2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ELORTZIBAR
Lan-egutegia eta egun baliogabeen deklarazioa 2026rako
Alkatetzak 2026ko otsailaren 10ean emandako 2026-0202 Ebazpenaren bidez onetsi zen Elortzibarko Udalaren zerbitzuko langileendako 2026ko lan-egutegia, honako arau hauek oinarri hartuta: 390/2025 Ebazpena, ekainaren 5ekoa, Ekonomia Sozialeko eta Laneko zuzendari nagusiak emana, Nafarroako Foru Komunitatearen esparruan ordaindu bai baina errekuperatu behar ez diren 2026ko jaiegunen egutegi ofiziala ezartzen duena; 78/2025 Foru Agindua, abenduaren 9koa, Barneko, Funtzio Publikoko eta Justiziako kontseilariak emana, Nafarroako Foru Komunitateko Administrazioaren eta haren erakunde autonomoen zerbitzuko langileen 2026ko lan egutegia onesten duena; 682/2025 Ebazpena, azaroaren 17koa, Ekonomia Sozialeko eta Laneko zuzendari nagusiak emana, zeinaren bidez Nafarroako Foru Komunitateko herrietako jaiegunak zehazten baitira 2026rako, ordaindu bai baina errekuperatu behar ez direnak; eta aplikatzekoak diren beste xedapen batzuk. Egun hauek jaiegun izanen dira, eta udal-bulegoak itxita egonen dira:
–Urtarrilaren 1a: Urteberri eguna.
–Urtarrilaren 6a: Errege eguna.
–Martxoaren 19a: San Jose.
–Apirilaren 2a: Ostegun Santua.
–Apirilaren 3a: Ostiral Santua.
–Apirilaren 6a: Pazko astelehena.
–Maiatzaren 1a: Langileen eguna.
–Abuztuaren 15a: Andre Mariaren Jasokundea.
–Abuztuaren 26a, 27a eta 28a: herriko zaindariaren festak.
–Irailaren 29a: San Migel, jaieguna herrian.
–Urriaren 12a: Espainiako Jai Nazionala.
–Azaroaren 2a: Santu Guztien egunaren biharamuna.
–Abenduaren 3a: San Frantzisko Xabierkoa.
–Abenduaren 8a: Andre Maria Sortzez Garbia.
–Abenduaren 25a: Eguberri eguna.
Udal-bulegoak itxita egonen dira urteko larunbat eta igande guztietan, bai eta 2026ko lan-egutegian ezarritako eta arestian aipatutako gainerako jaiegunetan ere.
2026ko abenduaren 7an, Noaingo Foruen plazako 3an dauden udal-bulegoak itxita egonen dira, udal-langileen ordu konpentsazioagatik. (Egun baliogabea deklaratua ez bada ere).
Halaber, baliogabeak izanen dira, 2026an epeak kontatzeari dagokionez, larunbat eta igande guztiak eta udal-bulegoetarako jaiegun deklaratutakoak.
Argitara ematen da, orok jakin dezan.
Noainen, 2026ko otsailaren 11n.–Alkate udalburua, Luis Maya Armendáriz.
Iragarkiaren kodea: L2602103
