2. NAFARROAKO TOKI ADMINISTRAZIOA
2.1. OPOSIZIOAK ETA LEHIAKETAK. LAN PUBLIKOAREN ESKAINTZA
VALTIERRA
Oposizioa, barne igoera murriztuan, uren arduradunaren plaza bat betetzeko, plantillan plazarik gehitu gabe, Udalaren zerbitzuko funtzionarioentzat
Alkatetzaren 2026ko irailaren 22ko 337. Ebazpenaren bidez, barne igoerako deialdi bat onetsi da, oposizio bidezkoa, betetzeko Valtierrako Udaleko uren arduradunaren plaza bat, zeina plantilla organikoan jasorik baitago.
Honako hauek arautuko dute deialdia:
OINARRIAK
1. oinarria.–Arau orokorrak.
1,1. Deialdi honen xedea da Valtierrako Udaleko uren arduradunaren plaza bat barne igoera murriztuan betetzea, oposizio bidez, plantillan plazarik gehitu gabe. Parte har dezakete Udaleko plantillako funtzionarioek, deialdian eskatzen diren baldintzak betetzen badituzte.
1.2. Udalaren 2026ko plantilla organikoa hasiera batez onetsi zen osoko bilkuran 2025eko abenduaren 17an (2026ko 12. Nafarroako Aldizkari Ofiziala, urtarrilaren 19koa), eta behin betiko onetsi zen argitara emanda 2026ko 44. Nafarroako Aldizkari Ofizialean, martxoaren 2an. Plantilla organiko horretan, hain zuzen, dago jasota uren arduradunaren plaza, C mailakoa.
1.3. Prozesu honetarako deia egin da bat etorriz abuztuaren 30eko 251/1993 Legegintzako Foru Dekretuaren 15.6 artikuluan ezarritakoarekin (legegintzako foru dekretu horrek onetsi zuen Nafarroako Administrazio Publikoen zerbitzuko Langileen Estatutuaren testu bategina).
1.4. Deialdi honen ondorioz izendatzen den izangaia, behar diren hautaprobak gainditu ondotik betiere, uren arduraduna izanen da eta C mailan sartuko da plazaz jabetzen denetik. Hala, hutsik geldituko da aurretik betetzen zuen funtzionario plaza, zerbitzu anitzetako enplegatuarena, eta, ondorioz, plaza kopurua ez da gehituko plantilla organikoan.
1.5. Mailaz igotzeko prozesu honetan parte hartzeak ez du deusetan aldatuko langileak mailaz igo aurretik zuen funtzionarioen araubide juridikoa. Eskubide pasiboen araubide berari ere eutsiko dio.
2. oinarria.–Izangaiek bete beharreko baldintzak.
2.1. Eskabideak aurkezteko epea bukatzen den egunean, izangaiek honako baldintza hauek bete beharko dituzte:
a) D mailako funtzionarioa izatea Valtierrako Udalean, eta izendatu izana zerbitzu anitzetako enplegatuaren lanpostu baterako, edo halako lanpostu bat esleitu izana.
b) Eskabideak aurkezteko epea bukatzen den egunean titulu hauetako bat edukitzea: Batxilergo titulua, bigarren mailako Lanbide Heziketako titulua edo baliokidea, edo titulu hori eskuratzeko eskubideak ordaindu izanaren gordekina.
Titulazioaren baldintzaren ordez, kasu honetan (C maila) aukeran egonen da zortzi urteko antzinatasun aitortua frogatzea administrazio publikoen zerbitzuan, bat etorriz 251/1993 Legegintzako foru-dekretuaren 15.2 artikuluarekin.
c) Bost urteko antzinatasun aitortua frogatzea administrazio publikoetan.
d) Abiapuntuko lanpostuan borondatezko edo nahitaezko eszedentzian ez egotea, salbu eta borondatezko eszedentzian dagoen pertsona zerbitzuak egiten ari baldin bada administrazio honetako beste lanpostu finko edo aldi baterako batean.
