1. NAFARROAKO FORU KOMUNITATEA
1.1. XEDAPEN OROKORRAK
1.1.3. Foru Aginduak
79/2026 FORU AGINDUA, urriaren 30ekoa, Ekonomia eta Ogasuneko kontseilariak emana, zeinaren bidez onesten baita 174 eredua, "Era guztietako txartelei buruzko aitorpen informatiboa" izenekoa.
Abenduaren 23ko 148/2025 Foru Dekretuaren artikulu bakarreko hamalaugarren atalak informazioa emateko beste betebehar bat ezarri du Pertsona Fisikoen Errentaren gaineko Zergaren Erregelamenduan, zeina maiatzaren 24ko 174/1999 Foru Dekretuaren bidez onetsi baitzen. Betebehar hori 62.23 artikuluan arautu da, zehazki.
Betebehar berri hori da urteko aitorpen informatibo bat aurkeztea, mota guztietako txartelen titulartasunaz eta haiekin egindako eragiketei buruzkoa, baldin eta txartel horiek diruzko, zordunketako, zordunketa geroratuko, kredituko eta diru elektronikoko funtzioak eskaintzen badituzte. Hortaz, ohiko kredituko eta zordunketako txartelak ez ezik, beste batzuk ere sartzen dira, esate baterako aurreordainketako txartelak edo online ordainketak egiteko txartel birtualak. Nolanahi ere, aitorpena mugatuta dago txartel batzuetara, zehazki ekitaldian erregistratutako kargu eta ordainketen zenbateko osoa 25.000 eurokoa edo handiagoa dutenetara.
Aitorpena aurkezteko betebeharra izanen dute banku- edo kreditu-trafikoan aritzen diren entitateek, bai eta ordainketa edo diru elektronikoko entitateek ere eta, oro har, txartelak ematen dituen beste edozein entitatek.
Aitorpen informatibo berri hori aurkezteko, foru agindu honetan 174 eredua onesten da, "Era guztietako txartelei buruzko aitorpen informatiboa" izenekoa, eman beharreko informazioa zehazten duten mezu informatikoen edukiarekin batera.
Pertsona fisikoen errentaren gaineko zergari buruzko Erregelamenduaren 62.24 artikuluari jarraikiz, aitorpen informatiboa zerga arloko eskumena duen departamentuko titularrak ezartzen dituen epeetan, ereduekin eta moduan eginen da.
Emandako gaikuntzaz baliatuz,
AGINTZEN DUT:
1. artikulua. 174 eredua onestea.
174 eredua onesten da, "Era guztietako txartelei buruzko aitorpen informatiboa" izenekoa. Eranskinean dago.
2. artikulua. 174 eredua aurkeztu behar dutenak.
Nafarroako Foru Ogasunean 174 eredua aurkeztu beharko dute, Estatuaren eta Nafarroako Foru Komunitatearen arteko Hitzarmen Ekonomikoaren 46.2 artikuluaren arabera, Pertsona fisikoen errentaren gaineko zergaren Erregelamenduaren 62.23 artikuluan adierazten diren entitateek (maiatzaren 24ko 174/1999 Foru Dekretuaren bidez onetsitako erregelamendua).
3. artikulua. 174 ereduko informazioaren xedea.
174 ereduan aitortu beharko da eranskinean jaso den informazioa, Pertsona fisikoen errentaren gaineko zergaren Erregelamenduaren 62.23 artikuluan ezarritakoari jarraikiz; aitorpenetik kanpo gelditzen dira ekitaldian erregistratutako kargu eta ordainketen zenbateko osoa 25.000 eurotik beherakoa izan duten txartelak.
4. artikulua. 174 eredua aurkezteko aldizkakotasuna eta epea.
174 eredua urtero aurkeztuko da, eman beharreko informazioa zer urteri dagokion, hurrengo urteko urtarrilaren 1etik 31ra.
5. artikulua. 174 eredua aurkezteko modua.
174 eredua formatu elektronikoan soilik izanen da eskuragarria eta modu elektronikoan aurkeztu beharko da, Internet bidez, 7. eta 8. artikuluetan azaltzen diren baldintza orokorren eta prozeduraren arabera.
Eredua aurkezten dutenek kontuan hartu beharko dituzte aurkezpen elektroniko hori egiteko behar diren arau teknikoak, Nafarroako Gobernuaren web-orrian argitaratuak daudenak, Nafarroako Foru Ogasunari dagokion atalean.
