Iragarkia

38. ALDIZKARIA - 2026ko otsailaren 20a

1. NAFARROAKO FORU KOMUNITATEA

1.7. BESTELAKOAK

11/2026 EBAZPENA, urtarrilaren 15ekoa, Enpresen Sustapenerako eta Azpiegituretako zuzendari nagusiak emana, zeinaren bidez aurretiazko administrazio baimenak ukatzen baitira Alloko eta Leringo udal mugarteetan ezarri nahi diren 4,54 MW-eko eguzki instalazio fotovoltaiko hauetarako eta haien eraldaketa eta ebakuazio azpiegituretarako: "Aleta 19", "Amura 19", "Cabo de San Vicente 1", "Elcano 21" eta "La Niña 9" Espedientearen kodeak: 5450-CE, 5453-CE, 5463-CE, 5468-CE y 5473-CE.

1. Aurretiazko administrazio baimenen eskaerak eta informazio publikoaren eta kontsulten izapideak.

2023ko urriaren 17an, 2024ko otsailaren 13an eta 2024ko martxoaren 1ean, aurretiazko bost administrazio baimen eskatu ziren Alloko eta Leringo udal mugarteetan jartzeko 4,54 MW-eko eguzki instalazio fotovoltaiko hauek eta haien eraldaketa eta ebakuazio azpiegiturak: "Aleta 19", "Amura 19", "Cabo de San Vicente 1", "Elcano 21" eta "La Niña 9".

Abenduaren 1eko 1955/2000 Errege Dekretuaren 125. artikuluan eta Ingurumen-ebaluazioari buruzko abenduaren 9ko 21/2013 Legearen 36. artikuluan xedatutakoa betez, Industria Antolamenduaren, Azpiegitura Energetikoen eta Meatzeen Zerbitzuak jendaurrean jarri zituen aurreproiektuak eta ingurumen inpaktuaren azterketak, 30 egun baliodunean, iragarki bat argitaratuz 2025eko 120. Nafarroako Aldizkari Ofizialean, ekainaren 17koan, Diario de Noticias eta Diario de Navarra egunkarietan (2025eko ekainaren 18an) eta ukitutako udalen ediktuen taulan. Gainera, dokumentazioa Nafarroako Gobernuko Gobernu Irekiaren web orrian argitaratu zen.

Entitate hauen alegazioak jaso ziren:

–Sociedad Concesionaria Aguas de Navarra SA.

–Landazuria-Erriberako Ekologistak Martxan elkartea.

–Ongaiz-Zangozerriko Ekologistak Martxan elkartea.

–Sustrai Erakuntza fundazioa.

Aldi berean, abenduaren 1eko 1955/2000 Errege Dekretuaren 127. artikuluan eta Ingurumen-ebaluazioari buruzko abenduaren 9ko 21/2013 Legearen 37. artikuluan xedatutakoa aplikatuz, zerbitzu honek kontsulta egin zien ukitutako administrazio publikoei eta erakundeei. Espedientean jasota daude jarraian adierazten diren espedienteak:

Ebazpen honen xede diren espedienteetan dago alegazio eta txostenen edukia.

Abenduaren 1eko 1955/2000 Errege Dekretuaren 126. eta 127. artikuluekin bat, alegazioak eta txostenak eguzki instalazio fotovoltaikoen sustatzaileei igorri zitzaizkien.

2. Ingurumen inpaktuaren ebaluazio arrunta hasteko eta lurzoru urbanizaezinean jarduerak egiteko baimena eskuratzeko eskaera.

2025eko abuztuaren 29an eta 2025eko irailaren 11n, jasotako alegazio eta txostenei erantzun zieten enpresa sustatzaileek, eta ingurumen-inpaktuaren ebaluazio arrunta egiten hasteko eta lurzoru urbanizaezinean jarduerak baimentzeko eskaera aurkeztu zuten. Industria Antolamenduaren, Azpiegitura Energetikoen eta Meatzeen Zerbitzuak eskaerak igorri zituen Ingurumen Ebaluaziorako Atalera eta Paisaiaren eta Landa-lurzoruaren Atalera.

3. Ingurumen inpaktuaren adierazpena, atzera egitea eta berme ekonomikoa itzultzeko eskaera.

Ingurumeneko zuzendari nagusiaren abenduaren 11ko 1418E/2025 Ebazpenaren bidez, Alloko eta Leringo udal mugarteetan jarri nahi diren eguzki instalazio fotovoltaiko hauei eta haien eraldaketa eta ebakuazio azpiegiturei buruzko ingurumen inpaktuaren adierazpena eman zen: "Aleta 19", "Amura 19", "Cabo de San Vicente 1", "Elcano 21" eta "La Niña 9". Adierazpen horretan jasotakoaren arabera, instalazioek ebazpenean bertan ezarritako ingurumen determinazioak bete behar zituzten eta horietako bat da, hain zuzen, ebakuazio linea osorik lurperatzea, halaxe eskatzen baitu Ingurumeneko zuzendari nagusiaren urriaren 6ko 1164E/2025 Ebazpenak (2025eko 212. Nafarroako Aldizkari Ofiziala, urriaren 23koa).

