Iragarkia

224. ALDIZKARIA - 2026ko azaroaren 10a

1. NAFARROAKO FORU KOMUNITATEA

1.7. BESTELAKOAK

198/2026 EBAZPENA, urriaren 20koa, Enpresen Sustapenerako eta Azpiegituretako zuzendari nagusiak emana, zeinaren bidez ematen baitira aurretiazko administrazio baimena eta eraikitzeko administrazio baimena, honetarako: elektrizitatea bateriatan biltegiratzeko instalazioa (1 MW), "BESS GARCES" izenekoa, eta hari lotutako transformazio- eta ebakuazio-azpiegiturak, Funesko udal mugartean. Espedientearen kodea: 0181-ALM.

2025eko azaroaren 5ean, Distopia Energia SLk aurretiazko administrazio baimena eta eraikitzeko administrazio baimena eskatu zituen, honetarako: elektrizitatea bateriatan biltegiratzeko instalazioa (1 MW / 4,175 kWh), "BESS GARCES" izenekoa, eta hari lotutako transformazio- eta ebakuazio-azpiegiturak, Funesko udal mugartean.

Biltegiratzeko instalazioa industria-lurzoruan kokatuko da, Funesko 10. poligonoko 219. lurzatian, eta honako ezaugarri tekniko hauek izanen ditu:

–ST4175UX-4H elektrizitatea bateriatan biltegiratzeko estazioa, 4,175 MWh-ko guztizko ahalmen instalatuarekin eta bi noranzkoko SC210HX motako 5 inbertsorerekin.

–Biltegiratze-estazioaren zerbitzu osagarriak, segurtasunez eta etengabe lan egin ahal izateko.

–"GARCES" transformazio-, babes- eta neurketa-zentroa, etxola prefabrikatukoa, 1 MVA-ko transformadorearekin, 13,2/0,69 kV-eko transformazio-erlazioarekin, eta lau gelaxkaz hornitua (1L + 1M + 2V).

–13,2 kV-eko lurpeko linea, "GARCES" transformazio-zentroaren eta "CS BESS GARCES" ebakitze-zentroaren artean (i-DE, Redes Eléctricas Inteligentes SAUren jabetza): 215 metro eroale –RHZ1 12/20 kV 3 (1x150) mm²–.

Beraz, bat etorrita azaroaren 5eko 997/2025 Errege Dekretuaren 5. artikuluan ezarritakoarekin, biltegiratzeko instalazio elektrikoaren potentzia instalatua 1 MW da.

Energia elektrikoa garraiatu, banatu, merkaturatu eta hornitzeko jarduerak, batetik, eta instalazioak baimentzeko prozedurak, bestetik, arautzen dituen abenduaren 1eko 1955/2000 Errege Dekretuaren 125. artikuluan agindutakoa betetzeko, eskaera jendaurrean jarri zen 30 egun baliodunean, eta, horretarako, iragarkia paratu zen 2026ko 14. Nafarroako Aldizkari Ofizialean, urtarrilaren 20koan, eta dokumentazioa Nafarroako Gobernu Irekiaren web-fitxan argitaratu zen. Era berean, informazioa Funesko Udalari igorri zitzaion, epe berean jendaurrean jar zezan ediktuen taulan.

Ez zen alegaziorik jaso.

Horrekin batera, abenduaren 1eko 1955/2000 Errege Dekretuaren 127. eta 131. artikuluetan ezarritakoa aplikatuz, proiektua bidali zitzaien honako erakunde hauei, eta taulan adierazten diren txostenak jaso ziren:

Abenduaren 1eko 1955/2000 Errege Dekretuaren 127. eta 131. artikuluekin bat etorriz, aipatutako txostenak sustatzaileari bidali zitzaizkion, eta berak adierazi zuen txostenekin ados zegoela.

Txosten horien edukia eta azterketa laburbiltzen dira ebazpen honen I. eranskinean.

Espedientean jasota daude Ingurumeneko zuzendari nagusiaren apirilaren 13ko 223E/2026 Ebazpena, ingurumen inpaktuaren aldeko txostena formulatzen duena, eta Lurralde Antolamenduko zuzendari nagusiaren urriaren 14ko 473E/2026 Ebazpena, baimena ematen duena proiekturako lurzoru urbanizaezinean jarduerak eta erabilerak egiteko. Ebazpen horietan jasotako determinazioak bete beharrekoak dira.

Sektore Elektrikoari buruzko abenduaren 26ko 24/2013 Legean eta abenduaren 1eko 1955/2000 Errege Dekretuan xedatutakoa betez, jasota dago egiaztatuta daudela Distopia Energia SLren legezko gaitasuna, gaitasun teknikoa eta ekonomikoa.

Era berean, Sektore Elektrikoari buruzko abenduaren 26ko 24/2013 Legearen 53. artikuluak ezartzen duenarekin bat, Distopia Energia SLk banaketa sarearen kudeatzailearen baimena du sarbidea eta konexioa egiteko proiektuan jasotzen den puntuan (erreferentzia: 9045089469).

Horregatik, aurkeztutako dokumentazioa aztertuta, eta Sektore Elektrikoari buruzko abenduaren 26ko 24/2013 Legean eta abenduaren 1eko 1955/2000 Errege Dekretuan xedatutakoa aintzat hartuta, Industria Antolamenduaren, Azpiegitura Energetikoen eta Meatzeen Zerbitzuaren Azpiegitura Energetikoen Atalak ondorioztatu du prozedura era egokian egin dela, eta proposatu du Distopia Energia SLri aipatu instalaziorako aurretiazko administrazio baimena eta eraikitzeko administrazio baimena ematea.

