatik zuzeneko edo zeharkako diskriminazioa prebenitzeko: adina, desgaitasuna, generoa, jatorria, arraza edo etnia, egoera zibila, erlijioa edo sinesmenak, iritzi politikoa, orientazioa, sexu identitatea, genero adierazpena edo sexu ezaugarriak (LGTBI), sindikatu afiliazioa, hizkuntza edo beste edozein baldintza edo inguruabar pertsonal edo sozial. Hori guztia, giza baliabideak ahalik eta hobekien kudeatzeko, horrela, bereizkeriak saihesteko eta egiazko aukera berdintasuna eskaintzeko, elkarrizketa sozialaren bidea etengabe erabiliz.
45. artikulua. Berdintasun plana. Enpresak tratu eta aukera berdintasuna errespetatu behar du lan esparruan, eta, xede horretarako, lanean emakumeen eta gizonen arteko edozein bereizkeria eragozteko neurriak hartu beharko ditu. Neurri horiek langileen ordezkariekin negoziatu eta, hala bada, adostu beharko ditu, lan arloko legerian zehazten den moduan.
Berdintasun planarekin batera, sexu jazarpeneko eta sexuan oinarritutako jazarpeneko, jazarpeneko eta pertsonen aurkako indarkeriako egoerak prebenitzeko eta tratatzeko protokoloa ezarriko da, LGTBI pertsonak berariaz barne hartuta.
Horren guztiaren ildotik, plantillen heterogeneotasuna sustatuko da, lan-ingurune askotarikoak, inklusiboak eta seguruak lortzeko, portaera LGTBIfobikoen aurkako babesa bermatuz.
Eta ados daudela adierazteko, agiri hau sinatzen dute Urdiainen (Nafarroa), 2025eko abenduaren 22an.
ENPRESA BATZORDEAREN ALDETIK:
VISCOFAN ESPAÑA SLU ENPRESA ORDEZKATUZ:
I. ERANSKINA.–SOLDATA TAULAK
Soldata taulak: 2025
Lantokia: Urdiain, 2025eko abenduaren 4a.
TALDEA | MAILA | LANPOSTUA (S) | SOLDATA OINARRIA | HITZARMENEKO PLUSA | ∆ = %10 | PLUSA ANAL.-PLIS. | SOLDATA GORDINA HILEAN | OIN. SOL. HILEAN PLUSEKIN | OIN. SOL. URTEAN | |||||||
(71) Plusa Gauak | (16) Plusa Jaiegunak | |||||||||||||||
62-gaueko lana | 71-gaueko lana | 4-txandakoa | APARTEKOAK | SOLDATA GORDINA URTEAN | 62-gaueko lana | 71-gaueko lana | 4-txandakoa | |||||||||
4 | E | Taldeburua | 2.020,43 | 832,07 | 334,72 | 158,69 | 0,00 | 2.852,50 | 3.118,22 | 3.187,22 | 3.345,91 | 2.852,50 | 39.934,96 | 43.123,62 | 43.951,64 | 45.855,90 |
3 | D | 1. mailako profesionala | 1.938,63 | 748,24 | 334,72 | 158,69 | 48,78 | 2.686,88 | 2.952,60 | 3.021,60 | 3.180,29 | 2.686,88 | 37.616,26 | 40.804,92 | 41.632,94 | 43.537,20 |
3 | C | 2. mailako profesionala | 1.872,82 | 731,63 | 334,72 | 158,69 | 0,00 | 2.604,45 | 2.870,17 | 2.939,17 | 3.097,86 | 2.604,45 | 36.462,31 | 39.650,97 | 40.478,99 | 42.383,25 |
3 | B | Laguntzaile espezialista | 1.818,02 | 718,34 | 334,72 | 158,69 | 0,00 | 2.536,36 | 2.802,08 | 2.871,08 | 3.029,77 | 2.536,36 | 35.509,06 | 38.697,72 | 39.525,74 | 41.429,99 |
2 | A | Peoi espezialista | 1.686,99 | 621,71 | 334,72 | 158,69 | 0,00 | 2.308,70 | 2.574,42 | 2.643,42 | 2.802,11 | 2.308,70 | 32.321,75 | 35.510,40 | 36.338,43 | 38.242,68 |