Aurrekoa ikusirik, 2025eko abenduaren 10ean, sustatzaileek jakinarazi zuten ez zutela jarraituko espedienteekin eta eskatu zuten sarbide eta konexio baimenei lotutako berme ekonomikoak itzultzeko; izan ere, "ingurumen inpaktuaren adierazpenak proiektuaren bideragarritasun teknikoari eta ekonomikoari eragiten die eta, horrek, jakina, eraikitzea galarazten du".

4. Aurretiazko administrazio baimenak ukatzeko proposamena.

Aurkeztutako dokumentazioa ikusirik, eta bost espedienteen azterketa teknikoa egin ondoren, Industria Antolamenduaren, Azpiegitura Energetikoen eta Meatzeen Zerbitzuko Azpiegitura Energetikoen Atalak proposatzen du espediente horiek ebaztea eta eskatutako aurretiazko administrazio baimenak ukatzea.

Administrazio Publikoen Administrazio Prozedura Erkideari buruzko urriaren 1eko 39/2015 Legearen 57. artikuluaren arabera, aurkeztutako eskaerak funtsean berdinak direnez, bidezkoa da eskaera horiek metatzea baimenak ukatzeko ebazpenean.

Adierazitakoarekin bat, eta erabiliz Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak,

EBAZTEN DUT:

1. Aurretiazko administrazio baimenak ukatzea Alloko eta Leringo udal mugarteetan ezarri nahi diren 4,54 MW-eko eguzki instalazio fotovoltaiko hauetarako eta haien eraldaketa eta ebakuazio azpiegituretarako: "Aleta 19", "Amura 19", "Cabo de San Vicente 1", "Elcano 21" eta "La Niña 9".

2. Diruzaintza Atalari proposatzea sarbide eta konexio prozedurekin lotutako bost bermeak itzultzeko. Gordailuaren frogagiriak eta itzulketa eginbideenak ebazpen honen eranskinetan daude.

3. Ebazpen hau igortzea, behar diren ondorioak izan ditzan, Industria Antolamenduaren, Azpiegitura Energetikoen eta Meatzeen Zerbitzura, Ingurumen Ebaluaziorako Atalera, Paisaiaren eta Landa-lurzoruaren Atalera, Herri-lurren Atalera, Ondare Arkitektonikoaren Atalera, Erregistroaren, Ondasun Higigarrien eta Arkeologiaren Atalera, Ustiapen Atalera, Gobernu Irekiaren eta Herritarrentzako Arretaren Zerbitzura, eta Ekonomia eta Ogasun Departamentuko Ekonomia eta Finantza Zerbitzuko Diruzaintza Atalera.

4. Ebazpen hau Nafarroako Aldizkari Ofizialean argitaratzea, orok jakin dezan.

5. Ebazpen hau jakinaraztea Enigma Green Power 21 SLUri, Enigma Green Power 22 SLUri, Enigma Green Power 11 SLUri, Enigma Green Power 25 SLUri, Enigma Green Power 23 SLUri, Sociedad Concesionaria Aguas de Navarra SAri, Landazuria-Erriberako Ekologistak Martxan elkarteari, Ongaiz-Zangozerriko Ekologistak Martxan elkarteari, Sustrai Erakuntza Fundazioari, Espainiako Ornitologia Elkarteari (SEO BIRDLIFE), Nafarroako Ekologistak Martxan elkarteari, I-DE Redes Eléctricas Inteligentes SAUri eta Red Eléctrica de España SAUko Operazioetako eta Sistemaren Garapeneko zuzendaritzei; eta ohartaraztea, halaber, ebazpen honek ez duela administrazio bidea amaitzen eta haren aurka gora jotzeko errekurtsoa jartzen ahal dela, Industriako eta Enpresen Trantsizio Ekologiko eta Digitalerako kontseilariari zuzendua, hilabeteko epean, jakinarazi eta biharamunetik hasita. Errekurtsoan espediente kodea adierazi beharko da.

6. Ebazpen hau jakinaraztea Alloko Udalari, Leringo Udalari, Trantsizio Ekologikorako eta Erronka Demografikorako Ministerioari eta Ebroko Konfederazio Hidrografikoari, eta ohartaraztea haren kontra administrazioarekiko auzi-errekurtsoa jartzen ahal dela, eskumena duen ordena jurisdikzionalari zuzendua, argitaratu eta biharamunetik hasita bi hilabeteko epean, deusetan galarazi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.

Iruñean, 2026ko urtarrilaren 15ean.–Enpresen Sustapenerako eta Azpiegituretako zuzendari nagusia, Iñigo Arruti Torre.

Iragarkiaren kodea: F2600648