6. artikulua. 174 eredua aurkezteko gaikuntza.
Honako hauek aurkezten ahalko dute 174 eredua elektronikoki:
a) Aurkezteko betebeharra dutenek edo, kasua bada, haien ordezkariek.
b) Zergen aplikazioan laguntzaile sozialen izaera duten pertsonek edo entitateek, Tributuei buruzko abenduaren 14ko 13/2000 Foru Lege Orokorraren 90. artikuluan eta ekainaren 29ko 130/2009 Foru Aginduan xedatutakoarekin bat (kanpo-lankidetzarako akordioa onesten duen foru agindua, hirugarren pertsonen izenean telematika bidez aurkezteko aitorpenak, jakinarazpenak eta zerga arloko beste agiri batzuk, eta telematika bidez tramitatzeko tributu zorren ordainketa).
7. artikulua. 174 ereduaren aurkezpen elektronikoa egiteko baldintza orokorrak.
174 ereduaren aurkezpen elektronikoa egiteko, baldintza orokor hauek bete beharko dira:
a) Eredua aurkezten duenak identifikazio fiskaleko zenbakia (IFZa) eduki beharko du.
b) Aurkezpen elektronikoa egiteko, men eginen zaie Ekonomia eta Ogasuneko kontseilariaren uztailaren 3ko 132/2009 Foru Aginduaren 2. artikuluan ezarritako baldintza orokorrei, foru agindu horretan arautzen baita zer kasutan den nahitaezkoa baliabide telematikoen bidez aurkeztea zenbait zerga aitorpen.
8. artikulua. 174 ereduaren aurkezpen elektronikoa egiteko prozedura.
1. 174 eredua aurkezteko, mezu informatikoak bidaliko dira 174 eredua aurkezteko izapidean gaitutako web-zerbitzuaren bidez, Nafarroako Gobernuaren web-orrian, Nafarroako Foru Ogasunari dagokion atalean.
Mezu horiek 9. artikuluan ezarritako edukia, formatua eta diseinua izanen dituzte.
2. Aitorpenak akatsik badu, errefusatzeko arrazoirik ez duten erregistroak bakarrik onartuko dira. Kasu horretan, erantzunaren mezu informatikoak onartutako eta errefusatutako erregistroen zerrendak jasoko ditu, zergatik ez diren onartu adierazita.
Baldin erregistro bakar bat, behintzat, onartzen bada, mezu informatikoak egiaztatzeko kode seguru bat ere izanen du, hamasei karakterekoa, baita aurkezpen eguna eta ordua ere, erregistro aurkeztu eta onartuen frogagiri gisa.
Baldin erregistroa errefusatzen bada, behar diren zuzenketak egin beharko dira, eta berriz ere aurkeztu.
9. artikulua. Mezu informatikoen edukia, formatua eta diseinua.
Aitorpen informatiboari dagozkion mezu informatikoak bat etorriko dira eranskinean agertzen den edukiarekin, eta haien formatua eta diseinua Nafarroako Gobernuaren web-orrian, Nafarroako Foru Ogasunari dagokion atalean, agertzen direnak izanen dira.
Azken xedapen bakarra.–Indarrean paratzea.
Foru agindu hau Nafarroako Aldizkari Ofizialean argitaratu eta biharamunean jarriko da indarrean, eta 2026ko urtarrilaren 1etik aurrera izanen ditu ondorioak. 2026ko ekitaldiari dagozkion aitorpenetan aplikatuko da aurrenekoz, zeinak 2027ko urtarrilean aurkeztuko baitira.
Iruñean, 2026ko urriaren 30ean.–Ekonomia eta Ogasuneko kontseilaria, José Luis Arasti Pérez.
ERANSKINA.–174 eredua. Era guztietako txartelei buruzko aitorpen informatiboa
Era guztietako txartelei buruzko aitorpen informatiboaren edukia
Foru agindu honetan xedatutakoa betez Nafarroako Foru Ogasunari igortzen zaizkion mezu informatikoek ondoren azaltzen den informazioa izanen dute.
I.–Alta eta aldaketa mezuen erregistro eremuak eta zehaztapen funtzionalak.
