2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ARANTZA
Herri-lurra den 6. poligonoko 343 lurzatia okupatzeko espedientea jendaurrean paratzea
Arantzako Udalak, 2026ko urtarrilaren 29an egindako osoko bilkura arruntean, jarraian idatzirik dagoen erabakia hartu du:
1.–Hasiera batez onestea 237,00 m²-ren okupazioa Arantzako herri-lurra den 6. poligonoko 343 lurzatian, TELEFONICA DE ESPAÑA, SAUk Igantzitik Arantzara zuntz optikoa eramateko azpiegiturak egiteko.
2.–Okupazioa arautuko duen plegu arautzailea onartzea.
3.–Hasierako onespen akordioaren iragarkia Nafarroako Aldizkari Ofizialean eta udalaren iragarki taulan argitaratzea, espedientea 15 egun baliodunez jendaurrean paratuz, herritarrek eta/edo interesdunek legezkotzat jotzen dituzten alegazioak aurkez ditzaten.
4.–Jendaurreko epean alegaziorik aurkeztu ezean, behin betikoa egitea hasiera batez onarturikoa eta espedientea Nafarroako Gobernuko Herri-lurren Atalari helaraztea, hala badagokio, Landa Garapen, Nekazaritza eta Abeltzaintza zuzendariaren ebazpen bidez okupazioa baimendu dezan.
Arantzan, 2026ko urtarrilaren 30ean.–Alkatea, Saturnino Larralde Ibarrola.
Iragarkiaren kodea: L2601388
