Iragarkia
24. ALDIZKARIA - 2026ko otsailaren 3a
1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
1522E/2025 EBAZPENA, abenduaren 14koa, Ingurumeneko zuzendari nagusiak emana, zeinaren bidez basogintzako inbertsio produktiboetarako dirulaguntzen deialdia onesten baita baso-aprobetxamenduetarako, baso-lanetarako, baso-zerbitzuetarako eta lehen eraldaketarako (NPEPEren 6883 esku-hartzea) 2026an. DDBN kodea: 875061.
2022-08-31ko Batzordearen Betearazpen Erabakiaren bidez, Espainiako 2023-2027rako NPEren Plan Estrategikoa onetsi zen (aurrerantzean NPEPE) Europar Batasunaren laguntzarako, zeina Nekazaritza Bermatzeko Europako Funtsak eta Landa Garapenerako Europako Nekazaritza Funtsak finantzatzen baitute.
NPEPEk, halaber, Nafarroa landa garapeneko 6883 esku-hartzearen aplikazio eremuaren barnean sartzen du (Basogintzako inbertsio produktiboak), honako inbertsio hauekin:
–Baso-aprobetxamendurako ekipoak eta lehen eraldaketako industrien ekipamendua: onartutako inbertsioaren %25-60 bitarteko dirulaguntza.
–Basogintzako bestelako makineria: onartutako inbertsioaren %20-45 bitarteko dirulaguntza.
–Proiektuen idazketa, justifikazio-memoriak eta obra-zuzendaritzak: %100.
Nafarroak, bere foru-araubideari esker, eskumen esklusiboa du nekazaritza eta abeltzaintzaren gaietan, ekonomiaren antolamendu orokorrarekin bat, hala ezarrita baitago Nafarroako Foru Eraentza Berrezarri eta Hobetzeari buruzko abuztuaren 10eko 13/1982 Lege Organikoaren 50.1.a) artikuluan. Nafarroak, halaber, eskumen esklusiboa du Foru Komunitatearen edo udalen, kontzejuen eta Nafarroako gainerako entitate administratiboen titulartasuneko mendien arloan, eta hari dagozkio legegintzako garapena eta Estatuko oinarrizko legeria betetzea partikularren jabetzako mendien arloan, hala baitago ezarrita Foru Eraentza Berrezarri eta Hobetzeari buruzko abuztuaren 10eko 13/1982 Lege Organikoaren 50.1 c) eta 50.2 artikuluetan.
Horrez gain, Estatuko oinarrizko legeriaren esparruan, Nafarroari dagokio ingurumenaren eta ekologiaren arloko legegintza garatu eta betetzea, Foru Eraentza Berrezarri eta Hobetzeari buruzko Lege Organikoaren 57. artikuluari jarraikiz. Eta, Nafarroako Foru Eraentza Berrezarri eta Hobetzeari buruzko Lege Organikoaren 56.1.a) artikuluan ezarritakoaren arabera, jarduera ekonomiko orokorraren oinarriekin eta antolamenduarekin bat etorriz eta dagozkion konstituzio-manuen arabera, eskumen esklusiboa dagokio Nafarroan jarduera ekonomikoa planifikatzeko eta garapen ekonomikoa sustatzeko.
Nafarroako mendi publikoen kudeaketari dagokionez, Nafarroako Baso Ondarea Babestu eta Garatzeari buruzko abenduaren 31ko 13/1990 Foru Legeak, 3. artikuluan, honako hauek ezartzen ditu arau horren oinarrizko helburu gisa:
1. Toki entitateen lankidetza sustatzea, baso lurrak zaindu eta babesteko.
2. Mendiko produktuen lehen eraldaketarako jarduerak bultzatzea.
Arauaren 66. artikuluan ezartzen duenez, "Nafarroako Foru Komunitateko Administrazioak, dagozkion aurrekontuen mugen barnean, laguntza teknikoa eta ekonomikoa emanen die mendi edo baso lur publiko nahiz pribatuen titularrei, baso aprobetxamenduen titularrei, basogintzako elkarteei eta basogintzako industria eta enpresei".
Halaber, 13/1990 Foru Legearen 63.1 artikuluak honako hau dio: "Nafarroako Gobernuak basoko lan eta zerbitzuak egiten dituzten enpresen birmoldaketa eta hobekuntza sustatuko ditu, bai eta lehen eraldaketako industriena ere; besteak beste, zerrategiak eta xaflak, oholak, orea, papera eta kortxoa lantzekoak". Era berean, arau bereko 63 bis.3 artikuluak dio ezen basogintzako produktuak merkaturatzeko baldintzak hobetzea sustatuko dela.
Nafarroako Baso Ondarea Babestu eta Garatzeari buruzko abenduaren 31ko 13/1990 Foru Legearen 66. artikulutik 74. artikulura bitartekoek basogintzaren sektorerako laguntzen mailaketari eta bateragarritasunari buruzko alderdi orokorrak ezartzen dituzte, baita dirulaguntzarako baremoei buruzkoak ere. Otsailaren 17ko 59/1992 Foru Dekretuaren bidez onetsitako Mendien Erregelamenduaren 100. artikulutik 112. artikulura bitartekoetan zehazten dira alderdi horiek. Erregelamendu horrek berak 105. artikuluko 9. puntuan ezartzen du Nekazaritza, Abeltzaintza eta Mendietako kontseilariaren foru agindu bidez garatuko dela artikulu horren edukia, eta bi urteko aldietarako ezarriko dela basolanetarako laguntzen zenbateko unitarioa, adierazitako mugen barruan; 10. epigrafean gehitzen du laguntzak Nekazaritza, Abeltzaintza eta Mendietako kontseilariaren foru agindu bidez emanen direla.
NPEPEn jasotako esku-hartzea garatzeko eta 13/1990 Foru Legean xedatutakoa betetzeko, laguntzen oinarri arautzaile hauek teknologia hobetzera bideratutako jarduketak babesten dituzte baso-aprobetxamenduetan eta zuraren lehen eraldaketako industrietan. Sostengu publikoak basogintza sektoreko enpresen bideragarritasun ekonomikoa hobetzen lagunduko du, horrek baso aprobetxamenduen exekuzioa erraztuko baitu, ustiapen kostuak murriztu eta ustiategietako lanetan segurtasun eta osasun baldintzak hobetuko.
Basogintzako makinen ezaugarri teknikoak eta haien kostu handia eta eskasia direla-eta, bideraezina da inbertsioei urteko bakarrean heltzea. Horregatik, deialdia aldez aurretik izapidetu behar da, onuradunek denbora gehiago izan dezaten inbertsioak gauzatzeko.
Ebazpen honek 2023-2027rako NPEPEren Nafarroako kudeaketa agintaritzaren (Landa Dibertsifikaziorako eta Garapenerako Zerbitzua) aldeko txostena du, eta urtarrilaren 23ko 7/2013 Foru Dekretuaren azken xedapenetako lehenbizikoaren babesean eman da (foru dekretu horren bidez, Nekazaritza Bermatzeko Europako Funtsak –NBEUF– eta Landa Garapenerako Europako Nekazaritza Funtsak –LGENF– finantzatutako gastuak Nafarroako Foru Komunitatean ordaintzen dituen erakundea baimendu zen eta haren antolamendua eta funtzionamendua ezarri ziren). Izan ere, azken xedapen horrek ahalmena eman dio Landa Garapeneko eta Ingurumeneko kontseilariari, bere eskumenen barruan, behar diren xedapen guztiak emateko foru dekretua garatu eta betearazteko, eta bereziki, Europako nekazaritza funtsekin osorik edo hein batean finantzatzen diren dirulaguntzei buruzko arauak, deialdiak eta oinarri arautzaileak ezartzeko.
Ebazpen honi Dirulaguntzei buruzko azaroaren 9ko 11/2005 Foru Legea aplikatzen zaio.
Adierazitakoarekin bat, eta Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak, batetik, eta Landa Garapeneko eta Ingurumeneko Departamentuaren egitura organikoa onesten duen urriaren 23ko 258/2019 Foru Dekretuak, laugarren xedapen gehigarrian egindako deskontzentrazioa dela medio, bestetik, ematen dizkidaten eskudantziak erabiliz,
EBAZTEN DUT:
1. Oinarri arautzaileak onestea.
2026ko laguntzen deialdiaren oinarri arautzaileak onesten dira basogintzako teknologietan nahiz basoko produktuen eraldaketa, mobilizazio eta merkaturatzeko jardueretan egiten diren inbertsioetarako. (NPEPEren 6883 esku-hartzea: Basogintzako inbertsio produktiboak). Hasiera izanen dute Nafarroako Aldizkari Ofizialean argitaratu eta biharamunean, eta bukaera, aldiz, 2026ko urriaren 9an. Oinarriak ebazpen honen eranskinetan jasotzen dira.
Esku-hartze hau LGENFek kofinantzatuko du, gastu publiko hautagarriaren %40ko intentsitatearekin.
2. Deialdia onestea.
2026ko laguntzen deialdia onesten da basogintzako teknologietan nahiz basoko produktuen eraldaketa, mobilizazio eta merkaturatzeko jardueretan egiten diren inbertsioetarako.
(2023-2027rako NPEPEren 6883 esku-hartzea: Basogintzako inbertsio produktiboak).
3. Aurrekontuko kredituak.
Deialdi honetako konpromisoei aurre egiteko, 2025eko gastu-aurrekontuko kreditu hauek baimentzen dira, 2026an horretarako gaituko direnak, baldin eta aurrekontu-kreditu nahikoa badago.
AURREKONTU-PARTIDA | EKITALDIA | ZENBATEKOA |
740002-74200-7709-456703: LGP LGENF 2014-2020. Eragile pribatuentzako dirulaguntzak. Basogintzako industria | 2026 | 579.990 |
4. Eskaerak aurkezteko epea.
Eskaerak aurkezteko epea hogeita hamar egun naturalekoa izanen da, ebazpen hau Nafarroako Aldizkari Ofizialean argitaratu eta biharamunetik hasita.
5. Dirulaguntzen Datu Base Nazionalari (aurrerantzean, DDBN) jakinaraztea.
Oinarri arautzaile hauek eta dagokien deialdia Dirulaguntzen Datu Base Nazionalean erregistratzea, Nafarroako Aldizkari Ofizialean argitaratu aurretik.
6. Ebazpena argitaratzea.
Ebazpen hau Nafarroako Aldizkari Ofizialean argitaratzea, eranskinekin.
7. Ebazpena jakinaraztea.
Ebazpen hau igortzea Basoen eta Ehiza Kudeaketaren Zerbitzuari, Ekonomia Aferetarako Bulegoari eta Landa Dibertsifikaziorako eta Garapenerako Zerbitzuari, behar diren ondorioak izan ditzan.
8. Deialdiaren eta oinarri arautzaileen kontrako errekurtsoa.
Deialdi honen eta oinarri arautzaileen aurka gora jotzeko errekurtsoa paratzen ahal da, Landa Garapeneko eta Ingurumeneko kontseilariari zuzendua, hilabeteko epean, Nafarroako Aldizkari Ofizialean argitaratu eta biharamunean hasita.
Iruñean, 2025eko abenduaren 14n.–Ingurumeneko zuzendari nagusia, Ana Bretaña de la Torre.
I. ERANSKINA.–Laguntzen oinarri arautzaileak, baso aprobetxamenduetan, basolanetan, basogintzako zerbitzuetan eta basoko produktuen lehen eraldaketan egiten diren basogintzako inbertsio produktiboak finantzatzeko (NPEPEren 6883 esku-hartzea) 2026an
1. oinarria.–Dirulaguntzaren xedea, aplikazio eremua eta helburua.
1. Oinarri hauen helburua da 2023-2027rako Nekazaritza Politika Erkidearen Plan Estrategikoaren (NPEPE) "Basogintzako inbertsio produktiboak" 6883 esku hartzeari dagozkion laguntzak arautzea; hau da, basolanetan, baso aprobetxamenduetan eta basogintzako zerbitzuetan aritzen diren enpresek (langile autonomoak barne) eta basoko produktuen lehen eraldaketan jarduten duten enpresek egiten dituzten basogintzako inbertsio produktiboetarako laguntzak arautzen dituzte oinarri hauek. Hori guztia, aplikatu beharrez Kontseiluaren 2021eko abenduaren 2ko 2021/2115 (EB) Erregelamendua, zeinaren bidez arauak ezartzen baitira Batasuneko estatuek Nekazaritza Politika Erkidearen esparruan egin behar dituzten plan estrategikoei (NPEren plan estrategikoak) laguntza emateko –finantzatuta dago Nekazaritza Bermatzeko Europako Funtsaren eta Landa Garapenerako Europako Nekazaritza Funtsaren kargura–, eta 1305/2013 (EB) eta 1307/2013 (EB) erregelamenduak indargabetzen baitira, bereziki 2021/2115 (EB) Erregelamenduaren 118. artikuluaren 6. apartatua.
2. Zehazki, 2021/2115 (EB) Erregelamenduaren 73. artikuluan, estatu kideek inbertsio jakin batzuetarako eman beharreko laguntzak aipatzen dira. Horretarako, laguntza horiek lagundu behar dute 6.1 eta 2 artikuluetan aipatzen diren helburu espezifikoetako bat lortzen eta, betiere, erregelamendu horrek ezartzen dituen baldintzak eta estatu horietako NPEren plan estrategikoen zehaztapen gehigarriak bete behar dira.
Aurrekoarekin bat etorriz, inbertsio horiek, garapen jasangarria bultzatzeaz gain, baliabide naturalen kudeaketa eraginkorragoa egiten laguntzen dute (ura, lurzorua...). Gainera, inbertsio horiek lotuta daude mendien ekoizpen ahalmenarekin eta basogintza sektore ekonomikoarekin, eta beste inbertsio batzuekin sinergiak sortzen dituzte, basoen funtzio aniztasuna hobetzeko, basoak babesteko eta leheneratzeko, bertako habitatak eta haiei lotutako espezieak egoera onean mantentzeko, zerbitzu ekologikoak eta biodibertsitatea hobetzeko eta, azken finean, basoen erresilientzia handitzeko klima aldaketaren ondorioen aurrean. Hori guztia bat dator Europako Batzordearen gomendio honekin: ingurumenaren zaintza eta klimaren aldeko ekintzak areagotzea, eta Europar Batasuneko ingurumen eta klima helburuak lortzen laguntzea. Gainera, basogintzako inbertsio produktiboek landa eremuan enplegua eta jarduera ekonomikoa sortzen laguntzen dute.
