Iragarkia

38. ALDIZKARIA - 2026ko otsailaren 20a

1. NAFARROAKO FORU KOMUNITATEA

1.7. BESTELAKOAK

38E/2026 EBAZPENA, urtarrilaren 26koa, Ingurumeneko zuzendari nagusiak emana, zeinaren bidez ingurumen txosten estrategikoa egiten baita Esteribarko arau subsidiarioen aldaketari buruz. Aldaketak 22. poligonoko (Sarasibar) 56C lurzatiaren eremuari eragiten dio, eta Enrique García Murillo jaunak sustatu du.

Udalak aldaketa hori 2025eko abuztuaren 28an hasiera batez onetsi ondoren, jendaurrean egoteko tramitea bete da, iragarki bat argitaratuz 2025eko 197. Nafarroako Aldizkari Ofizialean, urriaren 2koan. Espedientearen parte da arau subsidiarioen aldaketaren agiri teknikoa –memoria, hirigintza-araudia eta planoak barne–.

Aldaketaren helburua da Esteribarko 22. poligonoko (Sarasibar) 56C katastro-azpilurzatiko lurzoruaren zati bat birsailkatzea, lurzoru urbanizaezinetik bizitegi erabilerako hiri-lurzoru finkatu izatera pasatzeko. Horrela, lur hori hiri-lurzati mugakideari (22. poligonoko 21. lurzatia) gehituko zaio, espazio libre pribatua handitzeko.

Lurzoruaren birsailkapenak 136,78 metro koadroko azalerari eragiten dio; Sarasibarko hirigunearen hegoaldean kokatua dago, eta harekin muga egiten du. Aldaketaren eremua malda leuneko lursailak dira. Berez, lehorreko laboreetarako izan zitezkeen, baina hesitutako berdegune batek okupatzen ditu. Lur horietan ez da ingurumen balio aipagarririk identifikatu, lurzatiaren hegoaldeko mugatik doan erreka izan ezik.

Biodibertsitatearen eta Arrantza Kudeaketaren Zerbitzuak jakinarazi du behar bezala egin dela ingurumen ebaluazio estrategiko sinplifikatuaren prozedura, eta ebazpen honetan jasotzen den baldintza bat ezarri du.

Adierazitakoarekin bat, eta honako hauek ematen dizkidaten eskudantziak erabiliz: Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikulua, Nafarroako Foru Komunitateko Administrazioaren departamentuen egitura ezartzen duen abuztuaren 17ko 10/2023 Nafarroako Foru Komunitateko Lehendakariaren Foru Dekretua, eta Landa Garapeneko eta Ingurumeneko Departamentuaren egitura organikoa ezartzen duen azaroaren 15eko 255/2023 Foru Dekretua,

EBAZTEN DUT:

1. Ingurumen txosten estrategikoa egitea Esteribarko arau subsidiarioen aldaketari buruz. Aldaketak 22. poligonoko (Sarasibar) 56C lurzatiaren eremuari eragiten dio, eta Enrique García Murillo jaunak sustatu du.

2. Arau subsidiarioen aldaketaren ingurumen integrazioa hobetzeko, baldintza hau jasoko da:

–Errekaren ezaugarri naturalei eutsi beharko zaie, faunarentzat eta florarentzat korridore ekologikoa izaten jarraituko duela ziurtatze aldera. Finkaren hesi edo itxitura guztiak errekaren ertzetatik gutxienez 5 metrora jarri beharko dira.

3. Ebazpen hau Nafarroako Aldizkari Ofizialean argitaratzea.

4. Ebazpen hau Hirigintza Atalari eta Esteribarko Udalari jakinaraztea, behar diren ondorioak izan ditzan.

Iruñean, 2026ko urtarrilaren 26an.–Ingurumeneko zuzendari nagusia, Ana Bretaña de la Torre.

ERANSKIN GRAFIKOA