1 | A | Peoia | 1.137,84 | 420,84 | 334,72 | 158,69 | 0,00 | 1.558,68 | 1.824,40 | 1.893,41 | 2.052,09 | 1.558,68 | 21.821,56 | 25.010,22 | 25.838,24 | 27.742,50 |
4 | H | 1. mailako analista | 2.066,28 | 878,99 | 334,72 | 158,69 | 0,00 | 2.945,27 | 3.210,99 | 3.279,99 | 3.438,68 | 2.945,27 | 41.233,78 | 44.422,43 | 45.250,46 | 47.154,71 |
4 | D | 2. mailako analista | 1.986,77 | 797,61 | 334,72 | 158,69 | 0,00 | 2.784,38 | 3.050,10 | 3.119,10 | 3.277,79 | 2.784,38 | 38.981,31 | 42.169,96 | 42.997,99 | 44.902,24 |
4 | B | 3. mailako analista | 1.934,98 | 738,55 | 334,72 | 158,69 | 0,00 | 2.673,53 | 2.939,25 | 3.008,25 | 3.166,94 | 2.673,53 | 37.429,37 | 40.618,03 | 41.446,05 | 43.350,31 |
3 | A | Laborategiko laguntzailea | 1.744,99 | 643,08 | 334,72 | 158,69 | 0,00 | 2.388,06 | 2.653,78 | 2.722,79 | 2.881,47 | 2.388,06 | 33.432,87 | 36.621,53 | 37.449,55 | 39.353,81 |
4 | I | Mant. lanetako 1. mailako ofizial esp. | 2.172,20 | 944,38 | 334,72 | 158,69 | 0,00 | 3.116,58 | 3.382,30 | 3.451,30 | 3.609,99 | 3.116,58 | 43.632,12 | 46.820,77 | 47.648,80 | 49.553,05 |
4 | G | Mant. lanetako 1. mailako ofiziala | 2.099,18 | 912,63 | 334,72 | 158,69 | 0,00 | 3.011,82 | 3.277,54 | 3.346,54 | 3.505,23 | 3.011,82 | 42.165,42 | 45.354,08 | 46.182,10 | 48.086,36 |
4 | F | Mant. lanetako 2. mailako ofiziala | 2.033,37 | 845,36 | 334,72 | 158,69 | 0,00 | 2.878,72 | 3.144,45 | 3.213,45 | 3.372,14 | 2.878,72 | 40.302,13 | 43.490,79 | 44.318,81 | 46.223,07 |
4 | C | Mant. lanetako 3. mailako ofiziala | 1.945,05 | 783,89 | 334,72 | 158,69 | 2.728,94 | 2.994,66 | 3.063,66 | 3.222,35 | 2.728,94 | 38.205,14 | 41.393,80 | 42.221,82 | 44.126,07 | |
4 | A | 2. mailako. adm. ofiziala | 1.854,35 | 750,07 | 2.604,42 | 2.604,42 | 36.461,91 | |||||||||
3 | A | Administrari laguntzailea | 1.744,99 | 643,08 | 2.388,06 | 2.388,06 | 33.432,87 | |||||||||
II. ERANSKINA.–2025EKO TAULAK
Artikulua: | Lanpostua | Taldea/Maila | Zenbatekoa hilean | ||||||
17. artikulua. | Analista-plisatzailea: | G3_D 1. mailako profesionala | 48,78 | ||||||
Zenbatekoa urtean | |||||||||
31. artikulua. | Sorosleak | 591,31 | |||||||
24. artikulua. | Urteko lanaldia: | 1.728 | ordu | ||||||
16. eta 26. artikuluak | Aparteko orduen prezioak: | ||||||||
Taldea | Maila | Lanpostua (S) | Gaua eguneko | Jaieguna eguneko | 4-TXANDAK, GAINERAKO LANGILEAK ETA LANALDI ZATITUA DUTENAK | ||||
Arrunta | Gaua | Jaieguna | Jaieguna gauez | ||||||
4 | E | Taldeburua | 56,57 | 119,02 | 34,67 | 38,15 | 36,32 | 39,81 | |
3 | D | 1. mailako profesionala | 56,57 | 119,02 | 32,65 | 36,14 | 34,31 | 37,79 | |
3 | C | 2. mailako profesionala | 56,57 | 119,02 | 31,65 | 35,14 | 33,30 | 36,79 | |
2 | B | Laguntzaile espezialista | 56,57 | 119,02 | 30,82 | 34,31 | 32,48 | 35,96 | |
2 | A | Peoi espezialista | 56,57 | 119,02 | 28,06 | 31,54 | 29,71 | 33,20 | |