3. Basogintzako produktuen mobilizaziotzat hartuko dira zutikako egurraren eta basogintzako beste produktu batzuen balioa nabarmentzeko jardunbide egokiak, baso kudeaketa jasangarri baten ondorioz haien aprobetxamendua ikusgai jartzeko. Jardunbide horiek garatzen ahalko dira bai mendian, bai produktuak ekoizteko eta merkaturatzeko prozesuan.
Laguntza hauen ondorioetarako, basogintzako zerbitzuen enpresatzat hartuko dira soilik basogintzako lanak egiten dituztenak, hala nola landaketak, basoberritzeak, bakanketak, garbiketak, kimaketak, sasi garbiketak eta baso tratamenduak; ez dira onuradun potentzialtzat hartuko lorezaintzako enpresak, haien jarduera erabat edo nagusiki lorezaintzara bideratzen badute. Basogintzako zerbitzuen enpresek, beraz, beren jarduera basogintzan kokatzen dute.
2. oinarria.–Neurri honetarako baldintza orokorrak.
1. Batzordearen erabaki baten ondorioz bateraezin deklaratutako legez kanpoko laguntza bat jaso duten titularrek edo enpresek ezin izanen dute laguntzarik lortu, ez eta emandako laguntzengatiko ordainketarik jaso ere, harik eta itzuli arte edo blokeatutako kontu batean sartu arte legez kontra jasotako laguntza bateraezin horren zenbateko osoa eta dagozkion berreskuratze interesak.
2. Krisian dauden enpresek ezin dute laguntzarik jaso. Horretarako, aintzat hartuko da nekazaritza eta basogintza sektoreetarako eta landa eremuetarako estatu laguntzei 2014tik 2020ra bitarte aplikatu beharreko Europar Batasunaren gidalerroetan (2014/C 204/01, hemendik aurrera Gidalerroak), 2.4 kapituluko 35.15 puntuan dagoen definizioa. Kontrola egiteko, tresna egokiak erabiliko dira, definizio horretan aipatzen diren inguruabarretako bat gertatzen den zehazteko.
3. oinarria.–Onuradunak.
Basoen titular diren pertsona fisiko eta juridikoak, publikoak zein pribatuak, izan daitezke neurri honen onuradun, baita udalerriak, haien elkarteak eta ETEak (enpresa txiki eta ertainak) ere, Nafarroan kokatuta badaude eta basoen aprobetxamendu eta ustiapen lanetan, basogintzako lan eta zerbitzuetan edo basoko produktuen lehen eraldaketan aritzen badira, baldin eta oinarri arautzaile hauetan ezarritako konpromisoei eusteko hitzematen badute.
4. oinarria.–Onuradun gisa onartuak izateko irizpideak.
1. Neurri honen onuradun izan daitezke, aurreko artikuluan aipatutako pertsonak izanik, inbertsio hauetako bat egiten dutenak:
a) Basogintzako zerbitzuetarako makinetan egindako inbertsioak; hau da, landaketak, basoberritzeak, bakanketak, garbiketak, kimaketak, sasi garbiketak eta baso tratamenduak. Ez dira kontuan hartuko lorezaintzarekin lotutako antzeko lanetarako makinerian egindako inbertsioak.
b) Zura lehengai gisa edo energia iturri gisa erabiltzearekin lotutako inbertsioak (adibidez, egurra txikitzeko edo zatikatzeko makinak), haren lehen tratamenduarekin lotuta badaude, hau da, bigarren eraldaketaren aurrekoak, non ez baitira aldatuko zuraren ezaugarri kimikoak, eta, bakar-bakarrik, enpresaren tamainari begiratuta, produktua eskala txikian egiten bada, hots, ETE batek egina bada.
c) Zura prozesatzeko ekipamendu eta instalazio mugikorretan egiten diren inbertsioak, mozketa eremuen inguruetara eramateko diseinatuetan.
2. Aurreko puntuan adierazitako inbertsioak diruz lagungarriak izateko, gainera, bete beharko dira onartua izateko honako irizpide hauek, laguntza eskaerak aurkezteko epea bukatzen den egunean:
a) Eskatzaileak bere eskaera zehaztu eta baloratzeko dokumentazio teknikoa aurkeztu beharko du. Eragiketa diruz lagungarria izateko, aurrerapen teknologiko bat aurkeztu beharko da enpresaren jardunean gas kutsatzaileen emisioak murrizteari, lurzoruaren gaineko afekzioak murrizteari eta segurtasun eta osasun baldintzak hobetzeari buruzkoa.
b) Enpresa diruz lagungarriak ETE gisa sailkatuak egon beharko dira. Horren ondorioetarako, ETEtzat hartuko dira Batzordearen 2014ko ekainaren 25eko 702/2014 (EB) Erregelamenduaren I. eranskinean ezarritako irizpideak betetzen dituzten enpresak. Erregelamendu horrek barne merkatuan bateragarriak diren zenbait laguntza kategoria deklaratzen ditu nekazaritza eta basogintza sektoreetan eta landa eremuetan, Europar Batasunaren Funtzionamenduari buruzko Tratatuaren 107. eta 108. artikuluak aplikatuta. Diruz lagungarriak izanen dira, orobat, autonomoek egiten dituzten inbertsioak, baldin eta beren zerbitzu jarduera esklusiboki basogintzaren eremuan garatzen badute.
c) Jarduketa diruz lagungarriak bateragarriak izan behar dira Nafarroako Baso Agendarekin.
d) Zura lehengai gisa edo energia iturri gisa erabiltzearekin lotutako inbertsioak, betiere, zuraren bigarren eraldaketaren aurreko eragiketetakoak izanen dira.
e) Jarduketek ingurumen baimena beharko dute, hala behar izanez gero, eta, jarduketa motaren arabera, behar diren baimenak ere eduki beharko dituzte.
f) Sarturik ez egotea laguntzen onuradun izateko ezarritako debeku-egoeretan, Dirulaguntzei buruzko azaroaren 9ko 11/2005 Foru Legearen 13. artikuluan ezarritakoari jarraikiz.
g) Foru Ogasunarekin zerga betebeharretan eta Gizarte Segurantzarekiko betebeharretan egunean egotea, Dirulaguntzei buruzko azaroaren 9ko 11/2005 Foru Legearen 13. artikuluari jarraikiz.
4. Betiere, onuradunek efizientzia- eta ekonomia-irizpideekin hautatuko dituzte hornitzaileak, salbu eta, gastu diruz lagungarrien ezaugarri bereziak direla-eta, merkatuan ez badago hornidura edo zerbitzua ematen duen nahikoa entitate, edo salbu eta gastua dirulaguntza eskatu aurretik egin bada, Dirulaguntzei buruzko azaroaren 9ko 11/2005 Foru Legearen 28.3 artikuluan xedatutakoa errespetatuz. Horretarako, hornitzaile independenteen eskaintzak kontrastatuko dira, prezio diruz lagungarria merkatuko prezioarekin bat datorrela justifikatzeko (ahal den neurrian, gutxienez 3 eskaintza). Zenbateko diruz lagungarria proposamen ekonomiko onuragarrienari dagokiona izanen da eta, salbuespen gisa, zenbateko diruz lagungarri handiagoa duten beste eskaintza batzuk ere finantzatzeko aukera onartuko da, baldin eta onuradunak behar bezala justifikatzen baditu eta kudeatzaileak agiri bidez baliozkotzen baditu.
Gastu diruz lagungarrien ezaugarri bereziak direla eta, ezin bada eskaintza bat baino gehiago lortu, kostuak moderatzeko prozedura eskatzaileak aurkeztutako eskaintza baloratzeko batzorde batek betetzen ahalko du. Egiaztatuko da arrazoizko merkatu batean ez dagoela ondasun hori hornitzen edo zerbitzua ematen duen entitate gehiagorik, eta eskaintzaren hornitzaileak eskaintzen duenaren arloan aritzen dela.
5. Egoera hauetakoren batean dauden pertsonak ezin izanen dira laguntzen onuradun izan:
(a) Epai irmoan ezarritako kondenaren ondorioz dirulaguntza edo laguntza publikoak lortzeko gaitasunaz gabeturik egotea, edo kondenaturik egotea delitu hauengatik: prebarikazioa, funtzionario eroskeria, ondasun publikoen bidegabeko eralgitzea, influentzia trafikoa, iruzurrak eta ordainarazpen legez kanpokoak edo hirigintzako delituak.
(b) Dirulaguntzak itzultzeko betebeharrak konplituta ez izatea, hala xedatu baldin badu aldez aurretik indarreko administrazio ebazpen irmo batek.
(c) "Krisian dagoen enpresa" izatea. Oro har, krisian dauden enpresak 2022/C 485/01 Nekazaritza eta basogintza sektoreetan eta landa eremuetan estatuko laguntzetarako jarraibideen (aurrerantzean, Jarraibideak) aplikazio eremutik kanpo gelditzen dira. Batzordearen ustez, enpresa bat krisi finantzarioan dagoenean, bere existentzia bera arriskuan dagoenez, ezin da beste helburu politiko publiko batzuk sustatzeko bide egokitzat jo, haren bideragarritasuna bermatuta egon arte. Horregatik, (33) 63 puntuaren arabera, laguntzen onuradunak zailtasun finantzarioak baditu, laguntzak aztertuko dira Krisian dauden enpresak salbatzeko eta berregituratzeko estatuko laguntzei buruzko Europar Batasunaren jarraibideen arabera. Ulertuko da enpresa bat krisian dagoela baldin eta inguruabar hauetako bat, gutxienez, gertatzen bada:
–Erantzukizun mugatuko sozietatea izanez gero, harpidetutako kapital sozialaren erdia baino gehiago desagertu bada metatutako galeren ondorioz; hori gertatzen da metatutako galerak erreserbetatik (eta sozietatearen funts propiotzat hartzen diren gainerako elementu guztietatik) kentzearen ondorioz metatutako zenbateko negatiboa harpidetutako kapital sozialaren erdia baino gehiago denean.
–Sozietateko bazkideetako batzuek sozietatearen zorraren gaineko erantzukizun mugagabea edukiz gero, kontabilitatean ageri diren beren funts propioen erdiak baino gehiago desagertu badira metatutako galeren ondorioz;
–Enpresa porrot edo kaudimengabezia prozedura batean dagoenean edo betetzen dituenean haren zuzenbide nazionalean ezarritako irizpideak porrot edo kaudimengabezia prozedura bat betetzeko, hartzekodunek hala eskatuta;
–ETE ez diren enpresetan, baldin eta aurreko bi urteetan:
i) Enpresaren zorra/kapitala ratioa 7,5 baino handiagoa izatea; eta
ii) Enpresaren interesen estaldura-ratioa, EBITDA oinarritzat hartuta kalkulatua, 1,0 baino txikiagoa izatea.
(d) Inolako administrazio zehapen irmorik edo kondena epai irmorik betetzen ez egotea sexu edo genero diskriminaziotzat hartutako lan praktikak egiteagatik edo onartzeagatik, eta, kasua bada, ez egotea arrazoi horiek direla-eta ezarritako epai edo zehapen bat betetzeko zain.
Egoera horretan dauden entitateak eta enpresak laguntzen onuradun izaten ahalko dira berriz, baldin eta ezarritako zehapena edo zigorra beteta badute eta berdintasun plan bat prestatu badute indarreko legerian ezarritako baldintzetan, halakorik exijitzen ahal bazaie.
(e) Bere jarduera ekonomikoak ez dezala kalte nabarmenik eragin Europako Parlamentuaren eta Kontseiluaren 2020ko ekainaren 18ko 2020/852 (EB) Erregelamenduaren 17. artikuluan adierazitako ingurumen helburuetan (erregelamendu hori inbertsio jasangarriak errazteko esparrua ezartzeari buruzkoa da eta Taxonomiari buruzko 2019/2088 (EB) Erregelamendua aldatzen du).
Baldintza hori betetzen dela egiaztatuko da laguntza eskaerari erantsitako erantzukizunpeko adierazpenaren bidez.
(f) 30.000 eurotik gorako dirulaguntzen kasuan, ezin izanen dira onuradun izan abenduaren 29ko 3/2004 Legean ezarritako ordainketa epeak betetzen ez dituzten enpresak (lege horrek merkataritza eragiketetako berankortasunaren aurkako neurriak ezartzen ditu).
Ordainketa epeak bete direla honela frogatuko da:
a) Kontabilitate arauekin bat, galdu-irabazien kontu laburtua aurkez dezaketen sozietateen kasuan, dirulaguntzaren eskaerarekin batera aurkeztu beharreko erantzukizunpeko adierazpen baten bitartez.
b) Kontabilitate arauekin bat, kontu hori aurkeztu ezin duten sozietateen kasuan, ziurtagiri baten bitartez, zeina Kontu Ikuskatzaileen Erregistro Ofizialean izena emandako auditore batek eman beharko baitu, enpresa bezeroaren ordainketen epe eraginkorra aztertu ondotik, enpresa hornitzailearen aurretiazko kobrantzarako edozein finantzaketa egonik ere.
5. oinarria.–Kostu diruz lagungarriak.
