231. ALDIZKARIA - 2026ko azaroaren 19a

1. NAFARROAKO FORU KOMUNITATEA

1.7. BESTELAKOAK

729/2026 EBAZPENA, azaroaren 6koa, Hezkuntzako eta Lanbide Heziketako zuzendari nagusiak emana, irailaren 22ko 636/2026 Ebazpena aldatzen duena, zeinaren bidez antolaketaren eta funtzionamenduaren gaineko jarraibideak onesten baitira 2026-2027 ikasturtean Nafarroako erdi eta goi mailako heziketa zikloetan sartzeko ikastaroetarako, aitorpenei eta salbuespenei dagokienez.

Hezkuntzako eta Lanbide Heziketako zuzendari nagusiaren irailaren 22ko 636/2026 Ebazpenaren bidez, antolaketaren eta funtzionamenduaren gaineko jarraibideak onetsi dira 2026-2027 ikasturtean Nafarroako erdi eta goi mailako heziketa zikloetan sartzeko ikastaroetarako. Eranskinaren 6. kapituluko 1. atalean jasota dago aurreko emaitzak aitortzeko, salbuesteko eta tratatzeko matrizea.

Jarraibide horiek aplikatzean, ikusi da atal horretan ez dela berariaz jasotzen zenbait pertsonak espedientean jadanik aitortuta dutela salbuetsita egotea aurreko sarrera ikastaroetako edo probetako esparru jakin batzuetatik. Hutsune hori zuzendu behar da, eta zehaztu nola eraman salbuespen horiek kasuan kasuko oinarrizko konpetentzien modulu berrietara, aldez aurretik aitortutako egoeren ondorioei eutsiz.

Era berean, beharrezkotzat jotzen da aipatutako atala argiago idaztea, zehazteko zer kasutan egiten den aitorpena edo salbuespena, zer dokumentazio, hala badagokio, aurkeztu behar den, zer egiaztapen eginen den ofizioz eta zer eragin izanen duen horrek batez besteko notaren kalkuluan. Jatorrizko kalifikazioari eusten dion aitorpena eta salbuespena bereizten dira, eta balio konputagarria bost puntukoa izanen da aurreikusitako kasuetan. Bestalde, ezartzen da 2026-2027 ikasturteko sarrera probetako modulu homologoei ere korrespondentzia horiek aplikatzea.

Horrenbestez, Lanbide Heziketaren Plangintza eta Integraziorako Zerbitzuaren aldeko txostena ikusita, eta Hezkuntza Departamentuaren egitura organikoa ezartzen duen azaroaren 15eko 245/2023 Foru Dekretuak ematen dizkidan ahalmenak erabiliz,

EBAZTEN DUT:

1. 1. atala (Aurreko emaitzak aitortzeko, salbuesteko eta tratatzeko matrizea) aldatzea Hezkuntzako eta Lanbide Heziketako zuzendari nagusiaren irailaren 22ko 636/2026 Ebazpenaren eranskineko 6. kapituluan. Ebazpen honen eranskinean jasotako moduan geldituko da idatzirik. Aipatutako ebazpenaren gainerako jarraibideak aldatu gabe mantentzen dira.

2. Ezartzea ezen Nafarroan 2026-2027 ikasturtean erdi mailako eta goi mailako heziketa zikloetan sartzeko eginen diren proben modulu homologoei ere aplikatuko zaizkiela ebazpen honen eranskineko aldaketan adierazten diren korrespondentziak, dokumentazioa eta batez besteko notaren kalkuluaren gaineko ondorioak, kasuan kasuko deialdietako gainerako betebeharrak, prozedurak eta baldintzak aldatu gabe.

3. Ebazpen hau eta eranskina Nafarroako Aldizkari Ofizialean argitaratzea.

4. Ebazpen hau eta eranskina igortzea, behar diren ondorioak izan ditzaten, Lanbide Heziketaren Plangintza eta Integraziorako Zerbitzuari, Hezkuntzako Ikuskapen Zerbitzuari, Antolamendu, Prestakuntza eta Kalitate Zerbitzuari, Kudeaketa Juridiko-administratiboaren Atalari, Ikastetxeetako Informazioa Kudeatzeko Atalari, Eskolatze Bulegoari, Etengabeko Prestakuntzaren Bulegoari eta ukitutako ikastetxeei.