LEGENDA | EREMUA |
* | Nahitaezko eremua |
(N) = | Talde errepikakorra |
Beltzez = | Aukerako eremua |
| Hautapen-eremua |
BLOKEA | DATUAK / MULTZOA | DATUAK / MULTZOA | DATUAK / MULTZOA | DATUAK / MULTZOA | DATUAK / MULTZOA | DATUAK / MULTZOA | DESKRIBAPENA | FORMATUA LUZERA ZERRENDA |
Goiburua* | Eredua* | | | | | | Aitorpenaren eredua | Zenbakizkoa (3) |
Ekitaldia* | | | | | | Ekitaldia | Zenbakizkoa (4) |
Bertsioa* | | | | | | Informazioa aurkezteko erabilitako eskemaren bertsioaren identifikazioa | Alfanumerikoa (3) Z0 |
Aitortzailea* | Izena Sozietate izena* | | | | | Aitortzailearen izen-deiturak edo sozietate izena | Alfanumerikoa (120) |
IFZa* | | | | | Aitortzailearen IFZaren identifikazioa. | IFZformatua (9) |
Kontaktua | Telefonoa* | | | | Harremanetarako pertsonaren telefono zenbakia | Zenbakizkoa (12) |
Izen-deiturak* | | | | Harremanetarako pertsonaren deiturak eta izena | Alfanumerikoa (120) |
Aitortua* (N) | Komunikazio mota* | | | | | | Eragiketa mota (alta, baja edo aldaketa) | Alfanumerikoa (2) Z1 |
Erregistroaren ID* | | | | | | Xehetasun-erregistroaren identifikatzailea | Alfanumerikoa (50) |
Kontratua* | Kontratu zenbakia* | | | | | Entitateak txartelak jaulkitzeko egindako kontratu zenbakia | Alfanumerikoa (120) |
Kontratuaren titularra* | Izena Sozietate izena* | | | | Kontratuaren titularraren izen-deiturak edo sozietatearen izena | Alfanumerikoa (120) |
IFZa* | | | | Kontratuaren titularraren IFZaren identifikatzailea | IFZarenFormatua(9) |
Bestelako ID* | Herrialdearen kodea | | | Aitortutako IFZari lotutako herrialdearen kodea | Alfanumerikoa (2) (ISO 3166-1 alpha-2 codes). Z2 |
ID Type* | | | Bizi den herrialdeko identifikazio-mota ezartzeko gakoa | Alfanumerikoa (2) Z3 |
ID* | | | Bizi den herrialdeko identifikazio zenbakia | Alfanumerikoa (20) |
Jaiotze data | | | | Eremu hau pertsona fisikoen kasuan beteko da, jaiotze data adieraziz | Data (UUUUHHEE) |
| | | Bizi den herrialdea* | | | | Kontratuaren titularra bizi den herrialdearen kodea | Alfanumerikoa (2) (ISO 3166-1 alpha-2 codes) Z2 |
Aitortutako txartela*(Z) | Zenbakia* | | | | Txartel zenbakia (PAN) | Zenbakizkoa (19) |
Mota* | | | | Aitortutako txartel mota ezartzeko gakoa | Alfanumerikoa (1) Z6 |
Aitortzailea* | Aitortzaile mota* | | | Aitortzaileak txartelarekin duen lotura ezartzeko gakoa: titularra, baimendua, onuraduna, beste batzuk | Alfanumerikoa (1) Z4 |
Izena Sozietate izena* | | | Aitortzailearen izen-deiturak edo sozietate izena | Alfanumerikoa (120) |
IFZa* | | | Aitortzailearen IFZaren identifikatzailea | IFZarenFormatua(9) |
ID Beste bat* | Herrialdearen kodea | | Aitortutako IFZari lotutako herrialdearen kodea | Alfanumerikoa (2) (ISO 3166-1 alpha-2 codes). Z2 |
ID Type* | | Bizi den herrialdeko identifikazio-mota ezartzeko gakoa | Alfanumerikoa (2) Z3 |
ID* | | Bizi den herrialdeko identifikazio zenbakia | Alfanumerikoa (20) |
Jaiotze data | | | Eremu hau pertsona fisikoen kasuan beteko da, jaiotze data adieraziz | Data (UUUUHHEE) |
Bizi den herrialdea* | | | Aitortzailea bizi den herrialdearen kodea | Alfanumerikoa (2) (ISO 3166-1 alpha-2 codes). Z2 |
