Iragarkia

34. ALDIZKARIA - 2026ko otsailaren 17a

1. NAFARROAKO FORU KOMUNITATEA

1.7. BESTELAKOAK

5/2026 EBAZPENA, urtarrilaren 22koa, Hezkuntzako eta Lanbide Heziketako zuzendari nagusiak emana, zeinaren bidez dei egiten baita Lanbide Heziketako teknikari tituluetako lanbide moduluak gainditzeko proba libreetarako, eta haietan izena emateko egutegia zehazten, 2025-2026 eta 2026-2027 ikasturteetarako, Nafarroako Foru Komunitatearen eremuan.

Hezkuntzari buruzko maiatzaren 3ko 2/2006 Lege Organikoak 69.4 artikuluan ezartzen duenaren arabera, hezkuntza administrazioek aldian behin antolatuko dituzte proba libreak teknikarien eta goi mailako teknikarien tituluen parte diren lanbide moduluak gainditu ahal izateko.

Lanbide Heziketako Sistemaren antolamendua garatzen duen uztailaren 18ko 659/2023 Errege Dekretuak 140. artikuluan ezartzen du Lanbide Heziketako tituluak lortzen ahal direla goi mailako teknikarien tituluen parte diren lanbide moduluetarako proba libreak gaindituz, eta 141. artikuluan xedatzen du hezkuntza administrazioei dagokiela proba horiek aldian behin antolatzea, eta, beren eskumenen esparruan, haietarako deia egitea gutxienez urtean behin, eta, orobat, zehaztea zein diren proba horien xedeko heziketa zikloetako lanbide moduluak, noiz den matrikulazio epea, zein egunetan eta zein ikastetxetan eginen diren eta zein izanen diren proben edukiei dagozkien curriculumak. Halaber, 142. artikuluan xedatzen dira proba horietan parte hartzeko bete beharrekoak.

Hezkuntzako eta Lanbide Heziketako zuzendari nagusiari dagokio teknikarien eta goi mailako teknikarien tituluetako lanbide moduluak gainditzeko proba libreen deia egitea, eta zehaztea horren xedeko lanbide moduluak eta heziketa zikloak, izena emateari eta matrikulari buruzko alderdiak, eta probak zein egunetan eta zein ikastetxe publikotan eginen diren.

Ikusirik Lanbide Heziketaren Plangintza eta Integraziorako Zerbitzuak aldeko txostena eman duela Nafarroako Foru Komunitatean teknikarien eta goi mailako teknikarien tituluetako lanbide moduluak gainditzeko proba libreak egiteko deia egiteari eta haietan izena emateko egutegiari buruz, 2025-2026 ikasturterako, eta Hezkuntza Departamentuaren egitura organikoa ezartzen duen azaroaren 15eko 245/2023 Foru Dekretuaren bidez esleitutako ahalmenak erabiliz,

EBAZTEN DUT:

1. Lanbide Heziketako teknikari tituluetako lanbide moduluak gainditzeko proba libreak egiteko deia egitea, 2025-2026 eta 2026-2027 ikasturteetarako, ebazpen honen eranskineko oinarriekin bat.

2. Ebazpen hau eta eranskinak Nafarroako Aldizkari Ofizialean argitaratzea.

3. Ebazpen hau eta eranskinak igortzea, behar diren ondorioak izan ditzaten, Hezkuntzako Ikuskapen Zerbitzura, Lanbide Heziketaren Plangintza eta Integraziorako Zerbitzura, Lanbide Heziketaren Modernizaziorako eta Berrikuntzarako Zerbitzura, Kudeaketa Juridiko-administratiboaren Atalera, Ikastetxeetako Informazioa Kudeatzeko Atalera eta ukitutako ikastetxeetara.

4. Ebazpen honen eta bere eranskinen aurka gora jotzeko errekurtsoa jartzen ahalko da, Hezkuntzako kontseilariari zuzendua, hilabeteko epean, Nafarroako Aldizkari Ofizialean argitaratu eta biharamunetik hasita.

Iruñean, 2026ko urtarrilaren 22an.–Hezkuntzako eta Lanbide Heziketako zuzendari nagusia, Gil Sevillano González.

1. ERANSKINA.–LANBIDE HEZIKETAKO TITULUETAKO LANBIDE MODULUAK GAINDITZEKO PROBA LIBREEN DEIALDIA, 2025-2026 ETA 2026-2027 IKASTURTEETARAKO

Xedea.

1. Uztailaren 18ko 659/2023 Errege Dekretuaren III. tituluko II. kapituluan ezarritakoa aplikatuz, Nafarroan Lanbide Heziketako tituluetako lanbide moduluak gainditzeko proba libreak egiteko deialdia onetsi da (aurrerantzean, proba libreak).

Deialdi hau interesa duten pertsona guztiei zuzenduta dago, baldin eta, uztailaren 18ko 659/2023 Errege Dekretuaren 142. artikuluan probetan parte hartzeko ezarritako baldintzak kontuan hartuta, eranskin honen 7. oinarrian xedatutakoa betetzen badute.

2. Ebazpen honen 2. eranskinean hau ezarri da:

–Deialdi honetako proba libreak zer titulu eta modulutarako diren eta horien zerrenda.

–Lanbide modulu bakoitzeko eskainitako plaza kopurua.

–Probetako ikastetxe aztertzaileak.

3. Ebazpen honen 3. eranskinean jasotzen da Lanbide Heziketako tituluetako lanbide moduluak gainditzeko proba libreetan izena emateko, onartua izateko eta matrikula egiteko prozesuaren egutegia, eta baita probak egiteko egutegia ere.

4. Koordinazio edo ebaluazio batzordeetan probak diseinatzeko, garatzeko eta kalifikatzeko lanetan parte hartzen duten pertsonei ordaintzeko frogagiriak, batzordeei igorriko dizkie Lanbide Heziketaren Antolamendu eta Ebaluaziorako Atalak.

Prozeduren bateraezintasuna.

5. Ez da matrikula egiten ahalko, bateraezintasuna dela medio, deialdi honen xedeko lanbide moduluetarako proba libreetan, baldin eta inguruabar hauek gertatzen badira:

–Lanbide gaitasuna ebaluatu eta egiaztatzeko prozedura batean parte hartzea 2025-2026 eta 2026-2027 ikasturteetan, ebaluazio fasean zehazki, eta deialdiko lanbide moduluen ardurapeko lanbide gaitasun-estandarrari edo -estandarrei loturik.

–Proba libreak zer lanbide modulutarako eskatzen diren, horietan matrikulaturik egotea 2025-2026 eta 2026-2027 ikasturteetan, edozein modalitatetan –presentziala, erdipresentziala edo online/birtualki urrunetik– eta edozein autonomia erkidegotan dela ere.

6. Ebazpen honetan deitutako Lanbide Heziketako tituluetako lanbide moduluak gainditzeko proba libreetan matrikulatzeak eta aldi berean 5. oinarrian aipatutako egoeraren batean egoteak ofizioz ekarriko du dagokion lanbide moduluan edo moduluetan egindako matrikula deuseztatzea, bai eta haietan atera daitezkeen emaitza akademikoak ere baliogabetzea.

Izena emateko bete beharreko baldintzak.

7. Ebazpen honen bidez onetsitako Lanbide Heziketako tituluetako lanbide moduluak gainditzeko proba libreen deialdian izena emateko, bi baldintza orokor hauek batera bete beharko dira:

a) Izena emateko epean 18 urte izatea gutxienez, eta, horrez gain,

b) Lanbide Heziketako erdi mailako heziketa zikloetara sartzeko eskatzen diren titulazioetako edo ziurtagirietako bat edukitzea.

Izena ematea.

8. Ziklo bakar bateko lanbide moduluen arabera egin beharko da izena emateko eskaera.

Honela ematen ahalko da izena:

a) Aurrez aurre: zer ziklo hautatzen den, hartarako azterketa egiten duen ikastetxean.

b) Educa-Atariaren bidezko erregistro telematikoaren bitartez, aukeratutako ikastetxe aztertzaileari zuzenduta, "Lanbide Heziketako tituluak lortzeko proba libreak" izeneko fitxaren bidez, esteka honetatik abiatuta:

https://www.navarra.es/eu/tramiteak/on/-/line/Pruebas-libres-para-la-obtencion-de-titulos-de-Formacion-Profesional

9. Izangai bakoitzak izena emateko eskabide bakar bat aurkeztuko du, Nafarroako Gobernuaren izapideen katalogoko "Lanbide Heziketako tituluak lortzeko proba libreak" izeneko izapideen fitxako ereduei egokitua.

Pertsona batek izena emateko eskaera bat baino gehiago aurkezten baditu, horietako bakar bat ere ez da kontuan hartuko, eta deialdi honetan araututako proba libreen deialdiko onarpen prozeduratik kanpo geldituko da.