2.2. Hautatutako izangaiek baldintza horiek guztiak frogatu beharko dituzte deialdi honetan ezarritako epean eta moduan. Ulertuko da baldintza horiek bete behar direla eskabideak aurkezteko epea bukatzen den egunean, eta, halaber, bete beharko dira hautapen-prozesu osoan, izendapena egiten den arte.
3. oinarria.–Eskabideak.
3.1. Deialdian parte hartzeko eskabideak aurkeztu beharko dira Valtierrako Udalaren erregistroan, edo urriaren 1eko 39/2015 Legearen 16. artikuluan ezarritako bideetako edozein baliatuz (Administrazio Publikoen Administrazio Prozedura Erkidearen Legea), hogei egun naturaleko epean, Nafarroako Aldizkari Ofizialean argitaratu eta biharamunetik hasita. Deialdi honetan argitaratzen den ereduari lotu beharko zaizkio eskabideak.
Eskabidea posta bulego batean aurkezten bada, gutun-azal ireki batean aurkeztuko da, postako langileek data eta zigilua jar diezazkioten, ziurtatu aurretik eta Valtierrako Udalaren Erregistro Orokorrera igorri aurretik.
3.2. Desgaitasun aitortua duten izangaiek aurkeztu beharko dute hura frogatzeko agiria, organo eskudunak emana, parte hartzeko eskabidearekin batera. Halaber, egokitzapenak eskatzen ahalko dituzte, denboraren nahiz baliabideen aldetik. Kasu horretan, eskabidean bertan adierazi beharko dute, eta, horrez gainera, aparteko orri batean azaldu beharko dute zer desgaitasun duten eta zer egokitzapen eskatzen dituzten.
3.3. Eskabidearekin batera honako agiri hauek aurkeztu beharko dira:
a) Nortasun agiri nazionalaren fotokopia, bi aldeena.
b) Honako alderdi hauek frogatzen dituen ziurtagiria: Valtierrako Udaleko funtzionario lanpostu baterako izendapena (D maila), lanpostu horretan duen antzinatasuna eta administrazio-egoera. Udalak ofizioz gehituko du.
3.4. Eskabideak aurkezteko epea luzaezina da.
4. oinarria.–Izangaiak onartzea eta erreklamazioak.
4.1. Eskabideak aurkezteko epea bukatutakoan, Alkatetzak ebazpen bat emanen du, onesteko izangai onartu eta baztertuen behin-behineko zerrendak, eta aginduko du argitara dadila Udalaren iragarki-taulan eta webgunean (deialdiaren fitxan).
Ezarritako epean ez bada batere eskabiderik aurkezten, alkateak ebazpen bat emanen du, deialdiko plaza bete gabe uzteko.
4.2. Izangai baztertuek hamar egun balioduneko epean izanen dute erreklamazioak aurkezteko eta, akatsik egin badute, haiek zuzentzeko, behin zerrenda Udalaren iragarki-taulan eta webgunean (deialdiaren fitxan) argitaratzen denetik hasita.
4.3. Erreklamazioak aurkezteko epea bukatutakoan eta horiek ebatzi ondoren, Alkatetzak ebazpen bat emanen du, onesteko izangai onartu eta baztertuen behin betiko zerrenda, eta aginduko du argitara dadila Udalaren iragarki-taulan eta webgunean (deialdiaren fitxan).
Inor ez bada bazterturik gelditzen, zuzenean onetsiko da izangai onartuen behin betiko zerrenda, eta aginduko da argitara dadila, arestian aipaturiko bide berak baliatuz.
5. oinarria.–Oposizioaren nondik norakoa.
5.1. Oinarri hauetan adierazitakoaren arabera eginen da deialdia.
Izangai onartu eta baztertuen behin betiko zerrenda onesten duen ebazpen berean zehaztuko da oposizioaldiko probak non, noiz eta zer ordutan hasiko diren.
5.2. Oposizioaldia 2026ko azarotik aurrera hasiko da, eta proba hau izanen du:
5.2.1. Proba teoriko-praktikoa.
Proba teoriko-praktikoa izanen da, eta idatziz erantzun beharko zaie galdera teoriko-praktiko batzuei; II. eranskineko gaiei buruzko galderak izanen dira.