1 | A | Peoia | 56,57 | 119,02 | 18,94 | 22,43 | 20,60 | 24,08 | |
4 | H | 1. mailako analista | 56,57 | 119,02 | 35,79 | 39,28 | 37,45 | 40,93 | |
4 | D | 2. mailako analista | 56,57 | 119,02 | 33,84 | 37,32 | 35,49 | 38,98 | |
4 | B | 3. mailako analista | 56,57 | 119,02 | 32,49 | 35,98 | 34,14 | 37,63 | |
3 | A | Laborategiko laguntzailea | 56,57 | 119,02 | 29,02 | 32,51 | 30,67 | 34,16 | |
4 | I | Mant. lanetako 1. mailako ofizial esp. | 56,57 | 119,02 | 37,88 | 41,36 | 39,53 | 43,01 | |
4 | G | Mant. lanetako 1. mailako ofiziala | 56,57 | 119,02 | 36,60 | 40,09 | 38,25 | 41,74 | |
4 | F | Mant. lanetako 2. mailako ofiziala | 56,57 | 119,02 | 34,98 | 38,47 | 36,64 | 40,12 | |
4 | C | Mant. lanetako 3. mailako ofiziala | 56,57 | 119,02 | 33,16 | 36,65 | 34,82 | 38,30 | |
4 | A | 2. mailako. adm. ofiziala | 31,65 | ||||||
3 | A | Adm. laguntzailea | 29,02 | ||||||
Aparteko orduak kalkulatzeko MODULUA = | (Oinarrizko soldata + Hitzarmeneko plusa)*14 | |
Urteko lanaldia | ||
APARTEKO ORDUAK LUZAPENA (koef. biderkatzailea): | * 2 | |
ENPRESA BATZORDEAREN ALDETIK:
VISCOFAN SLU ORDEZKATUZ:
III. ERANSKINA
Urteko gordina antzinatasuna.
Urtea/antzinatasuna | 1. hirurtekoa 3 urte | 2. hirurtekoa 6 urte | 1. bosturtekoa 11 urte | 2. bosturtekoa 16 urte | 3. bosturtekoa 21 urte |
2025 | 508,85 euro | 1.017,69 euro | 2.035,39 euro | 3.053,25 euro | 4.070,95 euro |
2026 | 521,57 euro | 1.043,14 euro | 2.086,27 euro | 3.129,59 euro | 4.172,72 euro |
2027 | 534,61 euro | 1.069,21 euro | 2.138,43 euro | 3.207,82 euro | 4.277,04 euro |
2028 | 547,97 euro | 1.095,94 euro | 2.191,89 euro | 3.288,02 euro | 4.383,97 euro |
IV. ERANSKINA KPI
KPI, 2026ko helburuak
Produktibitatea | KPIaren |
%59,10 | -0,10 |
%59,20 | -0,09 |
%59,30 | -0,08 |
%59,40 | -0,07 |
%59,50 | -0,06 |
%59,60 | -0,05 |
%59,70 | -0,04 |
%59,80 | -0,02 |
%59,90 | -0,01 |
%60,01 | 0 |
%60,10 | 0,01 |
%60,20 | 0,02 |
%60,30 | 0,03 |
%60,40 | 0,04 |
%60,50 | 0,06 |
%60,60 | 0,07 |
%60,70 | 0,08 |
%60,80 | 0,09 |
%60,90 | 0,10 |
%61,00 | 0,11 |
%61,10 | 0,13 |
%61,20 | 0,14 |
%61,30 | 0,15 |
%61,40 | 0,16 |
%61,50 | 0,17 |
%61,60 | 0,18 |
%61,70 | 0,19 |
%61,80 | 0,21 |
%61,90 | 0,22 |
%62,00 | 0,23 |
%62,10 | 0,24 |
%62,20 | 0,25 |
%62,30 | 0,26 |
Nabearen aprobetxamendua | KPIaren |
%90,00 | -0,35 |
%90,10 | -0,29 |
%90,20 | -0,23 |
%90,30 | -0,17 |
%90,40 | -0,12 |
%90,50 | -0,06 |
%90,60 | 0 |
%90,70 | 0,06 |
%90,80 | 0,12 |
%90,90 | 0,17 |
%91,00 | 0,23 |
%91,10 | 0,29 |
%91,20 | 0,35 |
%91,30 | 0,40 |
%91,40 | 0,46 |
%91,50 | 0,52 |
%91,60 | 0,58 |
%91,70 | 0,63 |
%91,80 | 0,69 |
%91,90 | 0,75 |
%92,00 | 0,81 |
%92,10 | 0,86 |
%92,20 | 0,92 |
%92,30 | 0,98 |
%92,40 | 1,04 |
%92,50 | 1,09 |
%92,60 | 1,15 |
%92,70 | 1,21 |
%92,80 | 1,27 |
%92,90 | 1,32 |
%93,00 | 1,38 |
%93,10 | 1,44 |
%93,20 | 1,50 |
V. ERANSKINA
A) Lanbide taldeak: definizioa.
