2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ETXAURI
2026ko lan-egutegia
Ikusirik 778/2025 Foru Agindua, abenduaren 9koa, Barneko, Funtzio Publikoko eta Justiziako kontseilariak emana, Nafarroako Foru Komunitateko Administrazioaren eta haren erakunde autonomoen zerbitzuko langileen 2026ko lan egutegia onesten duena.
Kontuan hartuta espedienteko dokumentazioa, eta Toki Araubidearen Oinarriak arautzen dituen apirilaren 2ko 7/1985 Legearen 21.1.h) artikuluak ematen dizkidan eskumenak erabiliz,
EBAZTEN DUT:
Lehena.–Onestea Etxauriko Udalaren zerbitzuko langileek 2026an izanen duten aste barreneko jaiegunen egutegia, honela:
–Urtarrilaren 1a: Urteberri eguna.
–Urtarrilaren 6a: Errege eguna.
–Martxoaren 19a: San Jose.
–Apirilaren 2a: Ostegun Santua.
–Apirilaren 3a: Ostiral Santua.
–Apirilaren 6a: Pazko astelehena.
–Maiatzaren 1a: Langileen eguna.
–Abuztuaren 15a: Andre Mariaren Jasokundea.
–Urriaren 12a: Espainiako Jai Nazionala.
–Azaroaren 2a: Santu Guztien Egunaren biharamuna.
–Abenduaren 3a: San Frantzisko Xabierkoa.
–Abenduaren 8a: Andre Maria Sortzez Garbia.
–Abenduaren 10a: Santa Eulalia (tokiko jaieguna, 390/2025 Ebazpenaren bidez onetsia).
–Abenduaren 25a: Eguberri eguna.
Bigarrena.–Etxauriko Udalean benetako 1.592 lanordu egin beharko dira urtean, abenduaren 27ko 624/1999 Foru Dekretuaren arabera, honela banatuta:
Astelehenetik ostiralera bitarteko eguneroko lanaldia, oro har, 7 ordu eta 20 minutukoa izanen da.
Nahitaez lan egin beharko da 09:30etik 14:30era, astelehenetik ostiralera, eta gainerako ordutegia langileek aukeratuko dute, malgutasunez, 07:30etik 16:30era.
Garbiketako langileek, zerbitzua behar bezala emateko, 06:30etik 16:00etara arteko lanaldi malgua egiten ahalko dute. Osasun-kontsultategia garbituko da osasun-langileei trabarik egin gabe.
6 ordu eta 40 minutuko ordu-poltsa bat, urte osoan zehar erabiltzekoa, zerbitzuaren beharren arabera betiere.
Enplegatu bakoitzak modu jarraituan gehienez 10 orduko saldo positibo edo negatiboa izaten ahalko du eguneroko lanaldiarekiko.
Oporrak. Funtzionarioek, zerbitzu aktiboko urte bakoitzeko, eskubidea izanen dute hogeita zazpi laneguneko opor ordaindua hartzeko, edo zerbitzu-denbora gutxiagokoa izan bada, proportzionalki zor zaien oporraldia. Hogeita zazpi egun horiez gain, beste zazpi egun izanen dira herriko festak direla eta.
Opor horiek urte naturalean hartu beharko dira, eta hartzeko eskubidea urteroko abenduaren 31n galduko da. Zerbitzuaren beharrek hartarako bidea ematen badute, hurrengo urteko urtarrilaren 31ra arte hartzen ahalko dira, gehienez.
Urtean zehar, funtzionarioek eskubidea izanen dute baimen ordainduko hiru lanegun hartzeko. Lanaldia eskuarki ezarririkoa ez bezala banaturik daukaten langileei, baimen-egunak doituko zaizkie, kasuan bakoitzean ezarririk daukaten eguneko lanaldiaren iraupenaren arabera.
Horri guztiari gehituko zaizkio norberari dagozkion egun "kanosoak".
Hirugarrena.–Lanera agertzea kontrolatzeko, bertaratu direnen kontrolerako sistema automatikoa erabiliko da, eta enplegatu guztiek lanpostura sartzean eta bertatik ateratzean fitxatu beharko dute nahitaez. Nahitaezkoa izanen da fitxatzea lanaldiaren hasieran eta bukaeran, bai eta lanaldiaren barnean ateratzen eta itzultzen diren bakoitzean ere.
Laugarrena.–Langileek lanaldiaren barnean gehienez hogeita hamar minutuko atsedenaldia izanen dute.
Bosgarrena.–Baliogabeak izanen dira, 2026. urtean epeak kontatzeari dagokionez, larunbat eta igande guztiak eta honako ebazpen honen lehenbiziko xedapenean adierazitako jaiegunak.
Seigarrena.–Udal honetako zerbitzuen beharrak direla eta, eta horiek behar bezala jardun dezaten, herritarrei arreta emateko zerbitzuetan, Idazkaritzan eta zerbitzu anitzetan, bertako langileek ezin izanen dituzte oporrak batera hartu.
Zazpigarrena.–Prestakuntza-ikastaroetan parte hartzea. Prestakuntza-ikastaroetara joateko erabilitako denbora lan-denboratzat hartuko da baldin eta ikastaroek lanpostuko eginkizunekin zerikusirik badute, lanaldian egiten badira eta zerbitzuaren beharrek uzten badute, betiere dagokion organoak aldez aurretik baimena emanda.
Etxauritik kanpo egiten diren ikastaroen, bileren eta abarren kasuan, ikastaroaren benetako iraupenari kasuan kasuko herrira egin beharreko joan-etorriaren denbora gehituko zaio. Iruñerriko herrietan, joan-etorria egiteko kalkulatutako denbora 70 minutukoa izanen da (joan-etorria guztira).
Ikastaroaren iraupena 5 ordukoa edo hortik gorakoa bada eta bertaratuta egin beharrekoa, lanaldi oso gisa kontatuko da.
Oro har, lanordutik kanpo egiten diren prestakuntza-ikastaroengatik ez da inolako ordu- edo diru-konpentsaziorik izanen. Urteko lanorduak kontatzearen ondorioetarako, prestakuntzan emandako denbora lan-denboratzat hartuko da soilik kasu honetan: Administrazioak erabakitzen duenean nahitaezkoa dela prestakuntza-ikastaroetara joatea lanpostuaren eginkizunak ongi betetzeko. Halakoetan, langileek eskubidea izanen dute ezarrita dauden kalte-ordainak eta/edo ordu konpentsazioa jasotzeko, zerbitzuaren arrazoiak direla-eta izandako gastuengatik.
Euskara-ikastaroak egiteko ordu- eta diru-konpentsazioak, behar bezala baimenduak, araututa daude Funtzio Publikoko zuzendari nagusiaren maiatzaren 17ko 1311/2010 Ebazpenean, haren bitartez parekatzen baitira ekainaren 21eko 195/1993 Foru Dekretuan ezarritako euskara-ikastaroak egiteko ordu-konpentsazioak gaur egungo prestakuntza-jardueretara.
Zortzigarrena.–Ebazpen hau argitaratzea Etxauriko Udalaren iragarki-taulan eta Nafarroako Aldizkari Ofizialean.
Bederatzigarrena.–Udalbatzari ebazpen honen berri ematea, egiten duen hurrengo ohiko osoko bilkuran.
Etxaurin, 2026ko otsailaren 2an.–Alkatea, Idoia Aritzala Etxarren.
Iragarkiaren kodea: L2601263
