1. NAFARROAKO FORU KOMUNITATEA
1.7. BESTELAKOAK
190/2026 EBAZPENA, abuztuaren 19koa, Azpiegituretako, Digitalizazioko eta Hezkuntza Zerbitzuetako zuzendari nagusiak emana, zeinaren bidez bertan behera uzten baita, aldi baterako, Zigako Haur eta Lehen Hezkuntzako Ikastetxe Publikoaren jarduera, 2026-2027 ikasturtearen hasieratik aurrerako ondorioekin.
Ikusirik Hezkuntzako Ikuskapen Zerbitzuak eskatuta izapidetu den espedientea, non Zigako Haur eta Lehen Hezkuntzako ikastetxe publikoko matrikula kopuruak behera egiteko inguruabarren berri ematen baita eta hango jarduera aldi baterako bertan behera uztea proposatzen baita.
Nafarroako Foru Komunitateko Ikastetxe Publikoen Sarea berrantolatzen duen uztailaren 3ko 80/2019 Foru Dekretuaren 2. artikuluan xedatutakoari jarraikiz.
Hezkuntza Departamentuaren egitura organikoa ezartzen duen azaroaren 15eko 245/2023 Foru Dekretuak emandako ahalmenak erabiliz, eta Hezkuntzako Teknologien eta IKT Azpiegituren Zerbitzuak proposaturik,
EBAZTEN DUT:
1. Bertan behera uztea, aldi baterako, Zigako Haur eta Lehen Hezkuntzako Ikastetxe Publikoaren jarduera, 2026-2027 ikasturtearen hasieratik aurrerako ondorioekin (ikastetxea herriko Karrika Nagusiko 14 zenbakian dago eta 31001080 kodea du).
2. Ikastetxeko zuzendaritzak, jarduera bertan behera utzi baino lehen, ikastetxean dauden ikasmaterial eta material administratibo guztien inbentarioa egin beharko du, eta Zigako zinpeko alkateari idatziz eskatu beharko dio ardura dadila hezkuntza-zerbitzuari atxikitako lokalak, eskolako altzariak eta materiala behar bezala gordetzeaz eta mantentzeaz, bai eta jarduera bertan behera uzten duen ikastetxearen dokumentazio akademikoa eta administratiboa zaintzeaz ere, ikastetxean hezkuntza-zerbitzua inoiz berreskuratzen bada ere.
Gorde beharreko dokumentazioa ikastetxearen kudeaketa akademikoari buruzkoa da, hala nola ebaluazio aktak, espediente eta ziurtagiri akademikoak, orientazio txostenak, etab., eta kudeaketa administratibo eta ekonomikoari eta zentroaren kudeaketari buruzkoa, hala nola kide anitzeko organoen aktak (parte hartzeko organoenak eta gobernu organoenak), matrikulen erregistroak, ikastetxeko langileei buruzko erregistroak, kontu liburuak, etab.
3. Nafarroako Ikastetxeen Erregistroan inskribatzea ikastetxearen jarduera bertan behera utzi dela aldi baterako, eta horren berri ematea Hezkuntza, Lanbide Heziketa eta Kirol Ministerioko Ikastetxeen Erregistroari.
4. Ebazpena jakinaraztea Zigako Haur eta Lehen Hezkuntzako Ikastetxe Publikoko zuzendaritzari, Almandozko Haur eta lehen Hezkuntzako Ikastetxe Publikoko zuzendaritzari, Elizondoko "San Francisco Javier" Haur eta Lehen Hezkuntzako Ikastetxe Publikoko zuzendaritzari, Lekarozko BHIko zuzendaritzari, Zigako zinpeko alkateari eta Baztango Batzar Nagusiari, eta adieraztea ezen, Gobernuaren erabakiz ikastetxea behin betiko kentzen bada, Elizondoko "San Francisco Javier" Haur eta Lehen Hezkuntzako ikastetxe publikoak bere gain hartu beharko duela ikastetxeko dokumentazio akademiko eta administratiboaren zaintza, eskualdeko ikastetxe nagusia den aldetik, eta Batzar Nagusiak, erabaki horren jakinarazpena jaso ondoren, zilegi izanen duela Hezkuntza Departamentuko Azpiegituren Zerbitzuari eskatzea eskola-instalazio horien hezkuntza-erabilera desafektatzea.
5. Ebazpen hau igortzea Hezkuntzako Ikuskapen Zerbitzura, Hezkuntzako Azpiegituren Zerbitzura, Irakasleak Hautatzeko eta Lanpostuak Betetzeko Zerbitzura, Aldi Baterako Langileak Kudeatzeko Zerbitzura, Hezkuntza Zerbitzuen eta Ikasketetarako Laguntzen Zerbitzura, Hezkuntzako Informazio Sistemen Zerbitzura, Eleaniztasunaren eta Arte Ikasketen Zerbitzura, Antolamendu, Prestakuntza eta Kalitate Zerbitzura, Inklusio, Berdintasun eta Bizikidetza Zerbitzura, Haur Eskolen eta Landa Eskolen Atalera, Aurrekontuen eta Kudeaketa Ekonomikoaren Atalera, Ikasketetarako Laguntzen eta Hezkuntza Zerbitzuen Kudeaketaren Atalera (Testuliburuak Doan Eskuratzeko Programa) eta Ikastetxeetako Informazioa Kudeatzeko Atalera.
6. Ebazpen hau Nafarroako Aldizkari Ofizialean argitara dadila agintzea.
Iruñean, 2026ko abuztuaren 19an.–Azpiegituretako, Digitalizazioko eta Hezkuntza Zerbitzuetako zuzendari nagusia, Luis Calatayud Yuste.
Iragarkiaren kodea: F2611434
