Iragarkia

171. ALDIZKARIA - 2026ko abuztuaren 31

1. NAFARROAKO FORU KOMUNITATEA

1.7. BESTELAKOAK

164/2026 EBAZPENA, abuztuaren 13koa, Enpresen Sustapenerako eta Azpiegituretako zuzendari nagusiak emana, zeinaren bidez aurretiazko administrazio-baimena ematen baita 4,14 MW-eko "Estremar" eguzki-instalazio fotovoltaikorako eta horrekin lotutako transformazio- eta ebakuazio-azpiegituretarako Cascanteko eta Murchanteko udal-mugarteetan. Espedientearen kodea: 5481-CE.

1. Aurretiazko administrazio-baimenaren eta eraikitzeko administrazio-baimenaren eskaera.

2024ko martxoaren 24an eta Sektore Elektrikoari buruzko abenduaren 26ko 24/2013 Legearen 53. artikuluan eta Energia elektrikoaren instalazioak baimentzeko prozedurak eta energia elektrikoa garraiatu, banatu, merkaturatu eta haren horniketa egiteko jarduerak arautzen dituen abenduaren 1eko 1955/2000 Errege Dekretuaren 122. eta 130. artikuluetan ezarritakoari jarraikiz, Ríos Renovables SLUk aurretiazko administrazio-baimena eta eraikitzeko administrazio-baimena eskatu zituen instalazio hauetarako:

–"Estremar" eguzki-instalazio fotovoltaikoa eta horrekin lotutako transformazio- eta ebakuazio-azpiegiturak "SET Promotores Tudela 30/66 kV" azpiestazio kolektore/jasotzailera arte, Cascanteko eta Murchanteko udal-mugarteetan (Esp.: 5481-CE). Eguzki-instalazioa Cascanteko 4. poligonoko 307. partzelan dago, 6,27 hektarea inguruko azalera du, eta honako hauek osatzen dute:

• Alde biko 6.336 modulu fotovoltaiko (TSM-NEG21C.20 700-725W modelokoak edo antzekoak), 822,25 W-eko potentzia unitarioa dutenak (1,15 x 715 W), guztira 5.209,776 kWp-eko potentzia-erpinarekin.
• 12 inbertsore fotovoltaiko, SUN GROW SG350HX modelokoak edo antzekoak, 320 kW-eko potentzia izendatua dutenak 40 ºC-an, eta inbertitzaile fotovoltaiko 1, HUAWEY SUN2000-330KTL-H1 modelokoa edo antzekoa, 300 kW-ko potentzia izendatua dutenak 40 ºC-an (4.140 kWn-ko potentzia izendatua guztira).
• 2 transformazio-zentro (SUN GROW MVS3200-LV modelokoa edo antzekoa), 3.200 kVA-ko transformadore batekin eta 30/0,8 kV-eko transformazio-erlazioarekin, bakoitza.
• 30 kV-eko babes eta neurketa zentro bat.
• 30 kV-eko zirkuitu bakuneko lurpeko linea, 170 metro ingurukoa, aipatutako babes- eta neurketa-zentrotik abiatu eta "Collado" eguzki-instalazio fotovoltaikoaren babes- eta neurketa-zentrora doana.

Azaroaren 5eko 997/2025 Errege Dekretuaren 5. artikuluan ezarritakoaren arabera, "Estremar" eguzki-instalazio fotovoltaikoaren potentzia instalatua 4,14 MW-ekoa da.

"Collado" eguzki-instalazio fotovoltaikoaren babes- eta neurketa-zentrotik "SET Promotores Tudela 30/66 kV" azpiestaziorainoko konexioa 5496-CE espedientean izapidetu da; eta Promotores azpiestazioa bera eta 66 kV-eko ebakuazio-linea, "SET Tudela 66 kV" azpiestazioraino (lehendik dago eta I-DE Redes Eléctricas Inteligentes, SAUren jabetzakoa da), berriz, SAT11639 espedientean izapidetu da. Azpiegitura guztiak bost eguzki-instalaziok ("Valoria", "Estremar", "Collado", "Tablar" eta "Baster" instalazioek) partekatzen dituzte, eta aurretiazko administrazio-baimena dute.