Galdera guztietan hiru erantzun emanen dira aukeran, baina bat bakarra izanen da balioduna. Galdera guztiek balio bera izanen dute. Epaimahaiak adieraziko du, hasi baino lehen, izangaiek ariketa egiteko zenbat denbora izanen duten gehienez.
Ariketan 50 puntu lor daitezke, gehienez, eta bazterturik geldituko dira eskatzen den gehieneko puntuazioaren erdia, gutxienez, eskuratzen ez duten izangaiak.
Proba hau egiteko ez da inolako testurik kontsultatzen ahalko, ez eta bestelako materialik erabiltzen ahalko ere, bolaluma urdina edo beltza ez bada.
5.3. Probarako deialdi bakarra eginen da, eta izangaiek azaldu beharko dute aldean daramatela nortasun agiri nazionala, AIZa (atzerritarraren identifikazio-zenbakia) edo pasaportea. Baztertuta geldituko dira nor diren frogatzen ez dutenak edo agertzen ez direnak.
5.4. Hautaprobak egiteko, behar diren eta posible diren egokitzapenak eginen dira desgaitasun aitorturen bat dutenentzat, denbora eta baliabideen aldetik, baldin eskabidean hala eskatu badute.
5.5. Proba egin ondoren, Udalaren webgunean eta iragarki-taulan argitaratuko dira izangaiek lortutako emaitzak.
6. oinarria.–Kalifikazio-epaimahaiaren osaera, eraketa eta jarduketa.
6.1. Epaimahaiaren osaera argitaratuko da behin eraturik dagoenean.
Epaimahaiburua: Manuel Resa Conde, Valtierrako Udaleko alkatea.
Ordezkoa: Alfonso Pérez Hualde, Valtierrako Udaleko zinegotzia.
Epaimahaikidea: Montserrat Fernández Martínez, Valtierrako Udaleko arkitekto teknikoa.
Ordezkoa: izendatzeke.
Epaimahaikidea: Blanca Esther Perez Rodrigo, Valtierrako Udaleko langileen ordezkaria.
Ordezkoa: Langileen Batzordeak izendatu beharrekoa.
Epaimahaikidea: Ana Belén Landa Elizalde, Valtierrako Udaleko kontu-hartzailea.
Ordezkoa: Langileen Batzordeak izendatu beharrekoa.
Idazkaria: Javier San Miguel Puig, Valtierrako Udaleko idazkaria.
Ordezkoa: izendatzeke.
6.2. Epaimahaia eratuko da epaimahaiburuak deialdia eginda, probak hasi baino lehenago.
6.3. Epaimahaia ezin izanen da eratu, ez eta jardun ere, gutxienez kideen gehiengo osoa ez badago bertan.
6.4. Kalifikazio-epaimahaiko kideek parte hartzeari uko egin beharko diote, eta organo deitzaileari horren berri eman, baldin badaude urriaren 1eko 40/2015 Legean abstentziorako jasotzen diren egoeretako batean (Sektore Publikoaren Araubide Juridikoari buruzko Legea).
Izangaiek, halaber, zilegi dute epaimahaikideak errekusatzea, egoera horietako bat gertatzen denean.
6.5. Epaimahaiak gehiengoz ebatziko ditu deialdi honen oinarrien interpretazioari eta aplikazioari buruzko auzi guztiak.
Epaimahaiak aholkulari adituen laguntza izan dezake, proba batzuetan nahiz guztietan. Aholkulari horiek beren espezialitate teknikoetan baizik ez dira ariko, eta haietan bakarrik emanen diote laguntza epaimahaiari.
7. oinarria.–Prozesua gainditu dutenen zerrenda eta agirien aurkezpena.
Prozesua buruturik, gainditu duten izangaien artean kalifikaziorik hoberena duena izendatzeko proposamena igorriko dio epaimahaiak Alkatetzari.
8. oinarria.–Izendapena eta jabetza hartzea.
