Iragarkia

197. ALDIZKARIA - 2026ko urriaren 5a

1. NAFARROAKO FORU KOMUNITATEA

1.7. BESTELAKOAK

205/2026 EBAZPENA, abuztuaren 19koa, Industria Antolamenduaren, Azpiegitura Energetikoen eta Meatzeen Zerbitzuko zuzendariak emana, zeinaren bidez aurretiazko administrazio baimena eta eraikitzeko administrazio baimena ematen baitira eta onura publikoa duela zehazki deklaratzen baita, proiektu honetarako: "4642 L05 Ribaforada-Ablitas" izeneko 13,2 kV-eko lur azpiko linea berria "CM ASPIL" maniobra-zentroaren eta "CS Sancho el Fuerte 2" ebakitze-zentroaren artean, Ribaforadako udal mugartean. Espedientearen kodea: SAT11779.

2026ko maiatzaren 6an eta Sektore Elektrikoari buruzko abenduaren 26ko 24/2013 Legearen 53. artikuluan eta Energia elektrikoaren instalazioak baimentzeko prozedurak eta energia elektrikoa garraiatu, banatu, merkaturatu eta haren horniketa egiteko jarduerak arautzen dituen abenduaren 1eko 1955/2000 Errege Dekretuaren 122. eta 130. artikuluetan ezarritakoari jarraikiz, I-DE Redes Eléctricas Inteligentes SAUk honako proiektu honetarako aurretiazko administrazio baimena eta eraikitzeko administrazio baimena eskatu zituen, bai eta haren onura publikoa zehazki deklaratzea ere: "4642 L05 Ribaforada-Ablitas" izeneko 13,2 kV-eko lur azpiko linea berria "CM ASPIL" maniobra-zentroaren (180633520) eta "CS Sancho el Fuerte 2" ebakitze-zentroaren (901363397) artean, Ribaforadako udal mugartean.

Aurkeztutako dokumentazio teknikoaren arabera, proiektuak 790 metroko linea berri bat egitea aurreikusten du, lur azpikoa eta zirkuitu bikoitzekoa, 13,2 kV-ekoa, HEPRZ1 12/20 kV 3(1x240) mm² Al + H16 motako aluminiozko eroalearekin, hodi barruan kanalizatuta.

Bat etorrita Sektore Elektrikoari buruzko abenduaren 26ko 24/2013 Legearen 55. artikuluan eta abenduaren 1eko 1955/2000 Errege Dekretuaren 125. eta 144. artikuluan ezarritakoarekin, proiektua eta ukitutako ondasun eta eskubideen zerrenda jendaurrean jarri dira 30 egun baliodunez. Horretarako, iragarkia paratu zen Nafarroako Aldizkari Ofizialean (2026ko 111. zenbakian, ekainaren 9koan) eta Diario de Navarra egunkarian (2026ko ekainaren 10ean) eta, orobat, dokumentazioa Nafarroako Gobernu Irekiaren webgunean argitaratu zen.

Aldi berean, abenduaren 1eko 1955/2000 Errege Dekretuaren 127., 131. eta 146. artikuluetan xedatutakoa aplikatuz, kontsulta egin zitzaion Ribaforadako Udalari eta Herri-lanen eta Azpiegituren Zuzendaritza Nagusiko Zainketa Zerbitzuari, eta 30 eguneko epea eman zitzaien txostena egin zezaten.

Informazio publikoaren tramitea eta kontsultak egiteko tramitea bukaturik, ez da proiektuaren gaineko alegaziorik aurkeztu, ez eta txostenik ere.

Ikusirik aurkeztutako dokumentazioa, eta kontuan hartuta Sektore Elektrikoari buruzko abenduaren 26ko 24/2013 Legean eta abenduaren 1eko 1955/2000 Errege Dekretuan xedatutakoa, Azpiegitura Energetikoen Atalak proposatzen du eskatutakoa onartzea.

Azaldutakoarekin bat etorriz, eta Enpresen Sustapenerako eta Azpiegituretako zuzendari nagusiaren uztailaren 30eko 29/2025 Ebazpenaren bidez eskuordetu zaizkidan eskumenak baliatuz (2025eko 155. Nafarroako Aldizkari Ofiziala, abuztuaren 5ekoa), honako hau

EBAZTEN DUT:

1. I-DE Redes Eléctricas Inteligentes SAUri honako proiektu honetarako aurretiazko administrazio baimena eta eraikitzeko administrazio baimena ematea, bai eta haren onura publikoa zehazki deklaratzea ere: "4642 L05 Ribaforada-Ablitas" izeneko 13,2 kV-eko lur azpiko linea berria "CM ASPIL" maniobra-zentroaren (180633520) eta "CS Sancho el Fuerte 2" ebakitze-zentroaren (901363397) artean, Ribaforadako udal mugartean. Halaber, aurkeztutako exekuzio proiektua onesten da eta hogeita hamasei hilabeteko epea ematen zaio proiektua gauzatzeko.

