1. NAFARROAKO FORU KOMUNITATEA
1.7. BESTELAKOAK
357E/2026 EBAZPENA, irailaren 15ekoa, Ekonomia Zirkularraren eta Berrikuntzaren Zerbitzuko zuzendariak emana, zeinaren bidez partez onartzen baita Altsasuko udal mugartean gas txorrotak fabrikatzen dituen instalazio baten ingurumen baimen bateratuan ezarritako funtzionamendu baldintzen aldaketa. Horren ondorioz, instalazioak eta hango jarduerak ebazpen honen eranskinean ezarritako baldintzak bete beharko dituzte. Instalazioaren titularra Copreci sozietate kooperatiboa da.
Espediente mota | Ingurumen baimen bateratuaren baldintzak aldatzea |
Espedientearen kodea | 0001-0061-2026-000051 | Hasiera eguna | 2026-07-03 |
Kudeaketa unitatea | Ekonomia Zirkularraren eta Berrikuntzaren Zerbitzua |
Telefonoa | 848426254-848427587 | Helbide elektronikoa | autprema@navarra.es |
Sailkapena | Legeria | Jarduera |
17/2020 Foru Legea, abenduaren 16koa | 1. eranskina / 2.9 taldea |
1/2016 Legegintzako Errege Dekretua, abenduaren 16koa | Sartu gabeko zentroa |
2010/75/EB Zuzentaraua, azaroaren 24koa | Sartu gabeko zentroa |
21/2013 Legea, abenduaren 9koa | Sartu gabeko zentroa |
Instalazioa | Gas txorrotak fabrikatzea |
Titularra | Copreci sozietate kooperatiboa |
Ingurumen identifikaziorako zenbakia | 3101009000 |
Tokia | Txunkai auzoa z.g. |
Koordenatuak | UTM-ETRS89, 30N eremua, X: 567.044,000 eta Y: 4.749.595,000 |
Udalerria | Altsasu |
Proiektua | Ekoizten diren hondakin berriak sartzea (EHZ kodeak: 110113*, 120116*, 130205*, 150110*, 120103, 150102, 170201, 170401, 170402, 191001 eta 200101). |
Egun abian den instalazio horrek ingurumen baimen bateratua du, Ingurumenean Eragina duten Jarduerak arautzen dituen abenduaren 16ko 17/2020 Foru Legearen hirugarren xedapen iragankorra aplikatuta eman baitzitzaion; izan ere, jarduera hori sarturik dago aipatutako foru lege horren 1. eranskineko 2.9 taldean.
2026ko uztailaren 3an, titularrak eskatu zuen bere ingurumen baimen bateratuan ezarritako baldintzak aldatzeko, zehazki, ingurumen baimen bateratuaren III. eranskinean, instalazioan sortzen diren hondakinen zerrendan, beste hondakin mota batzuk sartzeko.
Ekonomia Zirkularraren eta Berrikuntzaren Zerbitzuak aztertu du aurkeztutako eskaera, eta balorazio hau egin du:
EHZ KODEA | DESKRIBAPENA | BALORAZIOA |
11 01 13* | Koipea kentzeko prozesuaren hondakinak, substantzia arriskutsuak dituztenak. | Ez da bidezkoa zerrendan sartzea, "Lurzoruak garbitzeko urak" hondakinaren jatorria ez dagokiolako EHZ kode horri. Baimenean 12 03 01* EHZ dago (Garbiketako likido urtsuak), kasu honetan egokia izanen litzatekeena. |
12 01 16* | Granailaketaren edo zurrustatzearen hondakinak, substantzia arriskutsuak dauzkatenak | Onartzen da instalazioan sortzen diren hondakinen zerrendan sartzea. |
13 02 05* | Motor-olio mineral kloratu gabeak, transmisio mekanikokoak eta lubrifikatzaileak | Onartzen da instalazioan sortzen diren hondakinen zerrendan sartzea. |
15 01 10* | Substantzia arriskutsuen hondarrak dituzten ontziak edo horiez kutsatuak (bidoi huts kutsatuak) | Onartzen da instalazioan sortzen diren hondakinen zerrendan sartzea. |
12 01 03 | Burdinazkoak ez diren metalen karraka-hautsa eta txirbilak (letoi txirbilak) | Onartzen da instalazioan sortzen diren hondakinen zerrendan sartzea. |
15 01 02 | Plastikozko ontziak | Onartzen da instalazioan sortzen diren hondakinen zerrendan sartzea. |
