1. NAFARROAKO FORU KOMUNITATEA
1.7. BESTELAKOAK
177/2026 EBAZPENA, abuztuaren 5ekoa, Azpiegituretako, Digitalizazioko eta Hezkuntza Zerbitzuetako zuzendari nagusiak emana, zeinaren bidez bertan behera uzten baita, aldi baterako, Uxueko Haur eta Lehen Hezkuntzako Ikastetxe Publikoaren jarduera, 2026-2027 ikasturtearen hasieratik aurrerako ondorioekin.
Ikusirik Hezkuntzako Ikuskapen Zerbitzuak eskatuta izapidetu den espedientea, non Uxueko Haur eta Lehen Hezkuntzako Ikastetxe Publikoko matrikula kopuruak behera egiteko inguruabarren berri ematen baita eta jarduera aldi baterako bertan behera uztea proposatzen baita.
Nafarroako Foru Komunitateko Ikastetxe Publikoen Sarea berrantolatzen duen uztailaren 3ko 80/2019 Foru Dekretuaren 2. artikuluan xedatutakoari jarraikiz.
Hezkuntza Departamentuaren egitura organikoa ezartzen duen azaroaren 15eko 245/2023 Foru Dekretuak emandako ahalmenak erabiliz, eta Hezkuntzako Teknologien eta IKT Azpiegituren Zerbitzuak proposaturik,
EBAZTEN DUT:
1. Bertan behera uztea, aldi baterako, Uxueko Haur eta Lehen Hezkuntzako Ikastetxe Publikoaren jarduera, 2026-2027 ikasturtearen hasieratik aurrerako ondorioekin (ikastetxea herriko Arrabal del Sol kaleko 13 zenbakian dago eta 31007801 kodea du).
2. Ikastetxeko zuzendaritzari jakinaraztea ezen, jarduera bertan behera utzi baino lehen, ikastetxean dauden ikasmaterial eta material administratibo guztien inbentarioa egin beharko duela eta Uxueko Udalari idatziz eskatu beharko diola ardura dadila hezkuntza-zerbitzuari atxikitako lokalak, eskolako altzariak eta materiala behar bezala gordetzeaz eta mantentzeaz, bai eta bere jarduera bertan behera uzten duen ikastetxearen dokumentazio administratiboa eta akademikoa zaintzeaz ere, ikastetxearen hezkuntza-jarduera berriz hasten bada ere.
Gorde beharreko dokumentazioa ikastetxearen kudeaketa akademikoari buruzkoa da, hala nola ebaluazio aktak, espediente eta ziurtagiri akademikoak, orientazio txostenak, etab., eta kudeaketa administratibo eta ekonomikoari eta zentroaren kudeaketari buruzkoa, hala nola kide anitzeko organoen aktak (parte hartzeko organoenak eta gobernu organoenak), matrikulen erregistroak, ikastetxeko langileei buruzko erregistroak, kontu liburuak, etab.
3. Nafarroako Ikastetxeen Erregistroan inskribatzea ikastetxearen jardueraren aldi baterako etenaldia, eta horren berri ematea Hezkuntza, Lanbide Heziketa eta Kirol Ministerioko Ikastetxeen Erregistroari.
4. Ebazpena jakinaraztea Uxueko Haur eta Lehen Hezkuntzako Ikastetxe Publikoko zuzendaritzari, Tafallako "Marqués de la Real Defensa" Haur Hezkuntzako eta Lehen Hezkuntzako Ikastetxe Publikoko zuzendaritzari, bai eta Uxueko Udalari ere, eta adieraztea ezen, Gobernuaren erabakiz ikastetxea behin betiko kentzen bada, Tafallako "Marqués de la Real Defensa" Haur eta Lehen Hezkuntzako Ikastetxe Publikoak bere gain hartu beharko duela ikastetxeko dokumentazio akademiko eta administratiboaren zaintza.
5. Uxueko Udalari ohartaraztea ezen, Gobernuak aurreko atalean aipatutako erabakia hartuz gero, eta haren jakinarazpena jaso ondoren, Hezkuntza Departamentuko Azpiegituren Zerbitzuari eskatzen ahalko diola ikastetxeko lokal eta instalazioen hezkuntza-erabilera desafektatzeko.
6. Ebazpen hau igortzea Hezkuntzako Ikuskapen Zerbitzura, Hezkuntzako Azpiegituren Zerbitzura, Irakasleak Hautatzeko eta Lanpostuak Betetzeko Zerbitzura, Aldi Baterako Langileak Kudeatzeko Zerbitzura, Hezkuntza Zerbitzuen eta Ikasketetarako Laguntzen Zerbitzura, Hezkuntzako Azpiegituren Zerbitzura, Hezkuntzako Informazio Sistemen Zerbitzura, Eleaniztasunaren eta Arte Ikasketen Zerbitzura, Antolamendu, Prestakuntza eta Kalitate Zerbitzura, Inklusio, Berdintasun eta Bizikidetza Zerbitzura, Haur Eskolen eta Landa Eskolen Atalera, Aurrekontuen eta Kudeaketa Ekonomikoaren Atalera, Ikasketetarako Laguntzen eta Hezkuntza Zerbitzuen Kudeaketaren Atalera (Testuliburuak Doan Eskuratzeko Programa) eta Ikastetxeetako Informazioa Kudeatzeko Atalera.
7. Ebazpen hau Nafarroako Aldizkari Ofizialean argitara dadila agintzea.
Iruñean, 2026ko abuztuaren 5ean.–Hezkuntzako Azpiegituren Zerbitzuko zuzendaria, Eneko Ardaiz Ganuza. (16/2026 Foru Agindua, martxoaren 11koa, Hezkuntzako kontseilariak emana, zeinaren bidez izendatzen baitira Hezkuntza Departamentuko zuzendaritza nagusietako eta Idazkaritza Tekniko Nagusiko titularrak aldi baterako ordeztuko dituztenak).
Iragarkiaren kodea: F2611433