1. Honako hauek dira kostu diruz lagungarriak:
a) Ondasun higiezinak eraiki, eskuratu edo hobetzea. Lurretarako dirulaguntza emanen da bakarrik kasuan kasuko eragiketaren guztirako kostu diruz lagungarrietatik %10 gehienez.
b) Makineria eta ekipamendu berria erostea, produktuaren merkatu-balioa gainditu gabe; ez dira sartzen eskuzko makinak, hala nola sasiak garbitzeko makinak, motozerrak, pertikak, eskuzko inausketa makinak...
c) Goiko a) letran sartutako gastuei lotutako kostu orokorrak, hau da, arkitekto, ingeniari eta aholkularien zerbitzu-sariak, ingurumen eta ekonomia aldetiko jasangarritasunaren gaineko aholkularien zerbitzu-sariak, bideragarritasun azterlanak barne; bideragarritasun azterlanek diruz lagungarriak izaten segituko dute, nahiz eta, azterlan horien emaitzen ondorioak ikusita, ez egin a) letran adierazitako inolako gasturik.
Kostu orokorren %100 lagunduko da diruz, baina ezin izanen dute gainditu inbertsio diruz lagungarriaren %4.
d) Zaintza katea ziurtatzea, programa informatikoak eskuratu edo garatzea, eta inbertsioari lotutako patenteak, lizentziak, egile eskubideak eta marka erregistratuak eskuratzea.
2. Kostuen moderazioa obra proiektuei aplikatuko zaie Nafarroako basolanen prezio ofizialen tarifak kontuan hartuta.
3. Gastu hautagarrietan ez da BEZa sartzen.
6. oinarria.–Inbertsio plana.
1. Eskaerarekin batera, egoki den inbertsio plana aurkeztu beharko da, eta hura izanen da laguntzarako eskubidea sortzeko oinarria.
2. Inbertsio plan horretan, besteak beste, honako hauek azalduko dira: enpresaren hasierako egoera, haren deskribapena, bere jarduera garatzeko behar dituen jarduketak eta laguntzaren xedeko inbertsioarekin zein egoeratan egotea aurreikusten den.
3. Inbertsio plana prestatzeko, deialdi honen II. eranskinean jasotzen den agiria erabiliko da, baita ezarrita dagoen eredua ere. Nafarroako Gobernuaren Atarian eskuratu daiteke eredu hori, laguntza hauen gaineko izapideen katalogoko web-orrian.
7. oinarria.–Laguntza motak eta zenbatekoa.
1. Inbertsioak egiteko laguntzak prima bakarrekoak izanen dira.
2. Espediente bakoitzeko gutxieneko inbertsio diruz lagungarria 20.000 eurokoa izanen da (BEZa kenduta), salbu basoen ziurtapen sistemak ezartzeko kasuetan eta kudeaketa-programa informatikoen kasuan, horientzat ez baita gutxieneko inbertsiorik eskatuko.
Espediente bakoitzeko gehieneko inbertsio diruz lagungarria 450.000 eurokoa izanen da (BEZa kenduta), eta horren barnean sartzen da proiektuaren edo beste agiri tekniko batzuen kostua.
3. Laguntza kalkulatzeko, honako portzentaje hauek aplikatuko zaizkio onartzen den inbertsioaren zenbatekoari, BEZa kenduta. Onartzen den inbertsioaren zenbatekoa, BEZa kenduta, bi hauen arteko txikiena izanen da: batetik, onuradunak aurkezten duena, eta bestetik, instrukzio organoak onartzen duena, laguntza eskaera ebaluatu eta kontrola aplikatu ondoren, bai laguntza emateko orduan, aurkeztutako inbertsioaren deskribapenaren eta justifikazioaren arabera, bai ordaintzeko orduan, egindako inbertsioaren arabera, eta betiere kostuen moderazioa aplikatuta bi une horietan.
Espediente bakoitzeko onartzen den zenbateko hori gutxieneko inbertsio diruz lagungarriaren zenbatekoa baino handiagoa izan beharko da (ikus oinarri honen 2. puntua). Hala ez bada, laguntza eskaera ukatuko da. Eskaerak inbertsio diruz lagungarriaren gehienekoa gainditzen badu, gehieneko inbertsio onargarriaren arabera kalkulatuko da eman beharreko laguntza.
Dirulaguntzaren portzentajea kalkulatzeko, eskaera egin aurreko urte naturalari edo Merkataritza Erregistroan egindako azken gordailuari dagokion enpresaren batez besteko tamaina aplikatuko da.
Eskaera mota | ETEen (salbu mikroenpresak), pertsona fisikoen eta autonomoen eta gainerako eskatzaileen portzentajeak | Mikroenpresen |
Lehen eraldaketa egiten duen industriaren ezarpen berria (*) | %40 | %40 |
Lehen eraldaketa egiten duen industria handitzea/hobetzea | %25 | %30 |
Baso ustiapenerako, basolanetarako eta basogintzako zerbitzuak egiteko makinak erostea | %25 | %30 |
Baso ustiapenerako, basolanetarako eta basogintzako zerbitzuak egiteko makinak berritzea (1) | %20 | %20 |
Ziurtapen sistemak eta kudeaketa-programa informatikoak ezartzea | %40 | %40 |
(*) Autonomo edo industria/enpresa ezarri berritzat hartzen dira laguntza eskaera aurkeztu aurreko 12 hilabeteetan beren enpresa instalatzeko edo ezartzeko prozesua hasi duten laguntzaren eskatzaileak. | ||
(1) Laguntza hau 5 puntuz igoko da kasu hauetako bakoitzean:
a) Enpresa ezarri berria denean.
b) Plantilla handitzen denean, jada ezarrita dauden enpresak eta autonomoak edo enpresa berriak bereizita. Hala:
b1) Jada ezarrita dauden enpresentzat, laguntzaren aurreko urtean plantilla handitu dela ulertuko da (kontuan hartuko da igoera %5ekoa edo hortik gorakoa bada), eta 9. oinarriko 6) puntuan adierazi bezala egiaztatuko da.
b2) Autonomoen edo enpresa ezarri berrien kasuan, dirulaguntzaren portzentajean 5 puntuko igoera aplikatuko zaie zuzenean.
(1) Ordeztutako makineria hondakinen kudeatzaile baimendu bati eman zaiola frogatuko da. Edo, hori saldu bada, horren balioa frogatuko da. Salbuespen gisa, behar den ziurtapenarekin edo justifikazioarekin batera, baimentzen ahalko da ordezten den makineria ez entregatzea hondakinen kudeatzaile baimenduari, eta enpresaren esku gelditzea ustekabeko edo matxura kasuetan erabiltzeko.
4. Laguntzaren intentsitatea eta kostu diruz lagungarriak kalkulatzeko, ulertuko da erabiltzen diren zenbateko guztiak ezein kenkari fiskal edo karga aplikatu aurrekoak direla. Kostu diruz lagungarriak abalatzeko, frogagiri argiak, berariazkoak eta eguneratuak aurkeztu beharko dira. Espedienteren batean inbertsio kontzeptu bat baino gehiago sartuz gero ("Eskaera mota" gisa azaldutako sailkapenaren arabera), bakoitzari dagokion dirulaguntza portzentajea aplikatuko zaio.
8. oinarria.–Dirulaguntzak emateko modua eta balorazio irizpideak.
1. Norgehiagokako prozedurari jarraikiz emanen dira laguntza hauek. Beraz, eskaerak alderatuko dira haien hurrenkera ezartzeko.
2. Eskaeren hurrenkera emandako puntuen baturaren arabera eginen da, honako balorazio irizpide hauen arabera:
TITULUA | KONTZEPTUA | GEHIENEKO PUNTUAZIOA |
Berrikuntza | Aurrerapen teknologikoa dakarren makinerian inbertsioak egiteko eskaera (1) | 15 puntu |
Instalazio berria / Lehendik dagoen bat hobetzea / Enpresa berriek makinerian egindako inbertsioak | Eskaerak instalazio berrietan inbertsioak egiteko edo lehendik daudenak hobetzeko; eskaerak makinerian inbertsioak egiteko, baso ustiapenean, basolanetan eta basogintzako zerbitzuetan diharduten autonomo berriek edo enpresa ezarri berriek eginak (2) | 25 puntu |
Kudeaketa jasangarria | Enpresak badu zaintza katearen ziurtagiri bat, edo laguntza eskatzen du hura ezartzeko besterik ez (3) | 10 puntu |
Kokalekua | Egoitza soziala mendialdean edo eskualde behartsu batean dago | 15 puntu |
Langileak | Enpresako eskulanaren profesionalizazio maila (4) | 15 puntu |
Enplegua | Enpresak enplegua sortu du azken urtean (5) | 10 puntu |
(1) Makinerian egindako inbertsioak aurrerapen teknologikoa dakarrela egiaztatzeko, makinaren sistemak deskribatzen dituzten ezaugarri teknikoak aurkeztuko dira, zehazki, gas kutsatzaileen isurketak eta lurzoruari egiten zaizkion afekzioak gutxitzekoak eta langileen osasuna eta segurtasuna hobetzekoak. Lehentasuna izanen dute aurreko kanpainetan laguntzarik jaso ez duten titular berrien inbertsioek, modu horretan profesionalizazioa, modernizazioa eta hobekuntza teknologikoa basogintzako enpresa mota gehiagotara eramateko. Irizpide hau aplikatuta 15 puntu lortzen ahal dira gehienez, graduazio honen arabera:
–15 puntu, baldintza betetzen duen makineria erosteko, baldin eta erosketa hori egiten badu horrelako laguntzen onuradun izan ez den pertsona edo enpresa batek.
–10 puntu, baldintza betetzen duen makineria erosteko, baldin eta erosketa hori egiten badu aurreko bi kanpainetan horrelako laguntzen onuradun izan ez den pertsona edo enpresa batek.
–5 puntu, baldintza betetzen duen makineria erosteko, baldin eta erosketa hori egiten badu aurreko kanpainan laguntza horien onuradun izan den pertsona batek.
–0 puntu, basolanetarako kamioiak, atoiak edo erdiatoiak edo aurrerapen teknologikorik ez dakarren makineria erosteko.
(2) Basogintzaren sektoreari lotutako enpresa berriak lehen eraldaketaren eremuan ezar daitezen sustatu nahi da, horiek duten lehentasuna bereizita ekoizpen lerroak hobetzen dituzten enpresa operatiboetatik eta autonomo berrietatik edo baso ustiapenean aritzen diren enpresetatik, sektore estrategikotzat hartzen baita. Enpresa horiek enplegua sortzen dute landa eremuan, eta, horrela, landa ekonomiari eta basoetako baliabideen kudeaketari eusten laguntzen dute. Gehienez ere 25 puntu emanen dira, graduazio honen arabera:
–25 puntu, lehen eraldaketako enpresen instalazio berrietan inbertsioak egiteko.
–20 puntu, jada ezarritako instalazioak hobetzeko.
–18 puntu, makinerian inbertsioak egiteko, baso ustiapenean, basolanetan eta basogintzako zerbitzuetan diharduten autonomo berriek edo enpresa ezarri berriek.
(3) Zaintza katea ziurtatzeko sistemak: PEFC, FSC edo antzeko beste arau bat aplikatuz eman direnak.
(4) Irizpide hau frogatzeko, deialdiaren aurreko urtean jardunean zeuden langileen Lanbide Heziketaren titulua (oinarrizkoa, erdi mailakoa edo goi mailakoa) edo unibertsitateko heziketa zikloen titulua aurkeztuko da. Ikasketa horiei dagokienez, nahitaezkoa izanen da ikasketa planean jasotzea basoen ustiapenari, egurraren teknologiari edo egurraren eraldaketa prozesuei buruzko prestakuntza. Langileak aurreko urtean jardunean zeudela egiaztatzeko, Gizarte Segurantzak emandako batez besteko plantillaren gaineko txostena eta lan kontratuak begiratuko dira. Puntuazio hau emanen da:
–Plantillako %15etik %35era bitarteko langileek badute prestakuntza hori: 5 puntu.
–Plantillako %35etik %60ra bitarteko langileek badute prestakuntza hori: 10 puntu.
–Plantillako %60k baino gehiagok badu prestakuntza hori: 15 puntu.
Irizpide hori Gizarte Segurantzak emandako batez besteko plantillaren txostenaren bidez egiaztatuko da.
(5) Irizpide horren bidez egiaztatuko da laguntza eskatu aurreko urtean plantillan izandako hazkundea, Gizarte Segurantzak emandako aurreko bi urteetako plantillen txostenak aurkeztuz. Puntuazio hau emanen da bi urteetako portzentajezko igoeraren arabera (jada ezarrita dauden enpresak edo autonomoak eta autonomo edo enpresa ezarri berriak bereizten dira):
–%5etik beherako hazkundea: 0 puntu.
–%5 eta %10 bitarteko hazkundea: 5 puntu.
–%10etik gorako hazkundea: 10 puntu.
–Eskaeraren aurreko hamabi hilabeteetan sortu/ezarri berri den enpresa: 10 puntu.
Onuradunen puntuazioa eta dirulaguntzaren zenbatekoa zehazteko kontuan hartu diren inguruabarrak eta betekizunak mantendu egin beharko dira laguntza ordaintzen den unean.
9. oinarria.–Norgehiagokako prozeduraren aplikazioa.
1. Laguntzak norgehiagokako araubidearen bidez tramitatuko direnez, eskaeren hurrenkera bat ezarriko da, 9. oinarrian zehaztutako balorazio irizpideak aplikatuz, eta irizpide horiek aplikatuta balorazio handiena lortzen duten eskaerei laguntza emanen zaie, betiere deialdian finkatutako kreditua gainditu gabe.
2. Bi espedienteren edo gehiagoren puntuazioan berdinketa gertatuz gero, lehentasuna emanen zaie lehen eraldaketarako industriaren instalazioak sortu edo hobetzeko dirulaguntza eskatzen dutenei, eta ez makineria erosteko dirulaguntza eskatzen dutenei.
Aurrekoa egin ondoren ere berdinketak jarraitzen badu, 1. irizpidean puntuazio handiena lortu duen espedienteak izanen du lehentasuna; horren ondoren, bi eskatzaileren edo gehiagoren arteko berdinketak jarraitzen badu, 2. irizpidean puntuazio handiena lortu duen espedienteak izanen du lehentasuna; eta, era berean, berdinketak jarraitzen badu, gainerako irizpideetan berdindutako eskaeren puntuazioak alderatzen joanen da, banan-banan, 8. oinarrian ezarritako irizpideak agortu arte.
