2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ARANTZA
Borondatezko birpartzelazio proiektua, hirigintza hitzarmena eta urbanizazio proiektua UE5 exekuzio unitaterako (5. poligonoko 350. lurzatia). Behin betiko onespena
Otsailaren 13ko 29/2026 Alkate Ebazpen bidez behin betiko onespena eman zaie Silvia Tellechea Iraolak eta Iñaki Etxeberria Aranazek sustaturiko UE5 exekuzio unitateko (5. poligonoko 350. lurzatia) borondatezko birpartzelazio proiektuari, urbanizazio proiektuari eta kudeaketarako hirigintza hitzarmenari.
Lurraldearen Antolamenduari eta Hirigintzari buruzko Foru Legearen testu bategina onesten duen 1/2017 Legegintzako Foru Dekretuan xedaturikoari jarraiki, argitara ematen da behin betiko onespenaren erabakia:
1) Silvia Tellechea Iraolak eta Iñaki Etxeberria Aranazek UE5 exekuzio unitatean (5. poligonoko 350. lurzatia) sustaturiko birpartzelazio proiektua, urbanizazio proiektua eta kudeaketako hirigintza hitzarmena behin betiko onestea.
2) Behin betiko onarturiko birpartzelazio proiektuaren, urbanizazio proiektuaren eta kudeaketako hitzarmenaren iragarkia Nafarroako Aldizkari Ofizialean argitaratzea eta interesdunei jakinaraztea. Era berean, Nafarroako Gobernuko dagokion departamentuari igorriko zaio behin betiko onespenaren erabakiaren jakinarazpena, bai eta behin betiko onetsitako tresnaren espedientearen kopia eginbidetua, gehienez ere 10 eguneko epean, onespen horretatik kontatzen hasita, kontrola dezan, Nafarroako Toki Administrazioari buruzko uztailaren 2ko 6/1990 Foru Legean xedatutakoaren arabera.
3) Ebazpen hau irmoa denean administrazio-bidean, horren ziurtagiria eta birpartzelazio proiektuaren ale bat, behar bezala izapidetua, Jabetza Erregistrora bidaltzea, inskribatzeko, Lurralde Antolamenduari eta Hirigintzari buruzko Foru Legearen testu bategina onartzen duen uztailaren 26ko 1/2017 Legegintzako Foru Dekretuaren 152.4 artikuluan ezarritakoaren arabera.
Administrazio-egintza honen kontra, errekurtso hauek jar daitezke:
–Berraztertzeko errekurtsoa, egintzaren organo egileari zuzendua, hilabeteko epean, ebazpen hau jakinarazi eta biharamunetik hasita.
–Gora jotzeko errekurtsoa, Nafarroako Administrazio Auzitegiari zuzendua, hilabeteko epean, ebazpen hau jakinarazten denetik hasita.
–Administrazioarekiko auzi-errekurtsoa, Administrazioarekiko Auzien Epaitegiari zuzendua, bi hilabeteko epean, jakinarazi eta biharamunetik aitzina.
Arantzan, 2026ko otsailaren 13an.–Alkatea, Saturnino Larralde Ibarrola.
Iragarkiaren kodea: L2602294