Txarteleko ordainketak | Ordainketa kop.* | | | Txartelean egindako ordainketa eragiketen kopurua, guztira | Zenbakizkoa (9) |
Ordainketen zenbatekoa* | | | Txartelean egindako ordainketen zenbatekoa, guztira | Zenbakizkoa, hamartarrekin (20,2) |
Txartelaren kargatzeak | Kargatze kop* | | | Txartelean eskudirutan egindako kargatzeen kopuru osoa | Zenbakizkoa (9) |
Kargatzeen zenbatekoa* | | | Txartelean eskudirutan egindako kargatzeen zenbatekoa, guztira | Zenbakizkoa, hamartarrekin (20,2) |
Txarteleko karguak | Karguen kop.* | | | Txartelarekin egindako kargu eragiketen kopurua, guztira | Zenbakizkoa (9) |
Karguen zenbatekoa* | | | Txartelarekin egindako karguen zenbatekoa, guztira | Zenbakizkoa, hamartarrekin (20,2) |
Txartelaren gastuak | Gastuen kop* | | | Establezimenduetan egindako ordainketen ondorioz, txartelarekin egindako gastuen kopuru osoa | Zenbakizkoa (9) |
Gastuen zenbatekoa* | | | Establezimenduetan egindako ordainketen ondorioz, txartelarekin egindako gastuaren zenbatekoa, guztira | Zenbakizkoa, hamartarrekin (20,2) |
Txarteleko eskudirua | Diru-ateratzeen kop* | | | Txartelean egindako diru-ateratzeen kopurua, guztira | Zenbakizkoa (9) |
Diru-ateratzeen zenbatekoa* | | | Txartelarekin egindako diru-ateratzeen zenbatekoa, guztira | Zenbakizkoa, hamartarrekin (20,2) |
| | | KontuIDa | IBAN* | | | Txartela zer banku-konturen kargu ematen den, edo zeinetan islatzen diren eragiketak, haren IBAN zenbakia | Alfanumerikoa (34) |
Beste bat* | Type* | | Lotutako kontua ez bada IBAN zenbakiarekin identifikatzen, kontu mota adierazi | Alfanumerikoa (1) Z5 |
IDa* | | Txartelarekin lotutako kontuaren identifikazioa | Alfanumerikoa (20) |
SWIFT | | Txartela zer banku-konturen kargu ematen den, edo zeinetan islatzen diren eragiketak, banku-kontu horren finantza entitatearen edo sukurtsalaren SWIFTa | Alfanumerikoa (11) |
II.–Zerrenda motako eremuetan onartutako gakoak eta balioak.
L0-IDVersionM174:
BALIOAK | DESKRIBAPENA |
1.0 | Informazioa trukatzeko erabilitako eskemaren egungo bertsioa |
Z1-Jakinarazpen-mota:
BALIOAK | DESKRIBAPENA |
0. EK. | Erregistroaren alta |
A1 | Aldaketa (erregistroko akatsen zuzenketa) |
A2 | Erregistroaren baja |
Z2-Herrialdearen kodea:
Abenduaren 15eko EHA/3496/2011 Aginduaren (abenduaren 26ko Estatuko Aldizkari Ofiziala) II. eranskinean jasotako herrialde eta lurraldeen kodeen arabera informatuko da.
Z3-Identifikazio motak:
BALIOAK | DESKRIBAPENA |
02 | BEZa-IFZa |
03 | Pasaportea |
04 | Bizi den herrialdean duen identifikazio fiskaleko zenbakia (TINa) |
05 | Bizileku-ziurtagiria |
06 | Froga-balioa duen beste agiri bat |
Z4-Aitortzaile mota:
BALIOAK | DESKRIBAPENA |
1 | Titularra |
2 | Baimendua |
3 | Onuraduna |
4 | Beste batzuk |
Z5-Kontuaren identifikazioa:
BALIOAK | DESKRIBAPENA |
1 | Entitatearen barnekoa ez den kontua |
2 | Entitatearen barneko kontua |
Z6-Aitortutako txartel mota:
BALIOAK | DESKRIBAPENA |
1 | Kredituko txartela |
2 | Zordunketako txartela |
3 | Zordunketa geroratuko txartela |
4 | Diru elektronikoko txartela |
5 | Eskudiruzko txartela |
6 | Beste batzuk |
Iragarkiaren kodea: F2614223