5. Ebazpen honen eta eranskinaren aurka gora jotzeko errekurtsoa jar daiteke, Hezkuntzako kontseilariari zuzendua, hilabeteko epean, Nafarroako Aldizkari Ofizialean argitaratu eta biharamunetik hasita.

Iruñean, 2026ko azaroaren 6an.–Hezkuntzako eta Lanbide Heziketako zuzendari nagusia, Gil Sevillano González.

ERANSKINA.–IRAILAREN 22KO 636/2026 EBAZPENAREN ERANSKINEKO 6. KAPITULUKO 1. ATALAREN IDAZKETA BERRIA

1.–Aurreko emaitzak aitortzeko, salbuesteko eta tratatzeko matrizea.

Oinarrizko konpetentzien moduluak aitortzeko eta salbuesteko kasuak, egiaztagiriak eta emaitzak taula honetan ezarritakoak izanen dira:

FROGATU BEHARREKO BETEBEHARRA

AURKEZTU BEHARREKO
DOKUMENTAZIOA

EMAITZA

Gainditua izatea komunikazioaren esparrua Nafarroako erdi mailako graduan sartzeko ikastaroan edo Nafarroako erdi mailako graduan sartzeko proban (2025-2026 ikasturtea eta aurrekoak)

Ez da dokumentaziorik aurkeztu behar, ofizioz egiaztatzen baita (erdi mailan sartzeko ikastaroaren edo probaren espedientean egiaztatzen da)

Komunikaziorako oinarrizko konpetentziaren 3M mailako modulua aitortzea, notarekin

Salbuetsita izatea komunikazioaren esparrua Nafarroako erdi mailako graduan sartzeko ikastaroan edo Nafarroako erdi mailako graduan sartzeko proban (2025-2026 ikasturtea eta aurrekoak)

Ez da dokumentaziorik aurkeztu behar, ofizioz egiaztatzen baita (erdi mailan sartzeko ikastaroaren edo probaren espedientean egiaztatzen da)

Komunikaziorako oinarrizko konpetentziaren 3M mailako modulutik salbuestea (5, batez besteko nota kalkulatzeko)

Gainditua izatea esparru zientifiko-teknologikoa Nafarroako erdi mailako graduan sartzeko ikastaroan edo Nafarroako erdi mailako graduan sartzeko proban (2025-2026 ikasturtea eta aurrekoak)

Ez da dokumentaziorik aurkeztu behar, ofizioz egiaztatzen baita (erdi mailan sartzeko ikastaroaren edo probaren espedientean egiaztatzen da)

Matematikarako oinarrizko konpetentziaren 3M mailako modulua aitortzea, notarekin

Salbuetsita izatea esparru zientifiko-teknologikoa Nafarroako erdi mailako graduan sartzeko ikastaroan edo Nafarroako erdi mailako graduan sartzeko proban (2025-2026 ikasturtea eta aurrekoak)

Ez da dokumentaziorik aurkeztu behar, ofizioz egiaztatzen baita (erdi mailan sartzeko ikastaroaren edo probaren espedientean egiaztatzen da)

Matematikarako oinarrizko konpetentziaren 3M mailako modulutik salbuestea (5, batez besteko nota kalkulatzeko)

Gainditua izatea esparru sozial-digitala erdi mailan sartzeko proban (2025-2026 ikasturtea)

Ez da dokumentaziorik aurkeztu behar, ofizioz egiaztatzen baita (erdi mailan sartzeko probaren espedientean egiaztatzen da)

Oinarrizko konpetentzia digitalaren 3M mailako modulua aitortzea, notarekin

Gainditua izatea Hizkuntza irakasgaia goi mailan sartzeko ikastaroan (2025-2026 ikasturtea eta aurrekoak) edo goi mailan sartzeko proban Nafarroan (2024-2025 ikasturtea eta aurrekoak)

Ez da dokumentaziorik aurkeztu behar, ofizioz egiaztatzen baita (goi mailan sartzeko ikastaroaren edo probaren espedientean egiaztatzen da)

Komunikaziorako oinarrizko konpetentziaren 4M mailako modulua aitortzea, notarekin

Gainditua izatea komunikazio esparrua goi mailan sartzeko proban (2025-2026 ikasturtea)

Ez da dokumentaziorik aurkeztu behar, ofizioz egiaztatzen baita (goi mailan sartzeko probaren espedientean egiaztatzen da)

Komunikaziorako oinarrizko konpetentziaren 4M mailako modulua aitortzea, notarekin