10. Izena emateko eskaeran sartzen diren lanbide moduluek, guztiak batuta, gehienez ere 1.000 irakastordu izaten ahal dute, dagokion ikasketa planean Nafarroan indarrean dagoen curriculumaren arabera. Irakastordu horiek gainditzen dituen modulu kopuru bat eskatuz gero, ikastetxeak izena emateko eskaeran adierazitako ordenaren arabera inskribatuko du izangaia lanbide moduluetan, curriculumeko gehieneko ordu kopurura iritsi arte, hots, gehienez ere 1.000 ordura arte.

Lanbide moduluak aitortzeko eskatu nahi izanez gero, horiek ez dira adierazi behar izena emateko eskaeran.

Estatuko oinarrizko araudian ezarritakoaren arabera, ezin da baliozkotzerik eskatu Lanbide Heziketako tituluetako lanbide moduluak gainditzeko probetan.

11. Lantokiko Prestakuntza lanbide moduluko inskripzioa ebazpen honen 66. eta 67. oinarrietan arautzen da.

12. Izena emateko eskaerak bertaratuta aurkeztu nahi badira, aukeratutako ikastetxe aztertzailearen administrazio bulegoetara eramanen dira, ebazpen honen 3. eranskinean azaltzen den deialdirako egutegian ezarritako epean.

13. Eranskin honen 7. oinarrian aipatzen diren izena emateko baldintza guztiak eskaerak aurkezteko epea bukatzen den egunean bete beharko dira. Halaber, baremazioaren ondorioetarako aurkezten den dokumentazioa bat etorriko da deialdi honetan eskabideak aurkezteko ezarritako azken egunean frogatzen ahal diren egoerekin.

Era berean, Lantokiko Prestakuntza (LP) moduluko inskripzioa eskatzeko, frogatu beharko da eranskin honen 71. oinarrian ezarritako baldintzak aldi berean betetzen direla.

14. Osasun larrialdietako zikloari dagozkion moduluetako proba libreen deialdiari dagokionez, zikloan ikasketa plan zaharraren arabera (guztira lanbide moduluen 960 ordu edo gehiago gainditu izana egiaztatzen dutenak) nahiz ikasketa plan berriaren arabera (guztira lanbide moduluen 960 ordu edo gehiago gainditu izana egiaztatzen ez dutenak) matrikulatuta dauden pertsonak aldi berean egoten ahalko dira.

Onarpen irizpideak.

15. Honako lehentasun irizpide hauei jarraikiz ordenatuko da deialdi honen xedeko heziketa zikloetako moduluetan inskribatzeko eskatzen duten ikasleen hurrenkera-zerrenda:

a) "Osasun larrialdiak" erdi mailako heziketa zikloari dagozkion moduluetan inskribatuz gero:

–Lehenik: Aurreko ikasturteetan heziketa ziklo horretako lanbide moduluetan Nafarroan proba libreak egiteko deialdietan matrikulatuta egon diren pertsonak, baldin eta egiaztatzen badute ziklo horretako lanbide moduluak gaindituta dituztela eta guztira 960 ordu edo gehiago egin dituztela (Lanbide Heziketa Antolatu eta Integratzeari buruzko martxoaren 31ko 3/2022 Lege Organikoaren baldintzetara egokitu aurreko Nafarroako curriculumari jarraiki –plan zaharra–).

Gainditutako orduen zenbaketaren ondorioetarako soilik, lanbide modulu hauek ere hartuko dira kontuan: lanbide gaitasunen estandarrak etengabeko prestakuntzaren bidez edo gaitasunak egiaztatuz baliozkotzen ahal badira (ikus egokitasuna ebazpen honen 4. eranskinean).

–Bigarrenik: Aurreko ikasturteetan Nafarroako proba libreen deialdietan izena eman nahi duten heziketa zikloko lanbide moduluetan matrikulatuta egon ez diren pertsonak, baldin eta egiaztatzen badute Nafarroan zikloko 960 orduko edo gehiagoko lanbide moduluak gainditu dituztela (Lanbide Heziketa Antolatu eta Integratzeari buruzko martxoaren 31ko 3/2022 Lege Organikoaren baldintzetara egokitu aurreko Nafarroako curriculumari jarraiki –plan zaharra–); eta/edo Nafarroan egindako etengabeko prestakuntzaren bidez lanbide gaitasunen estandarrak egiaztatzen dituzten pertsonak, betiere zikloko lanbide moduluetan guztira 960 ordu edo gehiago baliozkotzea ahalbidetzen badiete (Lanbide Heziketa Antolatu eta Integratzeari buruzko martxoaren 31ko 3/2022 Lege Organikoaren baldintzetara egokitu aurreko Nafarroako curriculumari jarraiki –plan zaharra–); eta/edo Nafarroan gaitasunak egiaztatzearen bidez lanbide gaitasunen estandarrak egiaztatzen dituzten pertsonak, betiere zikloko lanbide moduluetan guztira 960 ordu edo gehiago baliozkotzea ahalbidetzen badiete (Lanbide Heziketa Antolatu eta Integratzeari buruzko martxoaren 31ko 3/2022 Lege Organikoaren baldintzetara egokitu aurreko Nafarroako curriculumari jarraiki –plan zaharra–).

–Hirugarrenik: Nafarroan gutxienez duela urtebete erroldatuta dauden eskatzaileak (inskripzio eskaera aurkezteko egunean).

–Laugarrenik: Gainerako interesdunak.

Plaza lortzen duten lehenbiziko eta bigarren taldeetako pertsonak zikloko proba libreetan ikasketa plan zaharraren arabera matrikulatuko dira.

Plaza lortzen duten bigarren eta hirugarren taldeetako pertsonak zikloko proba libreetan ikasketa plan berriaren arabera matrikulatuko dira.

b) "Erizaintzako zainketa lagungarriak" erdi mailako heziketa zikloari dagozkion moduluetan inskribatuz gero:

–Lehenik: Aurreko ikasturteetan heziketa ziklo horretako moduluetan Nafarroako proba libreen deialdietan matrikulatuta egon diren pertsonak, eta, gainera, dagokion heziketa zikloko lanbide modulu bat edo gehiago gainditu edota aitortu dituztenak.

–Bigarrenik: Nafarroan gutxienez duela urtebete erroldatuta dauden eskatzaileak (inskripzio eskaera aurkezteko egunean).

–Hirugarrenik: Gainerako interesdunak.

16. Ikaspostuen erreserba: Eskainitako lanbide modulu eta ikastetxe bakoitzean, ikaspostu bat gordeko da desgaitasuna duten pertsonentzat, eta beste bat goi mailako/goi errendimenduko kirolarientzat.

17. Lehentasun irizpide hauek kontuan izanda ezarriko da hurrenkera-zerrenda, aipatu taldeetako bakoitzerako:

Osasun larrialdiak:

a) Lehenengo taldea:

–Osasun larrialdietako heziketa zikloari dagozkion Nafarroako aurreko ikasturteetako proba libreen deialdietan gainditutako edo aitortutako modulu kopurua, modulu kopuru handienetik txikienera.

Ildo horretan, gainditutako modulutzat hartuko dira lanbide gaitasunen estandarrak egiaztatuz baliozkotu daitezkeenak (etengabeko prestakuntzaren bidez edo lanbide gaitasunak egiaztatzearen bidez).

–Gainditutako eta/edo aitortutako modulu kopuru bera izanez gero, berdinketa ebazteko aplikatuko da 2025-2026 ikasturtean onartua izateko Hezkuntza Departamentuan egindako zozketaren emaitza.

b) Bigarren taldea:

–Osasun larrialdietako heziketa zikloko gainditutako edo aitortutako modulu kopurua, modulu kopuru handienetik txikienera.

Ildo horretan, gainditutako modulutzat hartuko dira lanbide gaitasunen estandarrak egiaztatuz baliozkotu daitezkeenak (etengabeko prestakuntzaren bidez edo lanbide gaitasunak egiaztatzearen bidez).

–Gainditutako eta/edo aitortutako modulu kopuru bera izanez gero, berdinketa ebazteko aplikatuko da 2025-2026 ikasturtean onartua izateko Hezkuntza Departamentuan egindako zozketaren emaitza.

c) Hirugarren eta laugarren taldeak:

–Sartzeko alegatzen den baldintzaren batez besteko notaren arabera, bi zifra hamartar adierazita, handienetik txikienera. Batez besteko nota zenbaturik ez dutenak beren taldeko azken tokira pasatuko dira.

–Lehendabiziko irizpide horretan berdinketarik bada, hura ebazteko aplikatuko da 2025-2026 ikasturtean onartua izateko Hezkuntza Departamentuan egindako zozketaren emaitza.

Erizaintzako zainketa lagungarriak.

a) Lehenengo taldea:

–Erizaintzako zainketa lagungarrietako heziketa zikloari dagozkion aurreko ikasturteetako proba libreen deialdietan gainditutako edo aitortutako modulu kopurua, modulu kopuru handienetik txikienera.

