1. NAFARROAKO FORU KOMUNITATEA
1.7. BESTELAKOAK
JENDAURREKO INFORMAZIOA: "Sarbil 1", "Sarbil 2", "Sarbil 3", "Sarbil 4", "Sarbil 5", "Sarbil 6", "Sarbil 7", "Sarbil 8" eta "Sarbil 9" eguzki-instalazio fotovoltaikoak, Etxauriko, Oltza zendeako eta Orkoiengo udal mugarteetan.
Energia elektrikoa garraiatu, banatu, merkaturatu eta haren horniketa egiteko jarduerak eta halako instalazioetarako baimen prozedurak arautzen dituen abenduaren 1eko 1955/2000 Errege Dekretuaren 125. artikuluan eta Ingurumen Ebaluazioari buruzko abenduaren 9ko 21/2013 Legearen 36. artikuluan xedatutakoa betez, jendaurrean jartzen dira honako espediente hauek:
–Xedea: Jendaurrean jartzea proiektuak eta ingurumen inpaktuaren azterketak, honako helburu hauekin: ingurumen inpaktuaren ebaluazio arrunta tramitatzea eta aurretiazko administrazio baimenak lortzea.
–Deskribapena: "Sarbil 1" (5525-CE), "Sarbil 2" (5526-CE), "Sarbil 3" (5527-CE), "Sarbil 4" (5528-CE), "Sarbil 5" (5529-CE), "Sarbil 6" (5530-CE), "Sarbil 7" (5531-CE), "Sarbil 8" (5532-CE) eta "Sarbil 9" (5533-CE) eguzki-instalazio fotovoltaikoak (bakoitzak 4,4 MW-eko potentzia instalatua du), eta haien transformazio eta ebakuazio azpiegiturak, Etxauriko, Oltza zendeako eta Orkoiengo udal mugarteetan.
–Eskatzaileak: Sarbil Solar Uno SLU ("Sarbil 1"), Eguzki Santa Cruz Uno SL ("Sarbil 2"), Eguzki Quiriaco Dos SLU ("Sarbil 3"), Eguzki Rancho Tres SL ("Sarbil 4"), Eguzki Chaparral Cuatro SL ("Sarbil 5"), Eguzki Borda Cinco SL ("Sarbil 6"), Eguzki Soportillo Seis SL ("Sarbil 7"), Eguzki Bojeral Siete SL ("Sarbil 8") eta Eguzki Arpide Ocho SL ("Sarbil 9").
–Proiektuak baimentzeko eskumena duen organoa: Enpresen Sustapenerako eta Azpiegituretako Zuzendaritza Nagusia.
Espedienteak jendaurrean jarriko dira Industria Antolamenduaren, Azpiegitura Energetikoen eta Meatzeen Zerbitzuan (Tomás Caballero parkea 1, 5. solairua, 31005 Iruña), kontsultak egin ahal izateko.
Dokumentazioa esteka hauetan ere aztertzen ahalko da:
https://gobiernoabierto.navarra.es/eu/gardentasuna/jendaurreko-informazioaren-tramitea/espediente-Sarbil-5525-5526-5527-5528-5529-5530-5531-5532-5533
Alegazioak, iradokizunak edo oharrak idatziz aurkeztu beharko dira 30 egun balioduneko epean, iragarki hau Nafarroako Aldizkari Ofizialean argitaratu eta biharamunetik aitzina, edozein erregistro-bulegotan, Nafarroako Gobernuaren erregistro orokor elektronikoan edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan adierazitako beste edozein bide erabiliz. Behar bezala jaso daitezen, Azpiegitura Energetikoen Atalari zuzendu behar zaizkio (Industria Antolamenduaren, Azpiegitura Energetikoen eta Meatzeen Zerbitzua, Industriako eta Enpresen Trantsizio Ekologiko eta Digitalerako Departamentua), espediente-kodea adierazita.
Iruñean, 2026ko otsailaren 10ean.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.
Iragarkiaren kodea: F2602050