Irizpide guztiak aplikatu ondoren berdinketak jarraitzen badu, makineria erosteko egindako inbertsioak lehenetsiko dira jarraian zehazten den lehentasun ordenari jarraituta:
1.–Prozesadoreak eskatzen dituzten espedienteak. 2.–Aurrekoa (1) eskatu gabe, autokargatzaileak eskatzen dituzten espedienteak. 3.–Aurrekoak eskatu gabe, skidder bat erosteko laguntzak eskatzen dituzten espedienteak. 4.–Aurrekoak eskatu gabe, ezpal makina mugikorra erosteko laguntzak eskatzen dituzten espedienteak. 5.–Aurrekoak eskatu gabe, atzerako hondeamakina erosteko laguntzak eskatzen dituzten espedienteak. 6.–Aurrekoak eskatu gabe, basogintzako bestelako makinak erosteko laguntzak eskatzen dituzten espedienteak. 7.–Aurrekoak eskatu gabe, erdiatoia eta garabiak erosteko laguntza eskatzen duten espedienteak. 8.–Basolanetarako kamioia.
3. Aurrekontuan zuzkidura nahikoa izanik ere, laguntzarako eskubidea izateko nahitaezkoa izanen da gutxienez ere 27 puntu lortzea balorazio irizpideak aplikatuta.
4. Deialdirako dagoen aurrekontu-kreditua nahikoa ez bada laguntzarako eskubidea duten eskaera guztiei dirulaguntza emateko, ezetsi eginen dira aurrekontuan zuzkidura nahikoa ez izateagatik aintzat hartu ezin direnak.
10. oinarria.–Onuradunen betebeharrak.
Laguntza hauen onuradunek honako betebehar hauek izanen dituzte:
a) Inbertsioak egin beharko dituzte Ingurumeneko zuzendari nagusiak laguntzak banatzeko emanen duen ebazpenean ezarritako baldintzei jarraikiz, eta deialdian ezartzen den epearen barrenean. Zilegi da jarduketa berean aldaketa partzialak egitea hasieran eskatutakoaren gainean, baldin eta Basoen eta Ehiza Kudeaketaren Zerbitzuak onesten baditu eta Nafarroako Baso Planarekin bateragarriak badira.
b) Ordainketa ebatzi arte, bosgarren oinarrian ezarritako betebeharrei eutsi behar zaie, baita bederatzigarren oinarrian jasotako balorazio irizpideen ondoriozkoei ere.
c) Behar diren argibideak eman beharko dituzte inbertsioaren alderdi tekniko eta ekonomikoei buruz, baita neurri hauen esparruan jasotako laguntzei buruz ere, haren jarraipena eta ebaluazioa bideratzeko adierazleak prestatzeko.
d) Onartu behar dira laguntza ongi eman dela, inbertsioa ongi gauzatu dela eta konpromisoei eutsi zaiela egiaztatzeko behar diren kontrolak.
e) Dirulaguntza jaso duten inbertsioak finantzatzeko beste dirulaguntza publiko eta laguntza batzuk eskatu edo lortu badira, horren berri ematea Landa Garapeneko eta Ingurumeneko Departamentuari. Jakin bezain laster emanen da horren berri, eta, betiere, ordainketan jasotako dirua zertan erabili den justifikatu baino lehen. Dirulaguntza hauek bateraezinak dira helburu bererako Eskualde Garapenerako Europako Funtsaren kontura edo Nafarroako Gobernuko Industriako eta Enpresen Trantsizio Ekologiko eta Digitalerako Departamentutik ematen direnekin.
f) Dirulaguntza emateko ebazpenaren proposamena egiten denean, Dirulaguntzei buruzko azaroaren 9ko 11/2005 Foru Legearen 13. artikuluan onuradun izateko ezarritako ezein debekutan sarturik ez egotea, eta, zehazki, bere zerga betebeharrak eta Gizarte Segurantzarekikoak egunean izatea.
g) Basoen eta Ehiza Kudeaketaren Zerbitzuko langileei baimena ematea dirulaguntzen xede diren instalazioetan sar daitezen edo erositako makineria lokaliza dezaten, lanak gainbegiratzeko eta, bidezko bada, inbertsioak hurrengo bost urtean (edo ondasunen balio-bizitza osoan, bizitza laburragoa badute) mantentzeko konpromisoa bete ote den ikuskatzeko.
h) Diruz laguntzen den inbertsioa basolanetarako baizik ezin izanen da erabili edo bideratu.
i) Enpresak ez deslokalizatzea. Enpresen sustraitzearen aldeko eta enpresen deslokalizazioaren aurkako neurriei buruzko abenduaren 16ko 18/2020 Foru Legearen 4. artikuluari jarraikiz, enpresen deslokalizazioa dagoela ulertzen da bi egoera hauek gertatzen direnean:
a) Enpresak Nafarroan duen jarduera bertan behera uztea edo nabarmen murriztea.
b) Aldi berean, edo hori gertatu aurreko nahiz ondorengo hiru urteetan, Nafarroako Foru Komunitatean jarduera bertan behera utzi duen erakunde berak jarduera hori Nafarroako Foru Komunitatetik kanpoko beste leku batean garatzea, edo beste erakunde batek garatzea, baldin eta harekin Merkataritzaren Kodeko 42. artikuluan aipatzen diren harremanak baditu.
j) Gordetzea jasotako diruaren erabilerari buruzko frogagiriak, agiri elektronikoak barne, egiaztapenen eta kontrolen xede izan daitezkeen artean.
k) Onuradunek bete beharko dituzte 2022/129 (EB) Erregelamenduaren II. eta III. eranskinetan aipatzen diren erantzukizunak, bai eta horretarako ezarritako nazioko eta eskualdeko arauetakoak ere; besteak beste, honako hauek:
–Guztira 10.000 eurotik gorako laguntza publikoa jasotzen duten eragiketen kasuan, onuradunak gutxienez informazio panel bat ezarri beharko du, eragiketari buruzkoa (gutxienez ere A3 tamainakoa), non nabarmenduko baita Europar Batasunaren finantza laguntza jaso dela, jendeak ongi ikusteko moduko toki batean (esaterako, eraikin baten sarreran).
–Ordainketan guztira 50.000 eurotik gorako laguntza publikoa jasotzen bada NPEPEren barruko eragiketa batera bideratutako inbertsioetarako, onuradunak gutxienez informazio panel bat (gutxienez ere A3 tamainakoa) edo proiektuari buruzko plaka bat ezarri beharko du, non nabarmenduko baita Europar Batasunaren finantza laguntza jaso dela, jendeak ongi ikusteko moduko toki batean. Gainera, Europako ikurra agertuko da, helbide honetan dauden arau grafikoen araberakoa: https://europa.eu/european-union/about-eu/symbols/flag_es, eta horrekin batera, lelo hau: "Europar Batasunak finantzatua" edo "Europar Batasunak kofinantzatua".
l) Jasotako funtsak itzultzea, oinarri arautzaile hauetan ezarritako kasuetan.
m) Diruz laguntzen den inbertsioan ezbeharren bat gertatuz gero, onuradunak horren berri eman beharko dio Basoen eta Ehiza Kudeaketaren Zerbitzuari, eta ezbeharra eragin duten zergatien berri eman, zerbitzuak behar diren neurriak har ditzan inbertsioei eusten zaiela egiaztatzeko.
n) Gardentasun betebeharrak:
Nafarroako Foru Komunitateko Administrazioaren kargura dirulaguntzak jasotzen dituzten entitateak behartuta daude ondoren aipatzen diren arauetan jasotako dokumentazioa aurkeztera, baldin eta jasotako dirulaguntzak edo laguntzak 20.000 eurotik gorakoak badira urte batean (hots, aurrekontu ekitaldiari lotutako urte natural batean) edo jasotako dirulaguntzak edo laguntzak haien urteko diru-sarrera guztien %20 badira gutxienez, betiere 5.000 eurora iristen badira. Hauek dira aipatu arauak: Gardentasunari, informazio publikoa eskuratzeari eta gobernu onari buruzko maiatzaren 17ko 5/2018 Foru Legea, 12.4 artikulua, eta irailaren 11ko 59/2013 Foru Dekretua, Nafarroako Aurrekontu Orokorren kargurako dirulaguntzen onuradunek dituzten gardentasun betebeharrak arautzen dituena.
Kopuru horiek gainditzen diren kalkulatzeko, Nafarroako Foru Komunitateko Administrazioak edo haren erakunde publikoek urte naturalean emandako dirulaguntza guztien kopuruak batuko dira. Urte batean baino gehiagotan ordaintzen diren dirulaguntzen kasuan, aurrekontuko ekitaldi bakoitzean emandako kopurua zenbatuko da ondorio horietarako, ez guztizko batura.
Erreferentziako urteko negozio-zifra edo aurrekontua honako hauetako txikiena izanen da:
–Aurreko urteko negozio zifra edo gauzaturiko aurrekontua.
–Dirulaguntza ematen den ekitaldian entitatearen organo eskudunak onartutako negozio zifra edo onartutako aurrekontua.
Aurreko kasuak gertatzen direnean, onuradunek honako informazio honen berri eman beharko dute:
–Entitatearen gobernu, administrazio eta zuzendaritza organoen osaera.
–Organo horiek osatzen dituzten kargudunen zerrenda.
–Entitateak aurreko urtean kargudun bakoitzari ordaindutako ordainsari gordinak eta gainerako diru konpentsazioak, kontzeptuz kontzeptu. Sortu berriak diren entitateen kasuan, informazioa haien aurrekontuetan edo plan ekonomiko-finantzarioan dagoena izanen da.
–Kargudun bakoitzak gobernu, administrazio eta zuzendaritza eginkizunetan duen dedikazio mota.
–Entitate onuradunaren urteko azken kontuen kopia bat.
Informazio hori onuradunaren legezko ordezkariak sinatuta aurkeztuko da, Nafarroako Gobernuaren erregistro orokor elektronikoaren bide telematikoak erabiliz, eta dirulaguntza kudeatzen duen administrazio unitateari bidaliko zaio. Informazio hori hilabeteko epean igorri beharko da, dirulaguntza ematen duen ebazpena jakinarazten denetik.
Informazio hori urtebetez egonen da ikusgai Nafarroako Gobernu Irekiaren Atarian argitaratzen denetik hasita, eta gehienez 15 hilabetez utziko da bertan, informazioa kudeatzen duen organoan sartzen den egunetik hasita. Epe hori iraganik, informazioa argitaratzeko ardura duen unitateak ofizioz kenduko du. Hala egin ezean, onuradunak kentzeko eskatzen ahalko du, eta gehienez ere hilabeteko epean kendu beharko da, eskaera egiten denetik hasita.
Onuradunak gardentasun betebeharra bete behar ez badu aurreikusitako inguruabarrak gertatzen ez direlako, horren gaineko adierazpena aurkeztu beharko du. Emateko ebazpenarekin batera adierazpen eredu bat bilduko da, eta hilabeteko epean igorri beharko da, ebazpena jasotzen denetik hasita.
Entitateak dirulaguntza bat baino gehiago jasotzen badu ekitaldi berean, ez du informazioa errepikatu beharko dirulaguntza bakoitzerako, salbu eta hasieran eman zituen datuak aldatu badira.
Onuradunak ez badu betetzen informazioa emateko eginbeharra, horrek ekar ditzakeen zehapenak galarazi gabe, ordaindu gabe utziko da onartutako dirulaguntza, eta, kasua bada, kobratutako zenbatekoak itzuli egin beharko dira, Dirulaguntzei buruzko Foru Legearen 35.1.c) artikuluan ezarritakoari jarraikiz.
o) Emakumeen eta gizonen berdintasunerako jarduketa-printzipioak.
Laguntza hauen onuradunek Emakumeen eta Gizonen arteko Berdintasunari buruzko apirilaren 4ko 17/2019 Foru Legearen 4. artikuluan ezarritako jarduketa-printzipioak bete behar dituzte.
11. oinarria.–Gerora bete beharreko konpromisoak.
1. Gerora bete beharreko konpromisoak izanen dira onuradunak bere gain hartzen dituenak, laguntza likidatzen duen ordainketa ebazpenaren egunetik hasita bost urtez haiei eusteko konpromisoa hartuta.
2. Espediente eta onuradun guztientzat, gerora bete beharreko konpromisoa da inbertsioaren izaerari edo gauzatzeko baldintzei eragiten dien inolako aldaketarik ez egitea. Konpromiso hori ez zaie aplikatuko basolanak bertan behera uzten badira iruzurrezkoa ez den porrotarengatik.
3. Horren ondorioetarako, honako hauek dira gerora bete beharreko konpromisoak:
a) Basolanak egiteari ez uztea.
b) Inbertsioaren xedeko ondasunen jabetza aldaketak saihestea, baita errentan ematea edo erabilera hirugarrenei lagatzea ere. Hala ere, Administrazioak baimena ematen ahalko du inbertsioaren titulartasuna eskualdatzeko, baldin eta titular hori oinarri arautzaile hauetan ezarritako betebehar eta konpromisoetan subrogatzen baldin bada.
c) Aldaketarik ez egitea, horren ondorioz eragiketaren izaera, helburuak edo gauzatzeko baldintzak halako moduz ukitzen badira non jatorrizko helburuak kaltetzen diren.
d) Diruz lagunduriko inbertsioak abian mantentzea epe horretan, salbu eta ezinezkoa bada behar bezala justifikatutako arrazoiengatik, besteak beste: onuradunaren eritasun luzea, makineriak funtzionaltasuna galtzea titularrari egotzi ezin zaizkion arrazoiengatik (behar bezala eta behar den epean jakinarazten baldin bazaio Basoen eta Ehiza Kudeaketaren Zerbitzuari) eta inbertsioen funtzionaltasunari kalte egiten dioten hondamendi naturalak.