2. Baimen hauek emanda ere (aurretiazkoa eta eraikitzekoa), proiektua gauzatzeko behar diren kontzesio, lizentzia eta baimen guztiak, publikoak nahiz pribatuak, lortu beharko ditu eskatzaileak, bat etorrita aplikatzekoak diren beste xedapen batzuekin.

3. Instalazioak egin beharko dira aurkeztutako proiektuari jarraikiz, eta bat etorri beharko dute honako arau hauetan xedatutakoarekin: Goi-tentsioko instalazio elektrikoetako baldintza teknikoei eta segurtasun-bermeei buruzko erregelamendua eta haien jarraibide tekniko osagarriak (JTO-GTE 01-23) onesten dituen maiatzaren 9ko 337/2014 Errege Dekretua eta Goi-tentsioko linea elektrikoen baldintza teknikoei eta segurtasun-bermeei buruzko erregelamendua eta haien jarraibide tekniko osagarriak (JTO-GTL 01-09) onesten dituen otsailaren 15eko 223/2008 Errege Dekretua.

4. Behin proiektua gauzatuta, eskatzaileak ustiatzeko behin betiko baimena eskatu beharko du. Eskaera horrekin batera obra bukaerako ziurtagiria aurkeztuko da, teknikari eskudun batek sinatua, baita aplikatzekoa den araudian ezarritako gainerako agiriak ere.

5. Instalazio horren onura publikoa zehazki deklaratzea, Sektore Elektrikoari buruzko abenduaren 26ko 24/2013 Legearen 54., 55. eta 56. artikuluetan, eta abenduaren 1eko 1955/2000 Errege Dekretuaren 148. eta 149. artikuluetan ezarritakoarekin bat; hori horrela, i-DE, Redes Eléctricas Inteligentes SAU entitatea onuraduna izanen da desjabetze espedientean. Ukitutako ondasun eta eskubideen zerrenda ez da aldatu jendaurreko aldia igaro ondoren, eta ebazpen honen eranskinean ageri da.

6. Ebazpen hau igortzea Nafarroako Gobernuko Herri-lanen eta Azpiegituren Zuzendaritza Nagusiko Zainketa Zerbitzura eta Industria Antolamenduaren, Azpiegitura Energetikoen eta Meatzeen Zerbitzura, behar diren ondorioak izan ditzan.

7. Ebazpen hau Nafarroako Aldizkari Ofizialean argitaratzea, orok jakin dezan.

8. Ebazpen hau jakinaraztea I-DE Redes Eléctricas Inteligentes SAUri eta ukitutako ondasun eta eskubideen titularrei, eta ohartaraztea ezen ebazpen honek ez duela administrazio bidea amaitzen eta haren aurka gora jotzeko errekurtsoa jartzen ahal dela, Garapen Ekonomiko eta Enpresarialeko kontseilariari zuzendua, hilabeteko epean, ebazpen hau jakinarazi eta biharamunetik hasita. Errekurtsoan espediente zenbakia adierazi beharko da.

9. Ebazpen hau Ribaforadako Udalari jakinaraztea, eta ohartaraztea honen kontra administrazioarekiko auzi-errekurtsoa jartzen ahal dela, eskumena duen ordena jurisdikzionalari zuzendua, honako hau jakinarazi eta biharamunetik hasita bi hilabeteko epean, alde batera utzi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.

Iruñean, 2026ko abuztuaren 19an.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.

ERANSKINA. RIBAFORADAKO UDAL MUGARTEAN, "CM ASPIL" MANIOBRA-ZENTROAREN ETA "CS SANCHO EL FUERTE 2" EBAKITZE-ZENTROAREN ARTEAN, "4642 L05 RIBAFORADA-ABLITAS" IZENEKO 13,2 kV-EKO LUR AZPIKO LINEA BERRIA EGITEKO PROIEKTUAK UKITUTAKO ONDASUN ETA ESKUBIDEEN ZERRENDA SAT11779

Iragarkiaren kodea: F2612342