1. NAFARROAKO FORU KOMUNITATEA
1.7. BESTELAKOAK
191/2026 EBAZPENA, abuztuaren 19koa, Azpiegituretako, Digitalizazioko eta Hezkuntza Zerbitzuetako zuzendari nagusiak emana, zeinaren bidez Nafarroako Musika eta Dantza Eskolen Berariazko Erregistroan "Kantu Lirikoa" eta "Biolontxeloa" espezialitateak inskribatzen baitira San Adriángo Udalaren Musika Eskolak ematen dituen irakaskuntzen artean.
Ikusirik San Adriángo Musika Eskolaren Udal Patronatuak, herriko Musika Eskolako titularra den aldetik, "Kantu Lirikoa" eta "Biolontxeloa" espezialitateak baimendu eta erregistratu daitezen aurkeztu duen eskaera dela-eta izapidetutako espedientea.
Kontuan harturik Musika eta dantza eskolen sorrera eta funtzionamendua zuzentzen duten oinarrizko arauak onesten dituen abenduaren 21eko 421/1992 Foru Dekretuaren 29. artikuluan xedatutakoa.
Ikusirik Hezkuntzako Ikuskapen Zerbitzuak aldeko txostena eman duela titularrak aurkeztutako proposamen pedagogikoek eta irakasleen titulazioek eskatzen diren betebeharrak betetzeari dagokionez.
Hezkuntza Departamentuaren egitura organikoa ezartzen duen azaroaren 15eko 245/2023 Foru Dekretuak emandako ahalmenak erabiliz, eta Hezkuntzako Teknologien eta IKT Azpiegituren Zerbitzuak proposaturik.
EBAZTEN DUT:
1. Nafarroako Gobernuko Musika eta Dantza Eskolen Erregistro Espezifikoan "Kantu Lirikoa" eta "Biolontxeloa" espezialitateak inskribatzea San Adriángo Udalaren Musiko Eskolak ematen dituen irakaskuntzen artean (ikastetxearen kodea: 31008712). Inskripzioak 2026ko ekainaren 19tik aurrera izanen ditu ondorioak, egun horretan sartu baitzen Hezkuntza Departamentuan irakaskuntza horien eskaintzari buruz ikastetxeko titularrak egindako jakinarazpena.
2. Adieraztea ezen eskola horrek egun horretatik aurrera emanen dituen irakaskuntzak izanen direla Hezkuntzari buruzko Lege Organikoaren 48.3 artikuluan ezarritakoak –abenduaren 21eko 421/1992 Foru Dekretuaren 9. artikuluan ezarritako antolamenduaren arabera–, hain zuzen honako hauek:
Musika irakaskuntzak:
Oinarrizko eskaintza, abenduaren 21eko 421/1992 Foru Dekretuaren 9. artikuluko 1. apartatuko a), b) eta c) letretan ezarritako antolamenduari jarraikiz, kantu eta musika-tresnen espezialitate hauekin:
Akordeoia, Bateria, Kantu Lirikoa, Kantu Modernoa, Klarinetea, Zeharkako Flauta, Gaita, Gitarra, Gitarra Elektrikoa, Perkusioa, Pianoa, Saxofoia, Tronboia, Tronpa, Tronpeta, Tuba-Bonbardinoa, Biola, Biolina eta Biolontxeloa.
3. Titularrari gogoraraztea ezen, eskolaren osaera aldatuz gero eta aldaketak 421/1992 Foru Dekretuaren 29. artikuluan araututakoa ukitzen badu, Hezkuntza Departamentuari jakinarazi beharko diola.
4. Ohartaraztea eskolaren inskripzioa baliorik gabe uzten ahalko dela foru dekretu horren 31. artikuluan aipatutako kasuetan.
5. Ebazpen hau San Adriángo Udalari jakinaraztea, eta aditzera ematea honen kontra administrazioarekiko auzi-errekurtsoa jartzen ahal duela, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean, ezertan galarazi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Epeak ebazpen hau jakinarazi eta biharamunetik aurrera kontatuko dira.
Administrazio publiko ez diren interesdunek gora jotzeko errekurtsoa jartzen ahalko dute, Hezkuntzako kontseilariari zuzendua, hilabeteko epean.
6. Ebazpen hau Hezkuntzako Ikuskapen Zerbitzura, Arte Ikasketen Atalera eta Ikastetxeetako Informazioa Kudeatzeko Atalera igortzea.
7. Ebazpen hau Nafarroako Aldizkari Ofizialean argitara dadila agintzea.
Iruñean, 2026ko abuztuaren 19an.–Azpiegituretako, Digitalizazioko eta Hezkuntza Zerbitzuetako zuzendari nagusia, Luis Calatayud Yuste.
Iragarkiaren kodea: F2611435