12. oinarria.–Laguntza eskaera eta dokumentazio osagarria.
1. Eskaerak Landa Garapeneko eta Ingurumeneko Departamentuaren Erregistroan aurkeztuko dira (González Tablas kalea 9, Iruña), Basoen eta Ehiza Kudeaketaren Zerbitzuari zuzenduak, edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16.4 artikuluan aipatzen diren tokietatik edozeinetan.
Telematika bidez ere aurkezten ahal dira, Nafarroako Gobernuak Interneten duen Atariko zerbitzuen katalogoko fitxa erabiliz (https://www.navarra.es/eu/tramiteak). Fitxa horretan, esteka bat izanen da Nafarroako Foru Komunitateko Administrazioaren Erregistro Orokor Elektronikoan sartzeko. Bertan identifikatzeko, ziurtagiri digitala eduki behar da.
Eskabidea horretarako ezarritako ereduan aurkeztuko da. Eredu hori eskuratzen ahal da Landa Garapeneko eta Ingurumeneko Departamentuko Erregistroan eta Nafarroako Gobernuaren Interneteko Atariko zerbitzuen katalogoan (www.nafarroa.eus).
Administrazio publikoekin harreman elektronikoa izatera behartuta dauden pertsonek bitarteko elektronikoen bidez aurkeztu beharko dute eskabidea, eskatutako dokumentazio guztiarekin batera. Subjektu horietakoren batek eskabidea aurrez aurre aurkezten badu, aurkezpen elektronikoaren bidez zuzentzeko eskatuko zaio, eta 10 egun naturaleko epea emanen zaio horretarako. Ondorio horietarako, ulertuko da eskabidearen aurkezpen eguna dela zuzenketaren eguna.
Eskatutako dokumentazioa ezarritako moduan eta epeetan aurkezten ez bada, titularrak eskaeran atzera egin duela ulertuko da, eta, hala bada, espedientea artxibatzeko ebazpena eman eta jakinaraziko da, Dirulaguntzei buruzko azaroaren 9ko 11/2005 Foru Legearen 19.3 artikuluan xedatutakoaren arabera.
2. Batzordearen 2022ko abenduaren 14ko 2022/2472 (EB) Erregelamenduaren 6. artikuluaren arabera ("pizgarri-efektua duten laguntzei" aplikatzekoa), dirulaguntza eskaera aurkeztu aurretik egindako gastuak ez dira diruz lagungarriak izanen, dirulaguntza honek eragin pizgarria duelako (erregelamendu horrek barne merkatuarekin bateragarriak diren zenbait laguntza kategoria deklaratzen ditu nekazaritza eta basogintza sektoreetan eta landa eremuetan, Europar Batasunaren Funtzionamenduari buruzko Tratatuaren 107. eta 108. artikuluak aplikatuta).
Europar Batasunaren Funtzionamenduari buruzko Tratatuaren 42. artikuluaren aplikazio eremuko neurrien esparruan egindako inbertsio eragiketei dagokienez, dagokion laguntza eskaera agintaritza eskudunean aurkeztu aurretik egindako gastu hauek diruz lagungarriak izanen dira, arau orokorraren salbuespen: ondasun higiezinen hobekuntza gastuei lotutako kostu orokorrak, hala nola arkitektoen, ingeniarien eta aholkularien ordainsariak, eta jasangarritasun ekonomiko eta ingurumenekoari buruzko aholkularitzari lotutako ordainsariak, barnean direla bideragarritasun azterlanak; bideragarritasun azterlanek gastu diruz lagungarriak izaten segituko dute, baldin eta eskatutako eta onartutako ekintzetako bat, gutxienez, likidatu bada. Egoera hori justifikaturik geldituko da laguntza eskaeraren 5. inprimakiaren 2. atalean.
3. Eskaerarekin batera honako dokumentazio hau aurkeztuko da:
a) Laguntza eskaerarekin batera doazen inprimakiak (III. eranskina).
a. Laguntza eskatzeko inprimakia: eskatzaileek beren gain hartzen dituzten konpromisoen zerrenda eta enpresaren tamainari buruzko zinpeko aitorpena jasotzen dira inprimaki honetan, aurkeztu beharreko inprimakien zerrenda sinplifikatzeko.
b. Erantzukizunpeko adierazpena, hornitzailea aukeratzeko erabakia justifikatzekoa. Hornitzailea hautatzeko eskatutako eskaintza guztiak erantsiko dira.
Makineria erosi eta programa informatikoak, patenteak, lizentziak, egile eskubideak edo marka erregistratuak eskuratu edo garatuz gero, proformako hiru faktura gutxienez erantsi behar dira, katalogoekin batera (makinei dagokienez), eskatutakoaren ezaugarri teknikoak egiaztatu eta, horrenbestez, hiru eskaintzak erkatu ahal izateko. Hornitzailea aukeratzeko erabakiaren justifikazioa aurkeztuko da. Proformako fakturek produktu bera edo antzeko prestazioak dituzten produktuak erakutsi beharko dituzte. Hiru faktura aurkezteko modurik ez badago, hornitzailearen ziurtagiri baten bidez justifikatu beharko da, markaren esklusibotasuna baldin badago, edo antzeko beste agiri baten bidez. Laguntzak kudeatzen dituen atalak jakinaraziko du ea eskatutakoaren kostuak bat datozen merkatuko kostuekin, haren irizpide teknikoaren arabera.
Obra zibilaren kasuan, inbertsioa justifikatzen duen proiektua aurkeztu beharko da, elkargo ofizialak zigilatua. Gainera, proiektuak bereiz gauzatzea aurreikusten duen atal bakoitzeko, sustatzaileak hiru eskaintza erantsi beharko ditu, eta enpresa aukeratzeko erabakiaren justifikazioa.
b) Transferentzia bidez ordaintzeko eskaera, behar bezala betea, beste banku batean helbideratuta kobratu nahi bada eta Administrazioak haren daturik ez badu. Agiri hori eta aurkezteko modua helbide honetan kontsultatzen ahal da:
c) IFZaren kopia, enpresa berrien kasuan.
d) Eskatzailearen nortasuna frogatzen duen agiria (sozietatea eratzeko eta geroko aldaketen eskrituraren kopia) eta ordezkatzen dituen pertsona fisikoaren ahalmena frogatzen duena. Dokumentazio hori Administrazioaren esku badago, ez da beharrezkoa izanen berriro aurkeztea, dokumentu horietan aldaketarik egon ezean.
e) Egoera ekonomiko finantzarioa: ez da beharrezkoa izanen inolako agiririk eranstea basoetako ziurtapen sistemak edo programa informatikoak ezartzeko eskaeretan, ezta kontu gordailuak aurkeztu beharra duten enpresei dagokienez ere. Gordailu horiek aurkeztu beharrik ez duten enpresek PFEZaren eta BEZaren aitorpenak aurkeztuko dituzte, azkeneko bi urteotakoak.
Departamentuak horretarako gaituta dituen kontrol sistemetan enpresari buruzko daturik ez badago, horri buruzko informazioa eskatzen ahalko da espedientea tramitatzean.
f) Ebazpen honetako 8. oinarriko "Balorazio irizpideak" izeneko puntuan ezarritako puntuazioak lortu ahal izateko eskatzen den dokumentazio beharrezkoa.
g) Inbertsioa eginen den lurren jabetza ziurtatzen duen eskrituraren kopia, baita hura Jabetza Erregistroan inskribaturik dagoela ziurtatzen duen agiria ere, eta, hala behar izanez gero, hirigintzako agiria, bertan eraikitzen ahal dela ziurtatzen duena.
h) Obretako udal lizentzia, behar baldin bada.
i) Irekitzeko lizentzia edo, horrelakorik ezean, jarduera sailkatuarena, bidezkoa bada.
j) Inbertsio plana (II. eranskina).
4. Eskaera egiteko eta ezarritako betekizunak betetzen direla frogatzeko epeak: 30 egun natural, oinarri hauek jasotzen dituen ebazpena Nafarroako Aldizkari Ofizialean argitaratu eta hurrengo egunetik aurrera.
5. Eskaerarekin batera aipatutako dokumentazioa aurkeztu ezean, dagokion instrukzio unitateak eskatzaileari eskatuko dio hamar eguneko epean zuzendu dezala, eta adieraziko dio zuzendu ezean eskaeran atzera egin duela ondorioztatuko dela. Kasu horretan espedientea artxibatzeko ebazpena eman eta jakinaraziko da, Dirulaguntzei buruzko azaroaren 9ko 11/2005 Foru Legearen 19.3 artikuluan xedatu bezala.
6. Kudeaketa organoaren errekerimenduei emandako erantzunak erregistro elektronikoaren bidez tramitatuko dira.
7. Onuradunak eskaera bakar bat aurkeztu beharko du deialdi bakoitzeko.
13. oinarria.–Instrukzio organoa.
Neurri honetan aurreikusitako laguntzak emateko prozeduren instrukzioa Baso Plangintzarako Atalari dagokio; atal hori Ingurumeneko Zuzendaritza Nagusiko Basoen eta Ehiza Kudeaketaren Zerbitzuari atxikita dago.
14. oinarria.–Dirulaguntza emateko prozeduraren instrukzioa.
1. Laguntzak emateko proposamenaren txostena egitean, instrukzio organoak egiaztatuko du onuradunak egunean dituela bere zerga betebeharrak eta Gizarte Segurantzarekikoak, eta, halaber, ez dagoela Dirulaguntzei buruzko azaroaren 9ko 11/2005 Foru Legearen 13. artikuluan onuradun izateko ezarritako ezein debeku egoeratan.
2. Kontrol horiek egiteko, instrukzio organoak joko du Foru Administrazioan edo beste administrazio batzuetan dauden erregistro ofizialetara edo eskura dauden bestelako informazio iturrietara, betiere laguntza eskaera aurkezten den unean dagoen informazioaren arabera.
3. Eskaerak ofizioz ebaluatuko dira norgehiagokako prozeduraren arabera eta arau hauetan ezarritako balorazio irizpide, modu eta lehentasunen arabera.
4. Ebaluazioa ikusirik, Basoen eta Ehiza Kudeaketaren Zerbitzuak ebazpen proposamena eginen du, eta laguntzak esleitzeko espedientean jaso beharko da onuradunak betetzen dituela laguntza eskuratzeko behar diren baldintza guztiak.
Finantzatu beharreko azken proiektuaren dirulaguntza proposamenaren zenbatekoa txikiagoa bada aurkeztutako eskaeran agertzen dena baino, aurrekontuan diru erabilgarririk ez dagoelako, instrukzio organoak eskaera birformulatzeko eskatzen ahalko du. Nolanahi ere, eskaera berregitean dirulaguntzaren xedea, baldintzak eta helburua errespetatu beharko dira, bai eta eskaeretarako ezarritako balorazio irizpideak ere. Kudeaketa organoak eskaera berregina onetsi ondoren, dokumentazio guztia organo eskudunari igorriko zaio, laguntzen gaineko ebazpena eman dezan.
5. Basoen eta Ehiza Kudeaketaren Zerbitzuak Ingurumeneko zuzendari nagusiari aurkeztuko dio laguntzak emateko proposamena, hark onar dezan.
15. oinarria.–Ebazpena.
1. Ebazpen proposamena ikusirik, Ingurumeneko Zuzendaritza Nagusiak dirulaguntzen gaineko ebazpena eman eta jakinaraziko du, hiru hilabeteko epean, eskaerak aurkezteko epea bukatzen denetik hasita.
2. Ebazpena arrazoitua izanen da, egitateen eta zuzenbideko oinarrien aipamen laburra eginez, eta behar bezala egiaztatu beharko dira.
3. Ebazpenean dirulaguntza jasoko duten eskatzaileen zerrenda agertuko da, puntuazioaren arabera ordenatuta, eta, kasua bada, berariaz adieraziko da gainerako eskaerak ezetsi direla, bai eta horretarako arrazoia ere. Horien artean agertuko dira ezetsi direnak deialdian ezarritako gehieneko kreditua gainditzeagatik, hau da, esleitutako aurrekontu baliabideak mugatuak izatearen ondorioz. 9. oinarrian (Dirulaguntzak emateko modua eta baloraziorako irizpideak) ezarritako balorazio irizpideen arabera horietako bakoitzari emandako puntuazioa adieraziko da. Onuradunen batek dirulaguntzari uko eginez gero, laguntzak ematen dituen organoak erabakiko du, beste deialdi bat egin behar izan gabe, puntuazio hurrenkeraren arabera haren atzetik dagoen edo dauden eskatzaileari edo eskatzaileei dirulaguntza ematea, baldin eta onuradun baten ukoari esker kreditu aski askatu bada ukatutako eskaera bat bederen aintzat hartzeko.
Lortutako puntuazioak adieraziko dira, irizpideen arabera banakatuta, eta, gainera, berdinketak ebazteko kontuan hartu den edozein inguruabar gertatzen dela adieraziko da.
Ondorio horietarako, Basoen eta Ehiza Kudeaketaren Zerbitzuak egoera horren berri emanen die interesdunei, adieraz dezaten dirulaguntza jasotzeko proposamena onartzen ote duten, hamar eguneko epe luzaezinean, komunikazioa jaso eta biharamunetik hasita. Epe horretatik kanpo aurkezten bada laguntzen ukoa, betiere justifikazio teknikorik gabe, edo ezinbesteko arrazoiek eraginda ez bada, enpresak ezin izanen du xede bererako laguntzarik eskatu hurrengo kanpainan. Eskatzaileak edo eskatzaileek proposamena onartu ondoren, Ingurumeneko zuzendari nagusiak laguntzak emateko ebazpena emanen du, interesdunei jakinaraziko die eta Nafarroako Gobernuaren webgunean argitaratuko du, dirulaguntza kanpainaren prozesuaren emaitzarekin batera.
4. Laguntzak emateko ebazpena baliabide elektronikoen bidez jakinaraziko da, Administrazio Prozedura Erkideari buruzko 39/2015 Legean ezarri bezala.