2. Jendaurreko informazioaren eta kontsulten lehen izapidea.

Abenduaren 1eko 1955/2000 Errege Dekretuaren 125. artikuluan ezarritakoa aplikatuz, eskaerak, Ríos Renovables, SLUk sustatutako beste lau eguzki-instalazio fotovoltaikoren eskaerekin batera, hots, "Valoria" (5480-CE), "Collado" (5496-CE), "Tablar" (5623-CE) eta "Baster" (5624-CE), jendaurrean jarri ziren 30 egun baliodunez, 2024ko urriaren 17ko 211 zenbakiko Nafarroako Aldizkari Ofizialean iragarkia argitaratuz. Gainera, iragarkia Cascanteko, Murchanteko eta Tuterako udaletara bidali zen, jendaurrean jar zezaten.

Informazio publikoaren lehen tramitean ez zen alegaziorik jaso.

Horrekin batera, eta abenduaren 1eko 1955/2000 Errege Dekretuaren 127. eta 130. artikuluetan ezarritakoa aplikatuz, kontsulta egin zitzaien erakunde hauei, eta taulan adierazten diren txostenak jaso ziren:

Bat etorriz abenduaren 1eko 1955/2000 Errege Dekretuaren 127. eta 131. artikuluekin, Industria Antolamenduaren, Azpiegitura Energetikoen eta Meatzeen Zerbitzuak Ríos Renovables SLUri igorri zizkion aipatutako alegazioak eta txostenak, eta sustatzaileak ere horiei erantzuteko agiriak bidali zituen.

Jasotako alegazioen eta txostenen edukia eta azterketa ebazpen honen I. eta II. eranskinetan laburbiltzen dira.

3. Jendaurreko informazioaren eta kontsulten bigarren izapidea.

Kontsulten izapidean jasotako txostenak ikusita, erakunde sustatzaileak eguzki-instalazio fotovoltaikoen proiektuak aldatuta aurkeztu zituen: "SET Promotores Tudela 30/66 kV" azpiestazioa Cascanteko 11. poligonoko 74. partzelan birkokatu zuen eta hasieran proposatutako ebakuazio-lineen ibilbideak aldatu.

Horrez gain, sustatzaileak baterako ingurumen-inpaktuaren azterketa aurkeztu zuen, eta hori dela-eta, eskaerak bigarren aldiz jendaurrean jarri ziren 30 egun baliodunez, iragarki bat argitaratuta 2025eko irailaren 11ko 181. Nafarroako Aldizkari Ofizialean; era berean, dokumentazioa Nafarroako Gobernu Irekiaren web fitxa egokian argitaratu zen. Gainera, iragarkia Cascanteko, Murchanteko eta Tuterako udaletara bidali zen, jendaurrean jar zezaten.

Informazio publikoaren bigarren tramitean honako alegazio hauek jaso ziren:

–1. alegazioa: Herri-lurren Atala (2025/10/17)

–2. alegazioa: Sustrai Erakuntza Fundazioa (2025/10/22).

–3. alegazioa: Ongaiz-Zangozerriko Ekologistak Martxan elkartea (2025/10/23).

–4. alegazioa: Landazuria-Erriberako Ekologistak Martxan elkartea (2025/10/23).

Horrekin batera, eta abenduaren 1eko 1955/2000 Errege Dekretuaren 127. eta 130. artikuluetan ezarritakoa aplikatuz, kontsulta egin zitzaien erakunde hauei, eta taulan adierazten diren txostenak jaso ziren:

Bat etorriz abenduaren 1eko 1955/2000 Errege Dekretuaren 126., 127. eta 131. artikuluekin, Ríos Renovables SLUri igorri zitzaizkion aipatutako alegazioak eta txostenak, eta sustatzaileak ere horiei erantzuteko agiriak bidali zituen.

Informazio publikoaren eta kontsulten bigarren tramitean jasotako alegazioen eta txostenen edukia eta azterketa ebazpen honen I. eta II. eranskinetan laburbiltzen dira.

4. Informazio publikoaren eta kontsulten hirugarren tramitean.

Paisaiaren eta Landa-lurzoruaren Atalak aurkeztutako hobekuntza-errekerimendua eta Ingurumen Ebaluaziorako Atalak aurkeztutako txostena ikusita, eta kontuan hartuta azaroaren 5eko 997/2025 Errege Dekretuaren 5. artikuluan ezarritako potentzia instalatuaren definizio berria, erakunde sustatzaileak dokumentazio berria aurkeztu zuen, besteak beste, aldaketa hauekin:

–Eguzki-instalazio fotovoltaikoak osatzen dituzten elementu elektrikoen birkonfigurazioa eta horiek ingurune hurbilean eta paisaian integratzeko neurriak sartzea.

