3. ESTATUKO ADMINISTRAZIOA
GOBERNUAREN ORDEZKARITZA
Jendaurreko informazioa, proiektu honetarako aurretiazko administrazio baimenaren eskaerari eta eraikitzeko administrazio baimenaren eskaerari dagokiena: "Erdi tentsioko saihesbidea Cortes TAEtik", Malléngo (Zaragoza) eta Cortesko (Nafarroa) udal mugarteetan.
Sektore Elektrikoari buruzko abenduaren 26ko 24/2013 Legean, Energia elektrikoa garraiatu, banatu eta merkaturatzeko jarduerak, haren hornidura eta haren instalazioetarako baimenen prozedurak arautzen dituen abenduaren 1eko 1955/2000 Errege Dekretuan eta Herri-lanen Emakidako Kontratua arautzen duen maiatzaren 23ko 13/2003 Legean ezarritako ondorioetarako, jendaurrean jartzen dira proiektu honetarako aurretiazko administrazio baimenaren eskaera eta eraikitzeko administrazio baimenaren eskaera: "Erdi tentsioko saihesbidea Cortes TAEtik", Malléngo (Zaragoza) eta Cortesko (Nafarroa) udal mugarteetan. Proiektuaren ezaugarri orokorrak honako hauek dira:
Eskatzailea: COPISA Constructora Pirenaica SA; IFKa: A-08436107; jakinarazpenetarako helbidea: Europa plaza 2, L ´Hospitalet de Llobregat (Bartzelona); telefonoa: 617404143; helbide elektronikoa: ingest@ingestdeproyectos.com.
Eskaeraren xedea: aurretiazko administrazio baimena eta eraikitzeko administrazio baimena eskatzea "Erdi tentsioko saihesbidea Cortes TAEtik, Malléngo (Zaragoza) eta Cortesko (Nafarroa) udal mugarteetan" proiekturako.
Organo eskuduna: Trantsizio Ekologikorako eta Erronka Demografikorako Ministerioko Politika Energetikoaren eta Meategien Zuzendaritza Nagusia da aurretiazko administrazio baimenaren eta proiektua eraikitzeko administrazio baimenaren eskaera ebazteko eskumena duen organo substantiboa.
Tramitazio organoa: Gobernuaren Zaragozako Ordezkariordetzako Industria eta Energiaren Arlo Funtzionala (El Pilar plaza 13, 50071 Zaragoza), eta Gobernuaren Nafarroako Ordezkaritzako Industria eta Energiaren Arlo Funtzionala (Merindadeen plaza, z.g., 31071 Iruña).
Udal mugarteak: Mallén (Zaragoza) eta Cortes (Nafarroa).
Instalazioaren azalpen orokorra:
Lurpeko erdi tentsioko linea, jatorria Cortes TAEn duena, eta bukaera S41489 euskarri berrian. Ezaugarriak: 50 Hz, 13 kV, zirkuitu bakukna, 3x1x240 Al XLPE eroalea, 12/20 kV-ekoa, 176 m-ko luzera.
Aireko erdi tentsioko linea, jatorria S41489 euskarri berrian duena, eta bukaera 1. euskarrian. Ezaugarriak: 50 Hz, 13 kV, zirkuitu bakuna, LA-56 eroalea, 43 m-ko luzera.
Aireko erdi tentsioko linea, jatorria S41489 euskarrian duena, eta bukaera 3. euskarrian. Ezaugarriak: 50 Hz, 13 kV, zirkuitu bakuna, LA-56 eroalea, 67 m-ko luzera.
Aurrekontu osoa: 38.411,77 euro.
Aldaketaren justifikazioa: Proiektuaren xedea da erdi tentsioko sarearen saihesbide bat eraikitzea: aireko eta lurpeko lineetarako bihurketa-euskarria, lurpeko sarea eta erdi tentsioko aireko sareak Cortes TAEtik, hori guztia A 68 errepide berriaren eraikuntza lanak direla eta.
Trantsizio Ekologikorako eta Erronka Demografikorako Ministerioko Energia Politikako eta Meatzeetako Zuzendaritza Nagusiaren eskumena da proiektu honen aurretiazko administrazio baimena eta eraikitzeko administrazio baimena onestea, eta biak jarri behar dira jendaurrean, batera izapidetzen baitira.
Eta hori guztia aditzera ematen da orok jakin dezan eta proiektua aztertu ahal izan dadin Gobernuaren Zaragozako Ordezkariordetzako Industria eta Energia Arlo Funtzionalean (Pilar plaza 13, Zaragoza), Gobernuaren Nafarroako Ordezkaritzako Industria eta Energia Arlo Funtzionalean (Merindadeen plaza z.g., Iruña) eta ukitutako udaletxeetan, edo esteka honetan:
https://mptmd.gob.es/portal/delegaciones_gobierno/delegaciones/aragon/proyectos-ci/proyectos.html
Interesdunek bidezkotzat jotzen dituzten alegazioak aurkezten ahal dituzte, arlo horiei zuzenduak, bai haien erregistro orokorrean, bai Estatuko Administrazio Orokorraren Erregistro Elektronikoaren bidez (https://rec.redsara.es), bai Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan adierazten diren moduetan, iragarki hau argitaratu eta biharamunetik hasita hogeita hamar egun balioduneko epean.
Iruñean, 2025eko abenduaren 9an.–Industria eta Energia Arloko zuzendaria, Ignacio Irujo Sanz.
Iragarkiaren kodea: E2516071