Gainditua izatea Matematika irakasgaia goi mailan sartzeko ikastaroan (2025-2026 ikasturtea eta aurrekoak) edo goi mailan sartzeko proban Nafarroan (2024-2025 ikasturtea eta aurrekoak)

Ez da dokumentaziorik aurkeztu behar, ofizioz egiaztatzen baita (goi mailan sartzeko ikastaroaren edo probaren espedientean egiaztatzen da)

Matematikarako oinarrizko konpetentziaren 4M mailako modulua aitortzea, notarekin

Gainditua izatea esparru matematikoa goi mailan sartzeko proban (2025-2026 ikasturtea)

Ez da dokumentaziorik aurkeztu behar, ofizioz egiaztatzen baita (goi mailan sartzeko probaren espedientean egiaztatzen da)

Matematikarako oinarrizko konpetentziaren 4M mailako modulua aitortzea, notarekin

Gainditua izatea IKT irakasgaia goi mailan sartzeko ikastaroan (2025-2026 ikasturtea eta aurrekoak) edo goi mailan sartzeko proban Nafarroan (2024-2025 ikasturtea eta aurrekoak)

Ez da dokumentaziorik aurkeztu behar, ofizioz egiaztatzen baita (goi mailan sartzeko ikastaroaren edo probaren espedientean egiaztatzen da)

Oinarrizko konpetentzia digitalaren 4M mailako modulua aitortzea, notarekin

Gainditua izatea esparru digitala goi mailan sartzeko proban (2025-2026 ikasturtea)

Ez da dokumentaziorik aurkeztu behar, ofizioz egiaztatzen baita (goi mailan sartzeko probaren espedientean egiaztatzen da)

Oinarrizko konpetentzia digitalaren 4M mailako modulua aitortzea, notarekin

Gainditua izatea lehengo Hizkuntzako 2. mailako oinarrizko konpetentzia

Hizkuntzako 2. mailako oinarrizko konpetentziak dituela frogatzen duen ziurtagiriaren fotokopia

Komunikaziorako oinarrizko konpetentziaren 3M mailako modulutik salbuestea (5, batez besteko nota kalkulatzeko)

Gainditua izatea lehengo Matematikako 2. mailako oinarrizko konpetentzia

Matematikako 2. mailako oinarrizko konpetentziak dituela frogatzen duen ziurtagiriaren fotokopia

Matematikarako oinarrizko konpetentziaren 3M mailako modulutik salbuestea (5, batez besteko nota kalkulatzeko)

Gainditua izatea lehengo Hizkuntzako 3. mailako oinarrizko konpetentzia

Hizkuntzako 3. mailako oinarrizko konpetentziak dituela frogatzen duen ziurtagiriaren fotokopia

Komunikaziorako oinarrizko konpetentziaren 4M mailako modulutik salbuestea (5, batez besteko nota kalkulatzeko)

Gainditua izatea lehengo Matematikako 3. mailako oinarrizko konpetentzia

Matematikako 3. mailako oinarrizko konpetentziak dituela frogatzen duen ziurtagiriaren fotokopia

Matematikarako oinarrizko konpetentziaren 4M mailako modulutik salbuestea (5, batez besteko nota kalkulatzeko)

3M mailako oinarrizko konpetentzia oso bat egiaztatzea, zeina lortu baita otsailaren 11ko 86/2025 Errege Dekretuaren prozeduraren bidez (KOM-MAT-DIG)

Dagokion oinarrizko konpetentziaren ziurtagiria (KOM-MAT-DIG). Ez da dokumentaziorik aurkeztu behar, ofizioz egiaztatzen baita (baldin eta ebaluazioa eta egiaztapena Nafarroan egin badira)

Oinarrizko konpetentziaren 3M mailako modulutik salbuestea (KOM-MAT-DIG) (5, batez besteko nota kalkulatzeko)

4M mailako oinarrizko konpetentzia oso bat egiaztatzea, zeina lortu baita otsailaren 11ko 86/2025 Errege Dekretuaren prozeduraren bidez (KOM-MAT-DIG)

Dagokion oinarrizko konpetentziaren ziurtagiria (KOM-MAT-DIG). Ez da dokumentaziorik aurkeztu behar, ofizioz egiaztatzen baita (baldin eta ebaluazioa eta egiaztapena Nafarroan egin badira)

