2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
CASTEJÓN
Alkatetzaren dekretua
Dekretu hau eman du gaur Noelia Guerra Lafuentek, Castejongo alkateak:
Kontuan harturik azaroaren 28ko 2568/1986 Errege Dekretuaren 46. artikuluak ahalmena ematen diola alkateari alkateordeak libreki izendatzeko eta kargugabetzeko (errege dekretu horren bidez onetsi zen Toki Entitateen Antolaketaren, Funtzionamenduaren eta Araubide Juridikoaren gaineko Erregelamendua).
Kontuan harturik lege-testu beraren 47. artikuluak xedatzen duela alkateordeei dagokiela, halakoak diren aldetik, alkatea ordeztea haren eginkizun guztietan eta beren izendapenaren ordenaren arabera, hura kanpoan dagoenean.
Kontuan harturik dagokion alkateordeak ezin izanen dituela hartu alkatearen eginkizunak hura kanpoan dagoenean eskuordetze espresurik gabe, eta eskuordetze horrek 44. artikuluaren 1. eta 2. baldintzak bete beharko dituela.
Kontuan harturik Toki Araubidearen Oinarriak arautzen dituen apirilaren 2ko 7/1985 Legearen 21.2 artikuluan xedatutakoa.
Ikusirik azaroaren 28ko 2568/1986 Errege Dekretuaren 41.3 eta 46. artikuluak (errege dekretu horren bidez onetsi zen Toki Entitateen Antolaketaren, Funtzionamenduaren eta Araubide Juridikoaren gaineko Erregelamendua),
EBAZTEN DUT:
Lehena.–Honako hau izendatzea lehen alkateorde:
–Lehen alkateordea: Celia María Rincón Sáez andrea.
Bigarrena.–Izendatuari dagokio alkatea ordeztea, haren eskuduntzietan aritzeko legeak aurreikusitako kasuetan.
Hirugarrena.–Alkatetza eskuordetzea Celia María Rincón Saenzi, alkatea kanpoan dagoen bitartean, hau da, abuztuaren 29tik irailaren 14ra bitarte, biak barne.
Laugarrena.–Izendapenak jasotzen dituen ebazpen hau argitaratzea Nafarroako Aldizkari Ofizialean eta iragarki-taulan; dena dela, ebazpena sinatu eta biharamunean jarriko da indarrean. Hori guztia, bat etorriz Toki Entitateen Antolaketaren, Funtzionamenduaren eta Araubide Juridikoaren gaineko Erregelamenduaren 46.1 artikuluan ezarritakoarekin,
Bosgarrena.–Udalbatzari izendapenen berri ematea, egiten duen hurrengo osoko bilkuran.
Seigarrena.–Ebazpen hau izendatuei jakinaraztea, aditzera eman dezaten kargua onartzen duten ala ez.
Castejónen, 2026ko abuztuaren 25ean.–Alkatea, Noelia Guerra Lafuente.
Iragarkiaren kodea: L2611589
