2. NAFARROAKO TOKI ADMINISTRAZIOA
2.1. OPOSIZIOAK ETA LEHIAKETAK. LAN PUBLIKOAREN ESKAINTZA
MILAGRO
Oposizio-lehiaketa, mantentze-lan orokorretako ofizialaren plaza bat betetzeko. Izendapena
Deialdia argitara eman zen 2026ko 36. Nafarroako Aldizkari Ofizialean, otsailaren 19an.
Bat etorriz kalifikazio-epaimahaiak egindako proposamenarekin, Milagroko Udalak honako hau ebatzi du alkatearen 2026ko abuztuaren 27ko 2026-0392 Ebazpenaren bidez:
Lehena.–Ion Gallardo González funtzionario izendatzea, mantentze-lan orokorretako ofizialaren lanpostua (D maila) bete dezan Milagroko Udalean.
Bigarrena.–Izendatutako izangaiari ebazpen hau jakinaraztea, eta ohartaraztea hilabeteko epean jabetu beharko duela plazaz, izendapena jakinarazten zaionetik hasita.
Hirugarrena.–Izendapena argitaratzea Nafarroako Aldizkari Ofizialean eta udal honen egoitza elektronikoan.
Administrazio bidea agortzen duen ebazpen honen kontra, errekurtso hauetakoren bat aurkez daiteke, hautara:
a) Berraztertzeko errekurtsoa, egintza eman duen organoari zuzendua, hilabeteko epean, erabaki hau Nafarroako Aldizkari Ofizialean argitaratu eta biharamunetik hasita.
b) Administrazioarekiko auzi-errekurtsoa, Iruñeko Administrazioarekiko Auzien Epaitegiari zuzendua, bi hilabeteko epean, erabaki hau Nafarroako Aldizkari Ofizialean argitaratu eta biharamunetik hasita.
c) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, iragarki hau Nafarroako Aldizkari Ofizialean argitaratu eta biharamunetik hasita.
Milagron, 2026ko abuztuaren 28an.–Alkatea, José Ignacio Pardo Blanco.
Iragarkiaren kodea: L2611637