17 02 01 | Zura | Ez da bidezkoa zerrendan sartzea, 17. familiako kodeak eraikuntzako eta eraispeneko hondakinei dagozkielako. Zurezko paleten hondarretarako, kasu honetan 15 01 03 EHZ baimentzen da. |
17 04 01 | Kobrea, brontzea, letoia | Ez da bidezkoa zerrendan sartzea, 17. familiako kodeak eraikuntzako eta eraispeneko hondakinei dagozkielako. Tailerretik datorren letoizko txatarrerako, 12 01 03 EHZ baimentzen da. |
17 04 02 | Aluminioa | Ez da bidezkoa zerrendan sartzea, 17. familiako kodeak eraikuntzako eta eraispeneko hondakinei dagozkielako. Aluminiozko hondarretarako, kasu honetan 12 01 03 EHZ baimentzen da. |
19 10 01 | Burdinaren eta altzairuaren hondarrak | Ez da bidezkoa zerrendan sartzea, 19. taldea hondakinak kudeatzeko instalazioei dagokielako. Kasu honetan, 12 01 01 EHZ kodea onartzen da burdinazko metalen hondarretarako. |
20 01 01 | Papera eta kartoia | Ez da bidezkoa zerrendan sartzea. Industrietatik datozen hondarretarako, kasu honetan 15 01 01 EHZ baimentzen da. |
Onartutako aldaketek ez dute eragozten instalazioaren funtzionamendu egokia ingurumenari dagokionez, eta bat datoz ingurumen baimen bateratuan ezarritako gehieneko isurketa balioekin eta gainerako eskakizunekin, bai eta teknika erabilgarri onenen aplikazioarekin ere.
Ingurumenean Eragina duten Jarduerak arautzen dituen abenduaren 16ko 17/2020 Foru Legearen 28. artikuluan xedatutakoa aplikatuz, bidezkoa da ingurumen baimen bateratua aldatzea.
Ebazpen proposamena hamabost egunez egon da instalazioaren titularrari entzunaldia emateko tramitean, eta hark ez du proposamenaren aurkako alegaziorik aurkeztu.
Adierazitakoarekin bat, eta Landa Garapeneko eta Ingurumeneko Departamentuaren egitura organikoa ezartzen duen azaroaren 15eko 255/2023 Foru Dekretuak ematen dizkidan eskudantziak erabiliz,
EBAZTEN DUT:
Lehendabizikoa.–Partez onartzea Altsasuko udal mugartean gas txorrotak fabrikatzen dituen instalazio baten ingurumen baimen bateratuan ezarritako funtzionamendu baldintzen aldaketa. Horren ondorioz, instalazioak eta hango jarduerak ebazpen honen eranskinean ezarritako baldintzak bete beharko dituzte. Instalazioaren titularra Copreci sozietate kooperatiboa da.
Bigarrena.–Ebazpen hau Nafarroako Aldizkari Ofizialean argitaratzea.
Hirugarrena.–Ebazpen honen aurka, ez baitu administrazio bidea amaitzen, interesdunek, administrazio publikoek izan ezik, gora jotzeko errekurtsoa jartzen ahalko dute, Landa Garapeneko eta Ingurumeneko kontseilariari zuzendua, hilabeteko epean. Administrazio publikoek administrazioarekiko auzi-errekurtsoa jar dezakete, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Ebazpen hau jakinarazi eta biharamunetik aurrera kontatuko dira epeak.
Laugarrena.–Ebazpen hau Copreci sozietate kooperatiboari eta Altsasuko Udalari igortzea, behar diren ondorioak izan ditzan.
Iruñean, 2026ko irailaren 15ean.–Ekonomia Zirkularraren eta Berrikuntzaren Zerbitzuko zuzendaria, Francisco Javier Larrañeta Nido.
Oharra: ebazpen honetan aipatzen diren eranskinak interesdunen eskura egonen dira Ingurumen Zuzendaritza Nagusiaren bulegoetan (González Tablas kalea 9, behea, Iruña; Ekonomia Zirkularraren eta Berrikuntzaren Zerbitzua) eta Nafarroako Gobernuaren webgune honetan: https://extra.navarra.es/InformacionPublicaPRTR/ConsultasAAU.html#/ConsultaAutorizacionesAmbientalesUnificadas.
Iragarkiaren kodea: F2612434