–"Tablar" eguzki-instalazio fotovoltaikoaren azalera murriztea, eta, horrenbestez, Cascanteko 4. poligonoko 346. partzela panelik gabe uztea.

–Eguzki-instalazioetatik "SET Promotores Tudela 30/66 kV" azpiestazio kolektore/jasotzailera doan 30 kV-eko ebakuazio-linearen zati bat atzeraematea, ez diezaion eragin Murchanteko 3. poligonoko 1782. partzelari, titulartasun-gatazka baitu.

–"SET Tudela 66 kV" azpiestazioan burutzen den 66 kV-eko ebakuazio-linearen azken zatia atzeraematea, Tuterako Udalarekin afekzioak minimizatzeko akordioa lortu ondoren.

–Ingurumen-inpaktuaren azterketa berria, 2026ko urtarrilekoa.

Aldaketa horiek guztiak direla eta, eskaerek informazio publikoaren hirugarren tramite bat izan zuten 30 egun baliodunez, iragarki bat argitaratuta 2026ko martxoaren 17ko 55. Nafarroako Aldizkari Ofizialean; era berean, dokumentazioa Nafarroako Gobernu Irekiaren web fitxa egokian argitaratu zen. Gainera, iragarkia Cascanteko, Murchanteko eta Tuterako udaletara bidali zen, jendaurrean jar zezaten. Informazio publikoaren hirugarren tramitean honako alegazio hauek jaso ziren:

–5. alegazioa: Cascanteko AR7 banaketa eremuko 1. Sektoreko Konpentsazio Batzordea (2026/04/30).

–2 bis alegazioa: Sustrai Erakuntza Fundazioa (2026/05/04).

Horrekin batera, eta abenduaren 1eko 1955/2000 Errege Dekretuaren 127. eta 130. artikuluetan ezarritakoa aplikatuz, kontsulta egin zitzaien erakunde hauei, eta taulan adierazten diren txostenak jaso ziren:

Bat etorriz abenduaren 1eko 1955/2000 Errege Dekretuaren 126., 127. eta 131. artikuluekin, Industria Antolamenduaren, Azpiegitura Energetikoen eta Meatzeen Zerbitzuak Ríos Renovables SLUri igorri zizkion aipatutako alegazioak eta txostenak, eta sustatzaileak ere horiei erantzuteko agiriak bidali zituen.

Informazio publikoaren eta kontsulten hirugarren tramitean jasotako alegazioen eta txostenen edukia eta azterketa ebazpen honen I. eta II. eranskinetan laburbiltzen dira.

5. Ingurumen-inpaktuaren adierazpena eta lurzoru urbanizaezinean jarduerak egiteko baimena.

Ingurumeneko zuzendari nagusiaren maiatzaren 14ko 377E/2026 Ebazpenaren bidez, aldeko ingurumen-inpaktuaren adierazpena egin zen "Valoria", "Estremar", "Collado", "Tablar" eta "Baster" eguzki-instalazio fotovoltaikoetarako eta "SET Promotores Tudela 30/66 kV" azpiestazio kolektore/jasotzailerako, bai eta haiekin lotutako transformazio- eta ebakuazio-azpiegituretarakoere "SET Tudela 66 kV" azpiestazioraino, betiere, ebazpen-zatian ezarritako neurriak eta ingurumena zaintzeko programari eta lehengoratzeko eta instalazioa kentzeko planari dagokienez ezarritakoa betez.

Besteak beste, ingurumen-organoaren ebazpenak ezartzen du hartan eskatzen diren neurri guztiak "sustatzaileak organo substantiboari aurkeztu beharreko egikaritze-proiektuan sartuko direla eraikuntza-baimena eskatzeko", eta eraikuntza-proiektua baimendu aurretik paisaiaren arloan eskumena duen unitatearen eta Erregistroaren, Ondasun Higigarrien eta Arkeologiaren Atalaren aldeko txostenak izan beharko direla.

Lurralde Antolamenduko zuzendari nagusiaren uztailaren 30eko 344E/2026 Ebazpenaren bidez, lurzoru urbanizaezinean jarduerak egiteko baimena eman zen "Valoria", "Estremar", "Collado", "Tablar" eta "Baster" eguzki-instalazio fotovoltaikoetarako eta "SET Promotores Tudela 30/66 kV" azpiestazio kolektore/jasotzailerako, bai eta haiekin lotutako transformazio-azpiegitura eta ebakuazio-azpiegituretarako ere "SET Tudela 66 kV" azpiestaziora arte.

