Iragarkia

180. ALDIZKARIA - 2026ko irailaren 11

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.1. Kargu-uzteak, izendapenak eta bestelako egoerak

205/2026 EBAZPENA, abuztuaren 25ekoa, Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariak emana, zeinaren bidez praktiketako funtzionario izendatzen baitira eta praktikaldia egiteko destinoa esleitzen baitzaie honako kidegoetan sartzeko hautapen prozeduretan hautatutako izangaiei: Arte Plastikoetako eta Diseinuko irakasleena, Musikako eta Arte Eszenikoetako katedradunena, Musikako eta Arte Eszenikoetako irakasleena eta Arte Plastikoetako eta Diseinuko lantegiko maisu-maistrena. Prozedura horiek Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren azaroaren 11ko 245/2025 Ebazpenaren bidez onetsi ziren.

Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren apirilaren 11ko 245/2025 Ebazpenaren bidez, onetsi dira, batetik, Arte Plastikoetako eta Diseinuko irakasleen kidegoko plazetara sartzeko eta bertara igotzeko hautapen prozedurak, eta, bestetik, Musikako eta Arte Eszenikoetako katedradunen, Musikako eta Arte Eszenikoetako irakasleen eta Arte Plastikoetako eta Diseinuko lantegiko maisu-maistren kidegoetako plazetara sartzekoak. Plazak Nafarroako Foru Komunitateko Administrazioaren kudeaketa esparrukoak dira.

Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren uztailaren 20ko 170/2026 Ebazpenaren bidez, onetsi dira hautapen prozedura hauek gainditu dituztenen zerrenda bakarrak, espezialitatearen eta hizkuntzaren arabera: batetik, Arte Plastikoetako eta Diseinuko irakasleen kidegoko plazetara sartzeko eta bertara igotzeko hautapen prozedurak, eta, bestetik, Musikako eta Arte Eszenikoetako katedradunen, Musikako eta Arte Eszenikoetako irakasleen eta Arte Plastikoetako eta Diseinuko lantegiko maisu-maistren kidegoetako plazetara sartzekoak. Plazak Nafarroako Foru Komunitateko Administrazioaren kudeaketa esparrukoak dira. Prozedura horiek Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren azaroaren 11ko 245/2025 Ebazpenaren bidez onetsi ziren.

Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren abuztuaren 18ko 199/2026 Ebazpenaren bidez, onetsi eta argitaratu da hautapen prozedura hauek gainditu dituztenen zerrenda osagarria, espezialitatearen eta hizkuntzaren arabera: batetik, Arte Plastikoetako eta Diseinuko irakasleen kidegoko plazetara sartzeko hautapen prozedurak, eta, bestetik, Musikako eta Arte Eszenikoetako katedradunen, Musikako eta Arte Eszenikoetako irakasleen eta Arte Plastikoetako eta Diseinuko lantegiko maisu-maistren kidegoetako plazetara sartzekoak. Plazak Nafarroako Foru Komunitateko Administrazioaren kudeaketa esparrukoak dira. Prozedura horiek Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren azaroaren 11ko 245/2025 Ebazpenaren bidez onetsi ziren.

Deialdiaren I. tituluko bederatzigarren oinarrian ezarritakoaren arabera, bidezkoa da hautatutako izangaiak praktiketako funtzionario izendatzea eta praktika horiek egiteko destinoa esleitzea, zerbitzuaren beharrak kontuan izanik, lortu duten kidego, espezialitate eta hizkuntza bereko plaza hutsetan edo behin-behineko ordezkapenetarako plazetan, edo, bestela, kidego bereko edo irakasleen beste kidego batzuetako antzeko espezialitateetan.

Praktikaldia egiteko destinoen hautaketa egin da, Hezkuntza Departamentuko Irakasleak Hautatzeko eta Lanpostuak Betetzeko Zerbitzuko zuzendariaren ekainaren 10eko 147/2026 Ebazpenaren arabera, ebazpen horren bidez zehazten baita unibertsitateaz kanpoko irakasle funtzionarioei 2026-2027 ikasturterako praktiketako eta zerbitzu-eginkizunetako behin-behineko destinoak telematikoki esleitzeko prozedura. Hala, behin destinoak hautatuta, bidezkoa da hautatutako izangaiak praktiketako funtzionario izendatzea, eta destinoa esleitzea, praktikaldia egin dezaten.

Horiek horrela, Hezkuntza Departamentuko Langileriaren zuzendari nagusiaren martxoaren 13ko 2/2026 Ebazpenaren bidez eskuordetutako eskudantziak erabiliz,

EBAZTEN DUT:

1. Ebazpen honen I. eranskinean ageri diren hautatutako izangaiak praktiketako funtzionario izendatzea eta, praktikaldia egin dezaten, bertan adierazten diren lanpostuak esleitzea. Izendapenek 2026ko irailaren 1etik aurrera izanen dituzte ondorioak.

2. Adieraztea praktikaldia egiteko esleitzen zaien destinoa behin-behinekoa izanen dela.

Hautatutako izangai guztiek gainditutako kidego, espezialitate eta hizkuntza bereko plazetan aukeratu dute destinoa, edo, bestela, kidego bereko edo irakasleen beste kidego batzuetako antzeko espezialitateetan, betiere errespetatuz funtzionarioek beren espezialitatean eta hizkuntzan duten lehentasuna.

Praktiketako funtzionarioak behartuak daude aurrerantzean deitzen diren lekualdatze-lehiaketetan parte hartzera eta Nafarroako Gobernuko Hezkuntza Departamentuak zuzenean kudeatzen dituen ikastetxeetako plazak eskatzera, praktiketako funtzionario izendatu diren espezialitate eta hizkuntza berberetan.

Hautatutako izangai guztiek Nafarroako Gobernuko Hezkuntza Departamentuak zuzenean kudeatzen duen ikastetxe batean aukeratu beharko dute behin betiko lehenengo destinoa. Lekualdatze-lehiaketetan parte hartzeko, kasuan kasuko deialdiak xedatzen duenari jarraikiko zaio.

3. Ebazpen honek eta eranskinak ez dute administrazio bidea amaitzen, eta haien aurka gora jotzeko errekurtsoa jartzen ahal da, Barneko, Funtzio Publikoko eta Justiziako Departamentuko kontseilariari zuzendua, hilabeteko epean, argitaratu eta biharamunetik aurrera.

4. Ebazpen hau eta eranskina Nafarroako Aldizkari Ofizialean argitaratzea, baita www.nafarroa.eus helbidean ere, deialdiaren fitxan.

5. Ebazpen hau eta bere eranskina igortzea Hezkuntza Departamentuko Idazkaritza Tekniko Nagusira, Nominen eta Gizarte Aseguruen Zerbitzura, Azterlan Ekonomikoen eta Ikastetxeen Finantzaketaren Zerbitzura, Langileen Araubide Juridikoaren Zerbitzura eta Irakasleak Hautatzeko eta Lanpostuak Betetzeko Zerbitzuko Hautatze Prozeduren Atalera, behar diren ondorioak izan ditzaten.

Iruñean, 2026ko abuztuaren 25ean.–Irakasleak Hautatzeko eta Lanpostuak Betetzeko Zerbitzuko zuzendaria, Ricardo Iribas Latour.

ERANSKINA.–PRAKTIKETAKO FUNTZIONARIOAK IZENDATZEA ETA PRAKTIKETAKO DESTINOA

0593 MUSIKA ETA ARTE ESZENIKOETAKO KATEDRADUNAK

Baxu Elektrikoa / Gaztelaniaz