–Gainditutako eta/edo aitortutako modulu kopuru bera izanez gero, berdinketa ebazteko aplikatuko da 2025-2026 ikasturtean onartua izateko Hezkuntza Departamentuan egindako zozketaren emaitza.

b) Bigarren eta hirugarren taldeak:

–Sartzeko alegatzen den baldintzaren batez besteko notaren arabera, bi zifra hamartar adierazita, handienetik txikienera. Batez besteko nota zenbaturik ez dutenak beren taldeko azken tokira pasatuko dira.

–Lehendabiziko irizpide horretan berdinketarik bada, hura ebazteko aplikatuko da 2025-2026 ikasturtean onartua izateko Hezkuntza Departamentuan egindako zozketaren emaitza.

Izena emateko dokumentazioa.

18. Izena emateko eskaerarekin batera, ondoren aipatzen den dokumentazioa aurkeztu beharko da, onarpen talde batean sartzeko eta eranskin honetako 15., 16. eta 17. oinarrietan ezarritako irizpideen araberako hurrenkera-zerrenda ezartzeko.

Osasun larrialdiak:

18.1. Lehenengo taldea:

a) Nortasun Agiri Nazionalaren fotokopia, pasaportearena, nortasuna frogatzen duen bidaia agiri batena, bisarena edo atzerritarren identifikazio txartelarena.

b) Izena emateko inprimakia, "Lanbide Heziketako tituluak lortzeko proba libreak" fitxan agertzen dena. Helbide honetan dago:

https://www.navarra.es/eu/tramiteak/on/-/line/Pruebas-libres-para-la-obtencion-de-titulos-de-Formacion-Profesional

c) Izena emateko inprimakian adieraziko da norberak zenbat modulu gaindituta edo/eta aitortuta dituen osasun larrialdietako heziketa zikloan Nafarroako proba libreen beste deialdi batzuetan, eta ofizioz egiaztatuko da; beraz, ez da justifikazio dokumentaziorik aurkeztu behar, betiere moduluak Nafarroako ikastetxe eta deialdietan gainditu edo/eta aitortu badira.

d) Hala badagokio, moduluak etengabeko prestakuntzaren bidez gainditu izana egiaztatzeko dokumentua (prestakuntza presentzialean zikloko lanbide moduluen baliozkotzea egiaztatu ote daitekeen zehazteko).

e) Hala badagokio, lanbide gaitasunak egiaztatzeko prozedura baten bidez lortutako lanbide gaitasunen estandarrak (gaitasun-atalak) egiaztatzeko dokumentua (prestakuntza presentzialean zikloko lanbide moduluen baliozkotzea egiaztatu ote daitekeen zehazteko).

f) Kasua bada, eskaeran alegatzen den ikaspostu erreserba egiaztatzen duen dokumentazioa.

18.2. Bigarren taldea:

a) Nortasun Agiri Nazionalaren fotokopia, pasaportearena, nortasuna frogatzen duen bidaia agiri batena, bisarena edo atzerritarren identifikazio txartelarena.

b) Izena emateko inprimakia, "Lanbide Heziketako tituluak lortzeko proba libreak" fitxan agertzen dena. Helbide honetan dago:

https://www.navarra.es/eu/tramiteak/on/-/line/Pruebas-libres-para-la-obtencion-de-titulos-de-Formacion-Profesional

c) Hala badagokio, osasun larrialdietako heziketa zikloan gainditutako edo aitortutako moduluen egiaztagiria.

d) Hala badagokio, moduluak etengabeko prestakuntzaren bidez gainditu izana egiaztatzeko dokumentua (prestakuntza presentzialean zikloko lanbide moduluen baliozkotzea egiaztatu ote daitekeen zehazteko).

e) Hala badagokio, lanbide gaitasunak egiaztatzeko prozedura baten bidez lortutako lanbide gaitasunen estandarrak (gaitasun-atalak) egiaztatzeko dokumentua (prestakuntza presentzialean zikloko lanbide moduluen baliozkotzea egiaztatu ote daitekeen zehazteko).

f) Kasua bada, eskaeran alegatzen den ikaspostu erreserba egiaztatzen duen dokumentazioa.

18.3. Hirugarren eta laugarren taldeak:

a) Nortasun Agiri Nazionalaren fotokopia, pasaportearena, nortasuna frogatzen duen bidaia agiri batena, bisarena edo atzerritarren identifikazio txartelarena.

b) Izena emateko inprimakia, "Lanbide Heziketako tituluak lortzeko proba libreak" fitxan agertzen dena. Helbide honetan dago:

https://www.navarra.es/eu/tramiteak/on/-/line/Pruebas-libres-para-la-obtencion-de-titulos-de-Formacion-Profesional

c) Zikloan sartzeko titulua edo prestakuntza akademikoa egiaztatzen duen ziurtagiriaren fotokopia, batez besteko nota adierazita.

d) Hala badagokio, Nafarroako erroldatze-ziurtagiria; deialdi honetako proba libreetan izena emateko eskaerak aurkezteko egunean, beharrezkoa da Nafarroan gutxienez duela urtebete erroldatuta egotea.

e) Kasua bada, eskaeran alegatzen den ikaspostu erreserba egiaztatzen duen dokumentazioa.

Erizaintzako zainketa lagungarriak:

18.4. Lehenengo taldea:

a) Nortasun Agiri Nazionalaren fotokopia, pasaportearena, nortasuna frogatzen duen bidaia agiri batena, bisarena edo atzerritarren identifikazio txartelarena.

b) Izena emateko inprimakia, "Lanbide Heziketako tituluak lortzeko proba libreak" fitxan agertzen dena. Helbide honetan dago:

https://www.navarra.es/eu/tramiteak/on/-/line/Pruebas-libres-para-la-obtencion-de-titulos-de-Formacion-Profesional

c) Izena emateko inprimakian adieraziko da norberak zenbat modulu gaindituta edo/eta aitortuta dituen Erizaintzako Zainketa Lagungarrietako heziketa zikloan Nafarroako proba libreen beste deialdi batzuetan, eta ofizioz egiaztatuko da; beraz, ez da justifikazio dokumentaziorik aurkeztu behar, betiere moduluak Nafarroako ikastetxe eta deialdietan gainditu edo/eta aitortu badira.

d) Kasua bada, eskaeran alegatzen den ikaspostu erreserba egiaztatzen duen dokumentazioa.

18.5. Bigarren eta hirugarren taldeak:

a) Nortasun Agiri Nazionalaren fotokopia, pasaportearena, nortasuna frogatzen duen bidaia agiri batena, bisarena edo atzerritarren identifikazio txartelarena.

b) Izena emateko inprimakia, "Lanbide Heziketako tituluak lortzeko proba libreak" fitxan agertzen dena. Helbide honetan dago:

https://www.navarra.es/eu/tramiteak/on/-/line/Pruebas-libres-para-la-obtencion-de-titulos-de-Formacion-Profesional

c) Zikloan sartzeko titulua edo prestakuntza akademikoa egiaztatzen duen ziurtagiriaren fotokopia, batez besteko nota adierazita.

d) Hala badagokio, Nafarroako erroldatze-ziurtagiria; deialdi honetako proba libreetan izena emateko eskaerak aurkezteko egunean, beharrezkoa da Nafarroan gutxienez duela urtebete erroldatuta egotea.

e) Kasua bada, eskaeran alegatzen den ikaspostu erreserba egiaztatzen duen dokumentazioa.

19. Hezkuntza Departamentuak egiaztatuko du izena emandako pertsonek emandako datuak eta/edo dokumentuak egiazkoak direla, bai eta izangai bakoitzak dagokion sarbide taldean duen postua ere. Zerbait faltsua dela egiaztatuz gero, matrikulatutako izangaia deialditik kanpo geldituko da eta, kalifikazioren bat jarri bazaio, deuseztatuko zaizkio.

Onartuen behin-behineko zerrendak eta onartuen behin betiko zerrendak.

20. Ebazpen honen 3. eranskineko egutegian adierazitako egunean, lanbide modulu bakoitzean onartutakoen behin-behineko zerrendak argitaratuko dira ikastetxeko iragarki-taulan, haren webgunean eta "Lanbide Heziketako tituluak lortzeko proba libreak" izeneko fitxan, helbide honetan:

https://www.navarra.es/eu/tramiteak/on/-/line/Pruebas-libres-para-la-obtencion-de-titulos-de-Formacion-Profesional

21. Onartutakoen behin-behineko zerrenda horren aurka, erreklamazioa aurkezten ahalko da Hezkuntza Departamentuko Lanbide Heziketaren Antolamendu eta Ebaluaziorako Atalari zuzenduta, gainditutako/aitortutako moduluen kopuruan atzemandako akatsei dagokienez, eta ikastetxeko zuzendariari zuzenduta, beste edozein alderdiri dagokionez, ebazpen honen 3. eranskinean adierazitako egunetan.