Adierazitakoarekin eta espedientean jasotako agiriekin bat, eta Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak erabilita,

EBAZTEN DUT:

1. Aurretiazko administrazio baimena eta eraikitzeko administrazio baimena ematea, honetarako: elektrizitatea bateriatan biltegiratzeko instalazioa (1 MW), "BESS GARCES" izenekoa, eta hari lotutako transformazio- eta ebakuazio-azpiegiturak, Funesko udal mugartean. Horretarako, aurkeztutako proiektua onetsi da, eta hogeita hamasei hilabeteko epea ematen da obrak gauzatzeko.

2. Instalazioak onetsitako proiektuari jarraikiz gauzatu beharko dira, eta bat etorri beharko dute honako hauetan xedatutakoarekin: Goi tentsioko instalazio elektrikoen baldintza teknikoei eta segurtasun bermeei buruzko erregelamendua onesten duen maiatzaren 9ko 337/2014 Errege Dekretua eta haren jarraibide tekniko osagarriak JTO-GTE 01etik 23ra; Goi tentsioko linea elektrikoen baldintza teknikoei eta segurtasun bermeei buruzko erregelamendua onesten duen otsailaren 15eko 223/2008 Errege Dekretua eta haren jarraibide tekniko osagarriak JTO-GTL 01etik 09ra; eta Behe tentsioko erregelamendu elektroteknikoa onesten duen abuztuaren 2ko 842/2002 Errege Dekretua.

3. Behin proiektua gauzatuta, eskatzaileak probetarako behin-behineko ustiapenerako baimena eskatu beharko du. Eskaera horri erantsiko zaizkio aipatutako araudian ezarritako agiriak eta obra bukaeraren ziurtagiria, teknikari fakultatibo eskudun batek sinatua.

4. Baimen hau emanda ere, eskatzaileak lortu beharko ditu instalazioa gauzatzeko beharrezkoak diren kontzesio, lizentzia eta baimen guztiak, publikoak nahiz pribatuak, bat etorrita aplikatzekoak diren beste xedapen batzuekin.

5. Ebazpen hau igortzea, behar diren ondorioak izan ditzan, Industria Antolamenduaren, Azpiegitura Energetikoen eta Meatzeen Zerbitzuari, Larrialdietako, Prebentzioko eta Babes Zibileko Zerbitzuari, Gobernu Irekiaren eta Herritarrentzako Arretaren Zerbitzuari, Paisaiaren eta Landa-lurzoruaren Atalari eta Ingurumen Ebaluaziorako Atalari.

6. Ebazpen hau Nafarroako Aldizkari Ofizialean argitaratzea, orok jakin dezan.

7. Ebazpen hau jakinaraztea Distopia Energia SLri eta I-DE Redes Eléctricas Inteligentes SAUri, eta ohartaraztea ebazpen honek ez duela administrazio bidea amaitzen eta beraren aurka gora jotzeko errekurtsoa jartzen ahal dela, Industriako eta Enpresen Trantsizio Ekologiko eta Digitalerako kontseilariari zuzendua, ebazpen hau jakinarazi eta biharamunetik hilabete iragan baino lehen, errekurtsoan espedientearen kodea adierazita.

8. Ebazpen hau Funesko Udalari jakinaraztea, eta aditzera ematea honen kontra administrazioarekiko auzi-errekurtsoa jartzen ahal dela, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean, ezertan galarazi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.

Iruñean, 2026ko urriaren 22an.–Enpresen Sustapenerako eta Azpiegituretako zuzendari nagusia, Iñigo Arruti Torre.

I. ERANSKINA.–JASOTAKO TXOSTENAK

Jarraian, jasotako txostenen laburpena eta azterketa azalduko dira:

1. txostena.–Larrialdietako, Prebentzioko eta Babes Zibileko Zerbitzua

2025eko abenduaren 29an jasotako txostenean, Larrialdietako, Prebentzioko eta Babes Zibileko Zerbitzuak hau adierazi du:

"Aldeko txostena ematen da proiektu honi buruz: Distopia Energia SLk sustatutako BESS GARCES proiektua, hau da, energia elektrikoa biltegiratzeko baterien instalazioa, 1 MW-eko potentzia instalatua eta 4,175 MWh-ko ahalmena dituena, eta hura sarera konektatzeko azpiegiturak Funesko (Nafarroa) 10. poligonoko 291. lurzatian eraikitzeko.

Gomendatzen da landaredi lehorrik gabe eta baso-masa bakanduarekin mantentzea 8 m-ko zerrenda bat instalazioaren inguruan".

Erantzuna: 2026ko irailaren 9an, sustatzaileak honako hau adierazi zuen: "Alderdi honek ez du ezer alegatzeko, eta erabat ados dago horrekin".

2. txostena.–I-DE Redes Eléctricas Inteligentes SAU.

2026ko otsailaren 13an jasotako txostenean, I-DE Redes Eléctricas Inteligentes SAUk honako hau adierazten du: "Adierazitako dokumentuetan aurkeztutako informazioa aztertu dugu eta ados gaude planteatutako justifikazioekin eta proiektuarekin".

Erantzuna: 2026ko irailaren 9an, sustatzaileak honako hau adierazi zuen: "Alderdi honek ez du ezer alegatzeko, eta erabat ados dago horrekin".

Iragarkiaren kodea: F2613820