5. Eskaera ezetsi egin dela ulertuko da, baldin eta berariazko ebazpenik eman eta jakinarazten ez bada dirulaguntzaren oinarri arautzaile hauetan ezarritako ebazpena emateko epean.
16. oinarria.–Eskaerak aldatzea.
Eskaeraren aldaketak onartuko dira, baldin eta eskaera aurkezteko epean edo eskaera aurkezteko epea amaitu ondorengo hamabost egunetan aurkezten badira. Instrukzio organoaren balorazioaren menpe egonen da aldaketak onestea. Aldaketek honako irizpide hauek beteko dituzte:
–Ez dira nabarmenak izanen, salbu eta atzemandako akatsen ondoriozkoak badira, hau da, ez da onartuko ekintza berririk gehitzea, kalkulu errore material bati erantzun gabe eskatutako aurrekontua gorantz aldatzen duenik, ezta hasierako eskaeran aipatutako makina motak ordeztea ere (adibidez, ez da onartzen prozesadore baten ordez autokargatzaile bat hartzea).
–Proiektua teknikoki hobetzeko aldaketak baizik ez dira onartuko, eskatutako inbertsioaren helburuari eta izaerari kalte egiten ez dietenak.
–Emakida-ebazpena onartu ondoren, ez da onartuko hura aldatzeko eskaerarik, salbu eta emakidaren egitatezko akatsak zuzentzeko aurkezten badira.
Eskatutako aldaketak ebazpen arrazoitu bidez onartu edo ukatuko dira.
17. oinarria.–Dirulaguntza emateko ebazpenaren aldaketa.
Inguruabarren aldaketa atzematen bada, laguntza ordaintzeko ebazpenean sartuko da. Ebazpen hori arrazoitua izanen da, eta dirulaguntza emateko ebazpena eman zuen organo berak emanen du. Ebazpen horretan, atzemandako aldaketen ondorioak adieraziko dira.
18. oinarria.–Inbertsioa gauzatzeko epea, ordainketa egin aurretik bete beharrekoak eta ordainketa eskaera.
1. Inbertsioa bukatzeko eguna 2026ko urriaren 1a izanen da 2026ko kanpainako laguntza eskaerentzat. Inbertsio horiek ez dira hasi behar laguntza eskaera aurkeztu aurretik.
2. Laguntza jasotzeko, onuradunak agiri hauek aurkeztu behar ditu 2026ko urriaren 9a baino lehen:
a) Ordainketa eskatzeko inprimakia (IV. eranskina).
b) Jatorrizko fakturak edo horien kopia konpultsatuak, laguntza eskatu ondoko data dutelarik.
c) Fakturak banku transferentziaren bidez ordaindu izanaren frogagiriak. Bankuko karguak izanen dira, datu hauek agertuko dituztenak: transferentziaren jaulkitzailearen izena, onuradunaren izena, zenbatekoa, karguaren data eta kontzeptua, faktura zenbaki eta guzti. Salbuespen gisa, ordainketa frogatzeko, enpresa hornitzaileak egindako ordainagiriak onartuko dira, 1.000 eurotik gorakoak ez badira. Gauzatan egindako ordainketak ez dira onartuko.
Fakturen ordainagirien bidez inbertsio osoa ordaindu dela frogatu beharko da.
d) Inbertsioen liburua edo emaitzen kontu nagusia, lagundutako inbertsioen kontabilizazioa egiaztatzeko.
e) Salerosketaren eskritura publikoaren bidez frogatu beharko da ondasun higiezinen erosketa.
f) Kontratista batekin azpikontratatutako lanen zenbatekoak dirulaguntzaren zenbatekoaren %20 baino handiagoa denean eta zenbateko hori 60.000 eurotik goitikoa denean, idatzizko kontratu bat egin behar da, eta ordainketa egiteko gainerako dokumentazioarekin batera aurkeztu behar da.
g) Langileek lan ekipoak erabiltzeko segurtasun eta osasunerako gutxieneko xedapenak ezartzen dituen uztailaren 18ko 1215/1997 Errege Dekretua betetzeari buruzko egiaztagiriak. Makineria erosiz gero, EEEko adostasun adierazpena eta makinaren jarraibideak.
3. Laguntzen ordainketen gaineko ebazpena baliabide elektronikoen bidez jakinaraziko da, Administrazio Prozedura Erkideari buruzko 39/2015 Legean ezarri bezala.
4. Salbuespen gisa, eta justifikatuz gero, inbertsioa amaitzeko eta ordainketa eskaera aurkezteko luzapena eskatzen ahalko da, gehienez ere 2026ko azaroaren 11ra arte. Eskaera 2026ko urriaren 1a baino lehen egin beharko da, eta laguntzak kudeatzen dituen unitateak onartu beharko du.
19. oinarria.–Laguntzak ordaintzeko eskaera aurkezteko modua eta epeak.
1. Laguntzak emateko ebazpenean aurreikusitako laguntzak eskuratzeko, onuradunak ordainketa eskaera aurkeztu beharko du. Ordainketa eskaera deialdian zehazturiko datak baino lehen aurkeztu beharko da, horretarako ezarritako inprimakiaren bidez; eredua Nafarroako Gobernuaren web-orriko izapideen katalogoan dago eskura (www.nafarroa.eus). Hala aurkeztu ezean, dagokion urtekoa galduko da.
2. Fase edo tarte bakoitzeko jarduketak egin edo bukatu direla justifikatzeko agiriak ere aurkeztu beharko dira, eta konpromisoak bete direla frogatzekoak. Deialdian, oinarri arautzaileetan eta laguntzak esleitzeko ebazpenean xedatutakoaren ondoriozko frogagiriak erantsi beharko dira.
3. Dirulaguntzak ordainketa bakarrean pagatuko dira, behin frogatu ondoren esleipena eragin zuen inbertsioa burutu dela eskaera aurkeztu zenetik gehienez hiru hilabeteko epean. Ondorio horietarako, ez da ulertuko inbertsioa burutua dagoela frogatu denik, harik eta haren bukaeraren ziurtapena amaitu arte eta ordainketen frogagiriak zuzen daudela egiaztatu arte.
4. Instrukzio organoak behar adina kontrol eginen ditu, egiaztatzeko onuradunak hartutako konpromisoak betetzen dituela eta inbertsioa aurkeztutako proiektuarekin bat datorrela. Kontrolen emaitzak ikusirik, bidezko ordainketak baimenduko ditu, eta laguntzak ordaintzeko ebazpen proposamena prestatuko.
5. Laguntzak Ingurumeneko zuzendari nagusiaren ebazpen bidez ordainduko dira.
6. Kontrol horiek egiteko, instrukzio organoak Foru Administrazioan edo beste administrazio batzuetan dauden erregistro ofizialetara edo eskura dauden bestelako informazio iturrietarako joko du, betiere laguntza ordaintzeko eskaera aurkezten den unean dagoen informazioaren arabera.
Kontrol horien barnean, in situ bisitak egiten ahal zaizkie onuradunei, inbertsioak bukatu eta zuzen gauzatu direla egiaztatzeko, edo instrukzio organoak beharrezkotzat jotzen duen beste edozein alderdi egiaztatzeko.
7. Instrukzio organoak egindako egiaztapenetan ondorioztatzen baldin bada beheranzko desbideraketak daudela onuradunak aurkeztutako azkeneko ordainketa eskaerarekin alderatuta, 21. oinarrian (Murrizketak eta bazterketak ordainketetan) aipatzen diren murrizte- eta baztertze-irizpideak aplikatuko dira ordainketan.
8. Ez da onartuko hasieran baimendutako aurrekontuak gora egitea, non ez dauden egitatezko akatsak eskaeran edo ez diren baso administrazioak eskatuta sartutako arrazoizko aldaketak.
20. oinarria.–Murrizketak eta salbuespenak ordainketetan.
1. Inbertsioa 18. oinarriko 1. puntuan adierazitako egunerako bukatzeko konpromisoa betetzen ez bada, laguntza galduko da.
2. 10. oinarriaren b) letran bildutako konpromisoa azkeneko ordainketa baino lehen betetzen ez bada, laguntza galduko da.
3. Inbertsioa bukatu ondoren, gauzatu denaren kostua onetsitako inbertsioaren %70etik beheitikoa bada, ordainketa doituko da benetan gauzatu den inbertsioaren arabera, betiere %10eko penalizazioa aplikatuta doikuntzaren ondoriozko laguntzaren gainean, baina, bakar-bakarrik, Basoen eta Ehiza Kudeaketaren Zerbitzuko teknikarien iritziz, inbertsioak bere funtsezko ezaugarriei eusten badie eta laguntzaren xedeko helburuak betetzen segitzen badu.
4. Inbertsioa gauzatu ondoren, onartutako zenbatekoa txikiagoa bada espediente bakoitzeko gutxieneko inbertsio lagungarria baino (7. oinarriko 2. puntuan adierazia), espediente horri ez zaio laguntzarik ordainduko.
5. Kudeaketa organoak egindako kontrolen ondotik onuradunak eskatutako ordainketaren zenbatekoa %10 handiagoa bada onuradunari ordaindu beharrekoa baino, zehapen bat ezarriko da, eskatutako zenbatekoaren eta zehaztutakoaren arteko aldea adinakoa, eta ez da izanen laguntza osoa kentzetik haragokoa.
6. Aipatutako murrizketak eta bazterketak ez dira aplikatuko baldin eta onuradunak frogatzen badu ezinbesteko arrazoiengatik gertatu direla aldaketak, edo egiaztagiriak aurkezten baditu, gerora sortutako eta onuradunari egotzi ezin zaizkion arrazoiak frogatzen dituztenak. Honako hauek izanen dira ezinbesteko arrazoiak:
a) Hondamendi natural larria gertatzea, eta horrek diruz lagunduriko instalazioei edo makineriari kalte nabarmenak eragitea.
b) Inbertsioa nahi gabe hondatzea onuradunari egotzi ezin zaizkion arrazoiengatik, garaiz eta behar bezala jakinarazten bazaio Basoen eta Ehiza Kudeaketaren Zerbitzuari.
c) Onuradunaren eritasun luzea.
7. Espediente baten bidez egiaztatzen bada onuradunak, nahita, gezurrezko adierazpen bat egin duela, laguntzak bertan behera utziko dira. Gainera, onuraduna neurri horretarako laguntzetatik bazterturik geldituko da, ekitaldi horretan eta hurrengoan, deusetan galarazi gabe Dirulaguntzei buruzko azaroaren 9ko 11/2005 Foru Legean ezarritako zehapenak edo adierazpen hori aurkezteko unean iruzurraren kontrako borrokarako indarrean diren prozeduretatik datozenak.
8. Azken ordainketa egin aurretik egiaztatzen bada aldatu direla laguntzak emateko prozeduran eskaeren hurrenkera finkatzeko puntuaziorako aintzat hartu ziren balorazio irizpideak, puntuazio txikiagoa zegokiola eta, horren ondorioz, onuradun izaera galduko zukeela, onuradunak laguntza guztia galduko du.
9. Onuradunak, konpromisoaren aldian, hartutako konpromisoak bete gabe uzten baditu bi urtez jarraian, laguntzaren %100 itzuli beharko du, eta ezin izanen ditu laguntza berak eskatu bigarren ez-betetzea gertatu eta hurrengo kanpainan.
21. oinarria.–Gerora bete beharreko konpromisoen murrizketak.
1. Oinarri arautzaile hauetan azaldutako gerorako konpromisoak betetzen ez badira, laguntzak itzuli beharko dira osoki edo partez, Dirulaguntzei buruzko azaroaren 9ko 11/2005 Foru Legearen 34. eta 35. artikuluekin bat.
2. Konpromiso horiek bete ezean jasotako laguntzaren portzentaje bat itzuli beharko da, baita legez ezarritako berandutze-interesak ordaindu ere. Bosgarren oinarriko 2. puntuan ezarritakoa ez dela bete egiaztatzen bada, hartan finkatutako salbuespenak kenduta, ondorio hauek izanen dira:
–Basolanen jarduera uzten bada: jasotako laguntzaren %100 itzuli beharko da.
–Diruz lagunduriko inbertsioen jabea aldatzen bada eta onuraduna ez bada jada ondasunaren erabiltzaile bakarra, salmenta, lagapen, alokatze edo antzeko beste sistema baten ondorioz: jasotako laguntzaren %100 itzuli beharko da.
–Funtsezko aldaketa bat gertatzen bada, inbertsioaren izaera, helburuak edo gauzatzeko baldintzak ukitzen dituena, eta horrek jatorrizko helburuei kalte egiten badie: jasotako laguntzaren %100 itzuli beharko da.
3. Konpromiso horiek bete gabe utzi direla ez da ondorioztatuko baldin eta ezinbesteko arrazoi hauetako bat gertatzen bada:
a) Hondamendi natural larria gertatzea, eta horrek diruz lagunduriko instalazioei edo makineriari kalte nabarmenak eragitea.
b) Inbertsioa nahi gabe hondatzea onuradunari egotzi ezin zaizkion arrazoiengatik, garaiz eta behar bezala jakinarazten bazaio Basoen eta Ehiza Kudeaketaren Zerbitzuari.
c) Onuradunaren eritasun luzea.
4. Ezinbesteko kasuak edo salbuespenezko inguruabarrak gertatuz gero, onuradunak idatziz jakinarazi beharko du, froga egokiak erantsita, gertakaria izan eta hogeita hamar eguneko epean, eta betiere instrukzio organoak kontrola egin behar duela adierazi edo hura gauzatu baino lehenago.
22. oinarria.–Laguntzak metatzea.
Legez ezarritako mugen barruan, honako laguntza hauek metatzen ahalko dira:
1. Europar Batasunaren organoek kudeatutako laguntzak eta landa garapenerako estatu laguntzak, kostu diruz lagungarri berberetarako direnean, baldin eta gainditzen ez badira Batasunaren Zuzenbidearen arau aplikagarrietan laguntzetarako ezarritako gehieneko intentsitate portzentajeak.
