1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
9/2026 EBAZPENA, urtarrilaren 30ekoa, Nafar Lansare-Nafarroako Enplegu Zerbitzuko zuzendari kudeatzaileak emana, zeinaren bidez 2026rako gastua baimentzen baita Nafarroako Gobernuko Hezkuntza Departamentuak eman eta kudeatzen dituen enplegurako prestakuntza-ekintzetan parte hartzen duten langabeentzako bekak eta laguntzak finantzatzeko. DDBN kodea: 884739.
Otsailaren 7ko 13/2024 Foru Dekretuaren bidez onetsitako Nafar Lansare-Nafarroako Enplegu Zerbitzua erakunde autonomoaren Estatutuetan ezarritakoari jarraikiz, erakunde horren eginkizuna da Foru Komunitatearen Administrazioari esleitutako eskumenak baliatzea gizarte eragileekin adostutako enplegu politikak planifikatu, gauzatu eta kontrolatzeari dagokionez, arlo hauen gainean ezartzen diren zerbitzu eta programak modu koordinatuan kudeatuz: enpleguaren sustapena, lan merkatuan sartzeko aukera berdintasuna, lana aurkitzea, enplegurako bitartekaritza, orientazioa eta prestakuntza, eta Nafarroako enpleguaren egoeraren eta horren gaineko politiken analisia.
Lanbide Heziketa Antolatu eta Integratzeari buruzko martxoaren 31ko 3/2022 Lege Organikoak eta uztailaren 18ko 659/2023 Errege Dekretuak araututako lanbide-ziurtagiri bat lortzeko prestakuntzetan parte hartzen duen langabeek irailaren 23ko EFP/942/2022 Aginduan ezarritako bekak eta laguntzak jaso ditzakete; izan ere, agindu horrek arautzen du administrazio publikoek, Lanbide Kualifikazioen Katalogo Nazionalari loturik, lan esparruan egiten duten Lanbide Heziketaren Sistemaren prestakuntza-eskaintza, eta hartan ezartzen dira oinarri arautzaileak eta finantzaketa-baldintzak.
Dirulaguntzei buruzko azaroaren 9ko 11/2005 Foru Legearen 30. artikuluak ezartzen duenez, dirulaguntzen deialdiek gastu baimena behar dute, Nafarroako Ogasun Publikoari buruzko apirilaren 4ko 13/2007 Foru Legearen 52. artikuluan ezarritakoari jarraikiz.
Azaldutakoarekin bat, eta otsailaren 7ko 13/2024 Foru Dekretuak onetsitako Nafar Lansare-Nafarroako Enplegu Zerbitzuaren Estatutuen 14. artikuluak ematen dizkidan eskudantziak erabiliz,
EBAZTEN DUT:
1. 500.000 euroko gastua baimentzea Nafarroako Gobernuko Hezkuntza Departamentuak antolatzen dituen enplegurako prestakuntza-ekintzetan parte hartzen duten langabeentzako bekak eta laguntzak finantzatzeko, 2026ko gastuen aurrekontuko "Hezkuntzako Konferentzia Sektoriala. Prestakuntza-ekintzetarako bekak" izeneko 950002 96200 4809 242100 (E-25/000773-01) partidaren kargura.
2. Ebazpen hau igortzea Nafar Lansare-Nafarroako Enplegu Zerbitzuko Lanbide Gaitasunak Garatzeko Zerbitzura eta kontu-hartzailetza delegatura.
3. Ebazpen hau Nafarroako Aldizkari Ofizialean argitaratzea.
Iruñean, 2026ko urtarrilaren 30ean.–Nafar Lansare-Nafarroako Enplegu Zerbitzuko zuzendari kudeatzailea, M.ª Esther Fernández Razquin.
Iragarkiaren kodea: F2601656
