1. NAFARROAKO FORU KOMUNITATEA
1.7. BESTELAKOAK
262/2026 EBAZPENA, urriaren 27koa, Azpiegituretako, Digitalizazioko eta Hezkuntza Zerbitzuetako zuzendari nagusiak emana, zeinaren bidez aldatzen baita Burlatako "Regina Pacis" Haur Hezkuntzako lehen zikloko ikastetxe pribatuaren baimena, titularra aldatu delako.
Aztertu da Burlatako "Regina Pacis" Haur Hezkuntzako lehen zikloko ikastetxe pribatuaren lehengo titularrak eta titular berriak batera eskatuta hasitako espedientea. Ikastetxearen kodea 31013999 da eta helbidea Burlatako Kale Nagusiko 54 zenbakian du.
Aurkeztutako notario-dokumentazioa aztertu da, non jakinarazten baita "Fundación Arenales" delakoak (IFZa: G85885291) ikastetxearen instalazioak erosi dituela.
Ikusirik titular berriak aurkeztutako adierazpena, non konpromisoa hartzen baitu ikastetxea kudeatzen jarraitzeko eta aurreko titularraren eskubide eta betebehar guztietan subrogatzen baita.
Nafarroan Haur Hezkuntzako lehen zikloa arautzen duen eta hura irakasten duten ikastetxeek bete beharreko baldintzak ezartzen dituen martxoaren 26ko 28/2007 Foru Dekretuaren 29. artikuluan xedatutakoa aplikatuta.
Hezkuntza Departamentuaren egitura organikoa ezartzen duen azaroaren 15eko 245/2023 Foru Dekretuak emandako ahalmenak erabiliz,
EBAZTEN DUT:
1. Aldatzea Burlatako Kale Nagusiko 54an helbidea duen "Regina Pacis" Haur Hezkuntzako lehen zikloko ikastetxe pribatuaren baimena (ikastetxe kodea: 31013999), titularra aldatu delako. Aldaketak 2026ko irailaren 1etik aurrera izanen ditu ondorioak.
2. Ikastetxearen erregistro-datu berriak honako hauek dira:
Ikastetxearen kodea: 31013999.
Ikastetxearen titularra: Fundación Arenales (IFZa: G85885291).
Izen generikoa: Haur Hezkuntzako lehen zikloko ikastetxe pribatua.
Berariazko izena: "Regina Pacis".
Helbidea: Kale Nagusia 54.
Herria: Burlata, p. kd. 31600.
Udalerria: Burlata.
Baimendutako irakaskuntzak: Haur Hezkuntzako lehen zikloa, Nafarroan Haur Hezkuntzako etapako curriculuma ezartzen duen ekainaren 1eko 61/2022 Foru Dekretuan Nafarroarako ezarritako hezkuntza edukien arabera. 1 urtetik 3 urtera arteko adin tarterako eskainiko ditu irakaskuntza horiek ikastetxeak.
Baimendutako gehieneko edukiera: ikastetxeak ikasturte bakoitzean adin tarteetan sortzen diren beharren arabera banatzen ahalko ditu baimendutako 2 unitateak, betiere errespetatuta unitate bakoitzeko gehieneko ikaspostu kopurua, Nafarroan Haur Hezkuntzako lehen zikloa arautzen duen eta hura irakasten duten ikastetxeek bete beharreko baldintzak ezartzen dituen ekainaren 1eko 61/2022 Foru Dekretuan ezarritakoa.
3. Aditzera ematea titular berriak ikastetxe horretan eragina duten indarreko legeek ezarritako eskubide, betebehar eta karga guztiak izaten jarraituko duela.
4. Titular berriari gogoraraztea ezen, ikastetxearen egungo konfigurazioan aldaketaren bat egiteko, horren ondorioz ebazpen honen 2. atalean ezarritako erregistro-datuak, instalazioak edo haren espazioen erabilera edo destinoa aldatzen badira, Hezkuntza Departamentuari behar den baimena eskatu beharko zaiola, bat etorriz martxoaren 26ko 28/2007 Foru Dekretuaren 29. artikuluan ezarritakoarekin.
5. Adieraztea ezen ikastetxearen baimena azkendu edo errebokatzen ahalko dela martxoaren 26ko 28/2007 Foru Dekretuaren 30. artikuluan ezartzen diren kasuetan eta prozeduren bidez.
6. Titular aldaketa Nafarroako Ikastetxeen Erregistroan erregistratzea, eta idazpen berria helaraztea Hezkuntzako, Lanbide Heziketako eta Kiroletako Ministerioaren Ikastetxeen Estatuko Erregistrora.
7. Ebazpen hau ikastetxearen entitate titularrari jakinaraztea, eta interesdunari ohartaraztea ezen haren aurka gora jotzeko errekurtsoa jar daitekeela, Hezkuntza Departamentuko kontseilariari zuzendua, jakinarazi eta biharamunetik hasita hilabeteko epean.
8. Ebazpen hau igortzea Hezkuntzako Azpiegituren Zerbitzura, Hezkuntzako Ikuskapen Zerbitzura, Hezkuntzako Informazio Sistemen Zerbitzura eta Ikastetxeetako Informazioa Kudeatzeko Atalera.
9. Ebazpen hau Nafarroako Aldizkari Ofizialean argitara dadila agintzea.
Iruñean, 2026ko urriaren 27an.–Azpiegituretako, Digitalizazioko eta Hezkuntza Zerbitzuetako zuzendari nagusia, Luis Calatayud Yuste.
Iragarkiaren kodea: F2614250