1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
159C/2026 EBAZPENA, irailaren 28koa, Ekonomia Sozialeko eta Laneko zuzendari nagusiak emana, erabakitzen duena Nafarroako ostalaritzaren sektoreko hitzarmen kolektiboko soldatak 2025ean berrikusteari buruzko akordioa erregistratzea, gordailutzea eta Nafarroako Aldizkari Ofizialean argitaratzea.
Aztertu da ostalaritzako sektorearen hitzarmen kolektiboko soldatak 2025. urterako berrikusteari buruzko akordioa (hitzarmenaren kode-zenbakia: 31003805011981), erregistro honetan 2026ko irailaren 18an sartu dena, enpresen ordezkariek eta sindikatuen gehiengoak 2026ko otsailaren 11n sinatu ondoren.
Bat etorriz Langileen Estatutuaren Legearen testu bategina onesten duen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Hitzarmen kolektiboak, lan-akordio kolektiboak eta berdintasun-planak erregistratu eta gordailutzeari buruzko maiatzaren 28ko 713/2010 Errege Dekretuan ezarritakoarekin.
Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. artikuluak ematen dizkidan eskudantziak erabiliz, eta kontuan hartuta zer xedatzen den Eskubide Sozialetako, Ekonomia Sozialeko eta Enpleguko Departamentuaren egitura organikoa ezartzen duen azaroaren 15eko 251/2023 Foru Dekretuan,
EBAZTEN DUT:
Lehenbizikoa.–Nafarroako Hitzarmen Kolektiboen, Lan Akordio Kolektiboen eta Berdintasun Planen Erregistroan inskribatzeko agintzea.
Bigarrena.–Nafarroako Aldizkari Ofizialean argitaratzeko agintzea, orok jakin dezan.
Iruñean, 2026ko irailaren 28an.–Ekonomia Sozialeko eta Laneko zuzendari nagusia, Iñaki Mendióroz Casallo.
NAFARROAKO OSTALARITZAREN HITZARMEN KOLEKTIBOAREN BATZORDE PARITARIOAREN HOGEITA BOSGARREN AKTA
Iruñean, 2026ko otsailaren 11n.
BILDURIK:
Asociación de Empresarios de Hostelería y Turismo de Navarra elkartearen aldetik:
José Ignacio Calvo Pérez, Álvaro Valgañón Villanueva, Gonzalo Valgañón Domínguez.
Sindikatuen aldetik:
UGT: Amaia Villanueva Fernández, Mikel Lizarraga.
CCOO: Gorka Arias Ferraz.
Bi aldeek proposatuta, Ostalaritzaren Hitzarmen Kolektiboaren Batzorde Paritarioa biltzeko eskaera egin da, soldata-taulei igoera aplikatzeko, KPIaren arabera.
Lehena: Planteatutako gaia aztertzeko, Batzorde Paritarioari dei egin zitzaion 2026ko otsailaren 11n biltzeko.
Ostalaritzaren sektoreko hitzarmen kolektiboaren 4. artikuluarekin bat, soldata-taulak eguneratu dira aplikatu beharreko arau matematikoei jarraikiz. Hona hemen:
OSTALARITZA - 2025EKO BEHIN BETIKO SOLDATA-TAULAK
| I. MAILA | II. MAILA | III. MAILA | IV. MAILA | V. MAILA |
OINARRIZKO SOLDATA | 1720,01 | 1487,71 | 1325,03 | 1278,47 | 953,03 |
HITZARMEN-PLUSA | 289,71 | 255,25 | 231,17 | 224,17 | 176,09 |
MANTENU-PLUSA | 140,26 | 140,26 | 140,26 | 140,26 | 140,26 |
ANTZINATASUNA (6 URTE) | 137,60 | 119,02 | 106,00 | 102,28 | |
ANTZINATASUNA (9 URTE) | 275,20 | 238,03 | 212,01 | 204,55 | |
LOTURAGATIKO SARIA (19 URTE) | 185,09 | 185,09 | 185,09 | 185,09 | |
LOTURAGATIKO SARIA (29 URTE) | 277,62 | 277,62 | 277,62 | 277,62 | |
HILEKO SOLDATA | 2149,98 | 1883,22 | 1696,47 | 1642,90 | 1269,38 |
URTEKO SOLDATA | 29819,21 | 26084,57 | 23470,06 | 22720,17 | 17490,80 |
GAUEKO LANAREN PLUSA | 3,09 | 2,62 | 2,38 | 2,34 | |
IGANDE ETA JAIEGUNETAKO PLUSA | 32,58 | 32,58 | 32,58 | 32,58 | 32,58 |
HARRERAGILEEN PLUSA | 88,19 | 88,19 | 88,19 | 88,19 | |
HIZKUNTZEN PLUSA | 30,15 | 30,15 | 30,15 | 30,15 | 30,15 |
ASTEKO ATSEDENAREN ORDEZKO ORDAINKETA | 51,36 | 51,36 | 51,36 | 51,36 | 51,36 |
JAIEGUNEKO KONPENTSAZIOA | 38,40 | 38,40 | 38,40 | 38,40 | 38,40 |
LANEKO ARROPA | 146,66 | 146,66 | 146,66 | 146,66 | 146,66 |
Eta aztertzeko beste gairik ez dagoenez, akta sinatu eta bilera amaitu da.
Iragarkiaren kodea: F2612957