6. Aurretiazko administrazio-baimenaren proposamena.

Sektore Elektrikoari buruzko abenduaren 26ko 24/2013 Legean eta abenduaren 1eko 1955/2000 Errege Dekretuan xedatutakoa betez, egiaztatuta eta jasota dago Ríos Renovables, SLUk baduela gaitasun legal, tekniko eta ekonomikoa. Era berean, eta abenduaren 1eko 1955/2000 Errege Dekretuaren 123.2 artikuluaren arabera, jasota dago aldeentzako akordio loteslea dagoela "SET Promotores Tudela 30/66 kV" azpiestazioaren erabilera partekatuari dagokionez.

Abenduaren 26ko 24/2013 Legearen 53. artikuluan xedatutakoari jarraikiz, espedientean jasota daude "Estremar" eguzki-instalazio fotovoltaikoa banaketa-sarean sartzeko eta bertara konektatzeko baimenak, I-DE Redes Eléctricas Inteligentes, SAUk emanak.

Horregatik guztiagatik, aurkeztutako agiriak ikusita eta Sektore Elektrikoari buruzko abenduaren 26ko 24/2013 Legean xedatutakoa kontuan hartuta, Industria Antolamenduaren, Azpiegitura Energetikoen eta Meatzeen Zerbitzuko Azpiegitura Energetikoen Atalak ondorioztatu du prozedura behar bezala gauzatu dela, eta proposatu du Ríos Renovables SLU enpresari aurretiazko administrazio-baimena ematea 4,14 MW-eko potentzia instalatua duen "Estremar" eguzki-instalazio fotovoltaikorako, baita haren transformazio- eta ebakuazio-azpiegituretarako ere, Cascanteko eta Murchanteko udal-mugarteetan.

Adierazitakoarekin bat, martxoaren 11ko 11/2019 Foru Legearen 32. artikuluak ematen dizkidan eskudantziak erabiliz (11/2019 Foru Legea, Nafarroako Foru Komunitateko administrazioari eta foru sektore publiko instituzionalari buruzkoa), honako hau

EBAZTEN DUT:

1. Ríos Renovables SLUri aurretiazko administrazio-baimena ematea 4,14 MW-eko potentzia instalatua duen "Estremar" eguzki-instalazio fotovoltaikorako, baita haren transformazio- eta ebakuazio-azpiegituretarako ere, Cascanteko eta Murchanteko udal-mugarteetan.

2. Aurretiazko administrazio-baimen hau emanda ere, instalazioa gauzatzeko beharrezkoak diren kontzesio, lizentzia eta baimen guztiak, publikoak nahiz pribatuak, lortu beharko ditu instalazioaren eskatzaileak, aplikatzekoak diren beste xedapen batzuekin bat.

3. Ebazpen hau igortzea Industria Antolamenduaren, Azpiegitura Energetikoen eta Meatzeen Zerbitzuari, Ingurumen Ebaluazioaren Atalari, Paisaiaren eta Landa Lurzoruaren Atalari, Herri Lanen eta Azpiegituren Zuzendaritzaren Zainketa Atalari, Nekazaritzako Azpiegituren Zerbitzuaren Herri-lurren Atalari, Ondare Historikoaren Zerbitzuaren Ondare Arkitektonikoaren Atalari eta Erregistroaren, Ondasun Higigarrien eta Arkeologiaren Atalari eta Gobernu Irekiaren eta Herritarrentzako Arretaren Zerbitzuari, behar diren ondorioak izan ditzan.

4. Ebazpen hau Nafarroako Aldizkari Ofizialean argitaratzea, orok jakin dezan.

5. Ebazpen hau jakinaraztea Ríos Renovables SLUri, i-DE Redes Eléctricas Inteligentes SAUri, Nafarroako autobideak SAri (AUDENASA), Autopista Vasco-Aragonesa Concesionaria Española, SAri, Trenbide Azpiegituren Administratzaileari (ADIF), Garraioko eta Mugikortasun Jasangarriko Ministerioari, ENAGASi, al Corellako Ureztatzaileen Sindikatuari, Murchanteko Ureztatzaileen Sindikatuari, Comunidad de Regantes Campo Nuevo Asociacióni, Tuterako Comunidad de Regantes de Huertas Mayores y Campos Unidosi, Sustrai Erakuntza fundazioari, Landazuria-Erriberako Ekologistak Martxan elkarteari, Ongaiz-Zangozerriko Ekologistak Martxan elkarteari eta Cascanteko AR7 banaketa eremuko 1. Sektoreko Konpentsazio Batzordeari, eta ohartaraztea ebazpenak ez duela administrazio bidea agortzen eta haren aurka gora jotzeko errekurtsoa paratzen ahalko dela, Industriako eta Enpresen Trantsizio Ekologiko eta Digitalerako kontseilariari zuzendua, jakinarazi eta biharamunetik hasita hilabeteko epean. Hartan, espediente kodea adierazi beharko da.