2. Landa garapenerako estatu laguntzak (kostu diruz lagungarri identifikagarriak badituzte) eta estatuko beste laguntza batzuk, baldin eta kostu diruz lagungarriak ezberdinak badira edo, kostu diruz lagungarriak berdinak izanda ere, bien artean gainditzen ez badira landa garapenerako estatu laguntzetarako ezarritako gehieneko zenbatekoa edo laguntzarako gehieneko intentsitate portzentajeak.
3. Estatuak landa garapenerako ematen dituen laguntzak, kostu diruz lagungarri identifikagarririk ez dutenak, eta Estatuko beste edozein laguntza, azken horrek kostu diruz lagungarri identifikagarriak baditu.
4. Landa garapenerako estatu laguntzak (kostu diruz lagungarri identifikagarririk ez dutenak) eta estatuko beste edozein laguntza, azken horrek ere kostu diruz lagungarri identifikagarriak ez baditu, baldin eta bien artean gainditzen ez badira landa garapenerako estatu laguntza handienarentzat ezarritako gehieneko zenbatekoa edo gehieneko intentsitate portzentajeak.
5. Nekazaritza sektorearentzako landa garapenerako estatu laguntzak eta Landa Garapenerako Europako Nekazaritza Funtsaren (LGENF) laguntzak, kostu diruz lagungarri berberetarako direnean, izan LGENFrekin batera finantzatzen ahal direnak, izan finantzaketa nazionala baizik ez dutenak, eta bien artean gainditzen ez bada landa garapenerako estatu laguntzentzat ezarritako gehieneko laguntza edo gehieneko intentsitatea.
6. Landa garapenerako estatu laguntzak eta kostu diruz lagungarri berberetarako gutxieneko laguntzak, baldin eta bien artean gainditzen ez bada landa garapenerako estatu laguntzarako ezarritako gehieneko zenbatekoa edo gehieneko intentsitatea.
23. oinarria.–Emandako dirulaguntzen publizitatea.
1. Oinarri arautzaile hauen esparruan emandako laguntzen publizitatea eginen da eta laguntza hauen onuradun diren pertsona fisikoen datuak argitara emanen dira Europako Parlamentuaren eta Kontseiluaren 2021eko abenduaren 2ko 2021/2116 (EB) Erregelamenduaren 67.5 eta 99. artikuluetan xedatutakoa betez (erregelamendu hori Nekazaritza Politika Erkidearen finantzaketari, kudeaketari eta jarraipenari buruzkoa da, eta 1306/2013 (EB) Erregelamendua indargabetzen du), eta bat etorriz Europako Parlamentuaren eta Kontseiluaren 2016ko apirilaren 27ko 2016/679 (EB) Erregelamenduarekin (datu pertsonalen tratamenduari dagokionez pertsona fisikoen babesari eta datu horien zirkulazio askeari buruzko arauak ezartzen dituena eta 95/46/EE Zuzentaraua –Datuak Babesteko Erregelamendu Orokorra– indargabetzen duena).
2. Pertsona fisiko onuradunen datu pertsonalak erakunde nazionalek eta Europar Batasuneko erakundeek erabiltzen ahalko dituzte, baldin zerikusirik badute administrazioen kudeaketa, kontrol eta ikuskaritzako nahiz jarraipen eta ebaluazio betebeharrekin, bat etorriz Europako Parlamentuaren eta Kontseiluaren 2021eko abenduaren 2ko 2021/2116 (EB) Erregelamenduaren 101. artikuluan ezarritakoarekin (erregelamendu hori Nekazaritza Politika Erkidearen finantzaketari, kudeaketari eta jarraipenari buruzkoa da, eta 1306/2013 (EB) Erregelamendua indargabetzen du), Europako Parlamentuaren eta Kontseiluaren 2018ko urriaren 23ko 2018/1725 (EB) Erregelamenduaren arabera (erregelamendu hori Batasuneko instituzio, organo eta organismoek datu pertsonalak tratatzen dituztenean pertsona fisikoak babesteari buruzkoa eta datu horien zirkulazio askeari buruzkoa da, eta 45/2001 (EE) Erregelamendua eta 1247/2002/EE Erabakia indargabetzen ditu).
3. Ondorio horietarako, pertsona fisiko onuradunek honako hauetan ezarritako eskubideak izanen dituzte: Europako Parlamentuaren eta Kontseiluaren 2016ko apirilaren 27ko 2016/679 (EB) Erregelamendua (datu pertsonalen tratamenduari dagokionez pertsona fisikoen babesari eta datu horien zirkulazio askeari buruzko arauak ezartzen dituena, eta 95/46/EE Zuzentaraua –Datuak Babesteko Erregelamendu Orokorra– indargabetzen duena) eta abenduaren 5eko 3/2018 Lege Organikoa, Datu Pertsonalak Babestekoa eta Eskubide Digitalak Bermatzekoa.
II. ERANSKINA.–INBERTSIO PLANAREN EREDUA
INBERTSIO PLANA
BASOGINTZAKO INBERTSIO PRODUKTIBOAK EGITEKO LAGUNTZENA: BASOLANAK, BASO APROBETXAMENDUAK, BASOGINTZAKO ZERBITZUAK ETA BASOKO PRODUKTUEN LEHEN ERALDAKETA (NPEPEren 6883 ESKU HARTZEA)
2026ko KANPAINA
1.–ENPRESAREN IDENTIFIKAZIOA.
1.1. Enpresaren datuak:
Izen-deiturak edo sozietatearen izena:
NANa/IFKa:
Enpresaren sozietate-egoitza zein udalerritan dagoen:
Eskatzailea ETE bat dela frogatzea, mikroenpresen eta enpresa txiki eta ertainen definizioari buruzko Batzordearen 2003ko maiatzaren 6ko Gomendioan zehazten den bezala.
Lanean duen pertsona kopurua | Urteko negozio bolumena edo urteko balantze orokorra (eurotan) |
Nortasun juridikokoen kasuan:
Bazkideen kopurua, hasierako egoeran:
Izena | NANa | Sexua* | Jaioteguna | Partaidetzaren ehunekoa | Enpresan duen kargua |
(*) G; gizona/ E; emakumea | |||||
1.2. Enpresaren deskribapen orokorra: adieraz ezazu hasierako egoera (edo abiapuntuko egoera, eskaeraren aurreko ekitaldian) eta inbertsioa egin ondorengo bukaerako egoera: deskribatu enpresa, laburki azalduz ustiapen datuak, hasierako eta inbertsioaren ondorengo funtzionamenduaren ikuspegi orokorra izateko:
1.3. Laguntza eskaera aurkeztu aurreko 12 hilabeteen barruan sortutako enpresa berria da? Adierazi zer urtetan sortu zen.
1.4. Enpresaren tamaina (mikroenpresa/txikia/ertaina), Europako araudiaren arabera eta III. eranskinaren arabera:
2.–ABIAPUNTUKO EGOERAREN DESKRIBAPENA (eskaeraren aurreko ekitaldikoa).
2.1. Enpresari atxikitako esku-langileen zerrenda sailkatua eta kuantifikatua, hasierako egoerari dagokiona:
Langileak | Zk. | Lan mota (zuzeneko eskulana) + | Lan mota (zeharkako eskulana) + | Orduak pertsonako urtean | Eskulanaren kostua* (euroak pertsonako urtean) | Lanaldi osoaren baliokide diren enplegu kop. (Ikus 1. oharra) |
Deskribatu enpresaren abiapuntuko egoera, eskaera egin aurreko ekitaldian. | ||||||
Berezkoa | ||||||
Soldatapekoa | Finkoa | |||||
Behin-behinekoa | ||||||
Guztira | ||||||
Deskribatu inbertsioaren ondoren espero den egoera (ez bada aldatzen, adieraz ezazu "Guztira" lerroan) | ||||||
Berezkoa | ||||||
Soldatapekoa | Finkoa | |||||
Behin-behinekoa | ||||||
Orotara | ||||||
(*) Soldatak eta Gizarte Segurantza.
Datuen batezbestekoak sartuko dira enpresako langile guztiak kontuan harturik.
+ ZEHARKAKO ESKULANA: zeharkako eskulana, hau da, zuzenean ondasunak ekoizten edo zerbitzuak ematen aritzen ez diren langileak, esaterako, garbiketako langileak, mantentze-lanetako langileak, kudeatzailea…
+ ZUZENEKO ESKULANA: zuzeneko eskulana, hots, zuzenean ondasunak ekoizten edo zerbitzuak ematen aritzen diren langileak.
2.2. Gastuak:
Ekoizpen jarduerarako, sar ezazu zuzeneko gastuen zerrenda eta horien urteko kostua.
Ekoizpen jarduera | ||
Gastuaren kontzeptua | Zenbatekoa | Zenbatekoa (euroak urtean), inbertsioaren ondoren |
OROTARA | ||
Zuzeneko gastuen egoera ez bada aldatzen inbertsioa egin ondoren, adieraz ezazu:
2.3. Enpresaren eraikuntzak eta instalazioak (hasierako egoera eta inbertsioaren ondorengoa).
Deskribapena | Eraiki edo eskuratu zen urtea | Neurriak (m²) | Edukitzaren araubidea (Jabetza, errentamendua, lagapena, beste araubide bat) | Amortizazioaldia* |
* Amortizazioaldi osoa, urtetan.
2.4. Enpresaren makinak eta ekipamenduak (hasierako egoera eta inbertsioaren ondorengoa).
Deskribapena | Unit. | Erosi zen urtea | Marka | Modeloa | Amortizazioaldia* |
* Amortizazioaldi osoa, urtetan.
3.–ENPRESAREN BIDERAGARRITASUNA DIAGNOSTIKATZEKO LABURPEN-TAULA
ORAINGOA EDO HASIERAKOA | |||||||
Ekoizpen jarduera* | Ustiatutako / Prozesatutako zuraren bolumena (metro kubikoak / t) | Prozesatutako / ustiatutako zenbat m³ | Zuzeneko diru-sarrera gordinak (€) (E) | Ekoizpen jardueraren beste diru-sarrera batzuk (€) (F) | Diru-sarrera gordinak guztira (€) (G = E + F) | Jardueraren zuzeneko gastuak*** (€) (H) | Marjina gordina (€) (dirulaguntzak kanpo) (I = G - H) |
GUZTIRAKO MARJINA GORDINA GAUR EGUN (dirulaguntzak kenduta) (J) | |||||||
AURREIKUSIA EDO BUKAERAKOA | |||||||
Ekoizpen jarduera* | Ustiatutako / Prozesatutako zuraren bolumena (metro kubikoak / t) | Prozesatutako / ustiatutako zenbat m³ | Zuzeneko diru-sarrera gordinak (€) (E) | Ekoizpen jardueraren beste diru-sarrera batzuk (€) (F) | Diru-sarrera gordinak guztira (€) (G = E + F) | Jardueraren zuzeneko gastuak*** (€) (H) | Marjina gordina (€) (dirulaguntzak kanpo) (I = G - H) |
GUZTIRAKO MARJINA GORDINA, AURREIKUSITAKOA (dirulaguntzak kenduta) (J) | |||||||
* Ekoizpen jarduera: adieraz ezazu baso aprobetxamendua, lehen eraldaketa edo basogintzako zerbitzuak diren.
*** Zuzeneko kostu gisa honako hauek zenbatu ahalko dira: lehengaien kostuak, zuzeneko inputak edo osagai osagarriak eta eskulana; eta, azkenik, ekoizpen arloetako zerbitzuak (ura, argia, etab.), beharrezko direnak lehengaia bukaerako produktu bihurtzeko.
DIRULAGUNTZEN BIDEZKO SARRERAK | EGUNGOA | AURREIKUSIA |
Deialdi honetan aurreikusitakoak | 0 | |
0 | ||
Beste batzuk | ||
GUZTIRA (K) |
EGUNGOA Balioa | AURREIKUSIA Balioa | |||
ENPRESAREN ZEHARKAKO GASTUAK | AMORTIZAZIOAK | Eraikuntzak eta instalazioak | ||
Makineria eta ekipamendua | ||||
GUZTIRA (L) | ||||
BESTELAKO GASTUAK | Erregaiak | |||
Mantentze eta konpontze lanak | ||||
Makineria alokatzea | ||||
Soldatak eta Gizarte Segurantza* | ||||
Gastu orokorrak** | ||||
GUZTIRA (M) | ||||
* 2.1 eta 4.3 tauletako zenbatekoak sartu, kanpoko eskulanari dagozkionak (familiako eskulana eta kapital berekien ordainsariak kenduta). ** Kontribuzioak, zergak, uraren gaineko kanona, errentamenduak, hornidurak, besteren kapitalen interesak. | ||||
USTIATEGIAREN BIDERAGARRITASUNA | ||
EGUNGOA Balioa | AURREIKUSIA Balioa | |
MARJINA GORDINA (N = J + K) | ||
MARJINA GARBIA (O = J + K - L - M) | ||
Azalpen oharrak:
Eskulana guztira, (2) zutabeko langile guztien batura izanen litzateke, 9, eta lanaldi osoaren baliokide diren enplegu kopurua 5,4 izanen litzateke, eta honela kalkulatuko:
Langileak (1) | Langileen kopurua (2) | Orduak pertsonako urtean (4) | Lanaldi osoaren baliokide diren enplegu kop. hasieran (ikusi 1. oharra) | |
Berezkoa | 1* | 1758* | 5,4 | |
Soldatapekoa | Finkoa | 3* | 1758* | |
Behin-behinekoa | 5* | 500* | ||
Guztira | 9* | |||
1. Enpresan lan egindako guztizko orduak kalkulatu, (2) zutabea x (4) zutabea; adibidean, 1x1758 + 3*1758+ 5*500 = 9532
2) Guztizko orduak zati 1.758 ordu, hori baita basogintzako lanaldia urtean: 9.532/1.758 = 5,4
III. ERANSKINA.–BESTE INPRIMAKI BATZUK, BASOLANETAN, BASO APROBETXAMENDUETAN, BASOGINTZAKO ZERBITZUETAN ETA BASOKO PRODUKTUEN LEHEN ERALDAKETAN BASOGINTZAKO INBERTSIO PRODUKTIBOAK EGITEKO LAGUNTZA ESKAERARI ERANSTEKO (NPEPEren 6883 esku hartzea)
2026ko kanpaina
1.–LAGUNTZA ESKATZEKO INPRIMAKIA.