Oinarrizko konpetentziaren 4M mailako modulutik salbuestea (KOM-MAT-DIG) (5, batez besteko nota kalkulatzeko)

Eskuratze-maila positiboa hizkuntza komunikazioko konpetentzian, DBHko 4. maila titulaziorik gabe amaitu ondoren ("Lortu da [maila baxua]", "Lortu da [maila ertaina]", "Lortu da [maila altua]")

Historia akademikoa, maila positiboa frogatzen duena hizkuntza komunikazioko konpetentzian, DBHko 4. maila egin ondoren

Komunikaziorako oinarrizko konpetentziaren 3M mailako modulutik salbuestea (5, batez besteko nota kalkulatzeko)

Eskuratze-maila positiboa matematikarako konpetentzian eta zientzia, teknologia eta ingeniaritzako konpetentzian, DBHko 4. maila titulaziorik gabe amaitu ondoren ("Lortu da [maila baxua]", "Lortu da [maila ertaina]", "Lortu da [maila altua]")

Historia akademikoa, maila positiboa frogatzen duena matematikarako konpetentzian eta zientzia, teknologia eta ingeniaritzako konpetentzian, DBHko 4. maila egin ondoren

Matematikarako oinarrizko konpetentziaren 3M mailako modulutik salbuestea (5, batez besteko nota kalkulatzeko)

Eskuratze-maila positiboa konpetentzia digitalean, DBHko 4. maila titulaziorik gabe amaitu ondoren ("Lortu da [maila baxua]", "Lortu da [maila ertaina]", "Lortu da [maila altua]")

Historia akademikoa, maila positiboa frogatzen duena konpetentzia digitalean, DBHko 4. maila egin ondoren

Oinarrizko konpetentzia digitalaren 3M mailako modulutik salbuestea (5, batez besteko nota kalkulatzeko)

Eskuratze-maila positiboa hizkuntza komunikazioko konpetentzian, Batxilergoko 2. maila titulaziorik gabe amaitu ondoren ("Lortu da [maila baxua]", "Lortu da [maila ertaina]", "Lortu da [maila altua]")

Historia akademikoa, maila positiboa frogatzen duena hizkuntza komunikazioko konpetentzian, Batxilergoko 2. maila egin ondoren

Komunikaziorako oinarrizko konpetentziaren 4M mailako modulutik salbuestea (5, batez besteko nota kalkulatzeko)

Eskuratze-maila positiboa matematikarako konpetentzian eta zientzia, teknologia eta ingeniaritzako konpetentzian, Batxilergoko 2. maila titulaziorik gabe amaitu ondoren ("Lortu da [maila baxua]", "Lortu da [maila ertaina]", "Lortu da [maila altua]")

Historia akademikoa, maila positiboa frogatzen duena matematikarako konpetentzian eta zientzia, teknologia eta ingeniaritzako konpetentzian, Batxilergoko 2. maila egin ondoren

Matematikarako oinarrizko konpetentziaren 4M mailako modulutik salbuestea (5, batez besteko nota kalkulatzeko)

Eskuratze-maila positiboa konpetentzia digitalean, Batxilergoko 2. maila titulaziorik gabe amaitu ondoren ("Lortu da [maila baxua]", "Lortu da [maila ertaina]", "Lortu da [maila altua]")

Historia akademikoa, maila positiboa frogatzen duena konpetentzia digitalean, Batxilergoko 2. maila egin ondoren

Oinarrizko konpetentzia digitalaren 4M mailako modulutik salbuestea (5, batez besteko nota kalkulatzeko)

Aitorpena notarekin egiten denean, jatorrizko esparruaren edo irakasgaiaren zenbakizko kalifikazioa gordeko da, eta kasuan kasuko moduluaren balio konputagarri gisa erabiliko da, sarrera ikastaroaren edo probaren batez besteko nota kalkulatzeko. Taulako salbuespen kasuetan, bost puntukoa izanen da balio konputagarria. Moduluak aitortuta edo salbuetsita egotearen izaerari eutsiko dio, zer dagokion, eta kalkulurako erabilitako balioa ez da izanen ebaluazio bidez lortutako kalifikazio berri bat.

Otsailaren 11ko 86/2025 Errege Dekretuaren prozeduraren bidez lortutako M3 edo M4 mailaren egiaztapen ofizialak berekin ekarriko du maila berari lotutako ikaskuntzaren emaitza aitortzea.

Iragarkiaren kodea: F2614762