6. Ebazpen hau jakinaraztea Cascanteko Murchanteko eta Tuterako udalei eta Ebroko Konfederazio Hidrografikoari, eta aditzera ematea honen kontra administrazioarekiko auzi errekurtsoa paratzen ahalko dela, eskumena duen ordena jurisdikzionalari zuzendua, bi hilabeteko epean, honako hau jakinarazi eta biharamunetik hasita, alde batera utzi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.

Iruñean, 2026ko abuztuaren 13an.–Enpresen Sustapenerako eta Azpiegituretako zuzendari nagusia, Iñigo Arruti Torre.

I. ERANSKINA.–JASOTAKO ALEGAZIOAK

Jaso diren alegazioen laburpena eta azterketa azalduko dira jarraian.

1. alegazioa. Herri-lurren Atala.

2025eko urriaren 17an, Herri-lurren Atalak alegazioa aurkeztu zuen bigarren informazio publikoan argitaratutako dokumentazioaren aurrean. Espedientean jasotako partzela batzuen titulartasunari buruzkoak dira: Nafarroako Lur-ondasunen Erregistro komunalean, errore bat dela eta, titulartasun partikularreko partzela gisa agertzen diren arren, herri-lurrak dira berez. Atal beraren ondorengo txostenean, zerrenda osatu eta egoera berean dauden partzela gehiago adierazten dira.

Erantzuna:

Erakunde sustatzaileak horren berri izan du, eta kontuan hartuko du aurrerantzean.

2. eta 2 bis alegazioak. Sustrai Erakuntza fundazioa.

2025eko urriaren 22an, Sustrai Erakuntza fundazioak alegazio-idazki bat aurkeztu zuen, bi ataletan egituratuta:

–Lehenengoa orokorra da, eta adierazten du ez dagoela plangintzarik Nafarroan parke eolikoak eta eguzki-parkeak instalatzeko, horrelako proiektuek ez dutela aztertzen Nafarroako energia-egoera, ez haiek egitean sortutako CO2 isuriak ere, eta ingurumen-afekzio larriak eragiten dituela naturaguneetan.

–Bigarren atalean, "Valoria" (5480-CE), "Estremar" (5481-CE), "Collado" (5496-CE), "Tablar" (56283-CE), eta "Baster" (5624-CE) eguzki-instalazio fotovoltaikoen eta haien ebakuazio-azpiegituren proiektuei eta haien ingurumen-inpaktuari buruzko alegazio espezifikoen atal bat dago. Proiektu horiek 2025eko irailaren 11ko 181. Nafarroako Aldizkari Ofizialean argitaratu ziren. Zehazki, honako hau alegatzen da:

• Proiektuak zatikatuta daudela, behar ez bezala, eta horrek ingurumen-inpaktu sinergikoak eragin ditzakeela.
• Lurzoruaren kalitatea eta paisaiaren kalitatea galtzeko arrisku handia dagoela.
• Instalazioen espazio-banaketan egindako aldaketek, lehen informazio publikoarekin alderatuta, ez dute argi uzten atzemandako miru beltzaren habia babestuko denik, eta uste da jarduerak, oro har, kalte larriak eragiten dizkiola faunari.
• Proiektua, oro har, bateraezina dela Cascanteko udalerriko hirigintza- eta lurralde-araudi eta -jarraibideekin, ez dela betetzen jardueraren antolamendu sektorialari buruzko araudia, 64/2006 Foru Aginduaren arabera, eta ez dela betetzen Nafarroako abelbideei buruzko 19/1997 Foru Legea, Tarazonako adarrari dagokionez.

Azkenik, proiektua baliogabetzeko eskatzen du, eta "hedaduraz, abian diren mota horretako proiektu guztiak geldiarazteko, eta Nafarroan behar dugun energia-ereduari buruzko hausnarketa- eta plangintza-prozesu egoki bat irekitzeko", eta eskatzen du espediente honetan interesduntzat hartzeko eta ematen zaion ebazpena jakinarazteko.

