1. NAFARROAKO FORU KOMUNITATEA
1.7. BESTELAKOAK
4E/2026 EBAZPENA, urtarrilaren 20koa, Ekonomia Zirkularraren eta Berrikuntzaren Zerbitzuko zuzendariak emana, zeinaren bidez partez onartzen baita Tuterako udal mugartean hondakinak tratatzeko zentro bat eta hondakin ez-arriskutsuen hondakindegi bat hartzen dituen instalazio baten ingurumen baimen integratuan ezarritako funtzionamendu baldintzen aldaketa. Instalazioaren titularra Erriberako Mankomunitatea da.
XEDEA | Funtzionamendu baldintzen aldaketa |
HARTZAILEA | Erriberako Mankomunitatea |
Espediente mota | Ingurumen baimen integratuaren baldintzak aldatzea |
Espedientearen kodea | 0001-0121-2025-000030 | Hasiera eguna | 2025-08-22 |
Kudeaketa unitatea | Ekonomia Zirkularraren eta Berrikuntzaren Zerbitzua |
Telefonoa | 848426254-848427587 | Helbide elektronikoa | autprema@navarra.es |
Sailkapena | Legeria | Jarduera |
17/2020 Foru Legea, abenduaren 16koa | Sartu gabeko zentroa |
1/2016 Legegintzako Errege Dekretua, abenduaren 16koa | I. eranskina / 5.5 |
2010/75/EB Zuzentaraua, azaroaren 24koa | I. eranskina / 5.4 |
21/2013 Legea, abenduaren 9koa | I. eranskina / 8.c) taldea |
Instalazioa | Hondakinen tratamendua eta hondakin ez-arriskutsuen hondakindegia |
Titularra | Erriberako Mankomunitatea |
Ingurumen identifikaziorako zenbakia | 3123201990 |
Tokia | NA-160, 12,000 KP, 46. poligonoa, 432. lurzatia, El Culebrete alderdia |
Koordenatuak | UTM-ETRS89, 30N eremua, X: 604.726,000 eta Y: 4.658.178,000 |
Udalerria | TUTERA |
Proiektua | Zentroan kudeatzen diren hondakin berriak sartzea (020199, 020399 , 080112, 200199, 200102, 160120 eta 170202 EHZ kodeak dituztenak). Industria-hondakinak tratatzeko instalazioaren eragiketa ofizioz aldatzea. |
Instalazio horrek badu ingurumen baimen integratua, Ingurumenaren eta Uraren zuzendari nagusiaren abenduaren 13ko 2549/2007 Ebazpenaren bidez emana, gero Ingurumenaren eta Uraren zuzendari nagusiaren irailaren 23ko 73E/2015 Ebazpenaren bidez eguneratu zena eta Ekonomia Zirkularraren eta Klima Aldaketaren Zerbitzuko zuzendariaren abenduaren 23ko 449E/2022 Ebazpenaren bidez berrikusi zena.
Ekonomia Zirkularraren eta Berrikuntzaren Zerbitzuaren ustez, instalazioa zenbait aldiz ikuskatu ondoren, industria-hondakinak tratatzeko instalazioan hondakinak kudeatzeko egiten den prozesua, alegia, "Hondakin ez-arriskutsuen aurretratamendu generikoa (R12) - Industria-hondakinen sailkapena" izena duena, ez dator bat instalazio horretan egiten denarekin. Egiten den prozesua isurketaren aurreko tratamendu bat dela ulertzen da, Hondakinak hondakindegira eramanez ezabatzea arautzen duen uztailaren 7ko 646/2020 Errege Dekretuaren 2.ñ) artikuluan jasota dagoen aurreko tratamenduaren definizioaren arabera.
Beraz, bidezkoa da baimenduta dagoen prozesuaren izena ofizioz aldatzea, eta izen hau ematea: D1301 Hondakinen sailkapena - Isurketaren aurretik egiten den industria-hondakinen tratamendua.
