1. NAFARROAKO FORU KOMUNITATEA
1.7. BESTELAKOAK
229/2026 EBAZPENA, irailaren 18koa, Azpiegituretako, Digitalizazioko eta Hezkuntza Zerbitzuetako zuzendari nagusiak emana, zeinaren bidez aldatzen baita Uharteko "Escuela Vitae Huarte" Berariazko Lanbide Heziketako ikastetxe pribatuak duen baimena, irakaskuntzen eskaintza aldatzeagatik.
Ikusita Uharteko "Escuela Vitae Huarte" Berariazko Lanbide Heziketako ikastetxe pribatuaren titularra den "Format en Formació Profesional SL" entitateak eskatuta izapidetutako espedientea, zeinaren bidez baimena aldatzea eskatzen baita, irakaskuntzen eskaintza aldatzeagatik.
Nafarroako Foru Komunitatean araubide orokorreko irakaskuntza ez-unibertsitarioak ematen dituzten ikastetxe pribatuak baimentzeko prozedura onetsi zuen uztailaren 6ko 251/1992 Foru Dekretuaren III. tituluan (Aldaketak eta baimen berriak) xedatutako prozedurari jarraikiz.
Ikusirik Lanbide Heziketaren Plangintza eta Integraziorako Zerbitzuak, Hezkuntzako Azpiegituren Zerbitzuak eta Hezkuntzako Ikuskapen Zerbitzuak egindako aldeko txostenak.
Aintzat hartuta Lanbide Heziketaren Plangintza eta Integrazioari buruzko martxoaren 31ko 3/2022 Lege Organikoan eta hura garatzeko xedapenetan ezarritakoa.
Aintzat hartuta martxoaren 18ko 153/1996 Foru Dekretuan ezarritakoa, haren bidez ezartzen baita Nafarroako Foru Komunitatearen esparruan Erizaintzako Zainketa Lagungarrietako teknikari tituluari dagokion erdi mailako heziketa zikloaren curriculuma, bai eta abenduaren 11ko 109/2024 eta 110/2024 foru dekretuetan Lanbide Heziketako D garduko zikloetarako gehieneko ratioei buruz xedatutakoa ere.
Hezkuntza Departamentuaren egitura organikoa ezartzen duen azaroaren 15eko 245/2023 Foru Dekretuak emandako ahalmenak erabiliz, eta Hezkuntzako Teknologien eta IKT Azpiegituren Zerbitzuak proposaturik,
EBAZTEN DUT:
1. Aldatzea Uharteko "Escuela Vitae Huarte" Lanbide Heziketako ikastetxe pribatuak duen baimena, irakaskuntzen eskaintza aldatzeagatik. Hemendik aurrera D graduko irakaskuntza hauek eskainiko ditu:
–Lanbide Heziketako erdi mailako "Erizaintzako zainketa lagungarrietako teknikaria", goiz eta arratsaldeko txandan.
2. Ikastetxearen erregistro datuak honakoak izanen dira 2027ko irailaren 1etik aurrera:
–Ikastetxearen kodea: 31014852.
–Titularra: Format en Formació Profesional SL (IFKa: B65641797).
–Izen generikoa: Berariazko Lanbide Heziketako ikastetxe pribatua.
–Berariazko izena: Escuela Vitae Huarte.
–Helbidea: San Juan plaza 5.
–Herria: Uharte, 31620.
–Udalerria: Uharte.
–Baimendutako irakaskuntzak eta gehieneko kopuruak:
1.–Lanbide Heziketako D graduko eskaintzak, modalitate presentzialean:
a) Erdi mailako heziketa zikloak:
"Ingurune Naturaleko eta Aisialdiko Gidaria" heziketa zikloa, "Gorputz eta Kirol Jarduerak" lanbide arlokoa: 2 unitate, 1 lehen mailan eta 1 bigarren mailan, gehienez ere 24 ikaspostu unitateko, eta guztira 48 ikaspostu, goiz eta arratsaldeko txandan.
"Erizaintzako Zainketa Lagungarriak" heziketa zikloa, "Osasuna" lanbide arlokoa: 2 unitate, 1 lehen mailan eta 1 bigarren mailan, gehienez ere 24 ikaspostu unitateko, goiz eta arratsaldeko txandan.
b) Goi mailako heziketa zikloak:
"Gizarte eta Kirol Animazioa eta Irakaskuntza" heziketa zikloa, "Gorputz eta Kirol Jarduerak" lanbide arlokoa: 2 unitate, 1 lehen mailan eta 1 bigarren mailan, gehienez ere 24 ikaspostu unitateko, eta guztira 48 ikaspostu, goiz eta arratsaldeko txandan.
"Egokitzapen Fisikoa" heziketa zikloa, "Gorputz eta Kirol Jarduerak" lanbide arlokoa: 2 unitate, 1 lehen mailan eta 1 bigarren mailan, gehienez ere 24 ikaspostu unitateko, eta guztira 48 ikaspostu, goiz eta arratsaldeko txandetan.