2026ko maiatzaren 4an, Sustrai Erakuntza fundazioak beste alegazio idazki bat aurkeztu zuen informazio publikoaren hirugarren tramitean argitaratutako dokumentazioaren aurrean, eta berriro alegatu zuen 2025eko urriaren 22ko alegazioen bigarren atalean jasotakoa.

Erantzuna:

Proiektua Nafarroako energia-egoerarako egokia izateari dagokionez, esan beharra dago proiektuan betetzen direla Sektore Elektrikoari buruzko abenduaren 26ko 24/2013 Legeak ezartzen dituen baldintzak eta helburuak, eta bat datorrela Estatuko sektore elektrikoaren planarekin eta 2030erako Nafarroako Energia Planarekin, zeinak, betiere, izaera orientagarria baitu.

Ingurumen-gaiak Ingurumeneko zuzendari nagusiaren maiatzaren 14ko 377E/2026 Ebazpenean ebaluatuta daude. Ebazpen hartan bost eguzki-instalazio fotovoltaikoen eta haiei lotutako transformazio- eta ebakuazio-azpiegituren ingurumen-inpaktuaren adierazpenaren aldeko txostena egin zen.

Lurraldearekin loturiko gaiak Lurralde Antolamenduko zuzendari nagusiaren uztailaren 30eko 344E/2026 Ebazpenean ebaluatu dira. Ebazpen horren bidez, lurzoru urbanizaezinean jarduerak egiteko baimena ematen da.

Azkenik, Administrazio Publikoen Administrazio Prozedura Erkideari buruzko urriaren 1eko 39/2015 Legearen 4. artikuluan xedatutakoaren arabera, interes ekonomiko eta sozialen ordezkari diren elkarte eta erakundeak interes kolektibo legitimoen titular izanen dira legeak onartzen dituen baldintzetan.

3. alegazioa. Ongaiz-Zangozerriko Ekologistak Martxan elkartea.

2023ko urriaren 23an, Zangozerriko Ongaiz-Ekologistak Martxan elkarteak alegazio-idazkia aurkeztu zuen, Sustrai Erakuntza fundazioak aurkeztutakoaren (2. alegazioa) ildo berean. Idatziarekin batera, atal bat dago, non zenbait alternatiba iradokitzen baitira energia-kontsumoa murrizteko, energia-eraginkortasuna hobetzeko, autokontsumorako eta erregai fosilak energia berriztagarriekin ordezkatzeko, eta azken atal ere badu, non iradokitzen baitu Ingurumen Erantzukizunari buruzko urriaren 23ko 26/2007 Legea aldatzea.

Erantzuna:

Sustrai Erakuntza fundazioari emandako erantzuna (2. alegazioa).

4. alegazioa. Landazuria-Erriberako Ekologistak Martxan elkartea.

2025eko urriaren 23an, Landazuria-Erriberako Ekologistak Martxan elkarteak alegazio-idazki bat aurkeztu zuen, Zangozerriko Ongaiz-Ekologistak Martxan elkarteak aurkeztutakoaren ia testu bera zeukana (3. alegazioa).

Erantzuna:

Erantzun moduan har dadila Ongaiz/Zangozerriko Ekologistak Martxan elkarteari (3. alegazioa) emandako erantzuna.

5. alegazioa. Cascanteko AR7 banaketa eremuko 1. Sektoreko Konpentsazio Batzordea.

2026ko apirilaren 30ean, Cascanteko AR7 banaketa eremuko 1. Sektoreko Konpentsazio Batzordeak alegazioa aurkeztu zuen informazio publikoaren hirugarren tramitean argitaratutako dokumentazioaren aurrean, eta adierazi zuen Cascanteko AR-7 banaketa eremuko 1. Sektoreko eremua zeharkatzen duen 66 kV-eko ebakuazio-linearen zati batean horrek eragindako partzelek lurzoru urbanizagarri kalifikazioa dutela eta batzorde hori dela partzela haien titularra. Horregatik guztiagatik, eskatzen du 66 kV-eko ebakuazio-azpiegituraren trazadura zuzentzea eta doitzea (SAT11639 espedientearen barruan), Cascanteko udal-mugartetik igarotzen den tartean, ez dezan inolako okupaziorik eragin, ez aldi baterakorik ez iraunkorrik, ez bestelako inolako afekziorik izan Cascanteko AR-7 Banaketa Eremuko 1. Sektoreko espazio-eremuan sartuta dauden partzela publiko edo pribatuetan.

