1. NAFARROAKO FORU KOMUNITATEA
1.7. BESTELAKOAK
1290E/2026 EBAZPENA, azaroaren 8koa, Ingurumeneko zuzendari nagusiak emana, zeinaren bidez baimentzen baita Corellako udal mugartean dagoen ZF Aftermarket Ibérica SL marruskadura-materiala fabrikatzeko instalazioaren aldaketa, baldintzak aldatzeko proiektua gauzatzeko; hala, instalazioak eta jardueraren garapenak ebazpen honen eranskinean jasotako baldintzak bete beharko dituzte.
Espediente mota | Ingurumen-baimen bateratuaren baldintzak aldatzea |
Espedientearen kodea | 0001-0061-2026-000058 | Hasiera eguna | 2026-09-01 |
Kudeaketa unitatea | Ekonomia Zirkularraren eta Berrikuntzaren Zerbitzua |
Telefonoa | 848426254-848427587 | Helbide elektronikoa | autprema@navarra.es |
Sailkapena | Legeria | Jarduera |
17/2020 Foru Legea, abenduaren 16koa | 1. eranskina / 2.9 taldea |
1/2016 ELD, abenduaren 16koa | I. eranskina / Sartu gabeko zentroa |
2010/75/EB Zuzentaraua, azaroaren 24koa | I. eranskina / Sartu gabeko zentroa |
21/2013 Legea, abenduaren 9koa | Sartu gabeko zentroa |
Instalazioa | Marruskadura-materiala fabrikatzea |
Titularra | ZF Aftermarket Ibérica SL |
Ingurumen identifikaziorako zenbakia | 3107700985 |
Tokia | Ombatillo industrialdea z.g., 7. poligonoa, 1036. lurzatia |
Koordenatuak | UTM-ETRS89, 30N eremua, X: 599.437 eta Y: 4.662.445 |
Udalerria | Corella |
Proiektua | VLEak aldatzea |
Egun abian den instalazio horrek ingurumen-baimen bateratua du, Ingurumenean Eragina duten Jarduerak arautzen dituen abenduaren 16ko 17/2020 Foru Legearen hirugarren xedapen iragankorra aplikatuta eman baitzitzaion; izan ere, jarduera hori sarturik dago aipatutako foru lege horren 1. eranskineko 2.9 taldean.
2026ko irailaren 1ean, titularrak bere ingurumen-baimen bateratuan dauden baldintzak aldatzeko eskatu zuen, zehazki:
- 25. fokuaren emaria handitzea, orduko 125.000 Nm³-tik 140.000 Nm³-ra.
- 26. fokuan oxigenoaren erreferentzia kentzea, errekuntza aire korrontearen bidezkoa baita.
Eskaerarekin batera neurketak jasotzen dituen txosten bat aurkeztu da, baimendutako kontrol erakunde batek egina, non azaltzen baita, halaber, 26. fokuaren errekuntza aire korrontearen bidezkoa dela.
Era berean, azterketa teknikoan ikusi da 25. eta 27. labeetako fokuak beste CAPCA kode bati dagozkiola, labe elektrikoak direlako, itsasgarria (disolbatzailerik gabekoa) aplikatu ondoren piezak lehortzeko. Beraz, bidezkoa da horiek 04 06 17 17 kodean sailkatzea eta C taldea mantentzea.
Ekonomia Zirkularraren eta Berrikuntzaren Zerbitzuak, aurkeztutako eskaera aztertuta, ondorioztatu du onargarria dela; izan ere, eskatzen dena bat dator instalazioak ingurumen aldetik eduki beharreko funtzionamendu egokiarekin eta teknika erabilgarri onenen aplikazioarekin.
Ingurumenean Eragina duten Jarduerak arautzen dituen abenduaren 16ko 17/2020 Foru Legearen 28. artikuluan xedatutakoa aplikatuz, bidezkoa da ingurumen baimen bateratua aldatzea.
Ebazpen proposamena hamabost egunez egon da instalazioaren titularrari entzunaldia emateko tramitean, eta hark ez du proposamenaren aurkako alegaziorik aurkeztu.
Adierazitakoarekin bat, eta Landa Garapeneko eta Ingurumeneko Departamentuaren egitura organikoa ezartzen duen azaroaren 15eko 255/2023 Foru Dekretuak ematen dizkidan eskudantziak erabiliz,
EBAZTEN DUT:
Lehenengoa.–Onartzea marruskadura-materiala fabrikatzen duen instalazio baten ingurumen-baimen bateratuan ezarritako funtzionamendu baldintzen aldaketa. Horren ondorioz, instalazioak eta hango jarduerak ebazpen honen eranskinean ezarritako baldintzak bete beharko dituzte. Instalazioa Corellako udal mugartean dago eta haren titularra ZF Aftermarket Ibérica SL da.
Bigarrena.–Ebazpen hau Nafarroako Aldizkari Ofizialean argitaratzea.
Hirugarrena.–Ebazpen honek ez du administrazio bidea amaitzen, eta espedientean interesa dutenek, administrazio publikoek izan ezik, gora jotzeko errekurtsoa jartzen ahalko dute haren aurka, Landa Garapeneko eta Ingurumeneko kontseilariari zuzendua, hilabeteko epean. Administrazio publikoek administrazioarekiko auzi-errekurtsoa jartzen ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Epeak ebazpen hau jakinarazi eta biharamunetik aurrera kontatuko dira.
Laugarrena.–Ebazpen hau ZF Aftermarket Ibérica SLri eta Ezkabarteko Udalari igortzea, behar diren ondorioak izan ditzan.
Iruñean, 2026ko azaroaren 8an.–Ingurumeneko zuzendari nagusia, Ana Bretaña de la Torre.
Oharra: ebazpen honetan aipatzen diren eranskinak interesdunen eskura egonen dira Ingurumen Zuzendaritza Nagusiaren bulegoetan (González Tablas kalea 9, behea, Iruña; Ekonomia Zirkularraren eta Berrikuntzaren Zerbitzua) eta Nafarroako Gobernuaren webgune honetan: https://extra.navarra.es/InformacionPublicaPRTR/ConsultasAAU.html#/ConsultaAutorizacionesAmbientalesUnificadas.
Iragarkiaren kodea: F2614590