2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BERRIOBEITI
Aldaketa, Artikako Mogotes PGko hirigintzako arauaren 61. artikuluaren determinazio xehatuetan. Behin betiko onespena
Berriobeitiko Udaleko Gobernu Batzarrak, 2026ko irailaren 22an egin ohiko bilkuran, behin betiko onetsi zuen Berriogoitiko UR-2 exekuzio-unitatearen birmugaketa.
Argitara ematen dira behin betiko onespenaren erabakia eta hirigintzako dokumentua, aplikatuz uztailaren 26ko 1/2017 Legegintzako Foru Dekretuaren 79. artikuluan ezarritakoa (foru dekretu horren bidez onetsi zen Lurraldearen Antolamenduari eta Hirigintzari buruzko Foru Legearen testu bategina):
Lehena.–Behin betiko onestea Berriogoitiko UR-2 exekuzio-unitatearen mugaketaren aldaketa, eta beste bi exekuzio-unitatetan banatzea (UR-2.A eta UR-2.B). Indarrean diren hirigintza-determinazioak ez dira aldatuko (aprobetxamendua/eraikigarritasuna, gehieneko etxebizitza kopurua, lagapenak eta karga-banaketa).
Bigarrena.–Adieraztea erabaki honek ez duela ez antolamendu-zehaztapenik sartzen, ez indarrean den plangintzaren lurzoru- eta eraikuntza-araubidea aldatzen; aitzitik, exekuzio-unitatea birmugatzera mugatzen da.
Hirugarrena.–Behin betiko onespenaren erabakia argitaratzea Nafarroako Aldizkari Ofizialean, hirigintza-eraginkortasuna eta -publizitatea izan ditzan, ukitutako eremua adierazita eta ondoriozko unitateak identifikatuta.
Laugarrena.–Erabaki hau jakinaraztea interesdunei eta espedientean agertzen diren gainerakoei, eta adieraztea kasu bakoitzean zer errekurtso diren bidezkoak.
Hori guztia jakinarazten da, eta ohartarazten honako errekurtsoak jartzen ahal direla ebazpen honen aurka:
–Berraztertzeko errekurtsoa, hautara, egintza eman duen organoari zuzendua, hilabeteko epean, ebazpen hau jakinarazi eta biharamunetik hasita (Administrazio Publikoen Administrazio Prozedura Erkideari buruzko Legearen 123. eta 124. artikuluak).
–Gora jotzeko errekurtsoa, hautara, Nafarroako Administrazio Auzitegiari zuzendua, hilabeteko epean, ebazpena jakinarazi eta biharamunetik hasita (Toki Administrazioari buruzko Foru Legearen 333. artikulua eta hurrengoak).
–Administrazioarekiko auzi-errekurtsoa, Administrazioarekiko Auzien Epaitegiari zuzendua, bi hilabeteko epean, ebazpen hau jakinarazten denetik hasita (Administrazio Publikoen Administrazio Prozedura Erkideari buruzko Legearen 30., 114.1.c eta 112.3 artikuluak eta Administrazioarekiko Auzien Jurisdikzioa arautzen duen Legearen 8., 10. eta 46. artikuluak).
Berriobeitin, 2026ko irailaren 30ean.–Alkatea, Félix Remírez Hoyos.
Onetsitako araudia (PDFa).
Iragarkiaren kodea: L2612873