Kasu honetan, ondorioztatu da gertatzen direla Kutsaduraren Prebentzio eta Kontrol Integratuaren Legearen testu bateginaren 26. artikuluan adierazitako inguruabarrak (testu bategin hori abenduaren 16ko 1/2016 Legegintzako Errege Dekretuaren bidez onetsi zen), eta, horrenbestez, bidezkoa da ofizioz berrikustea ingurumen baimen integratuan ezarritako baldintzak, bat etorriz Kutsaduraren Prebentzio eta Kontrol Integratuaren Legea garatu eta Industriako Isurien Erregelamendua onesten duen urriaren 18ko 815/2013 Errege Dekretuaren 16.5 artikuluan ezarritako administrazio prozedurarekin.
2025eko abuztuaren 22an, titularrak eskatu zuen ingurumen baimen integratuan ezarritako baldintzak aldatzeko; zehazki, ingurumen baimen integratuaren III. eranskinean, kudeatzen diren hondakinen zerrendan, beste zenbait hondakin mota sartzeko, zentroan hondakin horiek kudeatzeko eskaria dagoela-eta.
Ekonomia Zirkularraren eta Berrikuntzaren Zerbitzuak aztertu du aurkeztutako eskaera, eta balorazio hau egin du:
EHZ KODEA | AZALPENA | DESTINOKO
ERAGIKETA | BALORAZIOA |
02 01 99 | Beste kategoria batean zehaztuak ez dauden hondakinak. Ureztatze-tapakiak, latexezko eskularruak. Erabilera bakarreko mantalak eta kofiak | D0502 Hondakindegia | Onartzen da hondakin horiek sartzea, betiere materia organiko biodegradagarririk ez badute. |
02 01 99 | Beste kategoria batean zehaztuak ez dauden hondakinak. Ureztatze-tapakiak, latexezko eskularruak, latexezko eskularruak | D1301 Industria-hondakinen instalazioa | Onartzen da hondakin horiek sartzea, betiere materia organiko biodegradagarririk ez badute edo tratamenduan bereizten ahal bada. |
02 03 99 | Beste kategoria batean zehaztuak ez dauden hondakinak. | D0502 Hondakindegia | Ez da bidezko horiek sartzea, ez baitira zehaztu kudeatu nahi den hondakina. |
08 01 12 | Pintura eta berniz hondakinak, 080111* kodean zehaztutakoez bestelakoak. | D0502 Hondakindegia | Onartzen da sartzea. |
20 01 99 | Beste kategoria batean zehaztu ez diren bestelako frakzioak. Industrialdeetako bilketatik datozen hondakinak. | D1301 Industria-hondakinen instalazioa | Ez da onartzen etxeko hondakin hori industria-hondakinak tratatzeko instalazio batean sartzea. |
20 01 02 | Beira. | R 1201 Beirazko ontzien sailkapena | Ez da onartzen beirazko ontziak 200102 EHZ kodearekin sartzea, beirazko ontziak baimenduta dagoen 150107 EHZ kodearekin kodetu behar baitira. |
Hondakindegian onartzen diren hondakinek bete behar dituzte Hondakinak hondakindegira eramanez ezabatzea arautzen duen uztailaren 7ko 646/2020 Errege Dekretuan ezarritako onargarritasun-baldintzak.
Era berean, titularrak eskatu du D1301 Industria-hondakinen instalazioa izeneko prozesuan kudeatzen diren bi EHZ kode ezaba daitezela bere baimenetik, titularrak uste baitu haien tratamendua ez dela bideragarria instalazio horretan. Ekonomia Zirkularraren eta Berrikuntzaren Zerbitzuak ondorioztatu du egindako ezabatze-eskaera bat datorrela instalazioaren ingurumen funtzionamendu egokiarekin, honako hondakin hauei dagokienez:
EHZ KODEA | HONDAKINAREN DESKRIBAPENA |
160120 | Beira |
170202 | Beira |
Onartutako aldaketek ez dute eragozten instalazioaren funtzionamendu egokia ingurumenari dagokionez, eta bat datoz ingurumen baimen integratuan ezarritako gehieneko isurketa-balioekin eta gainerako eskakizunekin, bai eta teknika erabilgarri onenen aplikazioarekin ere.