ESPEDIENTE ZK.: (Administrazioak bete beharrekoa)
ESKATZAILEAREN DATUAK
Izen-deiturak: | IFZa: | |
Helbidea: | Posta kodea: | |
Herria: | Probintzia: | |
Enpresan duen kargua: | ||
Sexua (azpimarratu nahi duzuna) Gizona Emakumezkoa Ez-bitarra Prebalentziarik gabe Nahiago dut ez esan | ||
Helbide elektronikoa: (NAHITAEZKOA, errekerimendu eta jakinarazpenetarako) | ||
ENPRESAREN DATUAK
Eratutako enpresa Eratzeko bidean den enpresa (*)
Enpresaren izena: | IFKa: | |||
Sozietatearen helbidea: | P. kd.: | |||
Herria: | Probintzia: | |||
Telefonoa: | Helbide elektronikoa: (NAHITAEZKOA, errekerimendu eta jakinarazpenetarako) | |||
Enpresaren forma juridikoa: | ||||
Enpresaren tamaina: Ertaina Txikia Mikroenpresa | ISO 9001: Bai Ez | |||
(*) Eratzeko bidean den enpresatzat hartuko da laguntza eskaera aurkeztu aurreko 12 hilabeteen barruan instalatzeko edo ezartzeko prozesua hasi duena.
Behar den diru kopurua zer banku-kontutan sartzeko eskatzen den:
–– –– –– –– –– –– –– –– –– –– –– –– –– –– –– –– –– –– –– –– |
Ondoren zehazten diren kontzeptuetarako laguntzak eskatzen ditu:
Inbertsioaren kokapen geografikoa: | |
Inbertsioa hasteko hilabetea/urtea: | Inbertsioa bukatzeko hilabetea/urtea: |
UNITATEAK | KONTZEPTUA | INBERTSIOA (BEZik gabe) |
AURREIKUSITAKO INBERTSIOA, GUZTIRA (BEZik gabe) | ||
ZENBATEKO KOSTURAKO ESKATZEN DEN LAGUNTZA (BEZik gabe) | ||
Datu osagarriak | Behar ez dena ezabatu | Hori frogatzeko aurkezten diren agiria/k |
Dagoeneko ezarrita dauden autonomo edo enpresetan aurrerapen teknologikoa ekarriko duen makineriarako inbertsioa eskatzen du. | Bai/Ez | |
Instalazio berrietan inbertitzeko edo daudenak hobetzeko laguntza eskatzen du. | Bai/Ez | |
Makinerian inbertitzeko laguntza eskatzen du, eta baso ustiapenean aritzen diren autonomo edo enpresa berriak dira (laguntza eskaera aurkeztu aurreko 12 hilabeteen barruan hasi badira jardunean). | Bai/Ez | |
Enpresak badu zaintza katearen ziurtagiri bat, edo laguntza eskatzen du hura ezartzeko baizik ez | Bai/Ez | |
Enpresako langileen profesionalizazio maila egiaztatzen du | Bai/Ez | |
Enpresak enplegua sortu du azken urtean | Bai/Ez |
ERANTZUKIZUNEZ ADIERAZTEN DUT:
1.–Enpresak zerga betebeharrak eta Gizarte Segurantzarekikoak eguneratuak dituela eta Foru Ogasunarekin ez duela iraungitako, likidatutako eta galdatzen ahal den zorrik.
2.–Eskaera honi erantsitako datuak benetakoak direla, eta ez dagoela Dirulaguntzei buruzko azaroaren 9ko 11/2005 Foru Legearen 13.2 artikuluan ezarritako egoeraren batean, horiek dirulaguntza publikoen onuradun izateko desgaitzen baitute.
3.–Inbertsioaren barrenean ez dela sartu erabilitako makineria eta ekipamenduak eskuratu edo instalatzea, ezta makineria konpondu edo mantentze-lanetako gastuak edo ekipamendu edo makineria zaharra ordezteko gastuak ere, salbu eta ekipamendu eta makineria ezberdina eskuratzea badakar, dela erabiltzen duen teknologiagatik, dela –oro har edo orduka– errendimendu hobea izateagatik.
4.–Enpresak hitz ematen duela ez dizkiela dirulaguntzaren xedeko ondasunak hirugarrenei eskualdatu, alokatu edo lagako, erosi eta bost urtean gutxienez, edo, gutxiago irauten badute, ondasunen balio-bizitza osoan.
5.–EZ duela eskatu edo lortu Espainiako edo atzerriko beste administrazio edo entitate publiko edo pribatu baten laguntzarik inbertsioaren xede den proiektu honetarako.
Inbertsio proiektu honetarako laguntza hauek eskatu eta lortu dituela, edo eskatu asmo dituela:
Entitate emailea | Laguntza noiz | Eskatzeko asmoa | Emandako | Zein egunetan emana |
6.–Baimena ematen duela eskabidean ageri diren datu pertsonalak erabilitako fitxategi automatikoetan sartzeko eta apirilaren 27ko 2016/679 (EB) Erregelamenduan eta Datu Pertsonalak Babesteko eta Eskubide Digitalak Bermatzeko abenduaren 5eko 3/2018 Lege Organikoan xedatutakoaren arabera tratatzeko.
7.–Baimena ematen dio Landa Garapeneko eta Ingurumeneko Departamentuari datu pertsonaletan sartzeko, beharrezkoak diren Administrazioaren fitxategi eta datu-base guztietan, laguntza hauen ondoriozko baldintza eta konpromisoak betetzen direla egiaztatzeko.
8.–Bete dituela Merkataritza-eragiketetan berankortasunari kontra egiteko neurriak ezartzen dituen abenduaren 29ko 3/2004 Legean ezarritako epeak (adierazpen horrek balioa du soil-soilik kontabilitate-araudiaren arabera galdu-irabazien kontu laburtua aurkezten ahal duten sozietateentzako).
9.–Eskabide honetan adierazten diren datu guztiak egiazkoak direla.
10.–Haren jarduera ekonomikoak ez duela kalte nabarmenik eragiten Europako Parlamentuaren eta Kontseiluaren 2020ko ekainaren 18ko 2020/852 (EB) Erregelamenduaren 17. artikuluan adierazitako ingurumen-helburuetan. Erregelamendu hori inbertsio jasangarriak errazteko esparrua ezartzeari buruzkoa da eta Taxonomiari buruzko 2019/2088 (EB) Erregelamendua aldatzen du.
KONPROMISO HAUEK HARTZEN DITU:
1.–Espediente hau tramitatzeko eskatzen diren agiri guztiak aurkeztea eta, orobat, aurkezturiko proiektua eta harturiko konpromisoak benetan bete direla egiaztatzeko egiten diren ikuskapenak erraztea.
2.–Administrazioari jakinaraztea lanak zein egunetan hastea aurreikusi den.
3.–Beharrezko frogagiriak ezarritako moduan eta epean aurkeztea, jasotako funtsak adierazitako helbururako erabili direla egiaztatzeko.
HONETARAKO BAIMENA EMATEN DU:
1.–Administrazioak egiten dituen errekerimendu eta jakinarazpenak posta elektronikoz egin ditzala, hain zuzen ere laguntzak eskatzeko inprimakian emandako helbide elektronikoen bitartez.
………................................... (e)n, ......….(e)ko .……………......…………aren …….(e)an
(Enpresaren legezko ordezkariaren izen irakurgarria, sinadura eta zigilua)
DATUEN BABESARI BURUZKO INFORMAZIOA |
ZURE DATUEN TRATAMENDUAREN ARDURADUNA Identitatea: Landa Garapeneko eta Ingurumeneko Departamentua Helbidea: González Tablas kalea 9, 31005 Iruña Helbide elektronikoa: gestinfo@navarra.es Datuen babeseko ordezkaria: Helbide elektronikoa: dpd@navarra.es |
DATU PERTSONALEN TRATAMENDUAREN HELBURUA Datu pertsonalak tratatuko dira, 2023-2027rako NPEPEtik eratorritako baso-lanetarako laguntzak kudeatzeko, toki entitateek eta eragile pribatuek sustatutakoak––––––. Datu pertsonalak gordeko dira prozedura izapidetzeko eta ebazteko behar den denboran. |
ZURE DATU PERTSONALEN TRATAMENDUAREN LEGITIMAZIOA a) Europako Parlamentuaren eta Kontseiluaren 2016ko apirilaren 27ko 2016/679 (EB) Erregelamenduaren 6.1.a) artikulua: interesduna ados da bere datu pertsonalak tratatzeko helburu espezifiko baterako edo gehiagotarako. |
DATUEN NAZIOARTEKO LAGAPENEN EDO TRANSFERENTZIEN HARTZAILEAK Datu pertsonalak ez dira lagako eta ez dira transferituko, lege betebeharra egon ezean |
INTERESDUNEN ESKUBIDEAK Interesdunak eskubidea du datu pertsonaletan sartzeko, haiek zuzentzeko, deuseztatzeko, tratamendua mugatzeko, kontra egiteko eta datuak eramateko. Horretarako, idatzizko eskaera igorri behar dio departamentuko Informazioa Kudeatzeko Atalari, goian adierazitako helbidera edo gestinfo@navarra.es helbide elektronikora, eta bere NANaren edo identifikazio agiri baliokidearen kopia erantsi beharko du. Halaber, erabiltzaileek Datuak Babesteko Espainiako Bulegora jo dezakete erreklamazio bat aurkezteko, uste badute ez zaiola behar bezala erantzun beren eskaerari. |
DATUEN JATORRIA, INTERESDUNAK BERAK EMAN EZ DITUENEAN Zure eskaerarako beharrezkoa bada, administrazio publikoaren eskuan dagoen informazioa egiaztatuko da. |
INFORMAZIO GEHIGARRIA Honako web-orri honen bidez: www.gobiernoabierto.navarra.es/eu |
2.–ERANTZUKIZUNPEKO ADIERAZPENA, HORNITZAILEA AUKERATZEKO ERABAKIA JUSTIFIKATZEN DUENA.
Jarraian frogatzen da ezen hornitzailea aukeratu dela efizientziaren eta ekonomiaren irizpideei jarraikiz. Horretarako, eskatutako hiru eskaintzen kopia eransten zaio inprimakiari, eta justifikatzen da zergatik hautatu den aukeratutako hori:
1. Inbertsio eta gastu diruz lagungarriaren deskribapena: 2. Inbertsio eta gastu diruz lagungarriaren justifikazioa: |
3. Eskatutako eskaintzen zerrenda: | Fakturaren data (ikus 3. oharra) | Zenbatekoa |
euroak | ||
euroak | ||
euroak |
4. Eskaintza hori hautatzeko arrazoia: |
Honen eskaintza hautatu dut: arrazoi honengatik: Merkeena da. Beste arrazoi batzuk (ikus 2. oharra): . Justifikatzen dut, gastuaren ezaugarri bereziak direla eta, merkatuan ez dagoela zerbitzu edo hornidura hori egiten duen entitate aski (ikus 1. oharra): . |
1. oharra: gastuaren ezaugarri bereziak direla eta, merkatuan zerbitzu edo hornidura hori egiten duen entitate aski ez dagoela justifikatuz gero (4. atala), ez da beharrezkoa izanen hiru eskaintza aurkeztea.
2. oharra: aukeratzen den eskaintza ez bada merkeena eta, laguntzak kudeatzen dituen organoaren iritziz, behar bezala egiaztatzen ez badira efizientzia eta ekonomia irizpideak, eskaintzarik merkeena adinako gastua baizik ez da diruz lagunduko.
3. oharra: hornitzaileak egindako eskaintzen fakturek oinarri arautzaile hauek Nafarroako Aldizkari Ofizialean argitaratu ondorengo datakoak izan beharko dute, ahalik eta gehien egokitu daitezen merkatuko prezioetara, hots, laguntza eskaerak aurkezteko unekoetara.
………................................... (e)n, ......….(e)ko .……………......…………aren …….(e)an
(Enpresaren legezko ordezkariaren izen irakurgarria, sinadura eta zigilua)
IV. ERANSKINA.–BASOLANETAN, BASO APROBETXAMENDUETAN, BASOGINTZAKO ZERBITZUETAN ETA BASOKO PRODUKTUEN LEHEN ERALDAKETAN BASOGINTZAKO INBERTSIO PRODUKTIBOAK EGITEKO LAGUNTZEN ORDAINKETA-ESKABIDEA (NPEPEren 6883 esku-hartzea) 2026ko kanpaina
DATU PERTSONALAK.
Izen-deiturak/Sozietatearen izena | |
NANa/IFK | |
Espedientearen zenbakia |
Honako dokumentazio hau eransten da:
Fakturak.
Ordainagiriak edo balio bera duten beste frogagiri batzuk.
Beste batzuk: .................................................................................................................................
Dirulaguntza zer jarduketarako den eta zenbatekoa den eskatutako laguntza (bietan, kasuan kasuko urteari dagozkionak).
Emandako dirulaguntzaren zenbatekoa | euroak |
Ordaintzeko eskatzen den zenbatekoa (1) | euroak |
ADIERAZTEN DUT agiri hau sinatzen den egunerako bukatu ditudala dirulaguntzaren xedeko inbertsioak, eta hauek direla nire espedientean gauzatu ditudan kontzeptu guztiak.
………................................... (e)n, ......….(e)ko .……………......…………aren …….(e)an
Sinadura
Iragarkiaren kodea: F2516545
Sarbidea
Nafarroako Aldizkari Ofiziala
Paseo Pablo Sarasate, 38, 2.º izda.
31001 - Iruña
848 42 12 50