22. Egon daitezkeen erreklamazioak ebatzi ondoren, lanbide modulu bakoitzean onartutakoen behin betiko zerrenda ikastetxe aztertzaileko zuzendaritzak argitaratuko du ikastetxeko iragarki-taulan eta haren webgunean, baita "Lanbide Heziketako tituluak lortzeko proba libreak" fitxan ere, helbide honetan, ebazpen honen 3. eranskinean adierazitako egunean:

https://www.navarra.es/eu/tramiteak/on/-/line/Pruebas-libres-para-la-obtencion-de-titulos-de-Formacion-Profesional

23. Eskatutako lanbide moduluren batean onartzen ez diren eskatzaileak itxaron zerrendan geldituko dira, aurretik ezarritako irizpideen arabera ordenaturik. Onartuak izan daitezke, hurrenkera ordenari jarraikiz betiere, baldin eta hutsik geratutako ikaspostuak badaude onartutako ikasleren bat matrikulatu ez delako.

24. Eskatzaile bat lanbide modulu batean onartua dagoela ulertuko da hala agertzen bada onartutako ikasleen behin betiko zerrendetan edo ikastetxe aztertzaileak plaza esleitzen badio ebazpen honen 3. eranskinean ezarritako matrikulazio epea bukatu ondoren plaza hutsak gelditu direlako.

Matrikulazioa.

25. Izangaiek ebazpen honen 3. eranskinean adierazitako egunetan egin beharko dute matrikula, onartuak dauden ikastetxean eta moduluetarako. Horretarako, ikastetxeak eskatutako honako dokumentazio hau aurkeztu beharko dute:

Desgaitasun egoera egiaztatuz gero: Behar den egokitzapen motaren eskaera.

26. Matrikula lanbide modulu batean formalizatzeak bi ebaluazio deialdi egiteko eskubidea emanen du.

a) Lehenengo deialdia 2026an eginen da, 2025-2026 ikasturteko azken hiruhilekoan edo 2026-2027 ikasturteko lehen hiruhilekoan, ikastetxeak zehaztutako proben egutegiaren arabera.

b) Bigarren deialdia 2026an eginen da, 2026-2027 ikasturteko lehen hiruhilekoan, edo 2027an, 2026-2027 ikasturteko bigarren hiruhilekoan, ikastetxeak zehaztutako proben egutegiaren arabera.

27. Deialdi honetan osasun larrialdietako zikloko moduluetan ikasketa plan zaharraren arabera matrikulatutako pertsonek, baldin eta, akitu ondoren, tituludun izaten ahal badira gainditu dituztelako zikloko lanbide modulu guztiak, Lantokiko Prestakuntzako modulua barne (gainditua edo salbuetsia), osasun larrialdietako teknikariaren titulua lortuko dute.

Deialdi honetan osasun larrialdietako zikloko moduluetan ikasketa plan zaharraren arabera matrikulatutako pertsonek, baldin eta, akitu ondoren, tituludun izaten ahal badira gainditu dituztelako zikloko moduluak, Lantokiko Prestakuntzako modulua barne (gainditua edo salbuetsia), eta etengabeko prestakuntzaren edo gaitasunak egiaztatzearen bidez lortutako gaitasun estandarren bidez (gaitasun-unitateak), salbuespenezko matrikula eginen dute, Lanbide Heziketaren Plangintza eta Integraziorako Zerbitzuak ematen dituen jarraibideen arabera, dagozkien baliozkotzeak espediente akademikoan txertatzeko eta osasun larrialdietako teknikariaren titulua lortu ahal izateko.

Deialdi honetan osasun larrialdietako zikloko moduluetan ikasketa plan zaharraren arabera matrikulatutako pertsonek, akitu ondoren osasun larrialdietako teknikariaren titulua lortzeko moduan ez badaude, ikasketa plan berriaren arabera jarraitu beharko dute zikloarekin.

28. Bateraezinak dira proba hauetako matrikula eta beste prozedura batzuk, lehen adierazi den bezala. Ez bada betetzen, deialdi honetako matrikula eta bertan lortzen diren emaitza akademikoak deuseztatuko dira, matrikularen tasa itzultzeko eskubiderik sortu gabe.

29. Izena emateko eskaeran desgaitasuna dutela frogatu duten izangaiek matrikula egiten duten unean adierazi beharko dute probak egiteko zer egokitzapen mota jotzen duten beharrezkotzat.

Egokitzapen horiengatik ez dira tituluaren gaitasun orokorrean eragina duten ikasketaren helburuak edo emaitzak kenduko.

Ikaspostuen erreserba.

30. Modulu bakoitzean, erreserba hauek eginen dira eskaintzen diren 24 plazako:

–Erreserbako plaza bat, desgaitasuna dutela frogatu dutenentzat.

–Erreserbako plaza bat goi mailako edo goi errendimenduko kirolarientzat, Goi Mailako eta Goi Errendimenduko Kirolariei buruzko uztailaren 13ko 971/2007 Errege Dekretuan ezarritako lehentasun ordenaren arabera.

Moduluren batean desgaitasuna dutela egiaztatu duten bi pertsona baino gehiago edo goi errendimenduko bi kirolari baino gehiago suertatuz gero, deialdi honetan ezarritako onarpen irizpideei jarraikiz eratutako lehentasun-zerrendan lehenbiziko postuan dagoen izangaiari esleituko zaio plaza.

Ikasle jakin horientzat erreserbatutako plazak betetzen ez badira, eskaintza orokorrekoei gehituko zaizkie.

Moduluak baliozkotzea. Gainditutako moduluak egiaztatzea.

31. Bat etorriz abenduaren 9ko 1085/2020 Errege Dekretuaren 4. artikuluan ezarritakoarekin, haren bidez arautzen baitira Espainiako hezkuntza sistemako Lanbide Heziketako tituluen lanbide moduluen baliozkotzeak, ezin da lanbide modulurik baliozkotzea eskatu Lanbide Heziketako tituluetako lanbide moduluak gainditzeko proba libreen deialdietan.

32. Lanbide moduluak aitortzeko eskatzen ahalko dute ebazpen honen bidez proba libreetarako egindako deialdiko lanbide moduluetan plaza lortu eta matrikulatzen direnek, Nafarroan indarrean dagoen araudian ezarritakoaren arabera.

33. Gainditutako moduluak egiaztatzea prozesu akademiko eta administratibo bat da, zeinaren bidez, ikasleek eskatuta, erabakitzen baita ikasleak matrikulatua dagoen heziketa zikloko modulu bat edo gehiago ez dituela egin behar edo ez dituela azterketak egin behar (proba libreen deialdien kasuan) aurretik egindako beste modulu batzuen berdin-berdinak direlako eta horietan lortutako kalifikazioa 5 edo gehiago izan delako.

Moduluak aitortzeak ondorio hau izanen du: gainditutako moduluen kalifikazioa ikaslearen ikasketa-espedientera pasako da.

34. Hauxe da moduluak aitortzeko eskaerari erantsi beharko zaion dokumentazioa: gainditu diren moduluak jasotzen dituen ziurtagiri akademikoaren fotokopia.

35. Ikastetxe aztertzaileetako ebaluazio batzordeetako kideek beharrezko informazioa eta orientazioa emanen dizkiete moduluak aitortzeko eskatu nahi dutenei.

Proben nondik norakoari buruzko informazio saioa. Izangaientzako orientazioa.

36. Matrikulatutako izangaientzako informazio saio bat eginen du deialdi honen xedeko heziketa ziklo bakoitzeko ebaluazio batzordeak. Ikastetxe aztertzaileetan izanen da, ebazpen honen 3. eranskinean ezarritako egutegian aipatzen diren egunetan, ebaluazio batzordeak ezartzen duen orduan.

37. Saio horretan, besteak beste, honako hauei buruzko informazioa eta orientazioa emanen da:

–Ikasketaren emaitzak edo hondarreko gaitasunak, bai eta proben xedeko lanbide moduluei dagozkien ebaluazio irizpideak ere.

–Ebaluazio sistema.

–Ebaluaziorako proba motak.

–Lanbide modulu bakoitzeko probak egiteko egutegia.

–Probekin zerikusia duten beste alderdi batzuk.

–Izangaiek proben nondik norakoari buruz dituzten zalantzak argituko dira.

38. Ikastetxe aztertzaileek beharrezko neurriak hartuko dituzte, deialdi honen xedeko lanbide moduluak gainditzeko proba libreetan ikastetxe horretan izena eman nahi dutenek bermatua izan dezaten ebaluazio batzordearen aldetik informazio eta orientazio egokia jasotzeko aukera, bai erreklamatzeko epe eta prozesuei dagokienez, bai proba libreak egiteko bestelako inguruabar batzuei buruz.

