2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
PUIU
Diru-bilketarako 2027ko egutegia
Puiuko Udalak, 2026ko irailaren 25ean egin ohiko osoko bilkuran, honako hau erabaki zuen:
Lehenbizikoa.–2027ko diru-bilketarako, honako egutegi hau onestea:
–Ibilgailuen gaineko udal zerga.
- Borondatez ordaintzeko epea, martxoan.
- Bankuan helbideraturik daudenak martxoaren azken egunean kobratuko dira.
–Hiri-lurreko eta landa-lurreko ondasunen gaineko kontribuzioa.
- Lehen zatiaren ordainketa. Borondatez ordaintzeko epea, maiatzean.
- Lehen zatiaren ordainketa. Bankuan helbideraturik daudenak maiatzaren azken egunean kobratuko dira.
- Bigarren zatiaren ordainketa. Borondatez ordaintzeko epea, urrian.
- Bigarren zatiaren ordainketa. Bankuan helbideraturik daudenak urriaren azken egunean kobratuko dira.
–Etxebizitza hutsen gaineko zerga.
- Borondatez ordaintzeko epea, ekainean.
- Bankuan helbideraturik daudenak ekainaren azken egunean kobratuko dira.
–Ekonomia-jardueren gaineko zerga.
- Borondatez ordaintzeko epea, irailean.
- Bankuan helbideraturik daudenak irailaren azken egunean kobratuko dira.
–Herri-lurrak eta errentamenduak.
- Borondatez ordaintzeko epea, urrian.
- Bankuan helbideraturik daudenak urriaren azken egunean kobratuko dira.
Bigarrena.–Aditzera ematea helbideratu gabeko ordainagiriak ordain daitezkeela haietan aipatzen den finantza-erakundearen edozein banku-bulegotan, ordainagiria aurkeztuta.
Helbideratutako ordainagiriak adierazitako egunean pasatuko dira kontuetara.
Borondatez ordaintzeko epea iragan ondoren, ezarriko dira Diru-bilketaren gaineko Arautegi Orokorrean finkatutako errekarguak, eta izapideak eginen dira premiamendu bidez kobratzeko.
Hirugarrena.–Agintzea osoko bilkuran harturiko erabaki hau argitara dadila Nafarroako Aldizkari Ofizialean eta Udalaren iragarki-taulan, eta herritarren eskura jartzea udal honen egoitza elektronikoan: http://pueyo.sedelectronica.es.
Laugarrena.–Alkateari ahalmena ematea behar diren agiri guztiak sina ditzan, erabaki hau aplikatzeko eta gauzatzeko.
Argitara ematen da, orok jakin dezan eta behar diren ondorioak izan ditzan.
Administrazio bidea agortzen duen erabaki honen kontra, interesdunek aurkezten ahalko dituzte ondotik zehazten diren errekurtso hauek, hautara:
–Berraztertzeko errekurtsoa, osoko bilkurari zuzendua, hilabeteko epean, erabaki hau argitaratu eta biharamunetik hasita.
–Gora jotzeko errekurtsoa, Nafarroako Administrazio Auzitegiari zuzendua, hilabeteko epean, erabaki hau argitaratu eta biharamunetik hasita.
–Administrazioarekiko auzi-errekurtsoa, jurisdikzio horretako organo eskudunari zuzendua, bi hilabeteko epean, iragarki hau argitaratu eta biharamunetik hasita.
Puiun, 2026ko irailaren 28an.–Alkatea, Unai Labat Sánchez.
Iragarkiaren kodea: L2612765
