Iragarkia

50. ALDIZKARIA - 2026ko martxoaren 10a

1. NAFARROAKO FORU KOMUNITATEA

1.5. ESTATUTUAK ETA LAN HITZARMEN KOLEKTIBOAK

32C/2026 EBAZPENA, otsailaren 23koa, Ekonomia Sozialeko eta Laneko zuzendari nagusiak emana, erabakitzen duena Nafarroako ogi-fabrikatzaile eta -saltzaileen hitzarmen kolektiboko soldaten 2026. eta 2027. urteetarako berrikuspenari buruzko akordioa erregistratzea, gordailutzea eta Nafarroako Aldizkari Ofizialean argitaratzea.

Aztertu da Nafarroako ogi-fabrikatzaile eta -saltzaileen hitzarmen kolektiboko soldaten 2026. eta 2027. urteetarako berrikuspenari buruzko akordioa (31005305011981 kode zenbakia), erregistro honetan 2026ko otsailaren 16an sartua, enpresaren eta sindikatuen ordezkariek 2026ko otsailaren 6an sinatu ondotik.

Bat etorriz Langileen Estatutuaren Legearen testu bategina onesten duen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Hitzarmen kolektiboak, lan akordio kolektiboak eta berdintasun planak erregistratu eta gordailutzeari buruzko maiatzaren 28ko 713/2010 Errege Dekretuan ezarritakoarekin,

Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak erabiliz eta Eskubide Sozialetako, Ekonomia Sozialeko eta Enpleguko Departamentuaren egitura organikoa ezartzen duen azaroaren 15eko 251/2023 Foru Dekretuan xedatutakoa kontuan hartuta,

EBAZTEN DUT:

Lehena.–Nafarroako Hitzarmen Kolektiboen, Lan Akordio Kolektiboen eta Berdintasun Planen Erregistroan inskribatzeko agintzea.

Bigarrena.–Nafarroako Aldizkari Ofizialean argitaratzeko agintzea, orok jakin dezan.

Iruñean, 2026ko otsailaren 23an.–Ekonomia Sozialeko eta Laneko zuzendari nagusia, Iñaki Mendióroz Casallo.

NAFARROAKO OGI-FABRIKATZAILE ETA -SALTZAILEEN HITZARMEN KOLEKTIBOA

Iruñean, 2026ko otsailaren 6an, 13:00etan, Nafarroako ogi-fabrikatzaile eta -saltzaileen hitzarmenaren negoziazio mahaia bildu da (hitzarmenaren kodea: 31005305011981), honako entitate eta ordezkari hauek osatua:

–Nafarroako Enpresaburu Ogi-fabrikatzaile eta -saltzaileen Elkartearen aldetik:

Javier San Miguel Inza jauna eta Enrique Vega Romero jauna.

–UGT sindikatuaren aldetik:

José Manuel Blanco jauna.

–CCOO sindikatuaren aldetik:

Eva Ciaurriz Noain andrea.

AZALDU DUTE:

I.–Behean sinatzen duten alderdiek ekitaldi honetarako behar den legitimazioa aitortzen diote elkarri, une honetan indarrean den hitzarmen kolektiboaren testuaren sinatzaileak direlako.

II.–Behin ezagututa nola aldatu diren kontsumoko prezioen indizeak, eragina baitute hitzarmenaren lehenengo soldata-berrikuspenean, hitzarmen kolektiboaren 24. artikuluan ezarritakoaren arabera, beharrezkoa izan da hitzarmeneko soldata-taulak berrikustea eta eguneratzea, 2026ko urtarrilaren 1etik aurrerako ondorioekin. Era berean, 2027ko taulak egiteko behar diren datuak ezagututa, horiek ere formalizatzen dira.

Ekitaldia hasita, taulen berri eman da.

ERABAKITZEN DUTE:

Lehenengoa.–2023., 2024. eta 2025. urteetako KPIaren emaitza ikusita, eta hitzarmen kolektiboaren 25. artikuluan eta horrekin bat datozenetan xedatutakoaren arabera, bidezkoa da hitzarmeneko soldata-taulak eguneratzea.