Ikastetxe aztertzaile bakoitzeko zuzendaritzak bermatuko ditu arreta eta orientazio horiek; dagokion ebaluazio batzordearen ardura izanen da hori, eta ikastetxe aztertzaileko Orientazio Departamentuko langileek laguntza ematen ahalko diote.

Proben prestaketa, egitura eta edukia.

39. Izendatzen diren ebaluazio batzordeek prestatuko dituzte deialdi honen xedeko lanbide modulu bakoitzerako probak; teoriko-praktikoak izan beharko dute.

40. Heziketa ziklo bererako probak ikastetxe batean baino gehiagotan egitekoak badira, koordinazio batzordeak eta/edo horretarako izendatutako aholkulariek gainbegiratuko dute modulu bakoitzeko proben prestaketa, eta ziurtatuko dute ikastetxe bakoitzean proba bera egiten dela.

1. Probak Nafarroako Foru Komunitatean indarra duten heziketa zikloetako curriculumei eta haien lanbide gaitasunei buruzkoak izanen dira. Probek eduki teorikoak eta praktikoak izanen dituzte, halakoak non kasuan kasuko ebaluazio irizpideen bidez agerian geldituko baita ikasleek behar diren ikaskuntza emaitzak edo trebetasunak lortu dituztela, eta, hala dagokionean, lanbide moduluari lotutako gaitasunak.

42. Beren ezaugarriengatik eta bereizgarritasunarengatik beharrezkotzat jotzen den lanbide moduluetan, ebaluazio batzordeak bi zatitan antolatzen ahalko du proba, eta zehaztu, hala erabakiz gero, aurreko zatia gainditu beharko dela hurrengoa egiteko. Eranskin honen 41. oinarrian aipatutako informazio saioan emanen zaie egoera horren berri matrikulatutako ikasleei.

43. Probak egiteko aurreikusitako egutegia ebazpen honen 3. eranskinean ezarritakoa da. Proba bat zenbait zatitan egiten bada, adierazitako data probaren lehen zatiari dagokio. Proben gaineko orientabideak eta ebaluazio eta kalifikazio irizpideak jendaurrean jarriko dira ikastetxe bakoitzeko iragarki-taulan eta web-orrian, ebazpen honen 3. eranskinean adierazitako egunetan.

Probak egitea.

44. Deialdi honen xedeko modulu bakoitzerako eginen dira ebazpen honen bidez araututako deialdiari dagozkion probak, ebazpen honen 3. eranskineko egutegiaren arabera.

45. Ebaluazio batzordeak azterketaren xedeko lanbide moduluen probak egiteko egutegia prestatuko du.

Egutegia halako eran prestatuko da non ebaluazio batzordeko irakasle arduradunei esleitutako lanbide moduluetako ariketak ez baitira eginen irakasle horien irakastorduetan. Orobat, ahaleginak eginen dira, jarduera horiek direla-eta, ikastetxeko gainerako ikasleei trabarik ez egiteko.

46. Probetan matrikulatuta daudenek aldean eraman beharko dute Nortasun Agiri Nazionala, pasaportea edo legez onartua den beste edozein dokumentu, identitatea behar adina frogatzen duena.

Ebaluazio batzordeak.

47. Ebaluazio batzorde bat eratuko da heziketa ziklo eta ikastetxe bakoitzerako. Lanbide Heziketaren Plangintza eta Integraziorako Zerbitzuko zuzendariak izendatuko ditu, irizpide orokor honekin: ikastetxe bakoitzean, deialdi honen xedeko lanbide modulu bakoitza irakasle arduradun bakar bati esleitzea.

Ebaluazio batzordeak, hala behar dela iruditzen bazaio, aholkularien laguntza eskatzen ahalko du probak garatzeko. Horretarako, eskaera arrazoitua egin beharko dio Lanbide Heziketaren Plangintza eta Integraziorako Zerbitzuko zuzendariari, eta hark erabakiko du onartzen den ala ez. Orobat, Lanbide Heziketaren Plangintza eta Integraziorako Zerbitzuko zuzendariak izendatuko ditu proposatutako eta onartutako aholkulariak.

48. Baldin eta heziketa ziklo baterako probak egitekoak badira ikastetxe batean baino gehiagotan, koordinazio batzorde bat eratuko da, Lanbide Heziketaren Plangintza eta Integraziorako Zerbitzuko zuzendariak izendatua. Batzorde hori, aldi oro, buru batek eta hiru batzordekidek osatuko dute.

Lanbide Heziketaren Antolamendu eta Ebaluaziorako Ataleko kide bat izanen da batzordeburua. Hiru batzordekideak kasuan kasuko zikloan irakasten den espezialitate bateko irakasleak izanen dira, salbu eta "Lanerako Prestakuntza eta Orientabideak" eta "Lantaldeko Harremanak" moduluetakoak; ikastetxe aztertzaile bakoitzeko irakasle bat egonen da. Idazkari lanetan gazteena ariko da.

Halaber, koordinazio batzordeak aholkularien laguntza eska dezake beharrezkoa iruditzen zaionean lanbide moduluetako probak egiteko. Horretarako, eskaera arrazoitua egin beharko dio Lanbide Heziketaren Plangintza eta Integraziorako Zerbitzuko zuzendariari, eta hark erabakiko du onartu ala ez, irizpide honetan oinarrituz: deialdi honen xedeko lanbide modulu bakoitza irakasle arduradun bakar bati esleitzea. Orobat, Lanbide Heziketaren Plangintza eta Integraziorako Zerbitzuko zuzendariak izendatuko ditu proposatutako eta onartutako aholkulariak.

49. Ebaluazio batzordeak, ekainaren 27ko 76/2016 Foru Aginduaren eranskinaren 8. oinarrian aipatzen diren eginkizunez gain, honako hauek ere izanen ditu:

–Eranskin honen 36. oinarritik 38. oinarrira aipatutako informazio saioa antolatu eta garatzea.

–Eranskin honen oinarrietan aipatzen diren orientazio eta informazio lanak egitea.

–Txostenak egitea, lanbide moduluak aitortzeko eskaerei buruz.

50. Lanbide modulu bakoitzeko ariketak eta probak prestatzeari eta horiek zuzendu eta kalifikatzeari dagokionez, kontuan hartu beharko da printzipio orokor hau: ebaluazio batzordeko irakasle bakar batek prestatu, zuzendu eta kalifikatu behar ditu ariketak eta probak ikastetxe bakoitzean, betiere, Lanbide Heziketaren Plangintza eta Integraziorako Zerbitzuko zuzendariak egindako izendapenean bakoitzari esleitu zaizkion lanbide moduluen arabera.

51. Eginkizun hauek izanen ditu heziketa zikloaren koordinazio batzordeak, probak ikastetxe batean baino gehiagotan egiten direnean:

–Begiratzea probak deialdi honetan jasotako irizpideei jarraikiz prestatzen direla.

–Hiru ikastetxe aztertzaileetan aplikatuko diren kalifikazio irizpideak koordinatzea.

–Proben antolaketa eta kudeaketa koordinatzea hiru ikastetxe aztertzaileetan.

–Lanbide Heziketaren Plangintza eta Integraziorako Zerbitzuko Zuzendaritzak, helburuak behar bezala betetzeko, esleitzen dion beste edozein, betiere bere jarduketa eremuaren barrenean.

52. Lanbide Heziketaren Plangintza eta Integraziorako Zerbitzuko zuzendariak izendatuko ditu Lanbide Heziketako teknikari titulua lortzeko probetan parte hartuko duten ebaluazio batzordeetako aholkulariak.

Aholkularien eginkizunak hauek izanen dira, oro har:

–Probak egiteko prozesua zaindu eta kontrolatzea.

–Proben kudeaketa prozesuan laguntzea.

53. Nahitaez parte hartu behar da ebaluazio eta koordinazio batzordeetan, baita aholkulari lanetan ere.

54. Ebaluazio eta koordinazio batzordeetako kideen eta aholkularien lanak Unibertsitateaz Kanpoko Irakaskuntza Hobetzeko Neurriei buruzko uztailaren 2ko 26/2002 Foru Legearen 12.2 artikuluan ezarritakoekin parekatuko dira, eta ezartzen diren konpentsazio ekonomikoak jasotzeko eskubidea sortuko dute, erabakitzen den prozedurari jarraikiz.