Erantzuna:

Erakunde sustatzaileak horren berri izan du, eta adierazi du bilera bat egiteko borondatea duela Cascanteko AR-7 Banaketa Eremuko 1. Sektoreko Konpentsazio Batzordearekin (Cascanteko Udala bera ere horren parte da), proiektuaren alderdiei horren berri emateko eta linea eragin gutxien sortzen duen moduan trazatzeko.

II. ERANSKINA.–JASOTAKO TXOSTENAK

Jarraian, jasotako txostenen laburpena eta azterketa azalduko dira.

1. txostena. Nafarroako Autobideak (AUDENASA).

AUDENASAren 2024ko azaroaren 6ko txostenak adierazten du, dokumentazio teknikoa berrikusi ondoren, egiaztatu dela AP-15 autobidean ez duela eraginik instalazio fotovoltaikoen ebakuazio-azpiegiturak, eta, beraz, ez duela eskumenik horri buruzko txostena emateko.

2. txostena. Plangintzaren eta Ustiapenaren Zuzendariordetza Nagusia.

Garraioko eta Mugikortasun Jasangarriko Ministerioko Plangintzaren eta Ustiapenaren Zuzendariordetza Nagusiaren txostenak, 2024ko azaroaren 7an sinatutakoak, adierazten du proiektuen eremuak ez diola eragiten Estatuko errepide-sareari, eta, beraz, ez dela egokia txostena egitea.

3. txostena. Tuterako Udala.

Tuterako Udalaren 2024ko azaroaren 14ko txosten teknikoak agerian uzten du zenbait arazo daudela ebakuazio-linea informazio publikoaren lehen tramitean jendaurrean jarritako proiektuetan egin nahi zen lekutik egiteko.

Erantzuna:

Jasotako txostenak ikusita, erakunde sustatzaileak aldaketak aurkeztu zizkien proiektuei, eta berriz ere kontsulta egin zion Tuterako Udalari hurrengo kontsulta-izapideetan.

4. txostena eta 4 bis txostena. Paisaiaren eta Landa-lurzoruaren Atala.

Paisaiaren eta Landa Lurzoruaren Atalak 2025eko urtarrilaren 10ean eta 2025eko otsailaren 26an bi hobekuntza-eskakizun aurkeztu zituen informazio publikoaren lehen tramitean jendaurrean jarritako proiektuetan egiteko, zenbait txosten sektorialekin batera. Besteak beste, eskatzen zuen berriro azter zedila instalazioen ebakuazio-linearako proposatutako trazadura, inguruan dauden zenbait aztarnategi arkeologikori eragiten baitie.

2025eko azaroaren 26an, atal horrek berak hobetzeko errekerimendu bat aurkeztu zuen informazio publikoaren lehen tramitean jendaurrean jarritako proiektuen aurrean, zenbait txosten sektorialekin batera.

Erantzuna:

Jasotako txostenak ikusita, erakunde sustatzaileak aldaketak aurkeztu zituen proiektuetan, eta horien harira Lurralde Antolamenduko zuzendari nagusiaren uztailaren 30eko 344E/2026 Ebazpena eman zen. Ebazpen horren bidez, lurzoru urbanizaezinean jarduerak egiteko baimena ematen da.

5, 5 bis eta 5 ter txostenak. Ingurumen Ebaluazioaren Atala.

Besteak beste, Ingurumen Ebaluaziorako Atalaren 2025eko urtarrilaren 14ko txostenean adierazten da bost eguzki-instalazio fotovoltaikoen multzoak eta haietatik "SET Tudela 66 kV" azken ebakuazio-puntura arteko ebakuazio-azpiegiturek ingurumen-inpaktuaren azterketa bakarra behar zutela.

2026ko otsailaren 12an, Ingurumen Ebaluaziorako Atalak nahitaezko txostena aurkeztu zuen, eta ingurumen-inpaktuaren azterketaren barruan berriz aztertu beharreko zenbait alderdi jaso zituen. 2026ko martxoaren 25ean, atal horrek txosten laburra aurkeztu zuen, aurreko txostenetan egindako oharrak indarrean zeudela irizteko.

Erantzuna:

Sustatzaileak ingurumen-inpaktuaren baterako azterlana aurkeztu zuen, eta araudiaren arabera izapidetu zen. Ingurumeneko zuzendari nagusiaren maiatzaren 14ko 377E/2026 Ebazpenaren bidez, proiektuari buruzko ingurumen-inpaktuaren adierazpena egin da, aldekoa.

6. txostena. Ebroko Konfederazio Hidrografikoa (CHE).