1. lanbide-taldea.–Irizpide orokorrak.
Jarraibide zehatzen arabera egiten diren lanak, betiere argi ezarriak, menpekotasun maila handia izanik, batez ere esfortzua eta/edo arreta eskatzen dutenak, eta berariazko prestakuntzarik behar ez dutenak.
Prestakuntza: Derrigorrezko Lehen edo Bigarren Hezkuntzako ezagutzak.
1. 1. lanbide taldea:
Talde horretan honako maila hauek sartzen dira, lanpostuak adierazita dituztela:
1.1. A maila: Peoia.
2. lanbide-taldea.–Irizpide orokorrak.
Lan metodo zehatz eta jakin bati segituz egiten diren eragiketak, beste norbaiten gainbegiratze lan handiarekin. Lan horietarako oinarrizko ezagupen profesionalak behar dira, eta elementu elektronikoak, hala nola, irakurgailuak, eskanerrak, eta abar erabiltzeko aukera izan daiteke.
Prestakuntza: Derrigorrezko Bigarren Hezkuntza gainditu izana da eskatzen ahal den oinarrizko prestakuntza.
2. 2. lanbide taldea:
Talde horretan honako maila hauek sartzen dira, lanpostuak adierazita dituztela:
2.1. A maila: peoi espezialista.
3. lanbide-taldea.–Irizpide orokorrak.
Jarraibide zehatzak jasota egiten badira ere, ezagupen profesional egokiak eta gaitasun praktikoak eskatzen dituzten zereginak dira. Baliabide informatikoekin aritzeko aukera izaten da, erabiltzaile gisa, eta erantzukizuna mugatua da, zuzeneko gainbegiratze sistematikoa baitu.
Prestakuntza: Derrigorrezko Bigarren Hezkuntzaren parekoa da eskatzen ahal den oinarrizko prestakuntza, esperientzia profesionalarekin edo erdi mailako heziketa ziklo batekin osatuta.
3. 3. lanbide taldea:
Talde horretan honako maila hauek sartzen dira, lanpostuak adierazita dituztela:
3.1. A maila:
–Administrazioa: Administrari laguntzailea.
–Ikerketa eta Laborategia: laborategiko laguntzailea.
3.2. B maila: Biltegizaina.
3.3. C maila: 2. mailako profesionala.
3.4. D maila: 1. mailako profesionala.
4. lanbide-taldea.–Irizpide orokorrak.
Autonomoki egiteko lanak, lana gauzatzeko ardura duten langileei ekimena eta arrazoibidea eskatu ohi diena, barnean dela horien erantzukizuna, gainbegiratzearen menpe. Beste langile baten edo batzuen laguntza izan dezakete.
Prestakuntza: Batxilergoa edo erdi mailako prestakuntza zikloa, esperientzia profesionalarekin osatua.