Horretarako, pertsona horiek diru konpentsazioak jasoko dituzte, Hezkuntzako zuzendari nagusiaren martxoaren 22ko 84/2016 Ebazpenean ezarritakoaren arabera, ebazpen horren bidez ezartzen baita zer konpentsazio jasoko duten Nafarroan Lanbide Heziketako tituluak lortzeko proba libreetako eta hezkuntza sistemako Lanbide Heziketako irakaskuntzetan eta Arte Plastikoetako lanbide irakaskuntzetan sartzeko probetako epaimahaietako kideek, bai eta araubide bereziko Kirol Irakaskuntzen probetakoek ere. Jarduera horiek justifikatuko dira Lanbide Heziketaren Antolamendu eta Ebaluaziorako Atalak emanen duen dokumentazioarekin eta aipatu ebazpeneko alderdi batzuk garatu eta zehazten dituzten jarraibide hauen arabera (atal desberdinak justifikazio dokumentazioarekin lotuta daude):

a) A atala. Koordinazio edo ebaluazio batzordean parte hartzea, karguarekin.

a1) Oro har, hauek izanen dira dedikazio-orduak, gehienez, koordinazio batzordean betetzen diren eginkizunen arabera:

–Batzordeburua: 18 dedikazio-ordu, gehienez.

–Idazkaria: 18 dedikazio-ordu, gehienez.

–Batzordeko kideak: 15 dedikazio-ordu, gehienez.

a2) Oro har, hauek izanen dira dedikazio-orduak, gehienez, ikastetxeetako ebaluazio batzorde bakoitzeko eginkizunetarako:

–Batzordeburua: 10 dedikazio-ordu, gehienez.

–Idazkaria: 10 dedikazio-ordu, gehienez.

–Batzordeko kideak: 5 dedikazio-ordu, gehienez.

b) B1 atala. Proben antolaketa eta garapena.

4 dedikazio-ordu ezartzen dira, gehienez, proba edo proba zati bakoitzerako eta proba egiteko egun bakoitzeko.

c) B2 atala. Proben ebaluazioa eta kalifikazioa.

Gehienez, 0,2 orduko dedikazioa ezartzen da ebaluatzen eta kalifikatzen den proba edo proba zati (probak zati bat baino gehiago badu) bakoitzerako. Gogorarazi beharra dago ezen Lanbide Heziketaren Plangintza eta Integraziorako Zerbitzuko zuzendariak izendatutako pertsonari baino ez dagozkiola, kasuan kasuko lanbide moduluaren ardura duen aldetik, probaren edo probaren zatien ariketak ebaluatzeko eta kalifikatzeko esleitutako gehieneko dedikazio-orduak.

d) B3 atala. Azken ebaluazioa.

Oro har, 2 dedikazio-ordu ezartzen dira, gehienez, izangaien azken ebaluazio saiorako. Parte-hartze hori azken ebaluazio saioko bilera aktaren kopiaren bitartez frogatuko da. Akta horretan, jaso beharko dira saioaren tokia, eguna, hasteko eta akitzeko orduak, eta parte hartu duten irakasleen zerrenda. Azken ebaluazio saioko bilera aktaren kopia hori aipatutako gainerako dokumentazioari gehituko zaio.

e) "Bestelako gastuak" atala.

‘Bestelako konpentsazio’ gisa, kontuan hartuko dira probak antolatzeagatik eta egiteagatik izandako joan-etorrien gastuak, eta baita otordu gastuak ere.

Joan-etorrien gastuetarako, Lanbide Heziketaren Antolamendu eta Ebaluaziorako Atalak emanen duen justifikazio agiria bete beharko da, joan-etorrien datak eta orduak zehazturik; bidesarien gasturik izanez gero, horien egiaztagiriak erantsi beharko dira.

Otordu gastuak ordaintzeari dagokionez, proba egiteko egunean egindako gastuaren frogagiriak aurkeztu beharko dira (faktura edo faktura sinplifikatua –tiketa–). Gehienez, 20 euro ordainduko da pertsona eta eguneko.

55. Idazkariek edo batzordeburuek, idazkaririk ez bada, proba libreetan parte hartzearen ondoriozko esku-hartze eta gastuak justifikatzeko dokumentazioa bildu beharko dute, irakasle eta aholkulari bakoitzari buruz, eta Lanbide Heziketaren Plangintza eta Integraziorako Zerbitzuko Lanbide Heziketaren Antolamendu eta Ebaluaziorako Atalari igorri, Lanbide Heziketaren Antolamendu eta Ebaluaziorako Atalak horretarako emanen duen eredua beteta eta sinatuta.

Lanbide Heziketaren Antolamendu eta Ebaluaziorako Atalak jasotako dokumentazioa egiaztatu eta baliozkotuko du, ordainketa espedientea izapidetu ahal izateko eta, horretarako, beharrezkoa izanez gero, informazio gehigarria eskatzen ahalko die ebaluazio batzordeetako buruei.

56. Lanbide Heziketaren Antolamendu eta Ebaluaziorako Atalak dagokion unean jakinaraziko du zer egunetarako igorri behar zaion dokumentazio guztia.

Kalifikazioen ebaluazioa, erregistroa eta argitalpena.

57. Probak ebaluatzeko erreferentziak honako hauek izanen dira: lanbide modulu bakoitzeko gaitasunak, ikaskuntzaren emaitzak eta ebaluazio irizpideak, bai eta nola egiten den eta egiteko ezartzen diren irizpideak ere.

Ikastetxe aztertzaileko iragarki-taulan kalifikazioak argitaratzea izanen da proben ariketa bakoitzean lortutako kalifikazioak jakinarazteko modu ofiziala.

Kalifikazioak proba baten zati bati dagozkionean, eta hurrengo zatia egin ahal izateko baldintza bada aurreko zatia gainditua izatea, modu berean argitaratuko dira kalifikazioak, hurrengo ariketa egin baino bost egun baliodun lehenago.

58. Lanbide modulu bakoitzeko ebaluazioaren zehaztapena eta, kasua bada, heziketa zikloaren azken kalifikazioa martxoaren 5eko 21/2019 Foru Aginduaren 17. artikuluan ezarritako moduan eginen dira.

59. Lortutako kalifikazioen erregistroa EDUCA kudeaketa sisteman eginen da, martxoaren 5eko 21/2019 Foru Aginduaren 28. eta 29. artikuluetan xedatu bezala, foru agindu horretan finkatutako ebaluazio dokumentuetan, eta ebaluazio batzordearen baterako erantzukizuna izanen da.

60. Proba libreen deialdi honen azken ebaluazio saioa eginen da azken moduluari dagokion azken ariketa egin ondoko hamar egun baliodunetan. Proba horretarako deia eginen da ebazpen honen 3. eranskinean ezarritako egutegiarekin bat.

Azken ebaluazio saio horretan, aktan jasoko da lanbide moduluetan lortutako kalifikazioa eta ikasleak titulua eskuratu duen ala ez. Ebaluazio akta horiek modulu bakoitzean sinatu beharko dira Lanbide Heziketaren zuzendari nagusiaren ebazpen bidez.

Heziketa zikloko azken ebaluazio saioan, kasuan kasuko kalifikazioak bete ondoren, akta itxiko da.

61. Azken ebaluazio saioa bukatu ondotik, ebaluazio batzordeko idazkariak emaitzaren berri emanen die ikasleei EDUCA sistemaren bidez edo beste plataforma informatiko batzuen bidez, eta ebaluazio saioko txostena helaraziko die. Txosten horretan, honako hauek zehaztu beharko dira gutxienez: ikastetxearen identifikazioaren datuak, ikaslearen identifikazioarenak eta ebaluazio prozesuari buruzko informazioa:

a) Ikastetxearen identifikaziorako gutxieneko datuak dira: izena, titulartasuna, helbidea, posta kodea eta herria.

b) Ikaslearen identifikazio datuak hauek dira, gutxienez: izena, deiturak, NANa edo agiri baliokidea, egiten duen etapa, hizkuntza eredua, maila eta taldea.

c) Ebaluazio prozesuari buruzko gutxieneko informazio datuak dira: gaur egungo ebaluazioa, lanbide moduluen zerrenda eta haien kalifikazioa. Horrez gain, bidezkoa bada, adieraziko da Lantokiko Prestakuntzako moduluan sartu den ala ez, eta titulazioa eskuratu duen ala ez.

Kalifikazioen gaineko erreklamazioak.

62. Maiatzaren 21eko 49/2013 Foru Aginduan ezarritako prozeduraren arabera eginen dira kalifikazioen gaineko erreklamazioak (foru agindu horren bidez ezartzen baita Nafarroako Foru Komunitateko ikastetxeetan ematen diren unibertsitateaz kanpoko irakaskuntzetako ikasleak ebaluatzeko prozesuan erreklamazioak egiteko sistema).

Dokumentazio akademikoa.

63. Lanbide Heziketako teknikari tituluak eskuratzeko probak egiteko ikasleak matrikulatzen dituzten ikastetxeek ikasketa-espediente bana irekiko diete ikasleei.

64. Ebaluazioko dokumentuak eta ikasketen ziurtagiriak martxoaren 5eko 21/2019 Foru Aginduaren VIII. kapituluan ezarritakoak izanen dira.

Titulazioa.

