1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
ENTZUNALDIA, honako ebazpen honen aurka jarritako gora jotzeko errekurtsoari buruzkoa: 446E/2026 Ebazpena, uztailaren 2koa, Nafarroako Berdintasunerako Institutuko zuzendari kudeatzaileak emana, zeinaren bidez ebazten baita Nafarroako toki-entitateei dirulaguntzak emateko 2026ko deialdia, emakumeen eta gizonen arteko berdintasuna sustatu eta bultzatzeko proiektuak garatzeko eta emakumeen eta gizonen arteko berdintasunerako teknikariak kontratatzeko. Espedientea: 0011-1490-2026-000000.
Burlatako Udalak gora jotzeko errekurtsoa jarri du ebazpen honen aurka: 446E/2026 Ebazpena, uztailaren 2koa, Nafarroako Berdintasunerako Institutuko zuzendari kudeatzaileak emana, zeinaren bidez ebazten baita Nafarroako toki-entitateei dirulaguntzak emateko 2026ko deialdia, emakumeen eta gizonen arteko berdintasuna sustatu eta bultzatzeko proiektuak garatzeko eta emakumeen eta gizonen arteko berdintasunerako teknikariak kontratatzeko.
Administrazio Publikoen Administrazio Prozedura Erkideari buruzko urriaren 1eko 39/2015 Legearen 45. eta 118.2 artikuluetan xedatutakoa betez, elkarte eta entitate interesdunei epatze-deia egiten zaie, iragarki hau argitaratu eta biharamunetik hamar egun balioduneko gehieneko epean gora jotzeko errekurtsoari buruzko alegazioak egin ditzaten eta egoki iruditzen zaizkien agiri eta frogagiriak aurkez ditzaten, Erregistro Orokor Elektronikoaren bidez (https://www.navarra.es/eu/tramiteak/on/-/line/Erregistro-Orokor-Elektronikoa), Nafarroako Berdintasunerako Institutuari zuzenduta, edo, bestela, Administrazio Publikoen Administrazio Prozedura Erkidearen urriaren 1eko 39/2015 Legearen 16. artikuluan jasotako bitartekoetatik edozein erabiliz.
Jarri den gora jotzeko errekurtsoaren kopia bat bidaltzeko eskatzen ahalko dute elkarte eta entitate interesdunek, eskuratu nahi izanez gero, Erregistro Orokor Elektronikoaren bidez, eta eskaeran adierazi beharko dute zer helbide elektronikotara nahi duten hura bidaltzea.
Iruñean, 2026ko urriaren 5ean.–Gai Juridikoen eta Kudeaketaren zuzendariordea, Marina Malvido Goñi.
Iragarkiaren kodea: F2613026