8.1. Alkatetzak uren arduradun izendatuko du (C maila) aurreko apartatuan aipatutako proposamenean jasotzen den izangaia, eta aginduko du izendapena argitara dadila Nafarroako Aldizkari Ofizialean. Betiere, izendapenaren aurretik, izangai horrek agiri bidez frogatu beharko du betetzen dituela 2. oinarriko baldintzak.
8.2. Izangai izendatuak hamar egun naturaleko epea izanen du karguaren jabetza hartzeko, izendapena jakinarazten denetik zenbatzen hasita. Izangaia ez bada karguaz jabetzen aipatu epearen barnean, uren arduradun izateko eskubide guztiak galduko ditu, behar adina frogaturiko ezinbesteko kasuetan izan ezik.
9. oinarria.–Errekurtsoak.
Deialdi honen aurka nahiz oinarrien eta aplikatzeko egintzen aurka, honako errekurtso hauetako bat aurkezten ahalko da, hautara:
a) Berraztertzeko errekurtsoa, egintza eman duen organoari zuzendua, hilabeteko epean, jakinarazi edo argitaratu eta biharamunetik hasita.
b) Administrazioarekiko auzi-errekurtsoa, Administrazioarekiko Auzien Valtierrako Epaitegiari zuzendua, bi hilabeteko epean, behin errekurritutako egintza edo erabakia jakinarazi edo argitaratu eta biharamunetik hasita.
c) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, errekurritutako egintza edo erabakia argitaratu edo jakinarazten denetik hasita.
Kalifikazio-epaimahaiaren egintzen aurka gora jotzeko errekurtsoa aurkezten ahal da, deialdia egin duen udal organoari zuzendua, hilabeteko epean, errekurritutako egintza edo erabakia jakinarazten denetik hasita.
Valtierran, 2026ko irailaren 1ean.–Alkatea, Manuel Resa Conde.
I. ERANSKINA.–DEIALDIAN PARTE HARTZEKO ESKABIDEA
DATU PERTSONALAK:
Deiturak eta izena: ..............................................................................................................................
NANa edo agiri baliokidea: ...............................................................................................................
Jaioteguna: .......................................................................................................................................
Nazionalitatea: ....................................................................................................................................
Egungo helbidea: .................................................................................................................................
Telefonoa: .........................................................................................................................................
Helbide elektronikoa: ............................................................................................................................
ADIERAZTEN DUT:
Ez nago desgaitua edo gabetua eginkizun publikoetan jarduteko, eta ez naute kendu inongo administrazio publikoren zerbitzutik.
Baditut lanpostuaren eginkizunetan aritzeko behar diren gaitasun fisikoa eta psikikoa.
Baditut deialdian eskatzen diren tituluak eta betetzen ditut bertan eskatzen diren baldintza guztiak, eskabideak aurkezteko epea bukatzen den egunean.
Desgaitasunik izanez gero (markatu hala badagokio):
Desgaitasuna dut eta, horrenbestez, azaltzen dudan egokitzapena eskatzen dut, adierazten ditudan arrazoiengatik. (Beste orri batean, desgaitasunaren arrazoiak eta eskatutako egokitzapenak azalduko dira).
Desgaitasuna dudala frogatzen duen agiria aurkezten dut, erakunde eskudun batek emana.
ESKATZEN DUT:
Onartua izatea honako deialdi honetako hautaprobetan: deialdia, Valtierrako Udaleko uren arduradunaren plaza bat barne igoera murriztuan betetzea, oposizio bidez, plantillan plazarik gehitu gabe. Hari dagokionez, hain zuzen, adierazten dut haren oinarriak ezagutu eta espresuki onartzen ditudala eta eskabideak aurkezteko epean betetzen ditudala oinarrietan eskatzen diren baldintza guzti-guztiak.
Zin egin edo hitzematen dut ez dudala nire Estatuko funtzio publikoan sartzea eragozten didan diziplina zehapenik edo zigor penalik.