Ondorioz, Nafarroako Enpresaburu Ogi-fabrikatzaile eta -saltzaileen Elkartearen ordezkaritzak eta UGT eta CCOO sindikatuek Nafarroako ogi-fabrikatzaile eta -saltzaileen hitzarmen kolektiboko soldata-taulak onetsi eta sinatu dituzte (hitzarmenaren kodea: 31005305011981), zeinak 2026ko urtarrilaren 1etik aurrera egonen baitira indarrean. Akordio honen I. eranskinean jaso dira.

Aplikatutako igoera 2025eko soldata-taulen gainean %3,55 aplikatzearen emaitza da, taula horiek aurreko ekitaldietako KPIaren desbiderapenarekin eguneratu ondoren, bai eta 2026rako itundutako igoerarekin ere (%2).

Era berean, egiaztatu ondoren 2027ko ekitaldirako itundutako soldata-igoera %2an ezarri dela modu finkoan, 2028an berrikusten ahal bada ere, 2027ko ekitaldi horri dagozkion soldata-taulak ere onetsi dira (II. eranskina).

Bigarrena.–Langileen Estatutuaren 90. artikuluan xedatutakoa betez, akta hau eta taulak lan agintaritza eskudunari igorriko zaizkio, jakinaren gainean egon dadin eta berariaz eskatzeko haiek erregistratu, gordailutu eta Nafarroako Aldizkari Ofizialean argitaratzeko beharrezkoa dena xedatu dadin.

Aztertzeko beste gairik ez dagoenez, bilera bukatu da eta, adostasunaren adierazgarri, bertaratutakoek honako akta hau sinatu dute, goian aipatu toki eta egunean.

I. ERANSKINA.–OKINDEGIEN HITZARMENAREN 2026KO EGUNERAKETA

Nafarroako okindegien hitzarmeneko soldata-taula. 2016ko urtarrilaren 1etik abenduaren 31ra

17. artikulua. Aparteko orduen balioa:

Dendako saltzailea: 13,59 euro.

Gainerako kategoriak: 16,61 euro.

26. artikulua. Gaueko lanaren plusa, txandakako lanaren plusa eta igande eta jaiegunak:

Gaueko lana: 2,68 euro.

Txandakako lana: 269,87 euro.

Igandeak eta jaiegunak: 66,24 euro.

27. artikulua. Hotz ganberako langilearen plusa: 2,68 euro.

36. artikulua. Aseguru poliza eta heriotzagatiko laguntza:

a) Kalte-ordaina, laneko istripuaren ondorioz ezintasun absolutu edo osoa gertatuz gero:

2026. urtean: 45.242,22 euro.

b) Kalte-ordaina, laneko istripuaren ondorioz heriotza gertatuz gero:

2026. urtean: 35.026,24 euro.

15. artikulua. Malgutasuna:

II. ERANSKINA.–2027RAKO SOLDATA-TAULAK

Nafarroako okindegien hitzarmeneko soldata-taula. 2017ko urtarrilaren 1etik abenduaren 31ra

17. artikulua. Aparteko orduen prezioa:

Dendako saltzailea: 13,86 euro.

Gainerako kategoriak: 16,95 euro.

26. artikulua. Gaueko lanaren plusa, txandakako lanaren plusa eta igande eta jaiegunak:

2027-01-01etik 2027-12-31ra:

Gaueko lana: 2,74 euro.

Txandakako lana: 275,27 euro.

Igandeak eta jaiegunak: 67,56 euro.

27. artikulua. Hotz ganberako langilearen plusa:

2027-01-01etik 2027-12-31ra: 2,74 euro.

36. artikulua. Aseguru poliza eta heriotzagatiko laguntza:

a) Kalte-ordaina, laneko istripuaren ondorioz ezintasun absolutu edo osoa gertatuz gero:

2026. urtean: 46.147,07 euro.

b) Kalte-ordaina, laneko istripuaren ondorioz heriotza gertatuz gero:

2026. urtean: 35.726,76 euro.

15. artikulua. Malgutasuna:

Iragarkiaren kodea: F2602970