65. Deialdiaren xedeko probak bukatuta, heziketa ziklo jakin bateko lanbide modulu guztiak gainditzen dituztenek dagokien titulua eskatzen ahalko dute, martxoaren 5eko 21/2019 Foru Aginduaren IX. kapituluan ezarri bezala.

Lantokiko Prestakuntza modulua.

66. Lantokiko Prestakuntza (LP) modulua aurrez aurre egin beharko da, titulu bakoitzeko Nafarroako curriculuma osatzen duten gainerako moduluak gainditu ondoren, eta honako bi baldintza hauek aldi berean betetzen dituzten ikasleek soilik egiten ahalko dute:

–Nafarroako curriculumean ezarritako zikloko gainerako moduluak gaindituak izatea, eta gainera.

–Modulu horiek Nafarroan titulua lortzeko proba libreen deialdian gaindituak izan behar dituzte, dagokion titulazioan.

Lantokiko Prestakuntza moduluan egindako inskripzioak ez dira inola ere onartuko, baldin eta ezarritako bi baldintza horiek betetzen ez badira.

67. Era berean, norbait deialdi honen xedeko moduluetan matrikulatua egon, eta, ebazpen honen bidez deitutako moduluen azken kalifikazioak argitaratu ondoren, prestakuntza zikloko modulu guztiak gainditu baditu, Lantokiko Prestakuntza izeneko modulua izan ezik, aukera hauetako bat egin beharko du:

a) Apirilaren 2ko 45/2009 Foru Aginduan xedatutakoaren arabera zikloarekin zerikusia duen beharrezko lan-esperientzia badu, Lantokiko Prestakuntza modulutik salbuesteko eskatu beharko du. Salbuespen eskaera hori bost egun balioduneko epean aurkeztu beharko da, ebaluazio saioaren emaitza ebaluazio txostenaren bidez jasotzen denetik edo Educa kudeaketa sisteman argitaratzen denetik zenbatzen hasita.

–Salbuespen eskaeraren aldeko ebazpena ematen bada, pertsona horrek Lantokiko Prestakuntza moduluan matrikulatu beharko du ikastetxe bakoitzak zehaztutako datetan, espedientean Lantokiko Prestakuntza modulutik salbuetsia dagoela sartu ahal izateko eta titulua atera ahal izateko.

–Salbuespen eskaeraren aurkako ebazpena ematen bada edo zati batean bakarrik onartzen bada, eta, beraz, dagokion Lantokiko Prestakuntza aldia egin behar badu, ikastetxeak zehazten dituen egunetan egin beharko du.

b) Lan-esperientziarik ez badu, ikastetxeak zehaztutako egunetan egin beharko du Lantokiko Prestakuntza modulua.

Izangaientzako orientazioa.

68. Ikastetxe aztertzaileek beharrezko neurriak hartuko dituzte, deialdi honen xedeko Lanbide Heziketako teknikari tituluak lortzeko probetan ikastetxe horretan izena eman nahi dutenek bermatua izan dezaten ebaluazio batzordearen aldetik informazio eta orientazio egokia jasotzeko aukera, bai erreklamatzeko epe eta prozesuei dagokienez, bai proba libreak egiteko bestelako inguruabar batzuei buruz.

69. Ikastetxe aztertzaileetako zuzendaritzak bermatuko ditu arreta eta orientazio horiek; dagokion ebaluazio batzordearen ardura izanen da hori, eta ikastetxe aztertzaileko Orientazio Departamentuko langileek laguntza ematen ahalko diote.

Informazioaren tratamendua.

70. Ikastetxe aztertzaileek EDUCA aplikazioa erabiliko dute matrikulatuta dauden ikasleen datu pertsonal eta akademiko guztiak grabatu, prozesatu eta tratatzeko. Orobat, Lanbide Heziketaren Plangintza eta Integraziorako Zerbitzuaren eskura jarriko dute aipatu aplikaziotik zuzenean lortu ezin den informazio osagarria.

71. Prozedura izapidetzean datu pertsonalekin egiten den edozein tratamendutan, Datu Pertsonalak Babesteko eta Eskubide Digitalak Bermatzeko abenduaren 5eko 3/2018 Lege Organikoan xedatutakoa bete beharko da.

Eskainitakoen artean iraungitzekoak diren ikasketa planak.

72. Lanbide Heziketari buruzko araudi berriak indarra hartu duenez (3/2022 Legea, martxoaren 31koa, Lanbide Heziketa antolatu eta integratzekoa, eta 659/2023 Errege Dekretua, uztailaren 18koa, Lanbide Heziketako Sistemaren antolamendua garatzen duena), aldaketak izan dira ikasketa planetan. Lanbide Heziketako ikasketak Nafarroako proba libreen deialdian moduluak gaindituta egin dituzten eta ziklo bateko 2. mailako modalitate presentzialean egotearen baliokidea den egoeran dauden pertsonei mesede egiteko (horretarako, beharrezkoa da 960 ordu edo gehiagoko lanbide moduluak gainditu izana, Nafarroako curriculumaren arabera), deialdi honetan pertsona horiek lehentasunez onartzea arautu da.

73. 109/2024 Foru Dekretuak, abenduaren 11koak, Nafarroako Foru Komunitatearen eremuan erdi mailako Lanbide Heziketako zenbait tituluren egitura eta curriculuma ezartzen dituzten foru dekretuak aldatu eta irakaskuntza horien antolamendurako oinarrizko alderdiak ezartzen dituenak, Lanbide Heziketa Antolatu eta Integratzeari buruzko martxoaren 31ko 3/2022 Lege Organikoan ezarritako xedapenetara egokitzeko, 2026-2027 ikasturtera arteko (hori barne) trantsizio aldi bat ezartzen du xedapen iragankor bakarrean, ikasketak Lanbide Heziketa Antolatu eta Integratzeari buruzko martxoaren 31ko 3/2022 Lege Organikora egokitu gabeko ikasketa planari jarraikiz bukatzeko.

Horregatik, deialdi honetako osasun larrialdietako erdi mailako zikloko moduluetan onartzeko irizpideetan lehentasuna eman zaie eranskin honen 15. oinarrian aipatutako ikasleei; izan ere, ikasle horiek ikasketa plan zaharraren araberako espediente bat dute irekita eta zikloaren hondarrean daude. Modalitate presentzialeko ikasleekin ere hala jokatu da.

2. ERANSKINA.–LANBIDE HEZIKETAKO TEKNIKARI TITULUAK LORTZEKO PROBEN DEIALDIA DUTEN HEZIKETA ZIKLOAK. 2025-2026 ETA 2026-2027 IKASTURTEAK

Modulu eta ikastetxe bakoitzeko 24 plaza eskaintzen dira.

Titulua:Erizaintzako zainketa lagungarrietako teknikaria(erdi maila).

Nafarroako curriculuma:

–153/1996 Foru Dekretua, martxoaren 18koa (1996ko maiatzaren 31ko Nafarroako Aldizkari Ofiziala).

Ikaspostu kopurua, modulu eta zentro bakoitzeko:

–24 ikaspostu gehienez, oro har.

Ikastetxe aztertzaileak (izena emateko eta probak egiteko ikastetxeak):

–Lizarrako Politeknikoa II.

San Pol kalea, 8. 31200 Lizarra. Tel.: 948 550412.

–ETI IIP.

Tarazona etorbidea, z.g. 31500 Tutera. Tel.: 848 430140.

–Uharte IIP.

Olaz Txipi errepidea 30. 31620 Uharte. Tel.: 948 337772.

–Elizondo Lanbide Eskola IIP.

Diputazio etorbidea 7, 31700 Elizondo. Tel.: 848 431632.

(deialdia euskaraz)

Zikloko modulu guztiak eskaintzen dira:

Modulu eta ikastetxe bakoitzeko 24 plaza eskaintzen dira.

Titulua:Osasun larrialdietako teknikaria(erdi maila).

Nafarroako curriculuma:

–Ikasketa plan zaharra: 43/2009 Foru Dekretua, maiatzaren 4koa (2009ko abuztuaren 21eko Nafarroako Aldizkari Ofiziala); azken aldaketa: 27/2018 Foru Dekretua, apirilaren 25ekoa (2018ko ekainaren 28ko Nafarroako Aldizkari Ofiziala). Ikasketa plan zaharraren arabera proba libreen deialdian matrikulatuta dauden pertsonentzat (960 ordu edo gehiagoko ordu-karga duten moduluak gainditu dituztela egiaztatzen duten izangaiak).

–Ikasketa plan berria: 43/2009 Foru Dekretua, maiatzaren 4koa (2009ko abuztuaren 21eko Nafarroako Aldizkari Ofiziala), apirilaren 25eko 27/2018 Foru Dekretuaren bidez aldatua; azken aldaketa: abenduaren 11ko 109/2024 Foru Dekretua (2025eko martxoaren 14ko Nafarroako Aldizkari Ofiziala). Ikasketa plan berriaren arabera proba libreen deialdian matrikulatuta dauden pertsonentzat (960 ordu edo gehiagoko ordu-karga duten moduluak gainditu dituztela egiaztatzen ez duten izangaiak).