Tokia eta data:
Sinadura:
Valtierrako Udalak beharrezkoak diren neurriak hartuko ditu zure datuen isilpeko tratamendua bermatzeko, bat etorriz abenduaren 5eko 3/2018 Lege Organikoan ezarritakoarekin (Datu Pertsonalak Babesteko eta Eskubide Digitalak Bermatzekoa). Herritarrek emandako datu pertsonalen bilketaren, tratamenduaren eta lagapenaren helburua da aurkeztutako eskabidearen kudeaketa administratiboa egitea, besterik ez. Herritarrak noiznahi erabil dezake datuetan sartzeko eta haiek zuzentzeko eskubidea, jendearentzako arreta bulegoetara joz: Nafarroa plaza 5, 31300 Valtierra; telefonoa: 948 7018 11.
II. ERANSKINA.–GAI-ZERRENDA
1. Laneko segurtasuna eta osasuna, hornidura sareak konpontzeko lanetan. Bitarteko eta gailu zuzentzaileak. Denen segurtasunerako bitartekoak eta gailuak. Norberaren segurtasunerako bitartekoak eta gailuak. Gune konfinatuetan lan egitea, araudia.
2. Ofimatika: informatika-tresnak erabiltzea (office paketea), marrazketa-programak ezagutzea, hala nola AutoCAD edo aurrekontu-softwarearen antzekoa (Presto) eta neurketak.
3. Telemando sistemen bidezko kontrola eta telekontrola, hornidura eta saneamendu sareetan. Informazio geografikoko sistemak.
4. Ur horniduraren sareak. Hodiak: materialak, piezak, zangan nola jarri. Sareko elementuak: balbulak, bentosak, sute-ahoak, ur-harguneak, presioa murriztekoak, erregistro-kutxatilak eta abar. Harguneak: materialak, diametroak, instalazioa. Probak hornidurako hodietan, zerbitzuan jartzea. Valtierrako hornidura sareen araudi teknikoaren aplikazioa.
5. Ur-biltegiak. Kokalekua, biltegi motak eta haien eginkizunak. Erregulaziorako eta hornidurarako elementuak. Emari-neurgailuak. Kontsumoak. Uraren kalitatearen kontrola, laginak hartzea. Ur-ponpaketa ur-biltegi batera. Hornidurarako presio-multzoak.
6. Edateko Ura Tratatzeko Estazioak (EUTE). Tratamendu motak. Dekantazioa, iragazketa, tratamendu kimikoak. Erreaktiboak dosifikatzea. Desinfekzioa. Uraren kalitatearen parametroak, laginak hartzea. Legeria. EUTE baten ekipoak. Kontrol-elementuak. Scada, automatak. Tresnak. Ekipoen eta makineriaren mantentze-lanak.
7. Saneamendu sareak. Sare motak. Hodiak: materialak, piezak, zangan nola jarri. Sareko elementuak: kontrol-putzuak, harguneak, kutxatilak, hustubideak eta abar. Probak saneamenduko hodietan, zerbitzuan jartzea. Ponpaketak. Moncayoko Ur Mankomunitateko saneamendu sareen araudi teknikoaren aplikazioa.
8. Saneamendu sareak. Isurketak. Gainezkabideak eta ekaitz tangak. Aplikatu beharreko araudia. Hondakin uren araztegiak (HUA). Hondakin uren ponpaketak.
9. Bide publikoko hornidura eta saneamenduko matxurak konpontzea. Sareetako ur-ihesak. Detekzio sistemak. Jarraibideak. Erabili beharreko makineria eta lanabesak. Segurtasuna.
10. Neurgailuak, herri bat urez hornitzean. Kontagailuak. Tipologia, instalazioa, funtzionamendua eta mantentze-lanak.
11. Saneamendu sareen instalazioen garbiketa. Bulkatzeko eta xurgatzeko ekipoak, saneamenduko instalazioak garbitzeko. Garbiketarako erabilitako kamioia: funtzionamendua, osagai edo mekanismo nagusiak, mantentze-lanak.
Oharra: zein egunetan argitaratzen den deialdia Nafarroako Aldizkari Ofizialean, egun horretan indarrean dagoen araudiaren arabera eskatuko dira gai guztiak.
Iragarkiaren kodea: L2612614