4. 4. lanbide taldea:
Talde horretan honako maila hauek sartzen dira, lanpostuak adierazita dituztela:
4.1. A maila: 2. mailako ofiziala, administraria.
4.2. B maila: 3. mailako analista.
4.3. C maila: Mantentze lanetako 3. mailako ofiziala.
4.4. D maila: 2. mailako analista.
4.5. E maila: Taldeburua.
4.6. F maila: 2. mailako ofiziala. Mantentze-lanak.
4.7. G maila: 1. mailako ofiziala. Mantentze-lanak.
4.8. H maila: 1. mailako analista.
4.9. I. maila: Mantentze-lanetako1. mailako ofizial espezialista.
Adierazitako mailei dagozkien lansariak gaur egungo soldata tauletan agertzen dira aipatu lanpostu edo kategorientzat.
B) Lanbide-talde eta mailetan igotzeko berrikuspena.
Enpresaren barne araudian garatzen da lanbide-talde eta mailetan igotzeko berrikuspenaren sistema.
PUNTUAZIO SISTEMA.
GEHIENEKO PUNTUAZIOA (parentesi artean): 100.
A) LANGILEARI BURUZKO INFORMAZIOA: (25 puntu).
–Ikasketa tituluak: (5)
- Eskatzen denarekin bat heldu dena, eta handiagoa: 5 puntu.
- Eskatzen denarekin bat heldu dena: 4 puntu.
- Eskatzen denaren antzekoa, eta handiagoa: 3 puntu.
- Eskatzen denaren antzekoa: 2 puntu.
- Bat heldu dena/antzekoa, baina txikiagoa: 1 puntu.
–Enpresan duen antzinatasuna: (10)
- 15 urte baino gehiago: 10 puntu.
- 10 urtetik 15 urtera bitarte: 8 puntu.
- 5 urtetik 10 urtera bitartekoa: 6 puntu.
- 2 urtetik 5era bitarte: 4 puntu.
- 2 urtetik beherakoa: 2 puntu.
–Antzinatasuna lanpostuan: (10)
- 15 urte baino gehiago: 10 puntu.
- 10 urtetik 15 urtera bitarte: 8 puntu.
- 5etik 10 urtera bitarte: 6 puntu.
- 2 urtetik 5era bitarte: 4 puntu.
- Urtebetetik 2 urtera bitartekoa: 2 puntu.
- Urtebetetik behera: 0 puntu.
B) EBALUAZIOA: (35 puntu).
B.2. JARDUNA:
–Lanposturako behar den guztirako balioarekin bat egiten badu: 25 puntu.
–Behar den baliotik gorako edo beherako desbideratzea: puntuazio proportzionala.
–Desbideratzea >eskatzen den balioaren -%25: 0 puntu.
C) PROBAK: (40 puntu).
C.1. TEORIKOAK: (20)
–Erantzunen %100 zuzenak: 20 puntu.
–Erantzun zuzenen gainerako ehunekoak: puntuazio proportzionala.
–%50etik behera: 0 puntu.
C.2. PRAKTIKOAK: (20)
–Proba guztiak gainditurik: 20 puntu.
–Gainditutako proben gainerako ehunekoak: puntuazio proportzionala.
–%50etik behera: 0 puntu.
(Proba bakoitzak gainditu beharreko helburu bat izanen du).
D) PUNTUAZIO OSAGARRIA:
A.1. HISTORIALA: (10 puntu).
–Kategoria handiagoko lanpostuetan aritu izana 6 hilabetetik gorako aldietan: 10 puntu.
–Berdin, 3 hilabetetik 6 hilabete arte: 8 puntu.
–Antzeko kategoriako lanpostuetan aritu izana 6 hilabetetik gorako aldietan: 6 puntu.
–Berdin, 3 hilabetetik 6 hilabete arte: 4 puntu.
–Kategoria txikiagoko lanpostuetan aritu izana: 2 puntu.
Eta ados daudela adierazteko, agiri hau sinatu dute Urdiainen (Nafarroa), 2025eko abenduaren 22an.
Sinatzen dute,
ENPRESA BATZORDEAREN ALDETIK:
VISCOFAN ESPAÑA SLU ORDEZKATUZ:
Iragarkiaren kodea: F2601471
Sarbidea
Nafarroako Aldizkari Ofiziala
Paseo Pablo Sarasate, 38, 2.º izda.
31001 - Iruña
848 42 12 50