Ikaspostu kopurua, modulu eta zentro bakoitzeko:

–24 ikaspostu gehienez, oro har.

Ikastetxe aztertzaileak (izena emateko eta probak egiteko ikastetxeak):

–Nafarroako Lanbide Eskola Tekniko Sanitarioa II - ESTNA.

Irunlarrea kalea 3 (Nafarroako Ospitalearen esparrua). 31008 Iruña. Tel.: 848 431060.

–ETI IIP.

Tarazona etorbidea, z.g. 31500 Tutera. Tel.: 848 430140.

Zikloko modulu guztiak eskaintzen dira (plan zaharra):

Zikloko modulu hauek eskaintzen dira (plan berria):

Hurrengo deialditik aurrera, hori barne, osasun larrialdietako teknikariaren tituluaren moduluetako proba libreen deialdia ikasketa plan berrirako bakar-bakarrik eginen da.

3. ERANSKINA.–NAFARROAN LANBIDE HEZIKETAKO TEKNIKARI TITULUAK LORTZEKO PROBA LIBREETARAKO DEIALDI OROKORRAREN EGUTEGIA. 2025-2026 ETA 2026-2027 IKASTURTEAK

4. ERANSKINA.–EGIAZTATUTAKO LANBIDE GAITASUNEN ESTANDARREN (GAITASUN ATALAK) ETA OSASUN LARRIALDIETAKO ZIKLOKO LANBIDE MODULUEN ARTEKO EGOKITASUNA, LANBIDE HEZIKETAKO ESKAINTZETAN BALIOZKOTZEKO (PRESENTZIALA, ERDIPRESENTZIALA ETA BIRTUALA)

Lanbide modulu bat gainditutzat jotzeko eta eskabideak dagokion lehentasun-taldean kokatzeko, gainditutako modulutzat zenbatuko dira lanbide gaitasunen estandarrak (gaitasun-atalak) egiaztatzearen bidez baliozkotzen ahal direnak, jarraian adierazitakoa betez:

"0052 lanbide modulua. Ibilgailuaren mekanikako prebentziozko mantentze-lanak". Gainditutzat joko da, baldin eta lanbide gaitasunen estandar hau egiaztatzen bada:

–ECP0069_1 (UC0069_1). Ibilgailu sanitarioaren prebentziozko mantentze-lana, eta horren materialen hornidura kontrolatzea.

"0054 lanbide modulua. Osasun arloko ekipamendua". Gainditutzat joko da, baldin eta lanbide gaitasunen estandar hau egiaztatzen bada:

–ECP0069_1 (UC0069_1). Ibilgailu sanitarioaren prebentziozko mantentze-lana, eta horren materialen hornidura kontrolatzea.

"0055 lanbide modulua. Hasierako osasun arreta larrialdi egoeretan". Gainditutzat joko da, baldin eta lanbide gaitasunen bi estandar hauetakoren bat egiaztatzen bada:

–ECP0070_2 (UC0070_2). Pazienteari oinarrizko bizi euskarria ematea eta bizi euskarri aurreratuari laguntzea, edo

–ECP0361_2 (UC0361_2). Biktima askori lehenbiziko osasun arreta ematea.

"0056 lanbide modulua. Osasun laguntza berezia larrialdi egoeretan". Gainditutzat joko da, baldin eta lanbide gaitasunen estandar hau egiaztatzen bada:

–ECP0070_2 (UC0070_2). Pazienteari oinarrizko bizi euskarria ematea eta bizi euskarri aurreratuari laguntzea.

"0057 lanbide modulua. Pazienteak ebakuatu eta lekualdatzea". Gainditutzat joko da, baldin eta lanbide gaitasunen estandar hau egiaztatzen bada:

–ECP0071_2 (UC0071_2). Pazientea osasun zentro erabilgarrira eramatea.

"0058 lanbide modulua. Laguntza psikologikoa larrialdi egoeretan". Gainditutzat joko da, baldin eta lanbide gaitasunen estandar hau egiaztatzen bada:

–ECP0072_2 (UC0072_2). Laguntza psikologiko eta sozialeko teknikak aplikatzea pazienteari eta haren ahaideei.

"0053 lanbide modulua. Osasun logistika larrialdietan". Gainditutzat joko da, baldin eta lanbide gaitasunen estandar hau egiaztatzen bada:

–ECP0360_2 (UC0360_2). Biktima asko dituzten lekuetan eta hondamendietan osasun arloko logistika antolatu eta garatzen laguntzea; baliabideen hornidura eta kudeaketa bermatzea; eta krisi egoeretan koordinazio lanetan laguntzea.

"0059 lanbide modulua. Larrialdi planak eta aurreikus daitezkeen arriskuetarako baliabideak". Gainditutzat joko da, baldin eta lanbide gaitasunen estandar hau egiaztatzen bada:

–ECP0362_2 (UC0362_2). Larrialdietarako planak eta iragar daitezkeen arriskuetarako dispositiboak prestatzen eta gauzatzen laguntzea.

Lanbide modulu bat gainditutzat jotzeko eta eskabideak dagokion lehentasun-taldean kokatzeko, gainditutako modulutzat zenbatuko dira etengabeko prestakuntzaren bidez lortutako lanbide ziurtagirien (lehengo profesionaltasun ziurtagiriak) moduluen egiaztapenaren bidez baliozkotzen ahal direnak, jarraian adierazitakoa betez:

"0052 lanbide modulua. Ibilgailuaren mekanikako prebentziozko mantentze-lanak". Gainditutzat joko da, baldin eta modulu hau egiaztatzen bada:

–MF0069_1. Ibilgailuaren mantentze prebentiboko eragiketak eta material horniduraren kontrola (lanbide ziurtagiria: "SANT0208. Osasun arloko garraioa").

"0054 lanbide modulua. Osasun arloko ekipamendua". Gainditutzat joko da, baldin eta modulu hau egiaztatzen bada:

–MF0069_1. Ibilgailuaren mantentze prebentiboko eragiketak eta material horniduraren kontrola (lanbide ziurtagiria: "SANT0208. Osasun arloko garraioa").

"0055 lanbide modulua. Hasierako osasun arreta larrialdi egoeretan". Gainditutzat joko da, baldin eta bi modulu hauetakoren bat egiaztatzen bada:

–MF0070_2 (UC0070_2). Oinarrizko bizi euskarriko teknikak eta bizi euskarri aurreratuari laguntzekoak (lanbide ziurtagiria: "SANT0208. Osasun arloko garraioa"), edo

–MF0361_2. Biktima askori lehenbiziko osasun arreta ematea (lanbide ziurtagiria: "SANT0108. Biktima anitzentzako eta katastrofeetako osasun arreta").

"0056 lanbide modulua. Osasun laguntza berezia larrialdi egoeretan". Gainditutzat joko da, baldin eta modulu hau egiaztatzen bada:

–MF0070_2 (UC0070_2). Oinarrizko bizi euskarriko teknikak eta bizi euskarri aurreratuari laguntzekoak (lanbide ziurtagiria: "SANT0208. Osasun arloko garraioa").

"0057 lanbide modulua. Pazienteak ebakuatu eta lekualdatzea". Gainditutzat joko da, baldin eta modulu hau egiaztatzen bada:

–MF0071_2. Eria immobilizatu, mobilizatu eta lekualdatzeko teknikak (lanbide ziurtagiria: "SANT0208. Osasun arloko garraioa").

"0058 lanbide modulua. Laguntza psikologikoa larrialdi egoeretan". Gainditutzat joko da, baldin eta modulu hau egiaztatzen bada:

–MF0072_2. Laguntza psikologiko eta sozialeko teknikak krisi egoeretan (lanbide ziurtagiria: "SANT0108. Biktima anitzentzako eta katastrofeetako osasun arreta" edo lanbide ziurtagiria: "SANT0208. Osasun arloko garraioa").

"0053 lanbide modulua. Osasun logistika larrialdietan". Gainditutzat joko da, baldin eta modulu hau egiaztatzen bada:

–MF0360_2. Osasun arloko logistika biktima anitzentzako eta katastrofeetako arretako egoeretan (lanbide ziurtagiria: "SANT0108. Biktima anitzentzako eta katastrofeetako osasun arreta").

"0059 lanbide modulua. Larrialdi planak eta aurreikus daitezkeen arriskuetarako baliabideak". Gainditutzat joko da, baldin eta modulu hau egiaztatzen bada:

–MF0362_2. Osasun larrialdiak eta aurreikus daitezkeen arriskuetarako dispositiboak (lanbide ziurtagiria: "SANT0108. Biktima anitzentzako eta katastrofeetako osasun arreta").

Iragarkiaren kodea: F2601000