1. NAFARROAKO FORU KOMUNITATEA
1.7. BESTELAKOAK
252/2026 EBAZPENA, urriaren 15ekoa, Azpiegituretako, Digitalizazioko eta Hezkuntza Zerbitzuetako zuzendari nagusiak emana, zeinaren bidez aldatzen baita Burlatako "Regina Pacis" Haur Hezkuntzako, Lehen Hezkuntzako eta Derrigorrezko Bigarren Hezkuntzako ikastetxe pribatuaren baimena, titularra aldatu delako.
Aztertu da Burlatako "Regina Pacis" Haur Hezkuntzako, Lehen Hezkuntzako eta Derrigorrezko Bigarren Hezkuntzako ikastetxe pribatuaren lehengo titularrak eta titular berriak batera eskatuta hasitako espedientea. Ikastetxearen kodea 31001456 da eta helbidea Burlatako Ermita kaleko 15 zenbakian du.
Aurkeztutako notario-dokumentazioa aztertu da, non jakinarazten baita "Fundación Arenales" delakoak (IFZa: G85885291) ikastetxearen instalazioak erosi dituela.
Ikusirik titular berriak aurkeztutako adierazpena, non konpromisoa hartzen baitu ikastetxea kudeatzen jarraitzeko eta aurreko titularraren eskubide eta betebehar guztietan subrogatzen baita.
Nafarroako Foru Komunitatean araubide orokorreko irakaskuntza ez-unibertsitarioa ematen duten ikastetxe pribatuak baimentzeko prozedura ezarri zuen uztailaren 6ko 251/1992 Foru Dekretuak 16. artikuluko g) letran ezarritakoa aplikatuz.
Hezkuntza Departamentuaren egitura organikoa ezartzen duen azaroaren 15eko 245/2023 Foru Dekretuak emandako ahalmenak erabiliz,
EBAZTEN DUT:
1. Aldatzea Burlatako "Regina Pacis" Haur Hezkuntzako, Lehen Hezkuntzako eta Derrigorrezko Bigarren Hezkuntzako ikastetxe pribatuaren baimena (ikastetxe kodea: 31001456), titularra aldatu delako. Aldaketak 2026ko irailaren 1etik aurrera izanen ditu ondorioak.
2. Burlatako "Regina Pacis" Haur Hezkuntzako, Lehen Hezkuntzako eta Derrigorrezko Bigarren Hezkuntzako ikastetxe pribatuaren erregistro-datu berriak honako hauek dira:
Ikastetxearen kodea: 31001456.
Ikastetxearen titularra: Fundación Arenales (IFZa: G85885291).
Izen generikoa: Haur Hezkuntzako, Lehen Hezkuntzako eta Derrigorrezko Bigarren Hezkuntzako ikastetxe pribatua.
Berariazko izena: "Regina Pacis".
Helbidea: Ermita kalea 15.
Herria: Burlata, P.K. 31600.
Udalerria: Burlata.
Baimendutako irakaskuntzak: Haur Hezkuntzako 2. zikloa, Lehen Hezkuntza eta Derrigorrezko Bigarren Hezkuntza.
Baimendutako gehieneko ikaspostuak: Haur Hezkuntzan 3 unitate, unitate bakoitzean araudian ezartzen den gehieneko ikaspostu kopuruarekin; Lehen Hezkuntzan 6 unitate, 150 ikaspostu guztira; Derrigorrezko Bigarren Hezkuntzan 4 unitate, 120 ikaspostu guztira.
3. Adieraztea titular berriak izanen dituela, aipatu ikastetxeari dagokienez, indarra duen legerian ezarritako eskubide, betebehar eta karga guztiak, batez ere Nafarroako Gobernuarekiko hezkuntza itunen araubideari dagokion orotan.
4. Titular berriari gogoraraztea ezen, ikastetxearen konfigurazioan aldaketaren bat egiteko, horren ondorioz ebazpen honen 2. atalean ezarritako erregistro-datuak, instalazioak edo haren espazioen erabilera edo destinoa aldatzen badira, Hezkuntza Departamentuari behar den baimena eskatu beharko zaiola, bat etorriz uztailaren 6ko 251/1992 Foru Dekretuaren III. tituluan ezarritakoarekin (251/1992 Foru Dekretua, Nafarroan araubide orokorreko unibertsitateaz kanpoko ikastetxeak baimentzeko prozedura arautzen duena).
5. Adieraztea ikastetxearen baimena azkendu edo errebokatzen ahalko dela aipatutako foru dekretuaren IV. tituluan ezarritako kasuetan eta prozeduren bidez.
6. Titular aldaketa Nafarroako Ikastetxeen Erregistroan erregistratzea, eta idazpen berria helaraztea Hezkuntzako eta Lanbide Heziketako Ministerioaren Ikastetxeen Estatuko Erregistrora.
7. Ebazpen hau ikastetxearen entitate titularrari jakinaraztea, eta interesdunari jakinaraztea ezen haren aurka gora jotzeko errekurtsoa jar daitekeela, Hezkuntza Departamentuko kontseilariari zuzendua, jakinarazi eta biharamunetik hasita hilabeteko epean.
8. Ebazpen hau igortzea Azterlan Ekonomikoen eta Ikastetxeen Finantzaketaren Zerbitzura, Nominen eta Gizarte Aseguruen Zerbitzura, Hezkuntzako Azpiegituren Zerbitzura, Hezkuntzako Ikuskapen Zerbitzura, Hezkuntzako Informazio Sistemen Zerbitzura, Ikasketetarako Laguntzen eta Hezkuntza Zerbitzuen Kudeaketaren Atalera eta Ikastetxeetako Informazioa Kudeatzeko Atalera.
9. Ebazpen hau Nafarroako Aldizkari Ofizialean argitara dadila agintzea.
Iruñean, 2026ko urriaren 15ean.–Azpiegituretako, Digitalizazioko eta Hezkuntza Zerbitzuetako zuzendari nagusia, Luis Calatayud Yuste.
Iragarkiaren kodea: F2613603
