Iragarkia

40. ALDIZKARIA - 2026ko otsailaren 24a

3. ESTATUKO ADMINISTRAZIOA

GOBERNUAREN ORDEZKARITZA

Ukitutako ondasun eta eskubideak okupatu aurreko aktak egiteko deia, Oionen (Araba) eta Aguilar Kodesen (Nafarroa) 40 MW-eko Labraza haize-instalazioa eta haren ebakuazio azpiegiturak egiteko proiektua dela-eta

Trantsizio Ekologikorako eta Erronka Demografikorako Ministerioko Energia Politikako eta Meatzeetako Zuzendaritza Nagusiak, 2025eko uztailaren 8ko ebazpen baten bidez, zeina 2025eko uztailaren 24ko Estatuko Aldizkari Ofizialean argitaratu baitzen, onura publikoaren deklarazio zehatza eman zion AIXENDAR SAri, Oionen (Araba) eta Aguilar Kodesen (Nafarroa) 40 MW-eko Labraza haize-parkea eta haren ebakuazio azpiegiturak egiteko.

Hala ezartzen baitute Sektore Elektrikoari buruzko 24/2013 Legearen 54. eta 56. artikuluek eta Energia elektrikoa garraiatu, banatu eta merkaturatzeko jarduerak, haren hornidura eta haren instalazioetarako baimenen prozedurak arautzen dituen abenduaren 1eko 1955/2000 Errege Dekretuaren 149. artikuluak, deklarazio horrek berekin dakar okupatu beharra eta presaz okupatzea, Nahitaezko Desjabetzeari buruzko 1954ko abenduaren 16ko Legearen 52. artikuluaren ondorioetarako, aipatu 24/2013 Legearen 56. artikuluak agintzen duenaren arabera.

Nahitaezko Desjabetzeari buruzko Legearen 52. artikuluan xedatutakoa betez, Gobernuaren Ordezkaritza honek erabaki du dei egitea ukitutako ondasun eta eskubideen titularrei, zeinen zerrenda eransten baita, ager daitezen ondoren adierazten diren toki, egun eta orduetan, okupatu aurreko aktak eta, bidezkoa bada, behin betiko okupatzekoak egiteko, aipatutako artikuluan ezartzen den prozedurarekin bat.

Aktak jasotzeko ekitaldia egun hauetan eginen da:

Interesdunak, bai eta ukitutako ondasunen gaineko eskubide edo interesen titularrak direnak ere, ekitaldira bertaratu beharko dira, haiek edo behar bezala baimendutako pertsonek ordezkatuta; titulartasuna frogatzen duten agiriak aurkeztu beharko dituzte eta, egokitzat jotzen badute, perituek edo notarioak lagunduta joan daitezke, haiek ordainduta. Halaber, Nahitaezko Desjabetzeari buruzko Legearen Erregelamenduko 57. artikuluan xedatutako ondorioetarako, nahitaez bertaratu beharko dira administrazioaren ordezkaria, baita ukitutako ondasunak dauden udalerriko alkatea ere, edo hark eskuordetutako zinegotzia. Gorago aipatutako Nahitaezko Desjabetzeari buruzko Legearen 52. artikuluan jasotakoaren arabera, iragarkiak paratuko dira Estatuko Aldizkari Ofizialean, Nafarroako Aldizkari Ofizialean, hedapen handiena duten egunkarietako bitan eta kasuko udalen ediktuen taulan.

Aktak jasotzeko ordena adierazitako udalen ediktuen taulan argitaratuko da, eta interesdun bakoitzari jakinaraziko zaio zitazio zedularen bidez. Halaber, ohartarazten da ezen argitalpena Administrazio Publikoen Administrazio Prozedura Erkideari buruzko urriaren 1eko 39/2015 Legearen 44. artikuluan ezartzen diren ondorioetarako ere egiten dela, eta jakinarazpen gisa balioko duela ukitutako ondasun eta eskubideen titular ezezagunen eta helbide ezezaguna dutenen kasurako, bai eta jakinarazpena egiten saiatu eta egiterik izan ez den kasuetarako ere. Desjabetze espedientean AIXENDAR SAk onuradun izaera hartuko du.

Iruñean, 2026ko otsailaren 11n.–Gobernuaren Nafarroako ordezkaria, Alicia Echeverría Jaime.

UKITUTAKO ONDASUN ETA ESKUBIDEEN BANAKAKO ZERRENDA ZEHATZA

Iragarkiaren kodea: E2602099