2.–Kirol irakaskuntzen eskaintza, modalitate presentzialean.
"Futbola" erdi mailako araubide bereziko Kirol Irakaskuntzetako hasierako eta amaierako zikloak, kurtso bakar batean irakatsiak. Osaera juridikoa: unitate bat; gehienez ere 25 ikaspostu, goiz eta arratsaldeko txandetan.
–Ikastetxearen atxikitzea ondorio administratiboetarako: "Huarte" Ikastetxe Bateratua, Uhartekoa.
3. Titularrari gogoraraztea ezen, baimendutako irakaskuntza berriak abiatu aurretik, Hezkuntzako Ikuskapen Zerbitzuan egiaztatu beharko du zuzendu direla altzariei eta ekipamenduari dagozkien alderdiak, irakasleen plantilla osorik bete dela eta programazio didaktikoak berrikusi direla.
4. Titularrari adieraztea postu egokiak eta nahikoak daudela bermatu behar duela prestakuntza praktikoaren fasea enpresa edo antzeko organismo batean egiteko. Horretarako, 15 egun naturaleko epean, baimen honen jakinarazpena jasotzen denetik zenbatzen hasita, titularrak eskabide bat zuzendu beharko dio Lanbide Heziketako Plangintza eta Integraziorako Zuzendaritzari. Bertan, enpresen zerrenda bat aurkeztuko du, jasotzen duena eskatutako unitateetako ikasleen prestakuntza praktikoa egiteko lanpostuak zer enpresarekin adostu dituen edo zer enpresarekin aurreikusten duen adostea, baita prestakuntza praktikoa egiteko erabiliko den hitzarmenaren eredua ere. Hitzarmen horretan, berariaz adieraziko da ezin dela inolako ordainketa ekonomikorik, kontraprestaziorik edo dohaintzarik izan, ez ikastetxearen ez ikasleen aldetik, curriculumeko prestakuntza praktikoa egiteagatik. Egiaztatzen bada ordainketa egin dela kontzeptu horretan, baimena azkendu eginen da.
5. Titularrari gogoraraztea baimendutako Lanbide Heziketako graduen nondik norakoa Lanbide Heziketa antolatu eta integratzeari buruzko martxoaren 31ko 3/2022 Lege Organikora egokitu beharko duela, bai eta lege horren ondorioz estatuan nahiz Nafarroako Foru Komunitatean sortutako arauetara ere.
6. Titularrari ohartaraztea ezen, uztailaren 6ko 251/1992 Foru Dekretuaren 22. artikuluan ezarritakoari jarraikiz (foru dekretu horrek ezartzen du Nafarroako Foru Komunitatean araubide orokorreko irakaskuntza ez-unibertsitarioa ematen duten ikastetxe pribatuak baimentzeko prozedura), baimena kentzeko arrazoi izanen dela martxoaren 31ko 3/2022 Lege Organikoaren 55.8 artikuluan ezarritakoa ez betetzea.
7. Gogoratzea ezen ikastetxearen titularrak baimenaren aldaketa edo administrazio baimen berria eskatu beharko duela, baldin ikastetxearen erregistroko datuak, ebazpen honen 2. atalean jasotakoak, aldatzen badira edo instalazioak aldatzen badira, uztailaren 6ko 251/1992 Foru Dekretuaren III. tituluan ezartzen den moduan.
8. Adieraztea ikastetxearen baimena azkendu edo errebokatzen ahalko dela aipatutako foru dekretuaren IV. tituluan ezarritako kasuetan eta prozeduren bidez.
9. Ebazpen hau ikastetxearen titularrari jakinaraztea, eta aditzera ematea haren aurka gora jotzeko errekurtsoa jar daitekeela, Hezkuntza Departamentuko kontseilariari zuzendua, jakinarazi eta biharamunetik hilabeteko epean.
10. Ebazpena igortzea Hezkuntzako Ikuskapen Zerbitzuari, Hezkuntzako Azpiegituren Zerbitzuari, Lanbide Heziketaren Plangintza eta Integraziorako Zerbitzuari, Hezkuntzako Informazio Sistemen Zerbitzuari, Hezkuntza Zerbitzuen eta Ikasketetarako Laguntzen Zerbitzuari, Ikastetxeen Finantzaketaren Atalari, Ikastetxeetako Informazioa Kudeatzeko Atalari eta Uharteko "Huarte" ikastetxe bateratuari, ikastetxea hari atxikita baitago.
11. Ebazpen hau Nafarroako Aldizkari Ofizialean argitara dadila agintzea.
Iruñean, 2026ko irailaren 18an.–Azpiegituretako, Digitalizazioko eta Hezkuntza Zerbitzuetako zuzendari nagusia, Luis Calatayud Yuste.
Iragarkiaren kodea: F2612641