Ebazpen proposamena hamabost egunez egon da instalazioaren titularrari entzunaldia emateko tramitean. Ebazpen honen III. eranskinean jaso dira titularrak aurkeztu dituen alegazioen zerrenda eta haiei emandako erantzunak.
Adierazitakoarekin bat, eta Landa Garapeneko eta Ingurumeneko Departamentuaren egitura organikoa ezartzen duen azaroaren 15eko 255/2023 Foru Dekretuak ematen dizkidan eskudantziak erabiliz,
EBAZTEN DUT:
Lehenbizikoa.–Partez onartzea Tuterako udal mugartean hondakinen tratamendu zentro bat eta hondakin ez-arriskutsuen hondakindegi bat hartzen dituen instalazioaren ingurumen baimen integratuan ezarritako funtzionamendu baldintzen aldaketa. Horrenbestez, instalazioak eta hango jarduerak ebazpen honen I. eranskinean ezarritako baldintzak bete beharko dituzte. Instalazioaren titularra Erriberako Mankomunitatea da.
Bigarrena.–Ofizioz aldatzea Tuterako udal mugartean hondakinen tratamendu zentro bat eta hondakin ez-arriskutsuen hondakindegi bat hartzen dituen instalazioaren ingurumen baimen integratua, ebazpen honen II. eranskinean zehaztutako aldaketen arabera. Instalazioaren titularra Erriberako Mankomunitatea da.
Hirugarrena.–Suteen aurkako segurtasunari dagokionez (abenduaren 3ko 2267/2004 Errege Dekretua), instalazioan biltegiratutako hondakin kopuruak ez du handitu behar ingurumen baimen integratua emateko espedientearen dokumentazio teknikoan kalkulatutako arrisku intrintsekoaren maila.
Laugarrena.–Ebazpen honetan jasotako baldintzak betetzen ez badira, Kutsaduraren Prebentzio eta Kontrol Integratuaren Legearen testu bateginaren IV. tituluan jasotako ingurumen diziplinako neurriak hartuko dira (testu bategin hori abenduaren 16ko 1/2016 Legegintzako Errege Dekretuaren bidez onetsi zen), eta, subsidiarioki, Ingurumenean Eragina duten Jarduerak arautzen dituen abenduaren 16ko 17/2020 Foru Legearen III. tituluan ezarritako zehapen araubidean jasotakoak, ezertan galarazi gabe legeria sektorialean ezarritakoa, aurrerantzean ere aplikatu beharko baita.
Bosgarrena.–Ebazpen hau Nafarroako Aldizkari Ofizialean argitaratzea.
Seigarrena.–Ebazpen honek ez du administrazio bidea amaitzen, eta espedientean interesa dutenek, administrazio publikoek izan ezik, gora jotzeko errekurtsoa jartzen ahalko dute haren aurka, Landa Garapeneko eta Ingurumeneko kontseilariari zuzendua, hilabeteko epean. Administrazio publikoek administrazioarekiko auzi-errekurtsoa jartzen ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Ebazpen hau jakinarazi eta biharamunetik aurrera kontatuko dira epeak.
Zazpigarrena.–Ebazpen hau igortzea Erriberako Mankomunitatera eta Tuterako Udalera, behar diren ondorioak izan ditzan.
Iruñean, 2026ko urtarrilaren 20an.–Ekonomia Zirkularraren eta Berrikuntzaren Zerbitzuko zuzendaria, Francisco Javier Larrañeta Nido.
Oharra: Ebazpen honetan aipatzen diren eranskinak interesdunen eskura egonen dira Ingurumen Zuzendaritza Nagusiaren bulegoetan (González Tablas kalea 9, behea, Iruña; Ekonomia Zirkularraren eta Berrikuntzaren Zerbitzua) eta Nafarroako Gobernuaren webgune honetan: https://extra.navarra.es/InformacionPublicaPRTR/CentroPublicaciones.html#/CentroPublicaciones.
Iragarkiaren kodea: F2600728