2025eko irailaren 19an, Ebroko Konfederazio Hidrografikoak txosten-eskaera jaso izanaren agiria aurkeztu zuen, eta N/REF 2025-OI-795 zenbakia esleitu zion.

Erantzuna:

Erakunde sustatzaileak konpromisoa hartzen du Ebroko Konfederazio Hidrografikoan izapidetzeko ibilguak gurutzatzeko baimena, bai eta polizia-eremuan obrak eta jarduketak egiteko baimena ere.

7. txostena eta 7 bis txostena. Murchanteko Ureztatzaileen Sindikatua.

2025eko urriaren 15ean, Murchanteko Ureztatzaileen Sindikatuko presidenteak eskatu zuen, beren jardueran arazorik ez izateko, edozein ureztatze-elementuk eragina izanen duela ikusitakoan, jardun aurretik, Murchanteko Ureztatzaileen Komunitatearekin harremanetan jartzeko, obra gauzatzeko modurik eta datarik onena adostu ahal izateko.

2025eko martxoaren 18an, Murchanteko Ureztatzaileen Sindikatuak adierazi zuen ez zegoela proiektuak baimentzearen aurka, eta 2025eko urriaren 15eko txostenean adierazitakoa errepikatu zuen.

Erantzuna:

Erakunde sustatzaileak horretarako konpromisoa hartzen du.

8. txostena. Trenbide Plangintzarako Zuzendariordetza Nagusia.

Garraioko eta Mugikortasun Jasangarriko Ministerioko Trenbide Plangintzaren Zuzendariordetza Nagusiak 2025eko urriaren 15ean egindako txostena jaso zen. Txosten horretan adierazten denez, Zuzendariordetza hori "Abiadura handiko korridore kantauriar-mediterraneoaren informazio-azterlan osagarria. Tartea: Zaragoza-Castejón" idazteko prozesuan dago. Azterketa horrek, txosten honen xede den eremuan, "Abiadura handiko korridore kantauriar-mediterraneoaren informazio-azterlana. Tartea: Zaragoza-Castejón" ordezkatuko du. Azterlan hori 2023ko martxoan jarri zen jendaurrean (Estatuko Aldizkari Ofiziala, 77. zk., 2023ko martxoaren 31koa). Idazteko prozesuan dagoen azterlanean aurreikusten ari diren trazadurek bi aukera dituzte, eta, horietan gurutzatzea egon liteke energia "Promotores Tudela 66/30kV" azpiestaziora ebakuatzen duen 66 kV-eko ebakuazio-linearekin (SAT 11639).

Zuzendariordetza honek Paisaiaren eta Landa-lurzoruaren Atalari egindako 2025eko urriaren 23ko ondorengo txostenean adierazten denez, tren-azpiegiturarekin gurutzatzea saihestu ezin bada eta hori lurpean egiten bada, ahalegindu beharko da ebakuazio-lineen goiko sestrak aukera ematea trenbide bidea proiektatutako asentu-geruza eta forma-geruza guztiekin igarotzeko (gutxienez 1,25 metroko lodiera, trabesaren azpian). Baldintza hori betez, gurutzaketa bateragarritzat jotzen da aurreikusitako trenbide-azpiegiturarekin.

Erantzuna:

Erakunde sustatzaileak bi txostenen berri izan du, eta konpromisoa hartzen du Trenbide Sektorearen irailaren 29ko 38/2015 Legean eta hura garatzeko erregelamenduan ezarritako babes-baldintzak betetzeko, eta, ondorioz, konpromisoa hartzen du trenbide-azpiegituraren administratzaileari une egokian beharrezkoak diren baimenak eskatzeko.

9. txostena. Tuterako Huertas Mayores y Campos Unidos Ureztatzaileen Elkartea.

2026ko apirilaren 1ean, Tuterako Huertas Mayores y Campos Unidos Ureztatzaileen Elkarteak txosten bat aurkeztu zuen, zeinean esaten baitzuen kezkatuta dagoela bere ureztatzeko eremuan proiektatutako ebakuazio-azpiegiturek eragin negatiboa izan dezaketela Nafarroako Ubidearen II. fasea Erriberara iristean etorkizunean ureztatzea modernizatzeko dituzten asmoetan.

Erantzuna:

Entitate sustatzaileak berri izan du hark zer afekzio izan ditzakeen, eta konpromisoa hartzen du Tuterako Huertas Mayores y Campos Unidos Ureztatzaileen Elkartearekin harremanetan jartzeko, behar diren baimenak lortzeko.

Iragarkiaren kodea: F2611176