1. NAFARROAKO FORU KOMUNITATEA
1.3. LURRALDEAREN ANTOLAMENDUA ETA HIRIGINTZA
170E/2025 FORU AGINDUA, abenduaren 10ekoa, Lurralde Kohesiorako kontseilariak emana, zeinaren bidez behin betiko onesten baita Ergoiengo Udal Planaren aldaketa. Aldaketa lurzoruaren sailkapenari buruzkoa da, sektore bat garatzeko, helburua izanik familia bakarreko bi etxebizitza bakartu eraikitzea Ergoienan.
Izapidetze fasea: behin betiko onespena. Deskribapena: lurzoruaren sailkapena. Udalerria: Ergoiena. Kontzejua: Dorrao. Kokalekua: 7. poligonoko 108. eta 109. lurzatien zati bat. Sustatzailea: Ion Ander Lizarraga Lizarraga. Hasierako onespena: 2025-03-26 NAO: 2025-04-10. Behin-behineko onespena: 2025-09-17. Sarrera: 2025-09-30 Erregistro zk.: 1293139. Aplikatu beharreko araudia: Lurraldearen Antolamenduari eta Hirigintzari buruzko Foru Legearen testu bategina, uztailaren 26ko 1/2017 Legegintzako Foru Dekretuaren bidez onetsia. 253/2019 Foru Dekretua, urriaren 16koa, Nafarroako Planeamenduaren Erregistroa eta Nafarroako hirigintza eta lurralde plangintzarako tresnak aurkezteko formatua arautzen dituena. |
Ergoiengo Udalak idazpuruan azaltzen den espedientea aurkeztu du Lurralde Kohesiorako Departamentuan, behin betiko onets dadin.
Espedientearen xedea da sailkapena aldatzea Ergoiengo udalerriko Dorraoko 7. poligonoko 108. lurzatiaren (ondare lurzatia) eta 109. lurzatiaren (herri lurzatia) zati batean.
Ingurumeneko zuzendari nagusiaren abuztuaren 1eko 727E/2025 Ebazpenaren bidez, ingurumen txosten estrategikoa egiten da Ergoiengo Plan Orokorraren aldaketari buruz. Aldaketa horrek Dorraoko 7. poligonoko 108. lurzatiari eragiten dio, eta sustatzailea Ion Ander Lizarraga jauna da. Uste da aldaketak ez duela ondorio nabarmenik ingurumenean.
Ebazpen hori 2025eko 169. Nafarroako Aldizkari Ofizialean argitaratu zen, abuztuaren 26koan.
Ikusirik aurkeztutako dokumentazioa, bai eta Lurralde eta Paisaia Zerbitzuaren txostena ere, bidezkoa da espedientea behin betiko onestea.
Azaldutakoarekin bat, eta Lurralde Kohesiorako Departamentuaren egitura ezartzen duen azaroaren 15eko 249/2023 Foru Dekretuan xedatutakoari jarraikiz,
AGINTZEN DUT:
1. Behin betiko onestea Ergoiengo Udal Planaren aldaketa. Aldaketa lurzoruaren sailkapenari buruzkoa da, sektore bat garatzeko, helburua izanik familia bakarreko bi etxebizitza bakartu eraikitzea Ergoienan. Aldaketaren sustatzailea Ion Ander Lizarraga Lizarraga da.
2. Foru agindu hau espedientearen sustatzaileari jakinaraztea eta Ingurumen Ebaluaziorako Atalera igortzea, behar diren ondorioak izan ditzan.
3. Foru agindu hau Ergoiengo Udalera igortzea, jakinaren gainean egon dadin eta behar diren ondorioak izan ditzan, eta, zehazki, dagokion hirigintza araudia argitara dezan Nafarroako Aldizkari Ofizialean, hala, onetsitako hirigintza tresnak indarra har dezan.
4. Adieraztea foru agindu honek ez duela administrazio bidea amaitzen. Administrazio publikoak ez diren interesdunek gora jotzeko errekurtsoa jartzen ahalko dute, Nafarroako Gobernuari zuzendua, legezkotasunaren kontrolerako onespen egintza honen aurka, hilabeteko epean, foru agindu hau jakinarazi edo, hala badagokio, Nafarroako Aldizkari Ofizialean argitaratu eta biharamunetik hasita.
Eta onetsitako hirigintza araudiaren aurka administrazioarekiko auzi-errekurtsoa jartzen ahalko da, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean, dagokion udalak eskaturik, edukia Nafarroako Aldizkari Ofizialean argitaratzen denetik aurrera.
Administrazio publikoek administrazioarekiko auzi-errekurtsoa jartzen ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
5. Foru agindu hau Nafarroako Aldizkari Ofizialean argitaratzea, behar diren ondorioak izan ditzan.
Iruñean, 2025eko abenduaren 10ean.–Lurralde Kohesiorako kontseilaria, Óscar Chivite Cornago.
Iragarkiaren kodea: F2516212
