1. NAFARROAKO FORU KOMUNITATEA
1.7. BESTELAKOAK
GORA JOTZEKO ERREKURTSOA, Toki Administrazioaren eta Despopulazioaren zuzendari nagusiak uztailaren 21ean emandako 204/2026 Ebazpenaren aurka, zeinaren bidez funtzionarioek bete ditzaketen Nafarroako toki entitateetako idazkari plazen behin betiko zerrenda ezarri baitzen (2026ko 154. Nafarroako Aldizkari Ofiziala, abuztuaren 7koa), Nafarroako Toki Administrazioari buruzko uztailaren 2ko 6/1990 Foru Legearen 248.3 artikuluan ezarritako ondorioetarako, eta Toki Administrazioaren eta Despopulazioaren zuzendari nagusiak abuztuaren 4an emandako 222/2026 Ebazpenaren aurka, zeinaren bidez Nafarroako toki entitateetako idazkarien plaza hutsak gaikuntza duten funtzionarioen arteko merezimendu-lehiaketa bidezko lekualdatzearen bitartez betetzeko deialdia onetsi baitzen.
Iragarki honen bidez aditzera ematen da Miguel Gallego Gallego jaunak gora jotzeko errekurtsoa jarri duela Toki Administrazioaren eta Despopulazioaren zuzendari nagusiak uztailaren 21ean emandako 204/2026 Ebazpenaren aurka, zeinaren bidez funtzionarioek bete ditzaketen Nafarroako toki entitateetako idazkari plazen behin betiko zerrenda ezarri baitzen (2026ko 154. Nafarroako Aldizkari Ofiziala, abuztuaren 7koa), Nafarroako Toki Administrazioari buruzko uztailaren 2ko 6/1990 Foru Legearen 248.3 artikuluan ezarritako ondorioetarako, baina errekurritu da, bakar-bakarrik, behin betiko zerrenda horretan Kasedako eta Galipentzuko udalen batasuneko idazkari postua sartu izana. Horrenbestez, horrekin zuzenean lotuta, gora jotzeko errekurtsoa jarri du, orobat, Toki Administrazioaren eta Despopulazioaren zuzendari nagusiak abuztuaren 4an emandako 222/2026 Ebazpenaren aurka, zeinaren bidez Nafarroako toki entitateetako idazkarien plaza hutsak gaikuntza duten funtzionarioen arteko merezimendu-lehiaketa bidezko lekualdatzearen bitartez betetzeko deialdia onetsi baitzen, eta, kasu horretan, errekurritu da, bakar-bakarrik, I. eranskinean Kasedako eta Galipentzuko udalen batasuneko idazkari postua sartu izana.
Hori dela eta, bat etorriz Administrazio Publikoen Administrazio Prozedura Erkideari buruzko urriaren 1eko 39/2015 Legearen 118. eta 45. artikuluetan xedatutakoarekin, interesdun guztiei jakinarazten zaie, iragarki hau argitaratu eta biharamunetik gehienez ere hamar egun balioduneko epean alegazioak aurkeztu ahal izan ditzaten.
Lehendakaritzako, Berdintasuneko, Funtzio Publikoko eta Barneko kontseilariaren maiatzaren 14ko 59/2020 Foru Aginduaren 8. atalean ezarritakoa aplikatuz, jarritako errekurtsoaren kopia eskuratu nahi duten interesdunek hura bidaltzeko eskatzen ahalko diote Toki Administrazioaren eta Despopulazioaren Zuzendaritza Nagusiari, Erregistro Orokor Elektronikoaren bitartez. Horretarako, eskabidean helbide elektroniko bat adierazi beharko dute, errekurtsoa hara bidaltzeko.
https://www.navarra.es/eu/tramiteak/on/-/line/Erregistro-Orokor-Elektronikoa
Alegazioak Administrazio Publikoen Administrazio Prozedura Erkideari buruzko urriaren 1eko 39/2015 Legearen 16.4 artikuluan adierazitako moduan aurkezten ahalko dira.
Iruñean, 2026ko irailaren 8an.–Toki Administrazioaren eta Despopulazioaren zuzendari nagusia, Jesús M.ª Rodríguez Gómez.
Iragarkiaren kodea: F2612078
