2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
OLAZTI
2026ko egutegia plantilla organikoko 40.1 lanposturako (kultura, haurtzaroa eta gazteria alorretako teknikaria eta koordinatzailea)
Olaztiko Udaleko alkateak urtarrilaren 29ko 49/2026 Ebazpena eman du, plantilla organikoko 40.1 lanpostuaren 2026. urterako lan-egutegia onartzen duena. Hona hemen ebazpena hitzez-hitz:
Gizarte Ekonomiaren eta Lanaren zuzendari nagusiaren ekainaren 5eko 390/2025 Ebazpena (2025eko abenduaren 2ko Nafarroako Aldizkari Ofiziala, 241. zk.), Nafarroako Foru Komunitatean 2026rako lan-jaiegunen egutegi ofiziala - ordaindua eta errekuperaezina - ezartzen duena, eta Gizarte Ekonomiaren eta Lanaren zuzendari nagusiaren azaroaren 17ko 682/2025 Ebazpena (2025eko abenduaren 2ko Nafarroako Aldizkari Ofiziala, 241. zk.), Nafarroako Foru Komunikazioan 2026rako toki- jaiak - ordainduak eta errekuperatu ezin direnak - zehazten dituena, ikusi dira.
Kontuan harturik Olaztiko Udaleko langileen ordezkariekin aldez aurretik egindako negoziazioa, 251/1993 Legegintzako Foru Dekretuaren 83. artikuluan xedatutakoa betetzeko.
Kontuan harturik Toki Araubidearen Oinarriak arautzen dituen apirilaren 2ko 7/1985 Legearen 21.1 h) artikuluak ematen didan eskumena, Nafarroako Toki Administrazioari buruzko uztailaren 2ko 6/1990 Foru Legearen 8. artikuluraa igorriz eta Nafarroako Administrazio Publikoen zerbitzuko Langileen Estatutuaren 84.1 artikuluarekin bat etorriz,
EBATZI DUT:
Lehenengoa.–2026. urteko jaiegunen egutegia onartzea 40.1 lanposturako (kultura, haurtzaroa eta gazteria alorretako teknikaria eta koordinatzailea), eta 2026. urterako jaiegun ordaindu eta berreskuraezin gisa ezartzea Olaztiko Udaleko gainerako langileen jaiegun berberak. Honako hauek dira:
–Urtarrilak 1: Urteberria.
–Urtarrilak 6: Jaunaren Eguna.
–Martxoak 19: San Jose.
–Apirilak 2: Ostegun Santua.
–Apirilak 3: Ostiral santua.
–Apirilak 6: Pazko astelehena.
–Maiatzak 1: Lanaren Eguna.
–Uztailak 27: Herriko jaiak.
–Abuztuak 15: Ama Birjinaren Jasokundea.
–Urriak 12: Espainiako Jai Nazionala.
–Azaroak 2: Domu Santu egunaren biharamuna.
–Abenduak 3: Xabierko San Frantzisko.
–Abenduak 8: Sortzez Garbia.
–Abenduak 25: Jaunaren Jaiotza.
Bigarrena.–40.1 lanposturako lanegunak ez diren egun deklaratzea 2026ko otsailaren 14a eta 21a, apirilaren 4a eta abenduaren 26a.
Hirugarrena.–40.1 lanposturako urteko lanaldiaren banaketa benetako 1.592 lanordukoa izango da, eta honela egingo da:
–Asteartetik larunbatera bitarteko lanaldia 7 ordu eta 20 minutukoa izango da, oro har
–Astearte eta asteazkenetan lanaldia bulegoetarako oro har aurreikusitakoa izango da, hau da: ordutegi-malgutasuna ezartzen da, ordutegiaren zati finkoa 9:00etatik 14:00etara bitartekoa izanik, eta lanaldia egiteko geratzen den denbora langileak nahi bezala eta malgutasunez, 7:00etatik 9:00etara eta 14:00etatik 16:30era bitartekoa izango da.
–Ostegun, ostiral eta larunbatetan, lanaldia ordutegi zatituan egingo da, eta lan-ordutegia hiru ordu eta hogei minutukoa izango da goizez, nahi izanez gero. Nolanahi ere, aurreikusita dauden eta bete behar diren jarduerak beteko dira, eta arratsaldez, lau ordu, 16:30etik 20:30era.
–Abuztuak eta iraileko lehen hamabostaldiak lanaldi eta lan-ordutegi orokorra izango dute, hau da: astelehenetik ostiralera, ordutegi malguaren zati finkoa 9:00etatik 14:00etara izango da, eta lanaldia betetzeko geratzen den denbora langileak aukeratuko du, malgutasunez, 7:00etatik 9:00etara eta 14:00etatik 16:30era.
Lanpostu honek 10 ordura arteko saldo positiboa edo negatiboa izan dezake etengabe, eguneko lanaldiarekiko.
–6 ordu eta 40 minutuko poltsa izango du urtean zehar hartzeko, zerbitzuaren beharren arabera.
–Telelanaren aukera ostegun eta ostiral arratsaldeetara eta larunbat goizetara eta arratsaldeetara aldatzen da, baldin eta ez badago emanaldirik edo ekitaldirik, non beharrezkoa den lanpostua betetzen ari dena han egotea.
Laugarrena.–Erabaki hau Nafarroako Aldizkari Ofizialean, Udalbatzaren iragarki-taula ofizialean eta Olaztiko Udalaren egoitza elektronikoan argitaratzeko agintzea, eta Udaleko langileen ordezkariei eta Udalbatzari jakinaraztea kide anitzeko organo honek egiten duen hurrengo ohiko osoko bilkuran.
Administrazio-egintza honen aurka, honako errekurtso hauek jarri ahal izango dira:
–Berraztertzeko errekurtsoa egintza eman duen organoari, hilabeteko epean, ebazpen hau jakinarazi eta hurrengo egunetik aurrera.
–Gora jotzeko errekurtsoa Nafarroako Administrazio Auzitegian, ebazpen hau jakinarazi eta hurrengo hilabetean.
–Administrazioarekiko auzi-errekurtsoa, bi hilabeteko epean, jakinarazpena egin eta hurrengo egunetik aurrera, Administrazioarekiko Auzien Epaitegian.
Olaztin, 2026ko urtarrilaren 30ean.–Alkatea, Joseba Vizuete Askargorta.
Iragarkiaren kodea: L2601396
