1. NAFARROAKO FORU KOMUNITATEA
1.7. BESTELAKOAK
281/2026 EBAZPENA, urriaren 8koa, Vianako Printzea Erakundea-Kulturako zuzendari nagusiak emana, zeinaren bidez zenbait ebaluazio-erabaki onesten baitira, dokumentu-sail hauei buruzkoak: "Trafikoko eta bide-segurtasuneko arau-hausteengatiko zehapen-espedienteak", "Trafiko-ikuskapena eta -kontrola" eta "Trafikoko administrazio-salaketak".
Nafarroako Artxibo Garaikidearen Ataleko buruak Artxiboen eta Dokumentu Ondarearen Zerbitzuko zuzendariaren oniritziarekin egindako txostenean azaldutakoagatik, Dokumentuen Ebaluaziorako Batzordeak urriaren 5eko bilkuran hartutako erabakiak igortzen dira:
1.258 erabakia, "Trafikoko eta bide-segurtasuneko arau-hausteengatiko zehapen-espedienteak" dokumentu-sailari buruzkoa.
1.259 erabakia, zeinaren bidez "Trafiko-ikuskapena eta -kontrola" eta "Trafikoko administrazio-salaketak" dokumentu-sailak gordetzeko epeak aldatzen baitira (330. eta 341. erabakiak, hurrenez hurren, 2015eko maiatzaren 15eko bilkuran hartuak).
Horrenbestez, Kultura, Kirol eta Turismo Departamentuaren egitura organikoa onesten duen azaroaren 15eko 256/2023 Foru Dekretuak ematen dizkidan eskudantziak erabiliz,
EBAZTEN DUT:
1. Onestea 1.258 ebaluazio-erabakia, "Trafikoko eta bide-segurtasuneko arau-hausteengatiko zehapen-espedienteak" dokumentu-sailari buruzkoa, eta 1.259 erabakia zeinaren bidez "Trafiko-ikuskapena eta -kontrola" eta "Trafikoko administrazio-salaketak" dokumentu-sailak gordetzeko epeak aldatzen baitira. Ebazpen honen I. eranskinean jasota daude.
2. Erabakien testua Nafarroako Aldizkari Ofizialean argitaratzea.
3. Ebazpen hau igortzea, behar diren ondorioak izan ditzan, Kultura, Kirol eta Turismo Departamentuko Idazkaritza Tekniko Nagusira eta Kultura, Kirol eta Turismo Departamentuko Artxiboen eta Dokumentu Ondarearen Zerbitzura, Laguntza Juridikoaren eta Zehapenen Atalera eta Foruzaingora.
Iruñean, 2026ko urriaren 8an.–Vianako Printzea Erakundea-Kulturako zuzendari nagusia, Ignacio Apezteguía Morentin.
I. ERANSKINA
Laguntza Juridikoaren eta Zehapenen Atala
Trafiko Zerbitzua.
Erabaki zenbakia | 1.258 | Erabakiaren data | 2026ko urriaren 5a |
Sailaren izena | Trafikoko eta bide-segurtasuneko arau-hausteengatiko zehapen-espedienteak |
Aplikazio eremua | Administrazio autonomikoa |
Eskumen arloa | Trafikoa eta bide-segurtasuna |
Xedea | Trafikoko, ibilgailuen zirkulazioko eta bide-segurtasuneko zehapenak izapidetzea, trafiko- eta zirkulazio-arauak hausteagatik, eta kasuan kasuko zehapenak ezartzea. |
Espedienteko dokumentuak | –Salaketa dokumentua –Salaketaren jakinarazpena (edo kopia) –Hartu-agiriak / posta bidezko jakinarazpenak edo jakinarazpen elektronikoak –Alegazio-idazkiak / deskargu-orria –Berrespen-txostenak / frogak –Ebazpen-proposamena –Zehapen-ebazpena –Ordainketa-egiaztagiriak |
Organo sortzailea | Laguntza Juridikoaren eta Zehapenen Atala / Trafiko Zerbitzua / Barne Zuzendaritza Nagusia |
IRIZPENA |
Hautapen mota Epea | Erabat deuseztatzea: Espedientea itxi eta 5 urtera (salbu eta errekurtso administratiboa edo judiziala jarri zaienak; horiek prozedura hauek amaitu arte gordeko dira) |
Laginketa mota | |
Sarbidea | Murriztua Motibazioa: –Dokumentuek datu pertsonalak dituzte |
Oharrak | |
Erabaki zenbakia | 1.259 | Erabakiaren data | 2026ko urriaren 5a |
Sailaren izena | Dokumentuen Ebaluaziorako Batzordeak 2015eko maiatzaren 15eko bilkuran hartutako erabakiak aldatzea: 0330 Trafiko-ikuskapena eta -kontrola 0341 Trafikoko administrazio-salaketak |
Aplikazio eremua | Administrazio autonomikoa |
Eskumen arloa | Trafikoa eta bide-segurtasuna |
Xedea | Gordetzeko epeak aldatzea |
Organo sortzailea | Foruzaingoa |
IRIZPENA |
Hautapen mota Epea | Erabat deuseztatzea: Espedientea itxi eta 5 urtera |
Iragarkiaren kodea: F2613165
